嘆嘆 (裝修中)

黃大仙中心係正地鐵站上蓋，商場好大，餐廳都有唔同既選擇😎今日黎到嘆嘆cafe試佢地既新餐牌😆午市同下午茶都出左新野，我就lunch time時間黎到🫢餐牌選擇都好多，有唔同既台式料理😝食物質素唔錯，座位都坐得舒服👍🏻🍜招牌牛肉麵 （$78）牛肉麵味道唔錯，牛肉好軟林入味🤤麵條比較寬身，咬落軟硬度適中👏🏻牛肉湯底味道濃郁，加埋啲蔬菜好飽肚😝午餐仲有包野飲一杯，我就揀左熱雪梨冬瓜茶，清潤好飲🍵🍱鐵路便當滷肉飯（$65）另一份午餐揀左鹽酥排骨滷肉飯😍食滷肉飯最怕啲滷肉唔夠撈飯，呢度份量夠晒多，可以撈晒啲飯😇而且夠入味，唔錯😉鹽酥排骨外皮炸得夠脆，肉質軟林😙便當仲有春卷、滷水蛋同海帶湯，好豐富☺️飲品揀左清潤雪梨茶，加左蜜糖更加滋潤🍐🥟迷你韭菜鮮肉水餃（$42）韭菜餃有10隻，水餃皮幾滑，皮薄餡靚🤓本身個人都好中意食韭菜餃，當小食一流🤪🍟香酥台灣肉羹配蕃薯條（$68）另外仲叫左呢款香酥小食😚即叫即炸，上到枱仲係好香脆😀肉羹外脆內軟，蕃薯條亦有香甜蕃薯味👍🏻🍧嘆嘆甜品套餐 ($58)食完主食再叫左個甜品套餐，有唔同既蛋糕同芋圓揀😋我就揀左嘆嘆紫薯菲菲（+$20）😛有芋圓、珍珠、布甸、紫薯泥同紫薯奶

在黃大仙中心內有棵花樹不過呢棵樹唔係用黎許願，而係一間台灣菜餐廳坐係咁靚既花樹下，飲番杯 「夢」特飲，都幾夢幻~ 呢杯咁靚既特飲，仲要係跟餐唔使加錢的~餐牌睇落有D 複雜，我見好多人睇左一大輪都未揀掂總括只係1. MAIN COURSE + 飲品  $96 2. MAIN COURSE +  任揀飲品 + 是日甜品  $98 3. MAIN COURSE +  任揀飲品 + 任選甜品 $138  不過佢既主食, 小食, 飲品, 甜品都太多選擇，加埋前後2張餐牌有D選擇困難症 ~滷水雞翼滷肉飯加飲品 「夢」,  加配左台式小香腸添~滷水雞翼的滷水味唔會太咸，小朋友食都OK~ 滷肉幾香，又有汁，用黎拌飯食真係一流, 我女食哂成碟飯呀~ 小香腸，賣相，真係有D唔太好還好味道不錯。建議不如成條上，可能會賣相會靚仔D~  嘆嘆招牌牛肉麵 份量有夠多的我最愛佢既菜好多，感覺馬上健康了~ 台灣牛肉麵的牛肉即係我地既牛腩 嘆嘆的牛肉唔單止份量多，仲好腍好滑，唔嚡唔痴牙~麵條係寬條麵，好滑身 呢款台灣牛肉麵，湯底是係比較清的牛肉湯，感覺比較淡口。無平時的食開的牛肉麵咁濃味飲品和甜品都有超級多選擇女女好想

嚐嚐星期六嘅黃大仙中心超多人，想搵個地方食lunch都唔係咁易。行到1樓最入面見呢間餐廳環境又大又靚，仲要唔洗等位，就即刻入去試吓啦(｡･ω･｡)原來呢間餐廳係2間嘢夾埋，一邊係食韓國菜，而今次我哋就簡咗食台灣菜，即係嘆嘆呢邊。晏晝有午餐餐單食，【鹽酥雞鐵路便當🍱】$72+$8 凍四季烏龍茶份量比我想像中大份，女仔未必食得晒😳鹽酥雞雖然得四舊，但其實都幾大舊，仲有滷蛋、春卷、海帶湯！滷肉飯好好食，唔會好多肥肉，啱晒我！而杯茶就正正常常冇乜特別。【爆蔥滷肉飯】$65+$8 梅子茶真爆蔥🤤應該要鍾意食蔥嘅人先識欣賞！大大碗！食一啖就已經包含晒飯、肉、蔥！超爽！( ´▽｀)梅子茶比我想像中要好飲，雖然只係計落清茶類飲品，但酸酸甜甜，愈飲愈開胃～覺得唔會輸比啲特飲！【古祖滷拼盤】$98好抵食！勁大一盤！每款有4件～滷味好香濃，不過個人口味就覺得豆腐偏鹹咗少少，啱餸飯食。下次都係等多啲人先好叫，2個人食，食到後尾覺得太多🤣【3.6牛乳仙草芋圓大盛】$68掙扎咗好耐要特盛定大盛，因為特盛有個布甸好吸引，但真係太飽太飽嘅關係，只好叫大盛。入面材料勁豐富，食落芋圓好有彈性，芋泥架綿又好香，仲有一粒紅豆

