喫茶ちょうぼ

营业中

休息中

咪以為見到個日文餐廳名就係喺日本🇯🇵食，其實呢間餐廳係由日本過來香港開分店，銅鑼灣店係最近新開第二間分店呢。餐廳門口有一顆好靚嘅(假)櫻花樹🌸，旁邊有條用來裝飾嘅樓梯，我見好多女仔都喺度打完卡先進入餐廳😆食物種類都幾多，蛋包飯、漢堡、炸物、意粉、厚切多士、甜品等。餐牌上仲有為櫻花季節而推出嘅期間限定菜式。▫️醬油魚子櫻花蛋包飯 (HKD138)▫️烤自家製和牛漢堡扒定食(HKD158) ▫️草莓法式多士 (HKD88) 兩款主菜味道OK，櫻花蛋包飯配上粉紅色嘅醬汁係幾靚，巨型炸蝦🍤好奪目，非常適合打卡。不過我食唔出咩味道，總之唔係難食囉😂 和牛漢堡扒另加$28升級做套餐。是日涼拌菜就係漢堡扒本身都有嘅薯仔，只係俾多幾粒你另外用碟上啫。漢堡扒應該係煮耐咗，好硬又乾。「草莓法式多士」反而唔錯，冇諗過甜品會比主菜更出色。

今日好開心去間新餐廳食嘢。重點係，樣樣都超水準👍🏻！！！連爸爸都讚☺️真係忙到好耐無寫食評。。。我就一路食，一路同家人講食評🤣🌷日式紅酒燉牛面肉蛋包飯$145💕(嘩！真心好耐無食過好食嘅蛋包飯！自問要求高！而呢個蛋包飯，真心高質。蛋好滑，好完整，食落滑口有蛋香。炒飯，唔知係唔係有酒味，竟然係好食！紅酒汁，真係食到有紅酒味！好味！牛面肉都腍。整體好高分)🌷日式炸豬排飯$138(豬排炸得幾好，好脆，無油膩感！肉唔會死實實。南蠻塔塔醬，好香洋蔥蛋白味，我嫌俾得太少🤣)🌷海鮮意粉$92(食到有龍蝦汁，海鮮都新鮮，意粉軟硬適中，好味）🥃草莓沙冰(叫正餐後+$28)🥃抹茶麻糬沙冰(叫正餐後+$28)💕嘩👍🏻抹茶超好飲！唔會太甜又唔苦又唔澀！真係好正。連麻糬都係超好食，100分！Q硬度100分！點解得1粒咁少㗎！！！🍰伯爵茶戚風蛋糕(+$32）好香伯爵茶味。蛋糕有濕潤度，唔會乾口。唔錯。🥔連小食：薯仔沙律都好好食。🌸餐廳滿滿打卡位，食物高質，環境又靚🌸岩哂一家大小，朋友聚會☺️

見世貿這間餐廳新開，裝修很美觀和好有日系風，故都幫襯了好幾次，覺得食物很不錯， 蛋包飯、意粉都好好味，份量又夠大碟，但每去一次都感覺員工服務態度麻麻，以為新開張所以運作上需要時間調整，但直至上星期五（訂咗位）推介比朋友去試下， 去完後都要同自己講無下次了， 員工服務真係好唔掂，蛋糕催了五次先有，每次我客氣地跟員工說他們都好似扮聽唔到和無回應，得一個傳菜的女侍應（矮和細粒的）相信是最好的一個，其他都好像趕客樣

呢間日式食肆氣氛環境真係無得輸，門口有棟櫻花樹，幾吸睛～～另外店舖有賣日本擺設同碗碟，都係好靚食物賣相一流，十分適合打卡！擺盤靚，味道都好食！店員不足，而且不太禮貌，例如想點餐時一位粉紅頭髮的女店員樣子不耐煩，令你唔敢叫佢幫你。食物到咗亦急住放下就走人，不似大埔分店會問你在切開蛋包飯前要唔要影咗相先？大埔分店員工的確細心友善好多。

開店不久，就來食過lunch🍽，環境好🌸🌼食物又唔錯🤗所以星期六，就約定朋友，念住食個靚飯🍛嘆個靚景🌸🌼，環境依然冇得輸，不境對住遊艇會⚓️食物味道跟之前的差不多，唔錯，可惜今次點錯餐，點了軟殼蟹🦀意粉🍝，賣相OK靚仔㗎，問題出在處理食材上😐👉🏻👉🏻🦀🦀沒清理腮部🥲，直接原隻蟹🦀炸，這個真的不能接受啦順帶一提⭐️⭐️服務態度依然不變，所以奉勸大家千祈唔好在這方面有任何期待啦⋯⋯😐😐

