嘉樂冰廳 (新村街)

营业中

休息中

📍嘉樂冰廳 (荃灣)荃灣新村街40B號地舖久違嘅火腿小奄列，價錢$33😁轉左手之後都無嚟過，對上一次嚟都已經係三年前。咁啱經過，又唔駛排隊，就入咗去回味一番😂望完餐牌，都係忍唔住食小奄列。雖然一個人食真係有啲over，不過又唔係成日食，結果就嗌咗一份。小奄列依舊咁大份，味道都同以前差唔多，真係幾驚喜，竟然回味到舊有味道😉唯一唔滿意就係個餐包，又硬又凍，真係麻麻哋😅另外估唔到原來食三文治或者麵，有小食免費送😆

好食都無用 全部人落左單之後 人均有野食上枱時間起碼一個鐘 外賣平台 外賣員發哂脾氣 等左半個鐘都仲未有 餐廳入面嘅客好多等左一個鐘就直接走 cancel張單 有啲等左個半鐘都無野食 好慘 難怪啲客嬲 收銀一個人 樓面呀姐一個 廚房三個 但係呀姐成日出錯單 搞到廚房啲野食整完無人要 啲客嘅野食永遠都黎唔到咖喱牛腩湯麵湯底夠濃 好食 份量一般蛋牛治 烘底+$2大份 熱辣辣 但要等一個鐘蛋治大份 蛋味重幾好食都無用 出餐太混亂 搞到啲客嬲哂 真係要改善一下

星期六約左朋友一早行山⛰出發前我地決定喺荃灣食個懷舊早餐先😋一入到去呢間荃灣嘅老店 兒時感覺真係返晒黎 兩排卡位-座位size同細個坐的感覺差唔多 所以係要坐得親密少少.好立克奶昔😋濃濃好立克味道 甜度適中入口係沙冰嘅口感 大熱天時飲番杯真係透心涼巨型西多士一共有4大件真係超級份量 新鮮炸起 入口不會有油膩感覺唔係講笑 每件都好厚大架超厚咸牛肉蛋三文治🥪見到厚厚嘅蛋已經好滿足 當日蛋香味不夠 口感如果可以再滑啲就更加好了 要整到咁厚嘅蛋牛治確實真係有啲難度火腿小奄烈🍽賣相包得好靚架 不過太興奮掛住食 切開咗先記得冇影到原型 感覺佢好似一個大袋咁樣 袋咗好多火腿係入邊🤗豉油王雞翼 賣相唔錯 適合喜歡味道比較清淡的人😋

自從佢哋轉手換人，味道一路都唔再似以前咁好味，所以一直去咗隔離餐廳食，已經一年冇嚟過，今次俾啲信心自己再嚟食一次，竟然做得返以前嘅味道👍🏻👍🏻好在仲見到以前喺度做嘅姨姨人情味在😍

地方細， 兩人卡座係都要逼住坐4個人。食物更唔洗講，普通都讚多左。衛生差，地方細，態度差！食物水平，我寧願食杯麵！如果想試既人 我覺得可以唔洗黎因為黎過既人都唔會再去自重我覺得最起碼要乾淨地方乾淨 態度好啲食物普通都覺得可以接受但依間野冇樣得食完就趕住你走坐低叫佢點野同比杯水都話轉頭先 未得閒是問 啲阿姨唔知諗咩都唔明依間野出名係邊btw我都係經過想試下點要等左30分鐘換黎既係憤怒😡7仔叮野食都正過你！唉

有機會試荃灣出名嘅冰室「嘉樂冰廳」😋不過！我地坐近廚房水吧位見到個樓面姐姐衞生意識好低🥲佢隻手抹完枱再上菜再落單再徒手攞冰整凍飲...全程冇洗過手😣望到已經唔開胃了————————————————————1️⃣火腿小奄列 $34 巨型奄列！用左起碼5隻蛋🍳要兩個人先食得晒😂但係👩🏻自己KO左大半份！味道方面: 一上枱已經聞到好大浸美極味😂中規中矩，海量火腿絲，蛋唔係特別滑🙈另外一提嗰兩塊方包👦🏻又見到樓面姐姐就咁拿隻冇洗過嘅手放方包🤮所以果斷冇食到-2️⃣鹹牛肉蛋治 $30 分量超飽滿嘅三文治，炒蛋又落少少美極調味，唔會好齋。鹹牛肉就正常發揮。整體黎講無咩特別。-3️⃣爆脆華田西多 $21 有驚喜嘅甜品😍脆脆係昇華位🍫西多炸得啱啱好唔會太油膩，不過我覺得可以多少少花生醬～4️⃣酥炸鮮蝦雲吞 $21 炸雲吞喺呢度嘅招牌🤣好彩都冇令我地失望!炸得好香口😋加埋個酸甜醬好好味

