喜記避風塘炒辣蟹 (肇明大廈)

营业中

休息中

今晚買咗外賣，豉油王蝦，D蝦唔新鮮，皮蛋瘦肉粥，俾錯咗泥蜢粥，D粥唔熱，暖暖的，仲要好腥，真係好失望，唔會再幫襯。還有，椒鹽鮮魷，唔夠脆，淋的，其實，咁嘅價錢，俾D咁嘅貨式，我諗如果真有下次，我會去番舊店吧！

餐廳以避風塘炒蟹命名，最出名當然係避風塘炒蟹🦀 炒蟹肉鮮美，再加埋大量嘅蒜蓉同辣椒，真係好惹味！火候控制啱啱好，保持住蟹肉嘅鮮甜同嫩滑感！嚟呢度就一定要試下呢個避風塘炒蟹，保證唔會失望🦀🦀🦀除左炒蟹，佢地嘅招牌菜蒜蓉蒸扇貝絕對係一定要試嘅，扇貝肉鮮嫩，配上蒜蓉嘅香味，一咬落去真係鮮甜又香口，真係食完之後都會忍唔住再叫一份！👍🏻估唔到餐廳連蒜蓉炒菜心都可以整得咁好食，菜心新鮮嫩綠，炒得剛剛好，保留住菜心嘅脆口同原汁原味！加埋滿滿嘅蒜蓉，唔會太油膩，又有獨特嘅蒜蓉風味😋

臨近年尾會有好多聚會, 有時多人真係諗食咩諗到頭都大埋, 呢間中菜館絕對可以係其中一個好選擇
蟹油炒麵蟹香味濃郁既蟹油完美地覆蓋每一條麵, 炒到好乾爽又夠鑊氣, 仲要大大碟超正😍避風塘辣子雞雞既外皮帶點脆口, 肉質嫩滑, 加埋大量既蒜粒同辣椒超惹味😎蒜蓉蒸蟶子蟶子好大條, 味道鮮甜爽口彈牙, 簡單咁用蒜蓉同粉絲去蒸已經好好食😙八珍豆腐煲呢個絕對係素食者既首選, 大量炸過既豆腐, 冬菇加埋個茨汁簡直係冇得輸, 攞黎撈飯一流😋椒鹽鮮魷薄身既炸粉包裹住彈牙鮮咩既魷魚, 加埋大量炸過既蒜粒同炸米通食到停唔到口😂肥南小炒皇材料豐富炒得好夠鑊氣又唔會太油膩, 加埋大量既腰果好滿足😄呢度既食物夠高質又夠貼地, 價錢又唔會太貴, 重點係夠鑊氣貼足料

喜記今日去咗銅鑼灣嗰間喜記餐廳度食海鮮😁專登過嚟食海鮮🥳椒鹽瀨尿蝦顏色呈黃金色，香香脆脆👏而且椒鹽瀨尿蝦肉質鮮嫩多汁😝帶有鮮甜味😆同椒鹽嘅鹹香互相融入，非常match👍鑊氣又夠超級有海鮮風味👅油鹽水浸蜆呢度送有淡淡嘅清新口😝蜆肉係新鮮多汁，鮮鮮甜甜嘅味道👅用淡淡嘅油鹽水煮法，更加簡單呈現咗海鮮嘅鮮甜新鮮🥰豆豉炒蜆蜆肉新鮮，配搭埋豆豉同埋蔥簡直係非常之惹味😻再加上廚師炒出嚟熱辣辣食慾大增👍烹調令到蜆肉味道更鮮甜😚

就黎做冬，想同屋企人食餐豐富晚飯，佢地又中意食海鮮，之前食過特麗樓個間分店都好唔錯，所以今晚我地就揀左另一間肇明大廈分店，俾屋企人好好享受。🦪醉鮑魚🦪鮑魚好鮮味，軟硬岩岩好，一咬就開唔會好似橡筋咁，肉質厚身得黎，口感爽口彈牙，夠哂冰凍，酒味香濃。🐚白灼花螺🐚花螺好大碟，肉好易就可以扲出，入口鮮甜，亦好爽口，啖啖肉，正！🦀招牌喜記避風塘炒辣蟹🦀呢味招牌菜真係食多幾次都冇問題，肉蟹超大隻，又夠鑊氣，一上枱已經香氣撲鼻，蟹好新鮮，肉質爽口鮮甜，又夠多肉，唔會食幾啖就冇哂，辣椒炸蒜等配料好惹味、屋企人都食到停唔到口。評語海鮮新鮮高質，值得一試再試菜式真材實料🐵推介🍌🍌🍌🍌🍌（5🍌為滿分）📌 喜記避風塘炒辣蟹（肇明大廈）地址：銅鑼灣謝斐道477-481號肇明大廈地鋪及1樓A室#喜記避風塘炒辣蟹 #避風塘 #炒辣蟹 #喜記#海鮮 #蟹 #避風塘美食 #銅鑼灣 #灣仔 #海鮮餐廳 #醉飽魚 #國慶節 #戶戶送  #foodpanda  #點單 #foodie #美食 #外食 #知己相聚 #foodielife #foodiehk #hkfood #hkfoodlover #foodi

