喜運點心房 (已結業)

我諗我有成三個月冇同老公出街撐枱腳今日難得，一開閘嘅時候咩都未食，就同老公去佢最鍾意嘅飲茶屋企附近就一定係揀呢間㗎啦一入去見到餐廳枱與枱之間有膠片格住感覺好安心吖不過可能因為我太耐冇出街食飯嘅緣故所以覺得好特別🤣🤣🤣特此紀念🥰

一句講晒：經濟實惠！茶位兩元，點心及返女基本上都不是很貴我叫了一個北菇滑雞飯$27，好大碗而且雞肉鮮嫩，加少少豉油就已經十分好食.我也叫了一碗例湯，大大碗之餘還有湯渣，很滋潤，$14。基本上一壺茶一個飯一個湯，就已經可以食到好飽好豐富。其他點心也很不錯份量足味道好。

今日上午因為要去見客，所以到左油麻地。中午揾野食，行下行下去到砵蘭街，去到呢間喜運點心房。我坐底寫點心紙，叫了盅頭鳳爪排骨飯，鮮蝦餃。食物好快到。鳳爪排骨飯不過不失，用料足，鳳爪同排骨都多，飯份量乜不少，1個成年人絕到夠飽。蝦餃好食，蝦大又新鮮。市區來說，呢個喜運點心房可說是非常不錯，1個午餐，50幾港幣，又平，又靚，又正！值得一提是，茶錢位位兩元。如有機會，下次可試梅菜蒸肉餅飯，奶皇包，同埋燒賣。

現在已經是常客了第一次來，是收工十一點幾，經過見人不少就試一下意外的以小店來說，蝦餃的水平相當好，蝦大大粒，個皮亦厚薄剛好更意外嘅係腸粉即蒸，非翻蒸的厚皮腸粉，比起附近幾間粥店既腸粉好食，雖然皮未夠煙韌，但已經係我係附近食即蒸腸粉既首選一般都會叫菜苗餃/蝦餃，偶有蒸過龍，但勝在蝦夠爽口最近新發現，原來梅菜肉餅飯好正，廿幾蚊個蒸飯，用既米有咬口，梅菜同肉餅調味啱啱好做街坊生意，食得出有良心同用心既店

星期日 偶然經過 這裏， 丈夫話想想食一些大包 和點心 就進入這裡試試， 我們 叫了一個 炸鯪魚球 ，一個大包 ，一個豬潤燒賣， 還有一隻鹹肉粽， 炸鯪魚球 ，味道十分不錯， 是即炸熱辣辣的， 味道 也十分可口，這是我最喜歡吃的點心， 大包也很久沒有食了，茶樓也很少有大包賣，這個大包十分足料， 一 搣開 裏面有很多材料， 芋頭豬肉菜冬菇， 如果自己食一個 已差不多等於一碗飯了， 很飽很滿足的， 豬潤 燒賣 ，味道也不錯， 豬潤也很薄很新鮮，燒賣也感到爽口彈牙， 最失望的還是那個鹹肉粽了， 打開 材料很少， 味道也是平平的， 還貴大包一元 ，相比那個大包 ，材料就十分足夠了，價錢算是合理， 這間舖頭很細小的， 只坐到二三十人左右， 食完就不宜久留了。

今日經過砵蘭街見到這間點心店 最吸引的的是那排雞球大包 是童年的回憶 近年都有食過 但水準始終不及當年 今日見到 所以買來品嘗 價錢只是17元 本來沒有很大期望 但它的體積真的很大 可以切成6份 饀料足夠 不太咸 材料不錯 很滿足另外還有棉花雞和鳳爪, 水準也不錯 鳳爪亦沒有染成深色 保留原始的顏色 棉花雞也很好味 值得一試

發現旺角大部分的食肆唔係打邊爐就係放題，想食個輕型少少既飯唔通除左食米線/茶餐廳就無選擇？今日行街行到攰攰地，見有間點心店門面幾光猛，就走入去食下。點心紙一目了然十分清晰，種類平均，價錢經濟實惠。蒸飯款式比一般點心點多，高達八款。包類點心值得一讚！以”一個”為單位，唔洗叫親都一籠籠份量咁多。貪心既仲可以試埋其他款😂所有點心質素良好，上菜速度合理。鬧市中的點心店，整體表現唔錯，可以一試。🔸喜運蝦餃皇 $25🔸鵪春蛋燒賣$22🔸花菇綿花雞 $24🔸香滑奶皇包 $6🔸梅菜肉餅飯 $25🔸原隻鮮蝦腸 $25．by VIN環境分數: 6.5/10食物分數: 7/10

呢間點心店其實一值都想試。因為想試下小型一點的點心店會否和大集團一樣好吃。終於有機會。今天公司派我都附近工作，正好做就今次機會。這間點心店早茶和下午茶時間都有優惠。價錢算超值。茶位都係2蚊位，唔需要加一。最吸引係盎頭飯。我今次無點，因為怕太大食唔曬會浪費。之後我睇其他食客，其實都可以接受，一個人剛剛好。下次要試一試。今次只選擇了以上兩款點心。山竹牛肉水準可以。普普通通、唔太肥易入口，不過汁太鹹，唔落應該更好食⋯最灰係下面這個腐皮卷。我本來已經問過是否蒸的？佢話唔係係煎的⋯我以爲會好香口的。但原來煎和炸係唔同。很難咬開。都唔緊要。非常鹹呀⋯我覺得好後悔⋯不停飲茶都覺得好難受⋯份量又超多⋯總結這間點心店其實係可以一試的。因為份量和價錢都好合理，但食物質素和服務質素都有待改善。只能叫做維持生命餐⋯

