嘉多莉餐廳 (已結業)

今日好累,，所以訓晏左冇食到早餐。諗住試下呢間野好唔好食啦，所以就叫左個早餐。一黎到，呆左一下，諗係咪Ｄ野未黎曬，因為個份量真係少得可憐。多士係淋的，焗豆少到好似唔小心跌左Ｄ落去咁，漢堡扒一Ｄ都唔似漢堡扒。但咁就＄２３，真係呃錢到爆。係銅鑼灣食個有麵既全餐都係＄２４，份量足夠填飽男士。總之食完佢果個＄２３早餐，仲要出去再買野食先有飽既感覺啦。真係可一不可再！

本身想到xx牛奶公司食,但估唔到多人到要排隊,所以退而求其次黎呢度。仕應推介鹽焗雞,所以朋友叫左個鹽焗雞飯,而我就食四寶米線。個雞D味可以,但隻雞好似好廋冇咩肉,而個四寶米線都係一般,雖然話有四寶,但其實我覺得幾隻丸D味都係差不多......不過最唔鍾意係佢地D服務態度,雖然係茶餐廳,都冇理由要俾說話人聽。我好清楚自己同仕應講話要熱奶茶,但佢黎左杯熱檸茶,所以就叫佢換返,到佢黎返的時候,佢就得我一句"今次係岩架啦係咪呀??!",咁佢意思即係話我屈佢? 唔係高級餐廳唔=可以有咁差的服務態度囉~

晚飯6個人要成600元我不如去酒樓,起碼坐得舒服好多叫多寶魚夠新鮮, 雞ok蝦就"梅"其他非常一般

估唔到師傅話過唔黎, 點知又黎左...........一早起身趕住返去監房, 但又好鬼肚餓, 於是決定拿拿聲去食過早餐, 所以首要條件係要近同快, 於是師傅只好揀呢間食店!入到去人唔多, 一坐底二話不說就柯打野食, 揀左自選麵餐, 而自選麵餐有蒜蓉包, 火腿煎蛋, 同一碗粉麵, 師傅當然係揀左至愛嘅五香肉丁公仔麵, 而餐飲就係凍檸茶!蒜蓉包都幾大個, 而且幾香蒜蓉, 入口鬆軟, 味道不錯; 火腿煎蛋就煎得油少少, 火腿薄薄的, 不過冇咩特別, 而煎蛋都煎得幾好, 半生熟蛋, 黃又冇穿, 都幾好; 伴碟茄汁豆夠開胃, 唔錯; 五香肉丁公仔麵嘅肉丁份量都可以, 唔算特別多, 肉丁香香辣辣, 極惹味, 而麵質都煮得幾好, 煙煙韌韌口感唔錯; 凍檸茶嘅茶底唔靚, 茶唔多濃, 不過檸檬夠新鮮, 所以接受到啦! 總括黎講食物質素就一般, 服務又一般, 環境又係一般, 價錢就可以接受啦, 廿四蚊個餐有咁多野食, 收貨啦!, 加上今次師傅見唔到個寸咀阿姐, 所以食得過癮d, 或者仲有下次! 不過咁嘅水準係間間茶記都應該要有, 所以冇大驚喜, 笑臉比唔到, 有機會等師傅一定會試下佢個廚, 睇下得唔得先!

這晚，父親不想煮飯。他想了想，決定走去位於佐敦的嘉多莉餐廳我們點了蒸魚，招牌的鹽焗雞，和炒菜。首先，送來了例湯，我個人則認為很好吃，喝完不覺得口渴。鹽焗雞，吃了一口肉質很老！看外起來很好吃的樣了，但完全沒有想像中的鮮嫩。之後送來了，炒菜，聞到了那香味，已急不及待動手，一口氣放了全條進口，很好吃，我平常吃菜都不吃管部。但這里的我可以全部一點也不漏的吃清光！那汁也倒上飯中。最後，則是蒸魚，魚肉嫩滑，但我認為薑還是放少一些的好。

訂了八點鐘場在官涌開波七點三才去到佐敦,唯有速戰速決---茶餐廳!坐下望餐牌,發現呢間可能是佐敦區唯一晚上沒有碟頭飯賣的茶餐廳!水都未有杯擺低侍應就不停重覆問:「你哋6個人係咪叫2個4人餐?係咪?」唔理佢即黑臉....有五個人叫了鹽焗雞拚梅菜扣肉,咸魚醬蒸荳腐的「客家」風味晚餐!這家自稱「客家」小菜專家有幾專家?花生煲雞腳----正宗例水!未見過例湯加水加成咁!鹽焗雞拚梅菜扣肉----賣相已經嚇人!食落雞肉柴皮味道過咸,梅菜又係太咸,果幾件肉似湯渣多Ｄ!咸魚醬蒸荳腐----反高潮地以為會好咸,但竟然係無味嘅!而件荳腐亦都蒸唔透.其中一個叫蒸貴花魚餐----同三洋餐廳嘅功夫無得比!