今日同豬先生係黃大仙食lunch，就係黃大仙北館既一間台灣菜，呢度嘅菜式多樣，飲品選擇亦好多，尼食lunch同tea都好唔錯。衣度食lunch或者tea都好多選擇，lunch都有好多set選擇，一個價錢包主食/小食+甜品+飲品，視乎不同價錢不同配搭～豬先生叫左黃炆雞set，每個set都有滷肉飯同昆布湯。呢個湯以昆布熬煮，味道清甜，非常開胃。黃炆雞好入味，少少辣好過癮客飯套餐包一杯大馬士革綠茶，以大馬士革茶葉為原料，入口滑順，好解喝。我叫左雙茹百頁豆腐set，有滷百頁豆腐、雞比菇、蘿蔔，我最鍾意係雞比菇，好入味！配埋滷肉飯好正，滷肉比例幾多，仲配埋花生，口感豐富～飲品我叫左紅棗黑糖薑茶，其實仲有好多花茶選擇全部都好吸引～紅棗黑糖薑茶超級大壺，好抵飲，味道香甜而不膩，甜度剛好，唔會太甜～除左set仲叫左個湯同菜～嘆碗肉丸湯，衣個湯好多紫菜，紫菜位好濃，仲有4款總共8粒肉丸，分別有湯芋頭貢丸，起司牛肉貢丸，蔥爆醬貢丸同花枝丸，一次過滿足曬你～滷肉配高麗菜超多滷肉，炒得好香，配飯好好食～

今日中午同媽媽黎食台灣野「嘆嘆」，由於餐廳好多座位已經合併「韓閣」，依家「嘆嘆」個位置就搬咗入去間房，都有好多位可以坐好多人。佢最近推出午市套餐同下午茶套餐，有麵有飯，仲配各種飲品，幾抵食。招牌牛肉麵，套餐價💰78HKD紫菜湯麵可免費轉新竹米粉，牛肉大塊夠冧，麵份量滿足。套餐跟野飲，揀咗玉竹茶，養生好味。古祖滷肉飯拼滷水雞翼💰68HKD份量超滿足，配4件滷水雞翼，好有滿足感。雞翼深色入味，鋪有芝麻，好香口。嘆嘆拼盤💰128HKD有脆香甜不辣、胖胖台灣腸、 招牌鹽酥雞，一次滿足晒所有願望。尤其喜歡甜不辣，點咗醬更惹味。甜品💰68HKD3.6 牛乳仙草芋圓大盛 有3.6牛乳、芋圓、仙草、珍珠、黑糖蕨餅、芋泥，配料豐富，尤其喜歡芋泥同仙草，口感綿密。

黃大仙台式花系主題餐廳 — 嘆嘆黎左呢一間位於黃大仙新開嘅花系主題餐廳，餐廳主打台式美食，有台灣牛肉麵、鹽酥雞、滷肉飯等，見到依家只要Follow+share嘆嘆IG就會有八五折優惠今次叫咗兩個套餐C($138)，包咗主食/小食、飲品、甜品。嘆嘆招牌牛肉麵(+$20)有蘿蔔、椰菜等配料，湯底飲落幾清甜，蘿蔔索曬湯底，配上三個牛肋肉，質感軟淋並帶有少少𡁻頭，幾有牛味秘製鹵牛展拼手炒蔥油伴麵醬汁都好多，食落甜甜地，足夠撈曬成個面，而且充滿黑蒜油味咁香酥鹽酥雞(+$38)炸得幾香口戀心富士山紫薯奶蓋3.6牛乳特飲好夢幻，奶味都很足夠富土山奶蓋藍橙乳酪特飲味道幾特別！招牌珍珠奶茶奶蓋蛋糕($48)千層蛋糕面頭舖上珍珠同忌廉及黑糖，螞蟻人必食！🐜抹茶奶蓋千層蛋糕($48)千層蛋糕中間層忌廉配有粒粒紅豆，增添口味～

尋日第一次見到間野所以想試下，於是叫個外賣。然後半個鐘後去到間野拎外賣嘅時候，我問個收銀我個外賣得未，佢大聲夾惡咁兇我：等等啦！！ 我個一刻呆咗.......依家越諗越嬲。間野d野食中下級數，但價錢偏貴，服務真係未見過咁劣質而且我拎外賣個陣，聽到佢地毫不顧忌咁用粗口講d客壞話，好彩佢唔係做廚房咁話🤢.......。呢間野真係世界級。真係唔知佢係咪真心打開門做生意。真係試一次就夠。佢d食評正評咁多真係難以置信。

