嘉麟樓

营业中

休息中

這裏的賣點絕對不是性價比，直白說 味道跟不上價錢， 單評食物味道其實不錯但真的不配這個價錢， 不過因為品牌是半島酒店與位置方面絕對能加分補救 。但是無論如何，無可否認他們的服務是非常之出眾的， 自問都是一個要求非常高的人，但都忍不住給予他們服務5星。 坦白說，現在很多香港六星級的一線酒店服務根本就沒有五星甚至4星， 今天的午飯，嘉麟樓卻做到了。點心方面： 小籠包出色； 雞紮一般/麻麻 ；芋頭角很好； 叉燒腸粉很差！ 炒飯一般(不夠wok 氣)，雞與菜正常， 不過不失。

某日中午行街行到攰, 突然想食好嘢, 就想到去嘉麟樓... 今次叫咗香片, D茶開頭沖得太淡, 後尾叫佢沖濃D, 就好香好有茶味😍我哋唔係好肚餓, 所以只叫咗3樣嘢: 蝦餃, 燒鵝同埋班球脆麵... 1) 蝦餃ok 啦, 材料質素高, 但沒什麼驚喜... 2) 燒鵝質素不錯, 味道很好, 皮脆, 肥瘦適中, 但可惜肉有D硬, 個人覺得鏞記香D好食D...3) 呢個豉椒斑球脆麵真的令人眼前一亮! 味道很好, 斑球新鮮, 脆麵沒有一點油膩感! 連我這個平日最討厭吃脆麵的人, 都吃了1.5份! 這碟好像450+, 只有4塊魚, 有點貴...整體質素高, 雖然價格有點太高, 但還是會再來.....

環境3分：人地原盒送，冇入過去攞，冇得評，所以三分。衛生4分：高級酒店出品，好高貴嘅兩層月餅禮盒，每層有四隻，即共埋有八隻，但係就冇獨立包裝，要扣佢一分，即畀四分。服務3分： 人地原盒送，冇感受過服務，所以冇得評，又係三分。味道-1分：每個迷你奶黃月餅色水都好金黃，個月餅皮都幾脆，但係就乾左Ｄ，先扣佢一分。不過呢最攞膽就係個奶黃心，直頭好似開粉咁，又嚡又乾，個味仲好假，一Ｄ都唔得油滑，有得畀係想畀負分！抵食0分：名牌酒店嘅月餅禮盒靚就靚，但係出名要早訂嘅迷你奶黃月餅水準好唔得，咁名牌一定唔會平，畀一分佢都嫌多。

父親節櫃梗係要慶祝！去食daddy最愛嘅中菜！半島嘉麟樓服務好好，一入去即刻會有人好貼心咁問你啲野有無需要擺cloak room。坐低，佢哋會好貼心咁介紹menu。嗌左釀蟹蓋，有啲失望，因為真心唔知自己食梗乜。桂花梨黑醋排骨幾好食，甜甜酸酸又唔好大濃味椒鹽脆鱔球還可以，但講真，大棑檔來得更有獲氣！個雞係雪藏雞囉，無特別！甜品先係重頭戲！唔太甜又好香杏仁味！仲有中式petit fours，紅棗糕同笑口棗，當日係父親節仲送左好好食嘅酒心朱古力，為當天畫上完滿句號！

半島酒店嘉麟樓既迷你奶皇月餅，一向都多人追捧，今年有幸可以一試。迷你奶皇月餅一盒有8小個，包裝精美，分有兩層，一層有4個。月餅餅皮鬆脆，吃時要一啖過咬下去，否則很容易碎開，月餅入面既奶皇餡料實在，但好像有點兒過實，不夠鬆軟，還有點兒乾身，咬落去好似想成個碎開甘，比較鬆散。另外，奶皇味道亦不夠濃郁，亦不夠幼滑，以從前六星級的質數來講，今年不算有驚喜，反而有點失望。以呢個價格來講，實在可以做得更好，希望來年會有所改善吧~~

