嚐品慕茶 (已結業)

工廈成日都有驚喜，近日的新發現，就是牛頭角嚐品慕茶。在悠閒環境中，品嚐CP值超高的抹茶和風下午茶。食物質量不俗，最重點是人均消費約HKD 150，實在值得推薦。嚐品慕茶裝修很有格調，更會與本地藝術家合作舉辦小型作品展覽，打造成一個藝文空間，絕對是一個影相打卡好地方。最近，嚐品慕茶與日本老字號茶行丸安茶葉合作，設計出以抹茶為主題的和風下午茶。供應期由即日起至6月底，HKD258 兩位用。甜品部分，極為吸引：最喜歡蜂蜜岩燒抹茶蛋糕，柔軟的海綿蛋糕茶味芳香，表面的蜂蜜芝士岩燒層更將味道次層進一步提升；小富士山造型的抹茶芝士蛋糕賣相可愛，茶味濃郁、口感幼滑；牛乳抹茶紅豆雙色奶凍奶味濃郁；抹茶手工雪糕與三色白玉亦屬中上水平，整體不俗。鹹品部分：素炸雞槌配抹茶芝士醬可說十分特別，以腐皮逐層捲成雞槌形狀，再以日式吉列方法沾粉炸成金黃酥脆的炸雞槌，沾上抹茶芝士醬，味道層次豐富；另外還有日式照燒牛肉滑蛋三文治、抹茶冷麵、牛油果煙三文魚蟹籽酥盒、巴馬火腿哈蜜瓜卷，份量十足。另外，加HKD 30可以升級享用日式芭菲特飲，可以自選焙茶、抹茶或玄米抹茶味手工雪糕，伴上馬卡龍、白玉、海綿蛋糕、抹茶蕨餅及即製法式可

朋友前排曾到九龍灣工廈嘅嚐品慕茶cafe，品嚐和風抹茶下午茶，食過覺得味道不錯，特意告訴我這個抹茶控，叫我務必要去 ; 今個星期六晚，我和同時係抹茶控既老公懷着興奮心情前往。於地鐵牛頭角站前往嚐品慕茶cafe，大概需時9分鐘，而我和老公搭巴士前往，於觀塘道休憩處站落車，只需五分鐘路程就到，行到工厦門口已擺放着幾個嚐品慕茶既横額，非常易找。我倆一進入餐廳內，深深被眼前嘅環境吸引著 ; cafe地方寬敞，有花朵、木枱、木做車仔襯托着，充滿田園氣息 ; 多盞美麗嘅鳥籠燈飾掛在天花上，非常優美 ; cafe既另一邊，擺放了各類型嘅畫，增添了不少文清氣息。精選套餐餐牌:我要E餐 ~ 紐西蘭一級西冷牛扒配薯條($152)牛扒煎得不錯，達到我要求既6成熟，肉質天然，鮮甜多汁 ; 薯條炸得香脆，好滋味。老公要B餐 ~ 傳統卡邦尼意大利麵($78)意粉火喉恰到好處，煙韌而不過腍，醬汁有濃郁嘅芝士味，口感creamy，配合鹹香嘅煙肉，味道一流。是日餐湯(蘑菇湯)+番茄多士(跟餐加$15)菇味濃郁，奶油般既濃湯細緻綿密，醇香滿口，配合烤至外脆內軟嘅蕃茄多士，暖心又暖胃。甜品 ~ 抹茶批配是日雪糕(鐵觀音雪糕

有次收工途經過發現呢間餐廳,幾日後既今天終於試左了全場得2位 Staff,人客不算多,大部份都2點後先黎食佢新出既Tea set(需預訂)因我一個人所以只叫左一個午餐:燒美國安格斯一口牛伴黑松露燴飯!份量:正常味道:一口牛:有好多筋無乜牛味如改用牛柳會更好/燴飯:濕度做得幾好但黑松露唔夠，無個種入口後整個口腔足滿黑松露味。。因我係黑松露控所以有點失望!溫度:溫度可以接受,如再熱d會更好!以$138呢個價錢黎講唔算好抵食,希望可以改善下