📍 嘆嘆 喺黃大仙中心見到呢一間餐廳，主要係覺得甜品吸引所以入咗去，個人都係推介甜品多過咸食，佢哋有下午茶餐牌，可以揀甜品加飲品，入嚟同朋友傾吓計都幾好🙈👅 嘆嘆套餐 $158呢個套餐主食要咗嘆嘆招牌牛肉麵，飲品就揀咗特濃奶蓋朱古力，至於甜品就係招牌珍珠奶茶奶蓋千層蛋糕。牛肉麵份量都幾多，好搞笑，用個大嘅鐵兜上，湯底偏甜，蘿蔔都好入味，牛肉有三大嚿，麵質都合格。飲品正常發揮，甜品都幾特別，好適合打卡， 珍珠都好有咬口，撈埋奶蓋食千層蛋糕就唔會有好乾嘅感覺。👅 嘆嘆套餐 $170唔想食飯同埋粉，所以主食要咗香酥合灣肉羮配蕃薯條，小食加左$32要花雕醉翼，飲品就係熱嘅清零消脂手工花茶，甜品要咗珍珠芋圓熱仙草。炸物香脆，花雕雞翼凍上，算大隻。特別想講吓個甜品，戶縣比想像中更加好食，仙草好滑，本身好怕啲仙草好似涼粉既口感，但係呢一度唔會👍🏻

呢度有客飯套餐、單點主食及台南小食下午茶叫咗炸四寶丸配沙律蕃薯條炸四寶丸要小心爆汁，我就最愛芝士牛丸沙律🥗係田園沙律，蕃薯條炸到外脆內軟，好好味😋飲品叫咗梅子汁，味道酸酸甜甜另一個下午茶揀咗古早沙茶肥牛公仔麵配炒蛋個肥牛公仔麵好吸引😍 值得一試，炒蛋好香滑飲品揀咗四季春烏龍茶，飲落好清香，好好飲呢個芝士肉鬆手抓餅都好好食，芝士味濃，口感好豐富啡啡雪山係espresso coffee➕ vanilla ice cream，香濃嘅咖啡配上滑溜嘅雪糕，非常不錯抹茶千層奶蓋蛋糕個賣相都好靚，千層蛋糕之間有紅豆Cream再加紅豆，配合埋抹茶奶蓋一齊食都幾好味3.6 牛乳仙草芋圓大盛🈶巨型刨冰、3.6牛乳、黑糖大福丶芋泥、芋圓、仙草及珍珠，真係好豐富，而且味道唔會太甜，好抵食戀心富士山（夜）紫薯奶蓋3.6牛乳特飲個奶蓋好long last，飲落紫薯味香濃

呢間真係垃圾中既垃圾，講真既，好耐無食過咁垃圾既餐廳。野食又貴又唔好食，套餐是日甜品伏到爆，仲細過粒燒賣，3人份量都細過一件西餅。然後出餐速度極慢，整個麵都整咗45分鐘，仲要催左兩三次先有得食。仲有啲再好笑嘅就係，無既野食就係半個鐘後同你講無曬取消左(最後張單又無取消到)又或者逼你轉啲平啲既食材。最後服務態度極差，最後俾錢張單都整咗10分鐘，最後因收據上寫着一蚊嘅外賣用品，好奇問一問，原來佢地好好人呀，有杯18蚊加配飲品唔寫落去先出到張單，反串返我地廢事要我地等比反17蚊佢地。一試難忘!!!!呢間野，請我食都唔會去

尋晚去咗呢度食飯，叫咗野食之後等咗大約半個鐘先同我地講話啲野食買哂要轉，之後再等15分鐘左右先到已經低能。仲要本身應該配滷肉飯都變咗紫菜飯，兩樣價錢有差距都算啦，但係我想講嘅係台灣餐廳有咩可能預備咁少滷肉，我哋係7點幾食，都唔夜。不過野食質素係可以接受嘅。買單既時候再弱智啲，不但止張單收多咗，仲要有個勁串既收銀處理，最後賠償左一杯野飲，不過我哋總共6人。所有staff啲態度都好差，尤其係一個男收銀。應該大部份正評都係假，千祈唔好信👋🏻👋🏻