偶然喺大埔食過一次，發現性價比好高，食物好食，飲品好飲，環境靚，仲要好坐，但住港島以為冇咩機會再食，點知機會嚟啦！喺銅鑼灣開左分店！今次已經係第二次去銅鑼灣店，上次坐近門口卡位，睇唔到裏面有幾大，今日有機會坐入啲啦，原來仲有海影卡位！絕對係tea嘅會去處！焙茶沙冰第一次飲焙茶沙冰，估唔到好好味！抹茶咖啡抹茶味好濃，但都仲有好香咖啡味明太子蛋包意大利粉蛋包飯食得多，第一次見蛋包意大利粉，即刻叫嚟試吓。估唔到又夾喎！明太子汁一貫好味。南蠻塔搭醬日式炸豬扒飯想試好多次16小時慢煮肉眼飯，今次依然食唔到…. 就叫左炸豬扒飯，其實都炸得好靚，但係塊豬扒好薄，唔係平日吉列豬嗰啲。棉花糖朱古力多士賣相好靚，超甜，鐘意食甜嘢應該好啱，個女食得好開心

之前在大埔分店吃過一次、今之在銅鑼灣開分店，面積更大，文藝氣息更重。📍位置：銅鑼灣站D4出口站，步行約五分鐘，在AHAN THAI店旁。🏠環境：門口有一個假櫻花配樓梯的打卡位置，旁邊是書櫃，後方是四人大梳發座位，用來扮扮文青看書打卡一流。再入是一條長走廊，一邊是二人座位，另一邊是卡座，而中庭則是落地玻璃窗、十人的大枱、粉色牆身配典雅的設計，整體以淺木系為主題，有日式的風格中，帶出時尚典雅。🤵🏻服務：人手點單，收取加一。🍽️晚市：不設套餐，提供各款日式料理和甜品。🌸醬油魚籽櫻花🥚蛋包飯🍚 $138😆份量很巨型，尤其是煎蛋，絕對夠兩個女士分享，職員先切開半邊蛋，露出中間流心狀的滑蛋，再倒上紫色的奶油，使蛋包飯更濕潤更香🥰。另外配上配了天婦羅蝦、忌廉蟹餅和沙律菜，飯已用雜菜炒過，蛋包飯上灑上粒粒魚籽，添點鹹香，最棒是滑蛋夠嫩，充滿蛋香，帶點甜味😋，個人認為蛋包飯應是添加了紫薯🍠，不過朋友覺得是紅菜頭，不論是甚麼也好，整體是很高質😊。🌸櫻花日式布甸船🍮 $108甜品由日式布甸🍮和粉色🌸櫻花糕點組成，擺盤精緻，上層布甸🍮細滑，滿蛋香😚；下層糕點淡淡花香，質感較結實，不會過甜😙。🌸櫻花梳打🥤 $42

WTC 開咗啲新餐廳，咁係銅鑼灣食飯就有多啲選擇🫶🏻 今晚嚟呢度食晚飯，6點幾左右就唔駛等，可以直入💯 雖然係early dinner，不過原來已經有唔少人開緊餐😂再講，入到去先知餐廳空間比想像中大，仲有大窗望到海🌊（PS 我去嗰陣時已經開始入黑，有日照個景應該再靚啲🌅）Order 咗2個main courses：日式紅酒燉牛面肉蛋包飯🐮🍳&南蠻塔塔醬日式炸豬排飯🐷 2個人食就食完個main就食唔到甜品啦，太飽🤧日式紅酒燉牛面肉蛋包飯🐮🍳 紅酒燉牛面肉好入味～質地軟淋，綿到唔駛咬都得，不過味道略嫌太鹹💁🏻‍♀️🧂同埋上枱時凍咗啲🥶似煮完放咗陣蛋包飯另一重點係個蛋～一切開見到唔係好流心，有啲過熟🥴！不如蛋香夠～如果火侯再control 好啲就good 喇🙌🏻南蠻塔塔醬日式炸豬排飯🐷 炸嘢好難出大事～overall係有少少乾，不過個塔塔醬好好味🤤 一定要點多啲先食 🤭🤭 見到好多人都order 布甸🍮 不過食完2個main都飽到郁唔到，下次先再試呢度嘅甜品 🍰🍨🧁