🍳火腿小奄列💲3️⃣2️⃣一d都唔小既奄列❗d火腿好似唔洗錢咁厚，雞蛋中間仲要係滑蛋質地，完全係一坐奄列山。配上一個茶餐廳常見既小餐包，滿足感上升。🥪咸牛肉蛋治烘底💲3️⃣1️⃣雞蛋煎到微微焦邊，配上咸牛肉，咸咸地又可以夾到，因為食左個巨型奄列，見到雞蛋會有少少驚😂但都食得哂🍤酥炸菜肉雲吞半份(5️⃣粒)💲2️⃣0️⃣由於前面個2️⃣份雞蛋產品太厚太多🌞雲吞叫半份岩岩好✨即叫即炸，配上泰式辣醬解解油膩，雲吞係正常味道🧋凍奶茶💲2️⃣1️⃣應該太忙落錯左單，我要少冰就變左少奶💤好彩個茶底夠濃滑，又唔會好重手落糖，個人少奶都可接受既🥤凍阿華田脆脆💲2️⃣6️⃣好多好多脆脆，華田就比一般重手落好多華田粉，好濃郁，小朋友最愛👍但佢既份量應該係比以前少左少少，不過都可接受啦，始終都要跟返通帳嘛🤣🤣

這間餐廳服務真的太差了😡，我哋等咗足足一個鐘先可取食物（外賣） 。 真的太離譜了吧！！！😡😡😡😡😡😡😤😤 落單時間: 2:45pm ，取食物時間：3:45pm !! 中段有催單仍不得要領。今天天氣很冷, 我站在街上實在很冷，所以我走進店舖角落待可是服務員趕我出街上。(我是7歳的小朋友）！😡😤😤😤 氣死我了！ 媽媽補充一下：不是繁忙下午時段，仍然要等一個鐘實在太離譜了吧，若果外賣單真係要這麼久，落單前要預告一下待客人自行決定吧。一般外賣等待15-20分鐘仍然能理解，但此餐廳只先做堂食客，要外賣客無了期的等實在不負責任。服務態度又很差，只叫人繼續等，完全沒有任何跟進和抱歉。此餐廳永遠不會再幫襯了！網民自行決定繼續在此大鼻自以為是的餐廳幫襯 ！！

嘉樂冰廳一路都有好多捧場客，最出名既就係佢超足料既火腿奄列，據聞一份用左五六隻蛋整🥚之前結業左，好多人都覺得好可惜，宜家佢重開la！雖然好似轉左手，但係賣既野都係一樣既！搵日放假就專登黎左食早餐☀️所有野都好有份量，食到勁飽，但係每樣野都好好味！黎開呢度既話一定要試下！  1⃣️火腿小奄列（$32）呢個可以話係呢度既招牌菜，個“小”奄列巨型到可以兩三個人share😮好誇張。入面啲火腿都係爆多。茶餐廳早餐我食得多la，份量咁驚人既都係第一次見。炒蛋唔會炒得好老，切開仲有少少蛋汁，而且入面既餡超多👍呢個價錢，仲配埋個餐包，勁抵食。  2⃣️脆爆華田西多（$20）呢個勁驚喜🤩勁好食！西多表面炸得好脆，有蛋香，然後切落去，入面既質感仲有包本身既鬆軟咁，加埋面頭既牛油慢慢熱融，再倒埋佢另外比既華田脆脆，勁正。真係我食過最好食既西多！  3⃣️鹹牛肉蛋三文治（$29）（烘底+$2）味道唔算好特別，但係勁厚。厚到我食既時候一路諗住啲料會唔會跌出黎😂加左烘底面頭食落幾香，蛋一樣係份量超多😛  4⃣️好立克奶昔（$29）呢個係另一個驚喜🤓好好飲。以前細個唔係好鍾意飲好立克，諗住好耐冇飲過la，就嗌杯好立克奶昔飲下，哇一飲