一年冇來，自然都加咗價！飄香乾鮑荷葉飯$138，上次食無乾鮑，賣$108，冬菇，鴨肉絲，原隻鲍魚，茶匙般大， 鮮味， 彈彈，飯當然有荷香味，配合五星級酒店質素。和牛包$90，墨西哥皮面，鬆脆，不膩，因黑椒味濃，蓋和牛味，當然和牛餡是小粒，不多，有洋葱粒，提升餡汁香甜味。千絲穌，雜菌碎，蘿蔔絲香幼，無肉，凍咗才感有松露味，每個都插小花，精緻。匈牙利鬈毛豬叉燒腸粉， 叉燒飽滿， 肉味都濃但唔係好特別嗰隻， 粉皮晶瑩爽夾滑。

遲黎既生日飯，今餐難得妹妹請食飯，仲要揀一個環境不錯既地方食飯，實在難得😬叫左隻片皮鴨，皮夠脆，麵包皮仲係熱辣辣既，同埋啲醬汁一齊食超正，我最愛侍應啲好好，會考慮到食得唔好浪費既方法，提議剩下既鴨肉或是骨可以拎黎煲湯或是炒飯，最後我地選擇炒飯，可以慳番一道餸既價錢😬😬呢款係糖醋骨，酸酸甜甜好開胃，而隔離個配菜其實係雪梨黎架，真係估佢唔到😆😆生日通常都會叫雞食，脆皮雞 ，皮當然脆卜卜，肉好嫩滑呢碟菜我都好鍾意，因為係黑松露腐皮菜心，濃郁既黑松露放入口中 真係有種說不出既好味，菜都係啱啱好，不會煮得過老👏🏻👏🏻最好當然係我妹俾我既驚喜生日蛋糕，超驚喜❤️❤️

嘉麟樓係半島酒店，已經有好多年歷史，今日有幸有機會試到米芝蓮一星酒店餐廳 - 「嘉麟樓」既鹼水粽, 分別係蓮子蓉鹼水粽，同荔枝味蓮子蓉鹼水粽，順便應下節。單看粽子既包裝禮盒同外表，已經覺得非常豪華得體，送禮比人，絕對係大方有睇頭，絕不失禮。蓮子蓉鹼水粽 (hk$149)蓮蓉味不算好濃，反而鹼水味不輕，蓮子蓉餡料亦不算得上很豐富，整體味道平平，不算非常特出。如果說是六星級酒店出品的粽子，實在有進步既空間。荔枝味蓮子蓉鹼水粽 (hk$149)呢隻粽帶一點點清新既荔枝香味，係清清淡淡既荔枝果香味，味道清新，入口感覺尚算新穎，起碼吾係甘容易係街到買到。入面既蓮子蓉味比較淡，餡料份量略為少，如果荔枝味能夠再濃郁一點，蓮子蓉饀料份量再多一點點，就更加好味，味道更加豐富，同特出六星級水準既不平凡。

向來半島酒店也有不少我的心水餐廳，嘉麟樓絕對是其中之一，早前一直也覺得怎麼如此高質素的中菜廳也沒有米芝蓮的認可呢？終於在早年它成功奪星了，有幸早前重返嘉麟樓，再次用心感受這分會令人回心微笑的美味，萬分期待。廚師拼盤— 酒香醉鮑魚、燒鵝拼乳豬、冰梅醬鮮凍茄、舟山海蚻 前菜的話有4款，個人最喜歡的是燒鵝，肉質看似厚身而咬下去便知道是嫰滑無比的，燒鵝皮是加分的；原隻的酒香醉鮑魚是細心的已切成一口的片狀～Wine Pairing Dinner吃得多，印象中Tea pairing好像是第一次，前菜所配的是冷泡茉莉龍珠，茶味帶一份清香幽靜感。 文武火燉老黃瓜響螺湯 很滋補的燉湯，湯中的都是精華，是會令人很想馬上再enchore一碗呢 嘻～ 上湯焗龍蝦 光是賣相已是贏盡全場，連同原隻龍蝦殻作裝飾，龍蝦呈蝦球的狀態，新鮮爽身，吃的是龍蝦最原本的鮮味呢～Tea pairing的第二杯是獅峰明前龍井，茶香四溢之餘能跟龍蝦各顯所長，出色。廚師醬蒸東星斑柳 喜歡這件東星斑柳，新鮮的魚肉便是皇道，少量的廚師醬已有畫龍點睛的效果。 陳皮豉汁爆鹿兒島牛柳 豉汁味道突出，牛柳是一口的分量，光是賣相已知肉質鬆化，

