喜運點心房 (已結業)

土生土長的香港小生，其實間不時便會點心癮起，特別係夜晚，有時對飲茶及點心總有情意結。這間店是第二次幫襯了，第一次進店總係戰戰兢兢，原因係市面上都有太多點心的選擇，實在不能單單看門面，或靠店內傳出的香味作為進店的基準。第二次進店後決定留影決定跟大家分享一下:2人同行點了:鳳爪排骨蒸飯$25馬拉糕$15咸水角$15清菜心$14糯米雞$25 然後茶位每位$2糯米雞，排骨飯，清菜心都是合理正常味道，不太難給予好評。但反而我最想主力推介的是:!!! 馬拉糕 !!!甜度適中，十分鬆軟，蒸點難免沒有濕氣，但這糕不會太濕，說實在係小店入面有十分出色。而且乾濕度勁好, 並沒有漿口的感覺。相比起我前幾點去蒸包子的店實在有差!份量係極抵食!!! 個人十分推介!!!!咸水角!!!我們差不多吃光才發現咸水角還未送到，便想開口問之濟。姐姐便送上枱面。急不及待的我忍不住夾上口, 但原來遲來的原因是 剛! 炸! 好!新鮮出爐的感覺實在太感動，明白喜歡吃咸水角的人便知，新鮮味道是多重要。怎至乎灣仔的米之連酒樓也不是鮮炸! 筷子督入去個下的碎聲就知道有多脆口!如果要說這咸水角有什麼問題，就可以說它的內涵料有點點的過鹹!!

日日食餐蛋麵多士好鬼悶，想食一盅兩件，但又怕去茶樓等位。放假就話同你去茶樓慢慢等，慢慢食，平日時間就真係好艱難。今日俾我發現左呢間小型茶樓，可以滿足到我。由落柯打到食完野，唔使45分鐘，快靚正！仲要平！平！平！四份點心加茶錢都只係70蚊。 不過，呢到無得揀飲乜茶，清一式係普洱。比傳統茶樓既普洱淡味d, 茶色亦唔係太濃，其實感覺都幾好，唔會有苦澀味。牛肉球係飲茶必叫既點心，貪佢啖啖肉。雖然肉質比較稔身，但勝在用料新鮮，混合左d馬碲粒和䓤碎，附有少量腐皮。加埋喼汁，將牛肉球既層次大大提升左。豬潤燒賣唔係到到都有得食。😋😋😋豬潤仲要厚切，咬落爽脆配埋自家制肉丸，豬肉混碎蝦肉制成一個乒乓球，大大份又係啖啖肉。叉燒腸粉就失左水準。首先唔夠熱，只可以用暖黎形容。然後，皮合格，唔太厚，滑度可以，但d叉燒就好瘦，仲要嚡口，搞到成碟叉燒腸粉跌晒分。咸水角新鮮炸起，上桌時仲熱，差點燙到個👄。外皮口感煙韌帶甜，餡料咸香,帶點汁水。皮與餡料剛好把甜和咸發揮出火花。不過餡料就少左d，如果唔係仲正。下次我想試下佢地d包點，見人地叫左個大包仲大過個拳頭，好吸引價錢真係一d都唔貴茶位每人2蚊。早餐又多一個選擇了😎😎😎

這間點心店好耐以前都常常去的，可能因為加租問題，約半年前停業了，現在在隔離兩個舖位重開，當然要去幫親下啦。這間一向都價錢合理，有茶樓的質數，現今都不少茶樓做不住，因為茶樓位置相對比轉大，現在租金這麼貴都好難做了，開始多這些點心餐廳出現。講返食物方面，我叫左一個鮮蝦腸粉，一個蒸排骨，本諗住叫個排骨飯，但自己睇錯左，下午茶特價食物係無排骨飯鮮蝦腸粉，腸粉很滑，蝦好大隻，這個比起很多茶樓的腸粉還好，因為腸粉要即整先好食，值得推介排骨，多肉多汁，我鍾意這個，有時食到d排骨，骨多過肉，又要乾，唔好食，這個非常好環境黎講就中規中矩，茶樓當然會好坐d，但這裡勝在價錢平民，可以早上，或下午特價時段去食，相當抵食