食物質素一段, 食完完全無印象;人手不足;店內有自助"針"水, 但坐底後店員無講比我地知,該位置亦無提示, 對第一次去的客人有點迷茫;坐底後射燈照正你對眼, 要求調位(當時9成空台)但吾比調, 店員將射燈市重新調教角度, 問題就解決左;出菜慢, 如果想將所有食物及飲品一次過影相,你係無辦法的因為;先嚟甜點, 15分鐘後出咸點, 再等30分鐘左右, 你杯飲品先嚟, 仲要2杯嚟的時間吾同;等得出咸點, 你的雪糕會溶左, 等得出飲品,你D嘢食晒;當然我係照食吾等;想相機食先的朋友要留意;價錢方面, 以工廠區,無咩招呼, 食品普通,賣相都正常,算一舨合理但無下次~

滿心期待以抹茶為主題的和風下午茶，總括來說最後還是有點失望呢說的是由「嚐品慕茶」與日本老字號茶行「丸安茶葉」合作設計出的抹茶下午茶喔餐廳距離牛頭角地鐵站不算很近~走得快也要行10分鐘左右才到而且我差點就miss了入口 ... >皿< 地址說的"閣樓"其實是上一層樓梯就到的M/F！由於餐龐說訂位人數有點多，所以將下午茶分成了三個時段幸好我們是選擇了第一個時段 (下午2點)，不然就需要排著隊等位 (╯3╰)因為店面的員工實在很少，即使埋單也花了近半小時才完成抹茶和風下午茶 ($258/兩人用) 我們這份是三人用。食物一樣，份量會有點不同~但我忘了是多少錢 Orz鹹點帶五款，是放在屋型架上的喔 (￣▽￣)不過要說當中最特別的應該是 - 素炸雞槌配抹茶芝士醬其實有點像腐皮卷那樣子～配的醬就是芝士味很濃郁，這有點蓋過了抹茶的味道。酥脆的牛油果煙三文魚蟹籽酥盒、哈蜜瓜有點細的巴馬火腿哈蜜瓜卷、日式燒照牛肉滑蛋三文治 - 麵包吃起來有點甜。抹茶冷麵則是另外一樣有加入抹茶元素的鹹點～有少少的茶香，口感很彈牙呢甜品方面，之後發現應該有五款的 ... 但店家原來給漏了抹茶手工雪糕牛乳抹茶紅

我同朋友都係綠茶控見到新假期介紹呢個綠茶下午茶就梗係要試下啦！不過就比新假期地址fick左，以為近Kwun tong 站，但係應該近牛頭角站最後行海濱，當散步啦！講返正題，我地2個人就係叫左1個下午茶set，已經食到非常之飽飽同滿足個set有分咸點同甜點，甜點既綠茶雪糕超有綠茶味真係勁好好好好好食！好似座山咁既係綠茶芝士蛋糕，味係幾好，不過食到最後有小小 “漏”綠茶奶凍口感都幾好，但係就普通左小小最最最好味就係蜂蜜綠茶蛋糕，唔甜又鬆軟，真係出面食一個都六七十蚊啦咸點都係好味既，惟獨係素雞麻麻地環境方面可以接受，唔多打卡位但係好岩傾計呢個下午茶set真係好好好抵性價比高，推薦

抹茶控不可不知的Tea Set﹗熱食甜品都是以抹茶為主題的和風下午茶！價錢非常優惠，兩位吃應該吃不完！Tea set共有十款食品，包括素炸雞槌配抹茶芝士醬，看似雞槌，其實是以腐皮逐層捲成雞槌形狀最愛甜品是全港首創蜂蜜岩燒抹茶蛋糕，蛋糕柔軟綿密，表面的蜂蜜芝士岩燒層更是靈魂所在～