適逢假日，想與知己放鬆一下，於是到了銅鑼灣一間精美和洋風餐廳品嚐一頓至Chill櫻花主題午餐❗餐廳裝修精緻，呈輕木系和風格調，座位寬敞舒適！店員亦殷勤有禮。我們一行2人惠顧了以下櫻花主題菜式：1️⃣醬油魚籽櫻花蛋包飯 $138 以醬油、粒粒爆漿魚籽及櫻花配搭香濃幼滑的蛋包飯，蛋香濃厚，炒飯粒粒分明，賣相呈櫻花粉紅色，拌以黃金酥脆的炸蝦天婦羅及忌廉蟹肉可樂餅，加上清新沙律，配搭新穎，豐盛美味。2️⃣櫻花日式布甸船 $108以香滑濃香焦糖雞蛋布甸配搭櫻花果凍，布甸香滑濃郁美味，果凍以櫻花造型，賣相精美！3️⃣櫻花梳打 $42@以清新開胃梳打配搭櫻花，帶淡淡花香，以燙金櫻花杯盛載，賣相精緻，切合主題，充滿春日氣息。🔖整體評分美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️5⭕️為滿分總括而言，此餐廳裝修精緻，食物質素不錯❗️餐廳鄰近銅鑼灣站，絕對是銅鑼灣一帶的和洋西餐廳之選❗

早前喺大埔排隊食過呢間餐廳原來銅鑼灣都開咗分店趁住Early Lunch 唔洗點等位享受返個豐富午餐踏入4月份係日本嘅櫻花祭餐廳嘅餐牌都以櫻花作主題平日無乜機會以櫻花作主題嘅菜式✨醬油魚子櫻花蛋包飯第一次試到粉紅色嘅蛋包飯，賣相好靚，店員仲好貼心幫我地將蛋介開再淋上醬汁面層加上晶瑩通透嘅三文魚籽滑嘟嘟嘅雞蛋令每啖米飯都充滿醬汁好Juicy✨櫻花羊羹櫻花嘅外觀帶著兩層唔同嘅味覺同口感✨櫻花布甸船幼滑嘅布甸，上面吱上Creamy嘅忌廉味道唔會太甜加埋旁邊嘅新鮮士多啤梨，味道好夾✨櫻花梳打粉紅色嘅梳打賣相好可愛裡面仲加入鮮花 同 櫻花形嘅朱古力配上餐廳裝潢嘅舒適感非常滿足的一餐

終於到櫻花慶典了，喫茶ちょうぼ帶來迷人的櫻花主題，多款和洋美食加入粉紅元素，充滿少女心，適合閨密享受甜點，瘋狂打卡。讓我們的相機先食，再細味品嚐粉嫰蛋包飯，在櫻花樹下浪漫邂逅。醬油魚子櫻花蛋包飯 圓滾滾的蛋包飯，覆蓋着熱呼呼的炒飯，表面鋪上魚子，切開蛋包飯，魚子慢慢流瀉下來，令人食慾大增。炸蝦香酥可口，入口彈牙、脆卜卜，為米飯倒上粉紅醬汁，每口濃厚奶油香氣，滋味吸引。大啖咬下忌廉餅，滿滿軟滑忌廉，綿糯吸引，沾上蛋黃醬，啖啖窩心。櫻花日式布甸船震騰騰的日式布甸，配上鮮草莓肉及奶滑忌廉，入口冰涼蜜甜。沾上黏稠焦糖醬，洋溢濃郁蛋香，叫人津津回味。櫻花羊羹羊羹是以櫻花為主題的和菓子，造型別緻，帶淡淡櫻花漬的酸甜滋味，清新味覺。櫻花梳打櫻花特飲十分夢幻，浸泡著芬芳的櫻花花瓣，感覺淡雅柔和，呷一口甜美解渴，在忙裡偷聞的午後，來一場甜蜜的時光。