食物份量系好大碟， 但係超吾好食又咸， 圖片和實體樣完全兩回事！ 味精太勁，食完後成日要勁飲水， 食物飲品超貴， 無餐， 一杯凍飲$21， 熱飲都要$19仲要系人地出面跟餐細杯， 吾抵食， 不會推介給朋友， 因為食物實在太一般， 得個大件，大大碟，不會再幫襯🥲

It’s been quite a while since I last visited Gala Cafe. Used to order their large-portioned ham omelette but this time I felt like having this beef and egg toast. Not as good as before though🙈- a bit too salty to my liking and the scrambled eggs could be more silky🙃Now they have more variety to choose from and the attendant recommended this soy sauce Tofu - which was unexpectedly flavourful! The braised soy chicken wings were as silky and smooth as before. They went so well with the sour and

屋企上班又唔想出街, 又係叫外賣既時候. 每次食佢, 例版要叫佢既大大份火腿奄列, 好食得黎夠大份, 蛋唔會好乾身, 伴有小量湯汁, 火腰也大份量, 唔錯豉油王雞翼, 呢未雞翼好難整得難食, 佢整得夠諗身, 雞肉嫩滑, 又入味, 口味正合我意鮮蝦雲吞撈面, 又係我例叫之一, 5粒 雲吞都唔小架, 雲吞餡同埋面都算夠份量跟埋餐包, 都食得好滿足PS. 佢送貨都算快, 食物都重算熱, 用app 落單夠方便, 又免左運費, 抵返.

今天去左呢間冰室食早餐，諗住老字號靠得住，可惜失望而回。我哋叫左咸牛肉蛋治，火腿奄列，叉燒通粉同奶茶。個女侍應仲問我哋使唔使加鹵水雞翼同炸雲吞，嘩大佬! 點食得曬呀？蛋治有啲喊，奄列大碟到暈，叉燒通粉勉強，最大鑊杯奶茶，完全唔掂，冇啲專業，請我都唔會再去，永不回頭

好耐冇去荃灣間「嘉樂冰室」，有點懷念，因為地方較細，要坐得迫少少，不過全部卡位好有懷舊感。火腿小奄列名物之一「火腿小奄列」，一d都唔小，超大份的蛋奄列，味道同以前食嘅差唔多，有少少湯汁加入蛋中，所以炒到出黎有d汁，火腰份量亦很多，但今次個蛋無咁嫩滑。豉油王雞翼賣相吸引，雞肉超級嫩滑，係浸熟嘅滑溜口應，而且都夠入味，多幾隻會有點咸，但好好味。酥炸鮮蝦雲吞炸得好香脆，雲吞餡都幾飽滿，豬肉鮮蝦比例剛好，有2-3隻蝦仁，沾甜酸醬食好夾，但放耐左開始腍，要食快d阿華田奶昔名物飲品，同一般奶昔有所不同，係加奶同冰打成，似加奶版嘅沙冰，好夠凍，又重阿華田同奶味，味道好正，幾凍都一定要飲。好立克奶昔好立克整嘅都好好味，但甜左d豬扒湯米豬扒好香口，醃得夠味，又唔會太咸，同埋肉質鬆化，唔會鬆到被野拿到腍哂，係有點咬口，而且炸得唔乾，估唔到咁好食。

星期日嘅早餐，諗住好耐冇黎食過，好懷念佢講爆蛋鮮牛治，但質素大不如前。去到門口見佢閂咗門以為佢冇開，佢門口係茶色玻璃睇唔到入面，正想離開之際朋友嘗試開門，又比佢開到喎🤣🤣滿懷歡喜諗住有得食鮮牛蛋治，佢話冇鮮牛，得鹹牛☹️鹹牛當然冇咁好食，個麵包烘底又蝕晒氣，雞蛋煮得過老。已經冇以前咁好食😔朋友另外叫咗個豬扒包（冇影到相），好難食....豬扒硬倔倔又乾爭爭，個包又硬又鞋口，醬汁又冇味。講真啦，連鎖快餐店嗰啲都好食過佢😩質素大不如前，應該都唔會再嚟嚕味道：2/5環境：2/5服務：3/5CP: 2/5回頭：應該唔會