嘉麟樓

营业中

休息中

同朋友join左package，包括嘉麟樓既6道菜晚餐，前菜琥珀合桃香脆好食，蜜汁叉燒&花雕醉雞，兩樣都好食，叉燒肉質鬆軟，但個人較喜歡醉雞多d,蒓菜蟹肉魚肚羹，味道偏淡，但蟹肉魚肚都幾多，唔錯，蝦肉爽口彈牙，亦都夠大隻，每一隻蝦都掛滿咸蛋黃，香口好食，野菌扒時蔬，松露翡翠帶子炒飯，黎既時候已經聞到好香既松露，炒飯粒粒分別軟熟，入口唔會過油，松露亦無蓋過其他食材味道，朋友覺得好淡，反而我覺得唔錯，紅豆沙湯圓中規中矩，兩款糕點，士多啤梨亞麻籽有d驚喜，味道比起另一件黑芝麻好味，嘉麟樓既出品係唔錯，雖然只係package既其中一部分，但員工既服務，食物質素亦無因而下降，值得一試。

Spring moon offer very classic dishes. The bbq pork is yummy and juicy. I especially recommend the desserts. You get to taste some old Chinese classics that are hardly to be found elsewhere

放假飲茶就係要好好享受，呢度除咗環境舒適之外， 點心嘅造型亦都好別緻， 由於人數小， 所以只係能夠試到幾款點心， 但都已經好滿足喇 🥰 春風得意蝦腸 最外層有軟軟嘅腸粉包住 脆脆嘅油炸鬼再包住原隻嘅爽蝦咬落去就係有三重口感個灌湯餃都好足料㗎，塊花膠吾細㗎 😄 個湯底就梗係冇得彈啦，好香金華火腿味👍正呀至於個龍蝦金魚餃，除左龍蝦同蝦肉鮮甜彈牙外， 就連底下塊蘿蔔都令人回味，因為索曬啲汁，好滋味㗎 🤭今次有驚喜嘅地方， 就係茶錢包埋好食到停唔到口嘅鬆化合桃 🤩可謂超值。

第一次嚟嘉麟樓食晚飯， 古色古香嘅中國裝修， 令人好舒服， 殷勤親切嘅服務亦都令人有賓至如歸嘅感覺。今晚試咗個麟饌嚐味菜譜套餐 ，等起菜嘅時候，我留意到佢個筷子托都好靚，一帆風順筷子托😂個餐前小食合桃好鬆化，甜味都啱啱好 。個餐入面有三道菜係會配杯茶，唔同嘅茶亦都用唔同嘅茶具，第一杯茶係冷泡烏龍，用香檳杯上 🥰真係有心思。其餘兩款熱茶， 服務員泡茶嘅時候，先會同你講解呢個係什麼產地茶葉啦，席前沖泡後直接奉茶。今晚全晚都食得好開心，餸菜既有特式，亦都好味，再加上服務週到，所以埋單就2仟幾

知多啲：雖然嘉麟樓月餅係半島酒店出產，但嘉麟樓月餅係人手製作，所以限量發售，要預早訂購，比半島酒店出產的更加矜貴！食後感：首先，一切開，月餅個外層（餅的部分）已經散曬碎曬。個餅牛油味係幾濃郁嘅，口感係鬆散嘅。至於餡料，太甜！入面有少少一粒粒嘅鹹蛋黃(?) 奶黃味都係濃郁嘅，少少奶粉味咁結論：我以前屋企都有買半島酒店（普通嗰隻）嘅月餅，覺得味道都ok嘅，咁何苦要買呢個嘉麟樓月餅呢？講到尾，我覺得買得「半島酒店」月餅，都係為左個名，送禮時懶係有face啲、豪氣啲，咁普普通通半島月餅就得架。而如果真係為左食野嘅話，我建議你買出面正正常常嘅奶黃月餅/奶黃留心月餅好過啦

嘉麟樓的裝潢古色古香，充滿着六七十年代上海舊餐廳的感覺，還播著老上海的歌，很有氣氛。我們叫了蟹枣、茶皇煙燻脆皮雞、生根竹笙柚皮煲、桂花梨黑醋排骨。🦀這個蟹枣賣相很可愛，有幾隻小螃蟹作裝飾，還有炸過的欖菜和麥皮，鹹鹹甜甜的，味道不錯。蟹枣內有蝦和一絲絲的蟹肉很鮮甜。🐓茶皇煙燻脆皮雞，咬下去有淡淡的茶香味，雞皮很脆得像薯片一樣，肉質嫩滑，就算是雞胸肉也多汁。🐖桂花梨黑醋排骨的賣相吸引，梨子被桂花糖浸過，有一陳桂花香，排骨甜甜的，好吃。🎋柚子皮是功夫菜，柚子皮煮得剛剛好，配上竹笙很生根，很美味。