又到左打波嘅日子, 咁啱今次打波嘅時間有d攪鬼, 唔拖唔水咁, 最後師傳都係決定少少野先去啦, 左諗右諗都唔知食咩好, 見到呢間食店就求其入黎食一餐啦!入到去人唔多, 求其坐底就柯打野食, 見到呢個自選麵餐都幾得就決定試一試啦; 自選麵餐有牛油方包, 火腿煎蛋, 同一碗粉麵, 最後師傅揀左好耐冇食過嘅五香肉丁公仔麵, 而餐飲就係熱檸茶!牛油方包一邊有牛油一邊冇, 牛油厚厚的, 唔算好味, 加上方麵乾身少少同硬硬地, 一般啦; 火腿煎蛋就煎得比較油, 火腿冇咩特別, 而煎蛋都煎得幾好, 半生熟蛋, 黃又冇穿, 都幾好; 而五香肉丁公仔麵嘅肉丁份量都可以, 不多不少, 肉丁香香辣辣, 口感一流, 而麵質都煮得幾好, 煙煙韌韌口感唔錯; 熱檸茶嘅茶底唔靚, 茶唔多濃, 加上出奇地細杯, 師傅相信喺呢區黎講, 一定係計澳洲牛奶公司之後另一杯最細嘅餐飲! 總括黎講食物質素就一般, 服務又一般, 環境又係一般, 價錢就可以接受啦, 廿八蚊個餐; 不過師傅第二次黎, 感覺都可以, 唯一唔滿意係落單嗰位阿姐, 因為師傅口快柯打左凍檸茶, 但都未等個阿姐轉身, 師傅就已經改番熱檸茶, 點知撞著個寸咀阿姐

藥煲又去搵神醫, 唔知得唔得, 不過....為咗醫好敏感, 唯有勤力啲! 原本想去樂壽, 但已太晚, 係附近見到呢間都有蒸魚 (以後只能吃豬魚)! 餐牌選擇都幾多, 有成十六種不同魚類, 鯇魚, 白鱔, 鯧魚....太多選擇下, 只叫了超值套餐!招牌鹽焗雞 - 雞背位置, 肉幾韌, 是日蒸魚(烏頭) - 約大半條, 肉唔算嚡, 細細條都有魚油, 鹹魚醬蒸豆腐 - 四件, 好在唔太鹹, 峇拉醬灼時菜 - 叫了全走, 津白菜, 一般, 兩碗白飯 - 老公話飯幾好食, 兩杯奶茶 (茶味夠, 唔錯)! 食咗咁多樣都係 $108, 雖然只有魚較可取, 但今時今日, 有魚有雞, 有飯, 有茶, 已非常抵食, 我見隔離枱叫芝士焗龍蝦...海鮮...選擇有好多! 環境只是茶餐廳, 唔太企理!

忽然想起這間以蒸魚套餐作賣點的茶記，不禁概嘆時光飛逝。屈指一數，已有差不多十數年沒來了....想從前住在佐敦時，經常光顧。一條魚、一碟油菜再加一大碗白飯，已是一頓很豐富的晚餐了...今夜再來懷舊懷舊，在門外依舊看見一列魚陣歡迎你。打開蒸魚套餐餐牌 --- 細鱗、黄花、鱔、紅衫、烏頭、左口...各款魚類應有盡有。雖都並不是甚麼貴價魚，但吃落也別有一番滋味...豪一豪佢，就來一條算叫做最昂貴的黃立倉，用豆豉蒸，貪其更惹味而且好"送飯"。蒸起一大條，魚本身亦算新鮮，肉亦蒸得剛離骨。對一個嚐魚如命的人如我，這魚的滋味，比甚麼鮑參翅肚還要好....吃完走出店外，忽然想起另一位嚐魚如命的朋友，心想下次約同前往，來個全蒸魚餐，不羨仙矣...

叫左個午餐, 唔同食物, 唔同價錢, 我要ge係 茄汁炸石斑腸仔飯, 配例湯(青紅蘿白豬骨湯) 同 熱奶茶, 都係$30, 味道唔錯! 茄汁夠酸, 魚柳仲脆... 份量都好多, 我食唔哂... 同埋食物好快就到... 服務都幾好... 值得再去!

