嘉樂冰廳 (新村街)

营业中

休息中

荃灣人都一定識得嘉樂出名兩樣野多人同蛋當然我都幫襯過好多次 真係愈食愈好食 同妹妹兩個去 叫既野都唔多因為佢地d野真係好大份又抵食去到必叫蛋牛治個蛋好厚 我估都有三四隻蛋牛肉次次都係多到跌出黎 包唔哂一齊食好好咬口 牛肉連埋汁又好食 一流其實都認識嘉樂的人食食下收銀霞姐坐埋黎一齊吹水食住佢包的雲吞每粒最少都有一隻蝦 我試過食過三隻蝦又唔會太油 外皮超脆真係好正 配埋酸辣醬 真係一絕妹妹想似個阿華田奶昔我都係第一次飲 因為多數都飲奶茶平時點知都幾不錯 唔會太甜 比麥記好好多哈哈哈 嘉樂係比較舊式茶餐廳每次去都好多人排隊今次趁住就收工先去所以唔洗等位 另外個次同霞姐吹完水得知老闆入左醫院希望大吉大利 無病無痛啦下次再去食好野打聽消息哈哈哈

住O左荃灣咁多年...點會唔識去嘉樂搵食 ! 但幾年前 , 愈唻愈多識 , 日日都大排長龍 , 個個都唻見識份奄列...試過排隊排左1.5小時....大熱天時真係怕怕 !好彩果日星期三放假...見係平日...果日又唔熱...就去望下多唔多人 ! 去到門口...8個人等緊...等左半個鐘入得!!一坐低 , 同男友叫左例牌必嗌既: 細奄列...咖喱牛腩伊麵...吞拿魚治.....因為岩岩病好....所以無烘底><"亦無嗌奶昔><"!!!吞拿魚治真係好足料 , 成2吋厚 , 有烚蛋 , 多吞拿魚醬 , 新鮮既蕃茄同生菜....如果烘埋底...外脆內軟 , 真係完美既配合 !!!果日奄列跟餐包.....平時我一定方包加1蚊轉油多士!!!嘉樂烘麵包真係有一手...烘到脆卜卜....放左陣都唔會淋哂 !!! 超正 !!!所以蛋治係會等耐D , 但好味既...等多陣都唔怕啦!!!曾經眼見好多唻朝聖既人...係咁催催催單....又係咁牙吱牙左話野食咁耐都未唻....黑哂面 !!!又係OPENRICE話坐得唔舒....位窄...D野唔係咁好食...只係大份...等等等等!

荃灣的街坊人龍小店，幾乎怎何時間都要排隊，今天路過人少少，排左15分鐘有得食。孕媽媽點了一支牛奶，兒時冰室之必選飲品。咖喱牛腩撈意粉: 咖喱味不夠濃，但牛腩夠淰入味，合格。意粉是港式的質感，偏軟偏淰，地道口味。紅豆冰: 椰香不夠，但紅豆很粉有豆香，正。旦治: 厚厚的雞旦，可以用澎湃來形容。旦雖厚，但仍然JUICY，而且旦味極濃，入口有汁又夠香，必點。鹵水雞翼: 雞翼嫩滑，有肉汁。鹵水唔咸，食到有花椒八角等香料味。沾上雞醬更添惹味。

難得今日放得早,當然就有閒情周圍去搵野食,今日就去左荃灣食野,都係搵番D舊餐廳食野,正呀真係。去到已經好多人排隊喇,十幾個人係我同我朋友出面,等左一陣就到我地喇,一入到門口無餐牌,不過罐頭有一堆,幾特別既又,去到茶記,當然係食下佢D粉麵,不過我唔算太肚餓,所以有揀左奄列同野飲就算喇,等左陣奄列未到雪糕咖啡就黎左先,好快就有唔比你食野先,不過佢個賣相都幾靚,見到個雪糕就已經好開心,咖啡就普普通通,有少少酸味道,無咩特別,但係加埋雪糕,就好味左好多,個雪糕好滑又有好香既牛奶味個奄列超大個,真係未必食得哂係我唔肚餓既情況之下,不過唔好哂野,所以我又一次過食哂佢,落左少少美極,個味道變左好特別,而且蛋都好香又鬆鬆軟軟仲有少少未熟既透明蛋白,食落仲滑。 