鄧志強師傅廚藝宴 Chef Tang's Tasting Menu大家還記得當年有個廣告，有位細路著起老西入酒店，由侍應用托盤奉上橙汁嗎？對，那就是半島酒店。作為尖沙咀地標酒店的半島，多年來享負盛名，自已仲未出世，已經有外國電影取景。當中充滿殖民地色彩的大堂，多年來，下午茶時段總是見到長長的人龍。酒店內的不論瑰麗典雅的Gaddi's、芝士火鍋聞名的 Chesa 及盡攬維港景緻的 Felix，當然更不得不提榮獲米芝蓮一星殊榮的嘉麟樓。由5月9日至6月30日期間， 鄧師傅與嘉麟樓點心部主廚卓嘉政師父及嘉麟樓茶藝師傅攜手合作， 將招牌菜色與茶藝配對。須知道，Wine Pairing 好多地方都會有，但Tea Pairing 就真係好少見，機會難逢。鄧師傅是酒店中菜部的餐飲顧問，為酒店集團的餐飲部作出不少貢獻， 曾於東京半島酒店出任中菜廳起鳳臺的行政總廚，其後，起鳳臺更於2008年及2009年摘下米芝蓮一星榮譽，躋身東京僅有六間榮獲此殊榮的中菜廳，而於上海的逸雅閣，更於2017年及2018年，連續兩年榮獲米芝蓮兩星殊榮，來頭真的不少，今次冠以個人名號的菜單，實在令人期待。餐廳共分兩層，是晚大

爸爸生日飯，想要有特式一點，我就提議食半島酒店嘉麟樓。大家都知道這裡是高級餐廳，都做好心理準備，要食好野，要食靚野，要食貴野。原本都以為會食唔飽，點知我地五個大人一個小朋友，點左唔係好多野食，都飽住咁走。個個都好開心好滿足。北京烤鴨（片皮鴨二食），係客人面前片皮，然後分好一份份，再續個客人詢問要不要加醬，非常貼心。一片鴨皮一片鴨肉一片生菜，放在一片餅皮上，自己再加蔥加辣椒加青瓜加哈蜜瓜，感覺很美好。分量太約有12份，$1180其實都唔算很貴。之後仲有個生菜包鴨鬆，根本就係超值。下一個要介紹一味山椒羊柳絲 $360。黑椒同花椒的配答，羊肉嫩滑唔酥，好食。下一碟，蝦球炒面，每條面都是分開的。雖然$400貴左少少，不過真係好好食。下一碟，菠蘿咕嚕肉 $360，有好多塊肉，爽口彈牙，好好味。還有點左兩個荷葉飯，裡面有一隻鮑魚，好好味，食完真係飽左。切蛋糕，餐廳收切餅費每人$50。不過難得黎到半島酒店慶祝生日，此刻無價。最後，餐廳送左 笑口棗 同 姜糖 比我地做飯後甜品。真係超滿足。

想搵間環境好嘅餐廳，諗起未黎過半島酒店，就過黎試下。前菜同甜品都係送嘅，前菜係合桃，真係好好食。甜品係笑口棗，都唔錯。主菜係中式牛肉，餐牌寫自家醬汁，食得出係有蕃茄味，同出面食嘅唔同。跟住仲有香芒西寧雞，汁分開上，雞球炸到脆，酸酸甜甜好野味。最後要講下，酒店級服務係唔同d，由打電話book位到食飯時，都感受到貼心嘅服務。