嘆嘆Cafe 🍶約左朋友去黃大仙食嘢，發現左間幾吸睛嘅餐廳，所以就諗住試下啦～🤭干貝竹笙鹿茸菇雞鐵鍋湯配紫菜飯：$86想食湯飯嘅朋友仔可以試下依款～湯嘅材料配搭幾好，味道好濃同埋好香😌啲雞肉幾滑，同埋竹笙吸收晒啲湯汁好正🥹嘆嘆招牌牛肉麵套餐：$158都留意到幾多人叫佢地嘅招牌牛肉麵同埋網上都幾多正評，所以就揀左黎試😆先飲左一啖湯，覺得幾清甜～佢地嘅麵比較粗身同埋好煙韌🤩草莓百香果紅茶（水果茶）：跟餐花茶裝咗喺個大壺入面，底仲有細蠟燭保暖，所以唔洗擔心會凍😂配左龍眼花蜜，可以跟番自己嘅口味加入花茶飲用～招牌珍珠奶茶奶蓋蛋糕：跟餐覺得係必嗌甜品因為食完感覺到大滿足😂係千層蛋糕夾雜着一啲珍珠，再撈埋奶蓋真係一流😍古法藥膳醉雞卷：$46呢個雞卷花雕位唔係太濃，恰到好處之餘配有藥膳味，啲雞肉好滑又嫰，側邊有啲小菜，成碟食落都好清新，唔會太重口味，所以如果食肉燥飯覺得有啲膩就可以嗌埋呢碟～大家想食台灣嘢同時又係黃大仙嘅話可以去試一試🤓。。。。。。。。。。。。。。。。。。。。。。。餐廳：嘆嘆Cafe地址：黃大仙龍翔道136號黃大仙中心北館地下G06E-G06G號舖

🐣香酥鹽酥雞 食台灣野點可以唔食鹽酥雞🥰即叫即炸熱辣辣脆卜卜😋🍚客飯套餐配昆布湯暖暖胃🔥主食叫左啤酒鴨配滷肉飯 鴨肉淋稔好入味 配滷肉飯perfect match滷水👍🏻🍱台南三小碟 餐前小食有花生菜莆等等 開開胃😋🍰招牌珍珠奶茶奶蓋蛋糕 超級推介呢款蛋糕💯好似食得既珍珠奶茶😳非常好食 食完好滿足😍🧁嘆嘆抹茶紅豆大盛 份量大到2個人share都絕對冇問題😳配料好多 岩哂樣樣都想試下既我地🤪🧋古祖黑糖珍珠奶茶 台式飲品無野可以挑剔👍🏻係正宗台灣嘅味道❤️🍵清零消脂手工花茶 食到咁飽飲番杯手工花茶消消滯🤗

最近拜完黃大仙，就緊係搵嘢醫吓肚見餐牌D嘢都幾抵食，於是就入去試吓🍬嘆嘆甜品套餐 $58 x 2❄️3.6 牛乳仙草芋圓大盛 +$20-巨型刨冰🍧再加入3.6牛乳、芋圓、仙草、珍珠、黑糖蕨餅、芋泥-特大碗 極之涼快 🍵抹茶干層奶蓋蛋糕-千層蛋糕之間有紅豆Cream再加紅豆-然後淋上抹茶奶蓋 再放幾粒紅豆🫘-賣相唔錯 味道正常🍹夢-呢杯幻彩沙冰酸酸甜甜 又係涼快之選 相當色彩鮮艷🍠戀心富士山（夜）-3.6牛乳再加入濃厚嘅紫薯-非常有甜薯香 🍅蕃茄牛肉麵 $88-蕃茄湯酸酸甜甜 味道唔算好濃-牛肉頗嫩 唔會咬唔開-麵條質感似上海麵總括嚟講，真係幾抵食，唔錯

耐冇來黃大仙，見開左間台式餐廳，一於試下。呢間台式餐廳同隔離間韓國野痴埋，仔細睇先知原來佢係台式餐廳。我一向都大愛台式食品，呢間餐廳都冇令我失望，仲有驚喜添!佢有幾個套餐揀，我同朋友見到餐牌咩都想食，所以直接點左兩個套餐C，有主食、甜品，仲有野飲招牌牛肉麵就係正常牛肉麵味，麵質煙韌，個湯清清地但都幾好味，牛肉亦煮得夠淋，唔錯!朋友叫左鹵牛展蔥油伴麵 牛展咬落好有膠質真係唔錯，伴麵個醬味道都撈得幾平衡，亦帶出牛展既香油味，邪惡但係正既!鹽酥雞炸得好香脆，係地道既台式鹽酥雞，店員另外俾左個醬去點，但個人覺得唔洗點都好夠味。特濃奶蓋朱古力味道果然超濃，奶蓋飲落似食緊芝士咁濃郁紫薯奶茶就比較清淡，但朋友又幾like甜品叫左珍珠奶茶奶蓋蛋糕，好有茶味，每層蛋糕質感都做得唔錯。呢個3.6牛乳仙草芋圓大盛來到真係好驚喜! 真係滿滿既超大碗! 足夠兩個人一齊食，有呢個甜品作結真係大滿足，我同朋友都食都好飽