是日平日，朋友喜歡吃奄列，便一同去吃。 不料平日三點左右，人龍已排得長長的。 等了半小時終於可進去。 我們一行四人，點了炸雲吞、火腿小奄列x2、淨鮮蝦雲吞share吃。 火腿小奄列(5/10)之前已慕名來試過，但是日可能人多，炒得較失色，鹽還未拌好，其中一口是整口鹽吃下去 所以今次只能給合格，而且蛋過熟沒流心效果，與第一次試是天淵之別炸雲吞我沒試，反倒以為平平無奇的淨蝦雲吞(9/10)竟出奇地好味!!細細粒，一口size, 一咬下去十分之新鮮，蝦鮮甜美味!!! 皮亦薄而有口感!!! 見到原來有呀姐親手一粒一粒地包好!!!! 這是在我心目中，除奄列外，這間店的另一個招牌菜式！！！絕對值得推介！！！！！

同男朋友仔行開荃灣，就想搵呢間野想食佢個奄列好耐，見到門口咁細，有冇位都係問題，好彩仲有，同人搭台就預左喇普通食茶記，搭台都係正常既，如果間野真係好食，睇到餐牌，平均都25-30一個面，我叫小奄列，牛肉面小奄列真係兩個人夠食，一個小碟裝滿哂，仲要加多個餐包，（未食早餐既我，其實可以食哂），但為食牛肉面，所以要分享，個人中意食半生熟蛋，所以生啲都吾緊要，不過今次就半熟狀態，蛋都滑，火腿超多，夠大件，很喜歡，牛肉面個肉都幾大塊，都有6-7件，可惜我食剩一半面，生面夠爽口同多，湯都清清地，另外佢飲奶茶同餐蛋面，奶茶杯滿哂，大杯，比出面好飲，因為少甜比率岩岩好，吾過淡，幾中意，餐肉有三塊，都幾厚，，總結，非常喜歡呢間餐廳，味道可能吾係最好，但出面食個面又細又吾特別又貴，呢間都算係咁，夠多都好味，價錢合理，最好係少人時間食，食物會更好味，我會再黎，

首先一坐底，全部卡位，我自已係好鐘意坐卡位的，但座位太細，檯面都同樣迫切，兩個成年人坐一邊，已經冇活動空間了，鐘意卡位的我，都難接受 第二，食物味道都只是一般茶記，火腿小奄列是hea炒，唯一可取，是份量十足，豉油雞翼,味道都是一般,中間還有少少生未完全熟透,奶昔其實只是沙冰，沒什麼特別,如果要排晒隊等半小時才可入去食，就真的沒必要了

柯華田Milkahake ♬大到你奄列♬春意漸近，穿著filpflop逛街的季節終於到來。離{ 荃新天地City Walk } 的不遠處，一間小茶室迄立著。星期三下午時分，已有三數人在排隊等候，想必不枉此行。餐牌上一杯標價HKD 25的柯華田令我傻了眼(⊙o⊙)，入口仿如沙冰，卻有濃濃的奶意，藉得一試。比巴掌還要大的奄列令人極為驚訝，半生熟的奄列，掛上香濃的秘制醬酒，配上小小的方包，食指大動。♥小貓3,4只♥很健談的包雲吞阿嬤♥不錯的炸雲吞♥For more details can check on ig: s22attitude

( 首次幫襯，都無下次 )多年來經常路經荃灣， 在荃灣行街看戲 飲茶食飯時～ 經常在晚飯5點多6點的時候門口大排長龍， 知道他很出名亦有一些特色食物，例如涼粉紅豆冰，涼粉奶茶…今日想約了一位朋友在下午茶三点的時候，進去打算飲杯奶茶食件包加碗面，2個女仔 一麵包一碗麵两份分來吃，可不用吃太飽，原因當然係怕～肥啦！因為朋友不吃肉的， 所以一麵包一碗麵是剛剛好～進去店內，全店也算是滿座有90%full ,如一至三人去一定要撘枱座的，座位較窄肥d都食得唔舒服， 當然我地標準身型也只是剛好。因為下午茶時段，只有一位服務員，我落單叫嘢食，想叫蛋牛治，佢話唔做蛋治，全部 麵包既物體有雞蛋既都唔做，所以想了一会再叫時，最後 只叫了2個（西多士）凍奶茶加紅豆，及一杯凍飲。因為只想吃少少東西，飲杯嘢！所以沒有叫到麵。西多士真的是西多士，當食的時候看見為內裡沒有花生醬…我地两人都嘩！咁嘅～唉！算啦食咗無下次因為Manu內只有西多士，沒有法蘭西多士， 也沒有花生醬西多士， 所以見到西多士三個字就一定認為係最普通的有花生醬嘅西多士，點解會叫西多士呢！因為諗住西多士最普通一定唔會太差中伏掛！雞蛋沒有較均勻地在麵包