🌝中秋·初嚐嘉麟樓月餅🥮·話說我係第一次食半島嘉麟樓㗎咋，多多指教🙌🏻一盒八件迷你奶黃月餅🥮，索價$580，究竟係咩咁好食？又值唔值得呢？·首先，講下官方翻熱方法，有焗爐或者微波爐，微波爐就15秒好啦～我揀焗爐，佢建議係200度6分鐘嘅，但我焗爐200度會太燶，180度就好了👌🏻仲有一樣我冇諗過就係非獨立包裝，所以需冷藏，食用期係14日，所以未到中秋我已經亦都必須食哂😿·月餅皮係曲奇皮，比較易散，同奶黃會易分離，要非常輕力拎起佢㗎🙊啖啖都係錢，呀唔係，係奶黃的味道🤩不過就唔係流心的（我以為係😅）熱辣辣當然好食啦😋我覺得呢個價太貴了，我都係貪得意先訂盒，下次試其他牌子嘅奶黃月餅先·🌟本人認為可以多多支持本地黃小店月餅，留言開放大家提供推薦啊🌝🌝🌝

早兩年嘉麟樓月餅供不應求，啲人高價搶購，老闆都送咗盒嘉麟樓月餅俾我，外形除咗樣衰兼象腳，奶黃餡太過奶味唔夠香滑，並不好食，今年因為疫情關係，出邊大把貨冇人搶購，有朋友送咗一盒俾我，包裝一流好靚，有兩層可以兩邊推開，雖然今年個樣比舊年好好多，只有少許象腳，但味到依舊太過奶味，唔夠香滑，切咗一個皮肉分離，再切第二個就好些少，有時名牌並不一定係好

🥳辛苦工作左成日 深夜梗係要食個月餅獎勵吓自己都好幾年冇食過半島呢隻奶黃月 啱啱試完就覺得失色左食月餅前要入微波爐20秒 已經係我嘅習慣唔知係咪因為咁 個皮出到嚟勁鬆散要用手指頂住先唔會碎開😂😂食落真係唔知點咁 因為碎晒 口感不太好奶黃餡鹹香味好重 叮完成間屋都會聞到月餅味食落味道都幾濃 不過略嫌唔夠幼滑可能下次叮10-15秒就要收手了 我應該有少少過左龍另外仲有款迷你蓮蓉月 今晚太飽就食唔落 留返下次食啦比起回憶中既味道好似差左啲

今天終於來到我男友的生日了，其實對比起泰菜，男友更鍾情於中菜，尤其是粵菜，所以今天中午我便帶男友來到這間位於半島酒店內的香港頂尖中菜廳 ~ 主打粵菜的「嘉麟樓」飲茶了，同時亦是我們人生第一次來到半島酒店吃飯我們之所以選擇這間餐廳來慶祝生日，是因為之前有 YouTube 介紹這間的匈牙利鬈毛豬叉燒的味道簡直讓人回味無窮！而男友正正便最喜歡叉燒，所以我們分別點了一些比較特別的點心，以及兩份小菜No.1【獅峰明前龍井】$148既然今天是來飲茶，當然是要喝一些平時酒樓喝不到的特級茶葉，而我今次便先選擇明前龍井龍井總共分為了三種，分別是明前龍井、雨前龍井，以及普通龍井而所謂的明前龍井，是指在清明節前採摘的龍井茶葉，由於那時的氣溫還比較低，所以茶葉並未產生花青素，這樣茶葉便不會帶苦澀的味道，湯色清洌之餘，茶葉的品質亦是最好的明前龍井的的茶葉全部都是以嫩芽來製成，所以芽葉十分翠綠和細嫩，同時伴隨著淡淡的幽香，雖然它的味道並不像普洱這麼濃郁醇厚，亦不像鐵觀音充滿著濃濃的茶香氣息，但是我正正最喜歡它的清香可口，小口品嚐的時候，龍井淡淡的茶香會在口中持續地散發出來，芳香撲鼻，香飄十里，讓人陶醉其中，吮指回

半島酒店嘉麟樓最出名嘅地方就係佢嘅奶黃月餅，不過我個人並唔鍾意食奶黃月餅，所以要試佢嘅食物，就係要親自去佢嘅餐廳食。首先我哋叫咗酒店介紹嘅signature mocktail。本身我都對佢哋嘅mocktail幾有期望，可惜換來嘅都係失望，兩個mocktail 都係冇味嘅。主菜叫咗個牛腩稻庭烏冬，因為冇諗過呢兩樣食物可以加埋一齊，一個廣東菜一個日本麵，想睇吓佢兩樣嘢點樣夾到出嚟，同埋夾得好唔好食。果然不負期望，牛腩煮得好林，亦都入味，稻庭烏冬靭度啱啱好，fusion得來完全唔覺得唔夾最後唔少得嘅就梗係飯後甜品啦，紅棗糕煙靭非常甜度適中，滿口紅棗香味。笑口棗就冇乜特別，我本身都唔太鍾意食呢啲煎炸野。去嘉麟樓食飯，除咗食物之外，都應該欣賞下佢嘅擺設，佢嘅筷子架係一架帆船，好有香港特色。而其他佈置都古色古香，別具雅致。