半島嘉麟樓環境高貴舒適餐前小食虎珀核桃，鬆脆👍🏻蜜汁叉燒，有肉味又夠多蜜汁但d位置較軔糖醋排骨👍🏻👍🏻，香脆唔過甜，好似西瓜既酒梨，一齊食唔錯茶香燒雞👍🏻👍🏻皮脆肉嫩，醃剛好，夠味但唔太咸新年菜-包羅萬有（菇菌及海參鍋）👍🏻👍🏻，好香，海參入味，睇張相好似油膩，但食落唔了油膩花開富貴，百花釀冬菇配蟹肉汁👍🏻個汁好多蟹肉又有蟹羔香，蝦膠混入蟹羔，不過蝦膠d實甜品：粟米淮山露，鮮榨粟米汁加淮山

繼續先補記早前在半島嘉麟樓的靚太星茶聚，為了這場嘉麟樓的茶聚，甜魔媽媽差一點就推掉了天龍軒的四手盛宴！然而一位朋友在茶聚前一晚奇妙的提醒，令單純的我們重新審視了與某人的關係，並再次體會了防人之心不可無... 飯聚繼續，但有些事是不一樣了。  不派太多花生，還是入正題講食物吧！嘉麟樓 喜獲米芝蓮一星後，這次也是首次再訪，心情自然是期待的，大家也不約而同的早了抵達；而其實餐廳午市由 11:30am 才開始營業。 入座後，大家都為 嘉麟樓 古雅秀麗的環境，還有溫婉又親和的氣質深深折服，趁其他食客還未抵達，紛紛拿出相機瘋狂拍照！ 不少人對 嘉麟樓 的認識只限於月餅，其實它的小菜及點心也相當高質；最近又邀得被譽為本港點心界其中一位明日之星的卓嘉政師傅，出任點心部副主廚一職，令人更生期待。 一如大部分五星中菜廳，這裡的點心可以按人數調整數目，方便分配。喝一口熱茶，並以香脆甜美的合桃開胃後，我們先分享了飲茶必備的 蝦餃 ($88)；薄皮之下蝦肉味鮮爽脆，調味恰如其分，水準令人滿意。 接著品嚐 叉燒酥 ($96)，用上鬈毛豬製作的餡料香甜美味，加上又薄又脆的熱暖酥皮，又是十分好吃，而且個子不

半島酒店嘉麟樓的奶黃月餅多有名大家都應知道，不過飲茶我又真係未試過喎！跟好友們約生日聚會，壽星正選了米芝蓮一星餐廳嘉麟樓！ 首訪嘉麟樓給我想像以外的美好感覺，典雅的裝潢、親切到位的服務，也令我留下超良好的印象！ 是日要留肚吃生日蛋糕！所以只點來了數款點心分享，總括出品穩紮穩打沒投訴！ 叉燒酥＄96熱烘烘香脆可口的酥皮吃下一點也不油膩，內裡的叉燒餡香甜恰好！ 我選了飲茶必吃的蝦餃＄88，圓潤的造型反映了餡料的豐盈度，澄皮不黏牙但不算透薄，餡料內的蝦肉很爽脆，調味也恰到好處！ 這天最得我心是這芋角＄104，粉淋的荔芋香氣非凡，餡料是鮑魚及雞肉配合起來天衣無縫，外酥內香誘人非常！ 我們更點上兩款腸粉來品嚐，鬈毛豬叉燒腸粉和帶子腸粉＄118，腸粉不算滑不溜口，可惜足料又鮮味的帶子挽回不少分數！ 而鬈毛豬叉燒腸粉＄98看到已知有多足料，滿滿的鬈毛豬叉燒正是快樂泉源，添上香甜豉油吃增加滋味。 素聞半島的鮮果忌廉蛋糕非常出色，一試下果然可口美味，揀手生果新鮮非常，甜度亦我是喜歡的，而且蛋糕濕度也完美，要好好記著這反樸歸真的口味！