住係荃灣咁多年，成日去楊屋道街市都見到呢間野排曬隊咁，以為實係正啦，點知就賴野。話說同老婆果日睇完早場，行過呢間野見唔太多人等（平時閒閒地都10幾20人，今日竟然得2、3個），就排咗一陣，大概20分鐘到就有位，入到去第一個噩夢就嚟啦，D位好窄，雙人座位其實唔夠雙人，有D逼，我同老婆都唔係肥，普通人都覺窄，肥D果D唔知點算...睇咗一陣餐牌（其實等嘅時候已經上Openrice做定功課要食乜），就叫侍應嚟落單，等咗一陣，第二個噩夢就嚟啦，原來得1個侍應阿嬸，落單係佢，送野食係佢，執碟又係佢，幾乎連帶位都係佢，有無搞錯...？跟住落單啦，叫咗Openrice D人話最正嘅火腿小奄列，炸雲吞，奶茶同埋牛腩面，噩夢三嚟啦：1. 火腿小奄列：係好大份呀，不過好難食，真係比我自己煮嘅仲差！2. 炸雲吞：不過不失，炸野好難整得難食嘅，其實好過無咯...3. 奶茶：無茶香，我去大家樂飲嘅仲好過佢！4. 牛腩面：D牛腩應該係雪咗好耐嘅貨色，仲要係好似煲過湯咁，嚡嘅！埋單百松D蚊，感覺唔係貴，不過以質素同要排隊先入得嘅餐廳嚟講，我以為嚟咗大家樂冰廳呀陰功，早知真係去大家樂食算啦...

在外面等了30分鐘, 入到去點了個 ''火腿小奄列'' (8.5/10)這個而來的我點了後望穿秋水還等了30分鐘......方可見它聖容......是很大很juicy!!!!!! 口感好有蛋香!!! 有半熟的流心效果!!!! 但可惜是日水吧的師傅未返, 未能試柯華田, 但也不枉此行!!!

奄列如聞名所見的大外形大得嚇人一個小火腿奄列($26)可能有人會說貴但我覺得合理既因內藏7隻蛋一條友食會食到傻Man d tom我就傻婆一個挑戰佢最後係戰敗不是吃不完是不宜吃太多蛋而且味道。。。OMG...7小福對唔住了犧牲左你地我只能吃到蛋腥味加味極蛋還蛋， 火腿還火腿煮食既禁忌食材各分各位，並不是混合看出是先把蛋煎好然後像班戟般把一大堆解凍好既火腿夾在中間最大問題係有三隻蛋黃係生的，一隻係過熟見到完整既蛋黃係到一路食，黃汁如河水般快傾瀉出碟外蛋確是一種考功夫既食材奄列失敗之處1.太重蛋腥味2.材料分開3.蛋未打勻(亦因佢係即叫即整關係又多客致未能把全部蛋打散)4.不能見係誠心烹煮呢個就mama 其他唔知而我亦唔會一棍打沉全船人也許他們的豉油雞翼會不錯因香味吸引人但因我只有一人未能嘗

在荃灣區附近上班幾年都未試這間冰室，今晚就試一試，剛好在18:45前入座，遲我們入座的大有人在。傳統的冰室環境好像與銜坊一同進食，別有風味。是晚點餐:1. 火腿小奄列2. 牛腩麵3. 五香肉丁麵4. 炸雲吞火腿小奄列: 真的很!蛋的份量真的超級多, 不過味道很好! 牛腩麵: 牛腩不硬可口。炸雲吞: 熱烘烘而且爽脆。

荃灣有名的茶餐廳…地方不是很大，門口總是有人排隊等待入坐。星期六的四點，門外也有人等待。但幸運的是，等了大約十分鐘便有位。如果兩個人去的話，一定要搭枱。今之點了炸雲吞，小奄列，柯華田奶昔。基本上大多數食客點的食物差不多，不外乎以上三樣，或會叫雞翼。炸雲吞($30)有十隻，有一塊肉和半隻蝦。皮真的超脆…像薯片般脆! 推介，一定要叫!小奄列($26)真的超大，一隻小碟般大。內有很多火腿絲， 兩個人食也覺得分量很大。但我覺得除了分量大之外，只是一般因為蛋不夠滑。柯華田奶昔($25)也是網上推介的食物，但試了後覺得普通。差不多所有食物食完先有，飲到最後有點苦苦的味道。總括來說可以一試，食物有特色。但試完一次末必會再來。 

多多指教，本人第一次寫食評，今天13：40去到協和對面嘉樂試下,排隊約20分鐘，叫左凍奶茶，西多，同openrice食家推介豉油王雞翼，細奄列，五香肉丁福面，凍奶茶用lipton茶葉同黑白奶都不過不失，西多個感覺就好懷舊因為係一片安佳牛油不「姑行」值得一讚！但有包皮，所以食邊有啲硬，中規中矩，豉油王雞翼味道比不上街上的車仔麵檔，味道普通，不是值得試，奄列是半生熟，但只係份量大，都不太特別，個人認為試一次夠，食評完畢。