幾鐘意以前間喜運，執左之後附近都無乜差不多既即叫即蒸點心舖，早排見佢開番已已經好想試，可惜一直只係有時間叫早餐外賣。早餐都有驚喜！叫成盅飯都只係$16我早上賣左返公司中午食，仲平過自己煮帶飯味道又唔錯，最鐘意佢個梅菜肉餅飯，肉餠我中午番蒸完仲係鬆化架，買左好幾次，未試過實肉PS:盅頭飯同飽類係一早蒸起，只有點心先即叫即蒸個原籠馬拉糕又係照鬆軟，甜度一般，只不過唔知用乜糖，似紅糖溝黑糖味＄15一整個成塊面咁大，分6件，以性價比呢計就抵到爛因為佢全部都係邊，我至愛今天終於有時間坐低食，隨便叫左D，全部都大件夾抵食，蝦米腸味道一般但非常足料，一個人浄食佢都飽，店員都算唔錯，起碼🈶️禮貌，又提我D豉油係抬邊，客人唔多，算幾好坐。個人一直都鐘意食棉花雞，呢度超大份，正呀！又多豬肚yeah最後叫埋隻稯外賣，埋單4個柯打合共唔洗$100，笑左

今日我和位朋友行經油麻地、正是中午時間、大家商量吃餐？咁啱經過喜運點心、大家二話不說要試試、當時店内人頭湧湧、可能是午飯時間、我們在門外等了十五分鍾先能入坐、在等期間、我看見近門有一個外賣檔、放了一個很大的蒸櫃、櫃內擺滿咗好多唔同款類點心、最被吸引的就是細時經常食、但現在幾乎絕種的雞球大包、真係好大、入到店內、雖然l地方唔算好大、但總算乾淨企理、我哋點咗幾款飲茶必食點心、蝦餃……爽口彈牙、味道一絕、燒賣……蝦肉多汁有咬勁、一定要試、牛肉球……以傳統手法炮製、鮮味十足、真材實料、驚喜馬拉糕……甜度適中、鬆軟香口、還有多款點心、不能盡錄、不可不提的懷舊大包、超級巨型、食落有童年回憶、真過隱……

呢間野打去叫外賣。就話師傅仲未番黎。結果拎起埋個電話。都唔女。去到間鋪頭見到d人係到食點心。我就問d人師傅番左黎未?就答我未番呀 你係咪要叫外賣呀？我再問多次師傅番左黎未。佢就話你鍾意咪叫囉。完全問非所答。

燒賣：太膠，唔夠豬肉糯米雞：蒸太耐，荷葉都爛哂，差唔多有1/3食唔到。蘿蔔糕：無咩料，無蘿蔔香，啖啖粉鳳爪：唔得，個味錯哂！講唔出茄子：食落去唔熟，D油爆出黎菜苗餃：粉厚左小小，但唯一一樣可接受伏..............................,.......................

呢間野我地都食開，價錢唔算好貴，野食都係正常，但今次食真係離哂譜，成大粒石頭系腐皮卷度！最離譜係咩！？以下係我同呀姐既對話！我：唔該！呢粒咩泥？（當時咬緊既野已經吐哂落碗度）呀姐：哦！d羅漢齋泥架下嘩？我：下？你食左佢丫！呀姐呆一呆，同收銀呀姐講：有粒沙呀！取消左個腐皮卷佢呀！我老公：沙？甘大粒叫沙！？係沙既我吞左啦！為左叫你取消果$15將粒沙叫做石！？有相為證，你地自己睇下係沙定石呀不如我老公放粒石落個碗度有聲架大佬，佢地完全覺得不是問題？如果我吞左會點？佢地一d歉意都冇！d態度好似有問題果個係我甘囉

又係同老公一齊晏放工嘅時候😭我哋嘅晚餐已經變成宵夜，大家都話冇乜胃口，所以我哋決定飲夜茶，食小小啦記憶中屋企附近有間飲夜茶嘅鋪頭，又係周圍行周圍逛，老公話佢想食嗰間執咗喎😱見到另外有一間就入咗去了我同老公都鍾意食牛肉，但係冇諗過佢叫咗兩款牛肉，我問老公有咩分別？佢話一個係山竹牛肉一個係蒸牛肉乜山竹牛肉唔係蒸嘅咩，anyway 都係山竹牛肉好味啲🤣🤣我哋叫咗個蒸飯兩份分，老公鍾意食臘腸，唯有叫臘腸雞啦，蒸飯都係主要個豉油汁，夠熱就OK啦，不過D雞都好嫰滑嘅👍🏻

點心分類,大玩廣東話食字既好意頭,又有親切感加上店主的心思<灼灼有餘><飯飯順風><腸腸勝利>  ......當你快要失去的時候才發覺廣東話有多重要它不只是一種語言還有一種情、一份回憶還好有講的機會、講的自由好好珍惜 ^^未來的事, 未來再算活在當下 ^^今天有酒有朝醉嘛~!~"明天自有明天的憂慮一天的難處一天當就夠了"節錄自同心圓   <不要憂慮>歌詞是日點餐:  豆苗鮮蝦餃 + 馬拉糕豆苗鮮蝦餃- 份量、味道OK- 鮮蝦鮮甜- 皮太厚、敗筆 馬拉糕- 非常鬆軟- 甜度適中- 份量OK- 無得彈之選番食指數: ✽✽✽