早上行過佐敦本來想去澳洲牛奶食番個早餐但見對面個間未食過就入去試纒 。食鰦 個豬柳芝士漢堡同奶茶($20)。豬柳其實係漢堡扒，無加醬汁唔夠滋味，好彩個包係番熱過仲有少少脆皮，喜出望外。至於杯奶茶就夠茶味但係唔夠滑。其實呢間D水準唔差但係唔好彩附近有間咁出名，好多人都會互相作比較。個人認為食物水準始終係澳洲牛奶勝一籌，尤其是杯奶茶真係滑好多。至於服務方面雖然好多人詬病澳洲牛奶D伙計成日催客揀落單，其實呢個現象響一般茶餐廳都有。好似呢間咁一樣有催客不過就並非無禮貌，只不過比較心急而巳。有時效率同急躁只差一線而已。

話說今日約左另外2個朋友出街食飯，不過好多地方都爆滿，由油麻地行到去佐敦，最後選擇呢間餐廳。到底呢間野有咩唔好?1.表裡不一：個侍應話咩都有，但係入到去之後，6個套餐只有3個可以選擇、所有海產冇得賣(佢聲稱賣晒).......我地本來係因為想食炒蜆而入去既....2.份量不足：明明係4人套餐，但係就俾得3碗湯同3碗飯我地.......最後問佢攞第4碗飯同湯，個侍應竟然講：好呀，我送俾你啦...3.就如我之前所講，因為所有海產賣晒既關係，而我地個4人餐其中一樣係"白灼海蝦"，所以要轉其他野，結果個侍應就offer左個炸雞翼俾我地.....海蝦換雞翼......好了，換左就算啦，點知佢俾得3隻雞中翼我地。我地問佢要第4隻(我地叫既係4人餐嘛....)，佢竟然話："我剩係話轉3隻雞翼你地之喎。" 我好似剩係聽到佢話轉雞翼，冇留意聽係唔係3隻....最後，呢個咁既4人套餐就盛況$208

由始至終師傅都未黎過呢度, 點解? 咪就係印象同感覺都唔多好, 所以就算幾近都冇黎過! 點知上星期一大清早就要出街, 咁又肚空空, 於是乎師傅決定去食個早餐先, 但又唔知去邊到食好喎, 正當猶豫之際, 突然間見到呢間食店, 師傅就決定豁出去, 近近地食個早餐啦!入到去都幾多人, 可能由於對面間澳洲牛奶公司休息啦, 間接令呢度多左人囉! 坐底就即刻睇下有咩食啦, 見到有出前一丁麵餐, 師傅食指大動, 決定要一個沙爹牛肉煎蛋丁麵加杯凍檸茶!沙爹牛肉煎蛋丁麵好快就到, 以師傅估計大約一分鐘到啦, 速度之快真係嘆為觀止! 沙爹牛肉都幾多, 牛肉幾鬆, 沙爹汁就幾香不過都幾咸, 扣d分啦; 煎蛋一隻, 冇咩特別; 而出前一丁麵就煮得幾好, 麵唔會太腍又唔會太硬, 軟硬適中都彈牙添, 唔錯; 至於杯凍檸茶都算不過不失啦, 可以接受! 值得一提係呢度辣椒油, 並唔係一般辣椒油, 而係用XO醬, 以XO醬配出前一丁麵絕對係一個出色配搭, 師傅覺得比用一般辣椒油更好, 呢度值得加分!總括黎講師傅第一次黎, 感覺唔差, 雖然簡簡單單早餐並唔可以代表d咩, 但有咁質素絕對可以接受, 加上價錢唔算貴, 十九

上星期六同埋三個同事去0左佐敦呢間餐廳食Lunch~~我地一心就係去食海鮮~~~我地一坐低, 當然就問下係唔係有得食海鮮, 因為我地都好懷疑日光日白, 係唔係有得食~~點知個伙計就話" 梗係有, 你地好快D叫呀, 一陣冇Tim 呀, 0拿, 我就推介薑蔥炒蟹同埋豉汁炒聖子"比個伙計係咁催, 我地只好先叫0左呢兩樣0野, 跟住我地再叫0左又係伙計推介0既辣蝦煲, 仲有自選0既蒜蓉炒菜, 梅菜蒸肉餅同埋鹽焗雞~~~首先個人覺得佢個辣蝦煲係好得~~因為真係好好食~~跟住就係薑蔥炒蟹, 又係好新鮮, 好好味~~其實炒聖子都好好食~~不過少0左D~~其他0既都一般啦~~你地又估下我食0左幾多$$~~5...4...3...2...1...就係加埋哂HK$344~~四個人, 即係每位HK$86, 都算抵0家啦~~因為以我所記得, 我上次去流浮山食, 係食0左一百幾十蚊~~比埋個清單你地睇~~薑蔥炒蟹($68)辣蝦煲($68)豉汁炒聖子($48)蒜蓉炒菜(西X花) ($35)梅菜蒸肉餅($30) 連一個飯同埋一個例湯同埋一杯0野飲鹽焗雞($52)凍檸茶($13) X2熱奶茶($11) X1加多個飯(

上次睇完雜誌,見到d相影到好靚,已經好想去試,今日終於去到啦~我覺得d雞好夠味,送飯一流呀,不過就油左少少,就連d菜都一樣咁夠味~ 雞既肉質都算唔錯,唔會太鞋呀~ 不過成個set既size,對於一位男士黎講,可能唔係好夠飽,女仔就ok既,不過凍檸茶就夠大杯~ 員工既態度就ok啦~不過都係一間茶餐廳遮,唔好要求咁高lu~