天氣轉涼 想揾啲小炒食下諗起之前去過灣仔果間喜記Search 下見到原來佢開咗銅鑼灣分店呀即刻約埋朋友仔去試吓其實呢間餐廳唔止係食蟹嘅仲有好多唔同嘅菜式豉油王中蝦中蝦隻隻都好大個豉油王帶出蝦嘅鮮味 又夠鑊氣好味道要連殼嘅汁都食埋送飯一流六小福話明係六小福梗係有六樣嘢食啦有韭菜花,配上魷魚,豬粉腸,猪肚,海蜇,猪脷韭菜花夠鮮甜其餘嘅配料都好惹味拔絲咕嚕肉 我就最鍾意食咕嚕肉所以去到邊都要叫返碟咕嚕肉炸得好鬆脆配上酸酸甜甜嘅咕嚕肉汁仲有拉絲嘅效果加埋菠蘿洋蔥青椒呢啲配料帶出咕嚕肉嘅美味啲小菜實在好好味下次要再返嚟試吓其他先

醉鮑魚鮑魚肉質鮮嫩，醉鮑魚嘅酒香味令人回味無窮。.涼拌青瓜呢碟青瓜🥒清爽又開胃 青瓜脆口爽脆，拌埋特製醬汁，一啖又一啖嘅口感真係好過癮！.上湯水浸大蜆大蜆鮮甜彈牙，上湯滋味濃郁，好適合湯水味嘅愛好者。入口即化，令人回味無窮！.蒜蓉蒸扇貝扇貝肉鮮嫩多汁，蒜蓉香氣四溢，每一啖都好正😌.豉油王中蝦中蝦肉質鮮甜，蝦頭滋味濃郁，再加上豉油王嘅醬汁，非常惹味.喜記避風塘炒辣蟹📍銅鑼灣謝斐道477-481號肇明大廈地舖及1樓A室

行經銅鑼灣，一定會比佢紅色搶眼的招牌吸引左，‘喜記正宗避風塘炒辣蟹‘，令人不禁想試一試呢間係炒蟹專門店，當然要試下佢🦀椒鹽炒蟹炒蟹有分唔同辣度，今次揀左少辣，炒到夠晒鑊氣，蟹夠曬大隻，多肉鮮甜，咬落去每一啖都係肉，真係食得零舍開心，蟹已經夾開左，方便客人食👍🏻👍🏻-醉鮑魚是餐廳的招牌菜，酒味香濃，酒香撲鼻，鮑魚食落去腍身,爽口彈口🥬蒜蓉白菜仔白菜仔夠新鮮，加埋蒜蓉一齊炒，蒜蓉味滲入白菜內，健康又好味

聽講以前d人落黎香港都話想食避風塘炒蟹同埋喜記好出名食蟹既老字號食廣東菜一定要食夠小炒味試過返尋味六小福六小福開胃前菜必點 包括有多款滷水菜式避風塘炒蟹微辣口味係必配炒蟹，而且香氣十足配料可以留起黎送白飯或者炒粉果然係老字號 絕對係必點菜式白灼東風螺東風螺爽口而且選用新鮮食材可以配埋辣油進食更佳分量方面，算大份拔絲咕嚕肉鬆脆可口肉塊，帶有拔絲效果酸酸甜甜好開胃 呢個我個人推介絕對要食會再encore ♥️♥️

🐽 蒜蓉蒸蟶子用咗新鮮嘅蟶子同埋豐富嘅蒜蓉，蒸得恰到好處，蟶子嘅肉質好彈牙，鮮甜味美，同埋蒜蓉嘅香味好濃郁。食落去個口感好滋味，送飯一流🐽 避風塘炒辣蟹蟹肉好鮮甜，避風塘蒜蓉碎炒得好入味。佢哋用咗避風塘炒嘅方式烹調，加入啲辣椒同埋香料，味道好香辣。蟹肉嘅鮮味同辣椒嘅刺激感相互襯托🐽 拔絲咕嚕肉咕嚕肉裹上一層金黃嘅拔絲糖，有著濃郁嘅焦糖香氣同甜甜嘅味道。咕嚕肉炸到好香脆，咬落去肉質鮮嫩多汁，甜而不膩