🏨入住半島的住宿禮遇，名為「味游半島」，優惠包括午餐、晚餐、早餐🥢雙人三道菜晚餐選了如下，1是嘉麟樓的出品，相信2都是，3雖不是，但都是酒店的出品，順帶分享🔰1.嘉麟樓極品炒飯，食材豐富，炒得乾身，色香味俱全，整碟放進肚子😋🔰2.匈牙利鬈毛豬菠蘿咕嚕肉，這個更讚，咕嚕肉嫩，吃時外皮仍有點微脆，酸甜度剛好，佐飯一流，還有鮮菠蘿兩食，數塊和咕嚕肉齊煮，數塊輕輕燒過，同樣好吃😋🔰3.牛奶朱古力慕絲配蕎麥脆脆，輕淡朱古力味慕絲，幼滑不太甜，又有橙花造型的鮮橙吃晚餐在房內享用，多自在和寫意啊😁！總括而言，住得滿意，吃得開心🥳，食材高質，廚師手藝好

Walk in Lunch, 7月31號食既。兩件點心好普通，普通酒樓水準；有一件脆蝦卷上面嘅黑松露醬吱得好肉酸😂綠色嗰件餃穿咗皮；另外嗰件蝦餃都好普通，兩件都無鮮味。脆合桃唔夠酥脆，香宮既仲好過佢。餡料都好普通食淨咗好多😅灌湯餃嘅湯唔好味，福臨門嘅反而又漿口又濃味。 同埋佢漏單，差唔多半個鐘先上，我都差啲去追，但係有個女侍應發現幫我跟左先。呢個魚湯真心濃，好飲鮑魚蟹肉炒飯都好高質，好有鑊氣。飲咗個魚湯食咗一兩條菜就開始飽，食咗一兩啖就打包走。甜品都冇咩印象普通芒果布甸。同埋我坐喺旁邊嘅位，侍應傾偈幾大聲同埋行到你好近，成日會有少少揩到張凳。為食物再黎既意慾唔大，但都可能再試下點心，始終食嘢都係撞手神。

在限聚令的情況下，與好友毅然決定去飲茶！舒緩一下心情，結果，揀選嘉麟樓，因為，對酒店的防疫衛生設施，比較有信心！到達時，人客不太多，枱與枱分隔，有足夠1.5米距離，枱面有消毒紙巾，紙巾，及供給有客人裝口罩的信封，令人頗覺安心！天鵝酥，做型靚，外層鬆軟，肉餡是豬肉及菜粒，調味剛剛好。芋角，香脆，可口，吾油膩...小籠包，精彩之作，皮薄餡靚，湯夠多，夠熱辣辣，餡料是蟹肉，鮮甜，份量多，蟹味濃，食完之後，口腔依然充滿蟹肉的鮮味。好滿足吖！紅米梅菜叉燒腸粉，紅米做外層，包著叉燒粒及梅菜粒，頗新穎，美中不足是梅菜粒，比較大粒，淡味及硬...鮑魚酥，招牌之作，鮑魚夠入味，頗林，比較欣賞酥皮底，很香，很鬆，一口咬下去，沒有散開，好好味半肥瘦蜜汁叉燒，用梅頭，肥瘦分配很平均，軟滑肥美，汁液充滿，真夠銷魂...楊枝甘露，有少少酸...杧果粒少...午餐價錢不算太貴，值得推薦

難得可以出去食返餐好嘅，而且最近有見到酒店推出咗好多優惠今次同屋企人就揀咗半島酒店入邊嗰間中菜餐廳果然非同凡響，可以枱之間有足夠嘅空間私隱度同安全性都唔錯，而且整體食物嘅質素高尚，令人回味蜜汁叉燒非常之香口，火候適中，絕對係水準之一，叉燒咬落去肉質軟稔而且帶有少許焦香。金錢雞，依味係一道懷舊菜式，絕對係一道心機菜，邪惡得黎又令人欲罷不能。招牌菜之一片皮鴨絕對係齒頰留香，鴨肉烤得很香口侍應即場上演片鴨的功架肉與皮嘅比例做得好好。外皮好鬆化，肉質又柔軟，而且份量十足