門口有旋轉樓梯佈置，亦有個大書櫃，而入內卡位更可望到海景，寫意悠閒的感覺， 適合打卡。期間限定有櫻花系列，少女心既我地當然要試下! 醬油魚籽櫻花蛋包飯 $𝟏𝟑𝟖粉紅蛋包飯，店員會幫忙切開，好完美既流心蛋，完全蓋係日式炒飯上面。個醬奶油味重，非常香甜。有兩款香脆炸物，炸蝦好彈牙，忌廉蟹肉薯餅咸咸甜甜，有風味。另外個飯佈左三文魚籽，多種口感。櫻花日式布甸船 $𝟏𝟎𝟖傳統焦糖雞蛋布丁 + 櫻花果凍，布丁好香既蛋同奶味!加上有新鮮生果，可去一去膩感。櫻花果凍造型係糕狀既果子，好有傳統日本感覺。櫻花梳打 $𝟒𝟐清爽既梳打，杯中真係有食用花同埋一粒櫻花形既糖，唔會太甜。杯上既燙金櫻花好靚，真係非常配合主題又有春夏氣色。

📍 喫茶ちょうぼ🍳日式紅酒燉牛肉蛋包飯 $145牛肉炆得好淋，配上特製嘅紅酒汁🍷再加上嫩滑嘅蛋包飯，簡直係perfect match🤤🍗南蠻炸雞 $88炸雞配上南蠻醬汁，味道濃郁🤩再加埋啲塔塔醬，一啖咬落去，外皮香脆，肉汁出曬黎，勁juicy!!!😋🍖北海道五花肉角煮丼飯 $112大大嚿嘅五花肉，份量十足。五花肉非常軟淋，食落唔會油膩，仲配埋沙律同滷蛋😗🍰伯爵茶戚風蛋糕 $51甜品絕對唔少得！離遠都已經聞到伯爵茶嘅香味，蛋糕嘅質感好鬆軟😙賣相仲啱曬打卡😆🍵抹茶麻糬沙冰 $52 抹茶味勁濃，麻糬口感好煙韌，好有咬口🥳🥛焙茶奶 $45飲落去唔會死甜，焙茶味好香🤩⭐️ 好味指數：8/10📍喫茶ちょうぼ銅鑼灣告士打道280號世貿中心4樓8號

🌸醬油魚籽櫻花蛋包飯我特別對日式蛋包飯情有獨鍾，鍾意切開見到蛋汁慢慢lava flow，非常療癒，未食已經視覺滿足。今次櫻花蛋包飯用上櫻花粉紅色配雞蛋，少女感滿分，打卡勁IGable，加上同樣粉紅色嘅忌廉汁，整個人已經融入櫻花粉紅嘅世界。 炒飯用上日本飯，軟糯綿綿非常撘配蛋香。🌸櫻花日式布甸船+櫻花羊羹布甸細滑又順口，牛奶及雲呢拿都好出，配上焦糖及鮮果又唔係好甜，topping 有一棵鹽漬櫻花，咬一少口再食感覺更refresh。羊羹本身都擔心會好甜，但入口清幽有淡淡花香，配上櫻花造型，兩層口感，一層清爽，一層綿密有紅豆香甜。🌸櫻花梳打鹽漬櫻花做base，配上冰爽梳打水及櫻花造型朱古力，bubbling 嘅感覺好fresh！

第二次幫襯，因為阿女想試個芝士蛋糕。上次只係叫輕食就好少少，不過員工態度一如既往。晚上8時15分左右到達，喺前台等候帶位，員工無視我喺度等，仲避開眼神接觸，最後要行入去大聲叫人。咁啱得咁橋，今次又係坐返對住廚位出菜個位，嗰對門簾依然係梅菜咁，一間日式餐廳竟然會咁唔整齊，寫個服字。員工們逗留喺出菜位房間，細聲講大聲笑，拎住個電蚊拍互打。其中一個男仔仲爆粗講自己威水史。有客人遞咗好耐手想埋單都無人理，因為根本無人喺到，我忍唔住叫佢哋，先有一個女仔出嚟處理。觀乎全餐廳係無一個負責人，所以大家都玩得好開心。食物亦好差，叫榛子咖啡比錯綠茶咖啡，咖啡係唔熱，直頭係微涼。個蟹肉沙律入面食到一條好長嘅包裝膠紙，初頭以為係菜絲，但咬唔斷，從口中拉出嚟先知係膠紙，唔睇下真係差啲會照吞落肚。更差嘅係，我喺fb pm專頁作投訴，佢哋係已讀不回，諗住再查下邊個集團經營，再send email，原來係“富臨”！唔怪得咁啦！明哂！