我今日來到一間位於觀塘Cafe的嚐品慕茶，在4月至6月期間，與有140年歷史的日本老字號茶行「丸安茶葉」合作，推出抹茶為主題的和風下午茶，共有10款鹹甜點，當中有富士山抹茶蛋糕、蜂蜜岩燒抹茶蛋糕，以及素炸雞槌等。亦可另加$30歎日式芭菲特飲，自選焙茶、抹茶或玄米抹茶味手工雪糕。上層是馬卡龍、白玉、海綿蛋糕、抹茶蕨餅及即製法式可麗餅，而下層以玉米片、忌廉等，口感層次十足和飽受滿足感，因一次可品嚐多種口味。總括來說，如兩位女士來下午茶聚會傾計是一個不錯的地方，但大食的我，今天吃兩人份量的……平時下午茶份量是可以，可是今次蜂蜜蛋糕實在太大件有些包肚。對於喜愛抹茶人士值得一來試試，Cafe有成3000呎，各位可渡過一個休閒的下午。

最近太忙都冇乜點去試新野同寫食記，趁難得優閒的星期六來個High tea，今次不是到酒店，而是到位於工廈的tea，抹茶和風下午茶，聽到是抹茶已夠吸引呀。 M/F。 餐廳除了推出抹茶和風下午茶外，還有一個本地藝術家Miss FAT合作的小型作品展，這樣的合作蠻不俗，可更認識多點本地藝術，身處餐廳裡又可欣賞一番。 餐廳在工廈裡，但內堂設計並不遜色，環境頗大，且甚有空間，佈置上小清新之感，坐得舒適。 梳化必好舒服，適合一班人。 抹茶和風下午茶。 抹茶和風下午茶 素炸雞槌配抹茶芝士醬 日式照燒牛肉滑蛋三文治 抹茶冷麵 牛油果煙三文魚蟹籽酥盒 巴馬火腿哈蜜瓜卷 岩燒蜂蜜抹茶蛋糕 牛乳抹茶雙色奶凍 抹茶芝士蛋糕 抹茶手工雪糕 三色白玉 每兩位$258 每位包括抹茶、培茶或玄米茶拿鐵一杯 可加$30升級享日式芭菲特飲 5款甜點。 5款鹹點。 抹茶手工雪糕，雪糕本身不是太溶的，只因先上了雪糕再加影相之下變溶了，即盡快食，有濃郁的抹茶味，幾好食呀。 抹茶芝士蛋糕，外型像是富士山，口感厚實，芝士味濃蓋過了淡淡的抹茶味。 岩燒蜂蜜抹茶蛋糕。 好大個蛋糕，面層甜甜地，口感軟

見係期間限定，同老友try try，真係冇諗過星期一食個tea 都會甘多人！老老實實，間野嘅位置就唔算就腳嘅，不過又唔算好難搵，上到去地方比想像中大同光猛，同朋友hea下都係幾好嘅選擇。今次4個人食，有d衝動同蠢左，叫左兩份tea set,(就係俾期間限定充昏左頭腦），總的來說，個set 不過不失，鹹點方面唔太大驚喜，個冷麵仲真係唔多ok.可以佢主打都係甜品，綠茶雪糕同綠茶芝士蛋糕真係值得一讚！其實個餐份量都幾大，我地貪過癮全部upgrade 左野飲做葩菲....總結飽到上心口，因為個餐本身都有雪糕，葩菲又再多兩球...好食還好食，但真係食唔到甘多😂下次order 要醒目d