久不久就想念炒辣蟹的味道，這回到了銅鑼灣店，非常靠近銅鑼灣港鐵站C出口，交通便捷，聚會一流！點了不少菜式，選幾款特別喜愛的介紹。首先必定介紹避風塘炒蟹，這家店是始祖，甫上枱就嗅到撲鼻的香氣。蟹肉鮮甜而結實，充分吸收醬汁，既入味又惹味。辣度方面可自由選擇，個人每次都選擇小辣，那麼既能感受辣汁的香，亦可嚐到蟹本身的鮮甜。朋友喜歡食蠔，今回試試薑蔥生蠔煲，上枱時炙熱的，滿滿大排檔風味，聲、色、味俱全，蠔身大隻厚肉，煎得金黃香脆，另有紹興酒、薑蔥的香味，絕對是高水準之作。另一推介都是首次點的，是薑蔥魚頭煲。初時擔心薑蔥完又薑蔥會生厭，沒料到真的很惹味，多來一煲也沒問題。魚頭十分有看頭，大大隻，魚亦保持到滑溜。環境方面衛生企理，雖沒有美麗華店那麼豪華，也是舒適的。

辣蟹之《喜記避風塘炒辣蟹》人人皆知食辣蟹一定要去《喜記避風塘炒辣蟹》，所以今晚同朋友去左食左個晚飯，餐廳裝修無論外面同入新潮得黎有d懷舊feel，座位亦算舒服。避風塘炒蟹：避風塘炒蟹係招牌菜，所以每次都係必食，蟹肉肉質新鮮多汁，避風塘既香辣，令蟹肉好入味，椒鹽白飯魚：外層外脆內軟，香脆可口，白飯魚夠大條，椒鹽惹味，要黎做佐酒小食好夾，蟹油炒麵：蟹油好香，入口唔油膩，麵炒得好爽身彈牙，好味有驚喜，總結呢食物質素保持一貫水準，而且服務態度好好，下次要試其他菜式。

朋友喺外國嚟香港，專登話要嚟依間餐廳食佢哋出名嘅椒鹽瀨尿蝦，店主介紹中size四個人叫咗兩隻，成為1200多元，點知嚟到中size都係好細隻，冇肉食之餘，肉質較腍，一啲都唔值，非常之失望. 俾得依個價錢，我寧願食避風塘炒蟹，起碼大大隻有肉食落肚。 其他餸菜亦都係一般，完全冇特別.

🦀避風塘炒蟹呢道菜好正宗，火候控制得啱啱好，蟹肉鮮甜又彈牙，而且隻蟹都夠曬入味，避風塘散發出濃郁嘅蒜香同辣味，炒至金黃色，連埋蟹肉一齊食好惹味😋🐟椒鹽白飯魚一道看似簡單，但好好食又有營養價值嘅菜式～🥰魚肉鮮嫩，而且廚師事前處理得好好，冇乜魚腥味，外皮炸到脆卜卜，一啖食一舊好方便！椒鹽粉撒上去，帶出微微嘅辣味同椒香，鹽味恰到好處，幾開胃💖🦀🍜蟹油炒麵個麵炒得啱啱好，煙韌得嚟又唔會太硬。蟹油令到成個炒麵充滿海鮮風味，而且面頭有撒啲避風塘上去，食落個口感唔會單一，份量都幾多。下次會想再嚟試下佢其他海鮮！

有朋友同我講呢間喜記既小炒幾好食，咁今次就嚟試下先，呢度都幾多小菜選擇，今次就叫左六小福、椒鹽鮮魷同上湯浸菜心試下先。椒鹽鮮魷非常香脆可口。椒鹽嘅香氣同微辣口感帶出了鮮魷的鮮味，加上外層嘅粉漿夠薄身，火喉掌握得唔錯，外層炸得酥脆而入面嘅鮮魷夠嫩口完全唔會靱。最緊要係入面嘅魷魚熱辣辣又爽口，唔會凍冰冰。 呢道小炒唔但止可以做小菜，作為下酒菜都係一流。另外，而上湯上湯浸菜心味道剛好，唔咸，菜嘅口感亦剛好，唔會整到霉哂。至於前菜拼盤六小福，係艇家地道風味小食，好少地方有食。廚師會先將新鮮嘅食材簡單灼熟，因為呢道菜係食佢哋原始嘅鮮味。呢度菜有豬的不同部份：豬脷、肚、粉腸，另外有海蜇頭、魷魚和苟菜花。海蜇頭同魷魚非常爽口，再配合埋醬汁，很惹味同開胃。