今天是放假的日子，我約了很久冇見面的舊同學吃晚餐，經朋友介紹，我們決定來到這間樓上cafe試一試，看到門外餐牌上的選擇定價亦算合理，而店內環境非常寬敞和清潔衛生，能夠給我一種很舒服的感覺燒美國安格斯一口牛伴黑松露繪飯($138)意大利飯十分黏口很重香濃忌廉味，份量很多，安格斯一口牛非常軟彈煙韌，質素十分高，份量足夠多紐西蘭一級西冷牛扒配薯條($152)西冷牛扒軟彈煙韌，配上清甜的燒汁，薯條脆口，瓜爽口微彈，西蘭花爽彈鮮美，價錢相對合理抹茶批配奶茶雪糕($28)抹茶味十分濃郁，十分甘甜，批底脆口法式檸檬撻配奶茶雪糕($28)檸檬撻味道清新甘香，自家製奶茶雪糕別樹一格，奶茶味十分香濃番茄湯配多士($15)用大量番茄熬成的番茄湯，十分鮮甜，番茄味十分突出，多士十分多，質素挻高整體來說，食物的用料十分新鮮，食物都是即叫即做的，所以食物的温度足夠熱，食物的質素十分高，食物的份量很多，價錢相對合理，店員有良好的服務態度，有禮貌，所以我認為這間餐廳值得再去惠顧

名不符實,價錢不值.地方雖大,但不算整潔.招呼一般,兩杯飲品,先來一杯,隔10分鐘才來另一杯.先來甜點,後來咸點,咸點的三文治及炸雞搥,只可以說是茶餐廳貨色.以食材及味道而言,收二百元還可接受,現在連加一要$284元,實在不值.(如飲凍飲還要加錢)

日本人一向喜歡喝抹茶，並將抹茶溶入食物中，令抹茶成為生活中不可或缺的美食。而近年，這股抹茶熱亦漸漸在香港擴大，BeautySearch 身邊便有不少『抹茶控』每當市場推出抹茶新品，便忍不住口即時品嚐。 而近期，以中國茶做主題的意式手工雪糕品牌「嚐品慕茶」，與日本老字號茶行「丸安茶葉」合作，推出抹茶主題和風下午茶，相信又會令不少『抹茶控』失控！ 餐廳位處觀塘工廈，地方相當寬敞，空間感十足，店內設計賦文青感覺，而且，還注入了不少藝術元素，皆因「嘗品慕茶」與本地年輕藝術家 Miss Fat 舉辦了一個小型作品展覽，展出了 Miss Fat 的畫作、手繪雕塑，而當中的作品主題都是圍繞著香港，並配合繽紛的色彩，令店子更添藝術氛圍。 而今次品嚐的下午茶套餐是「嘗品慕茶」與日本老字號茶行「丸安茶葉」聯乘，設計出以抹茶為主題的抹茶和風下午茶套餐 (HK$258/ 2位)。 率先上枱的是以小屋型木架而上的鹹點，當中包括了日式照燒牛肉滑蛋三文治、素炸雞槌配抹茶芝士醬、牛油果煙三文魚蟹籽酥盒、巴馬火腿哈蜜瓜卷，以及抹茶冷麵。 平常吃下午茶，BeautySearch 最愛先吃有水果的鹹點，今次也不例外，「

原本見雜誌介紹就想去試......，點知去到等左半個鐘無人理之後先同你講...佢個抹茶和風下午茶係要book 而家無晒料，之後就話俾你聽下晝重有單要留俾下晝，都唔緊要，咁你可以一早講我地知道唔洗白等，我之前重有一pair 又係等左好耐，如果係咁你就一早話俾人知，無得walk in 啦浪費人地時間，好差

叫左一個抹茶和風下午茶，甜品唔錯，好濃厚既綠茶味，可惜鹹點唔掂當，大部分都無味道，三文治又乾又硬。入左餐廳叫佢上tea set，等左半個鐘先知未落order，原來未叫餐飲都未算落order，侍應先上甜點，再上鹹點，感覺奇怪，食晒甜品都未上到鹹點。餐飲叫涷玄米抹茶latte，d 冰已經熔晒，睇黎員工需要多加培訓，人手完全不足，現場只有2個侍應，客人需要自助拎水，水杯同碟。隔離果枱客等唔切走左，餐廳已經唔收walk in客，再賣廣告餐廳根本應付唔黎，希望可以改善！