347
13
2
港铁尖沙咀/尖东站 N2 出口, 步行约3分钟 继续阅读
电话号码
60392079
营业时间
今日营业
12:00 - 15:00
18:00 - 02:00
星期一至五
12:00 - 15:00
18:00 - 02:00
星期六至日
18:00 - 02:00
付款方式
Visa Master 现金 美国运通 银联 JCB 微信支付
座位数目
30
其他资料
网上订座
Wi-Fi
深夜营业
酒精饮料
自带酒水
切蛋糕费
泊车
电话订座
赏订座积分
加一服务费
电视播放
有关奖赏计划
食记 (385)
等级8 2020-05-19
4179 浏览
因为近期疫情稍缓,限聚令都放寛咗少少,所以,约咗夏总呢个死佬聚一聚,老实讲,自一月尾至今,都无乜点约过啲朋友。就算今次,都只喺得两个死佬嘅饭局,始终疫情一日未完全消失,都仍需要小心啲,尤其保持个人卫生。「喜膳烧」两年几前嚟过,印象甚佳,所以,有信心带夏总嚟试,佢为人食嘢都有少少咀刁架。「喜膳烧」喺家主打串烧嘅小店,亦喺间酒吧,所以,由门面到里面,都见到有唔少跟酒相关嘅摆设或物品。虽然,整体地方就唔喺好大,但坐满人就甚具气氛。其实,如果细心留意,有啲地方都花过心思装修,好似天花嘅灯盆同雀笼。睇到有咁多客人支持,除咗店家嘅串烧有质素之外,夜啲嚟仲有85折优惠,唔怪之得越夜越多人。此外,晌门口,已见到有个萤光灯牌,有多款串烧推介,我哋亦睇啱几款添。而餐牌,亦即喺点菜纸,打开一睇,比上次嚟多咗好多选择,类别五花八门,一时间真喺花多眼乱,我哋都谂咗好耐先拣啱食乜。另外一张红色长形嘅喺饮品餐牌,如近年大行其道嘅手工啤,仲有鸡尾酒、红白餐酒、生啤、沙冰、梳打、参蜜、汽水……等等。剩番一大张白色嘅餐牌,喺各种日本清酒,如果好清酒之人,应该都不愁无选择。枱上除备有七味粉、自家制泰式酸辣酱之外,仲有支搓手液,等大家有得消毒吓双手之外,仲可以提醒各位记得注重个人卫生。巨蜂提子梳打、青柠梳打 @$38打鞭炉同食串烧一样,点都要搵啲冰冻嘅饮品嚟先够搭配。小弟就拣咗巨蜂提子梳打,入口冰凉清爽,夹热辣辣串烧,感觉宁舍爽!提子果香(明知只喺糖浆效果)好清甜,最好喺又够大杯,够顶晒成晚食串烧时段。烧马来西亚大蚬 $88从点餐纸所见,喺店家嘅特色海鲜推介之一,估计应该会几有睇头。叫得大蚬,真喺无欺场,只只都有番两、三只手指大细,啲蚬肉亦睇得见够厚身。入口,蚬肉软腍,无话藏有沙粒,带淡淡嘅海水咸鲜味,真喺简单斋烧,已好食得出食材本身嘅鲜甜原味。纽西兰羊架2件 $78跟住再嚟喺老友嘅心水:羊架及牛舌,前者更喺我哋认为全晚性价比最高嘅串烧嚟,超推荐俾食得羊嘅客人。纽西兰嘅羊架一向都具质素,而每支羊架绝对唔细支,烧得外层带焦香,所以,咬落有阵阵焦脆感,而羊架肉口感柔嫩且富肉汁,微微羊羶香,叫人再三回味。海盐烧皇牌牛舌 $49另一道皇牌牛舌,切得厚薄适中,入口软腍,却又有份烟韧感,加上牛舌独特嘅羶香味,喜欢牛舌嘅朋友真喺唔好错过。顺带一提,第一轮串烧会跟块热石板上枱,块石板坚热,好辣手吓,足够成晚将啲串烧保持一定温度,唔会咁快摊凉晒,可以慢慢叹。烧汁洋葱 $16食咗几款肉,点咗两款烧蔬菜作间场,亦算喺平衡吓啲肉类。洋葱烧过之後,自然无咗啲辛辣味,但仍保持爽口感。照烧汁烧京葱 $16而京葱搽咗薄薄一层照烧汁,固然惹味啲,香啲。两款烧蔬菜食得到师傅嘅手势真几好,烧得热辣辣却唔会烧到「乾争争」。明太子酿鸡翼2只 $48除咗羊架,酿鸡翼又喺是晚嘅心水推介,两只鸡翼塞酿入明太子,塞到涨卜卜,而且,烧到外皮金黄,唔喺得个样,入口层皮脆到不得了。最正喺去咗骨,大啖咬落去明太子加埋鸡肉连皮,口感、味道真喺一流,再饮啖梳打,真梳乎。盐烧西班牙黑毛猪五花肉 $38最後冲刺就嗌咗3款串烧,五花肉喺小弟比较想试嘅一款,睇样就好似平平无奇咗,不过,入口又有啲「烧肉」咁嘅感觉。由於猪种关系,食落感觉油脂唔过重,无咁腻,但仍保持香口。烧露笋 $28一支露笋卖到$28,感觉喺贵架,但老友想试,就无所谓啦。露笋已经切成一小件,方便大家分嚟食,简单洒咗少少盐嚟烧,而质感清爽,鲜嫩得入口无渣。烧美国安格斯肉眼串 $54真喺贵在「美国安格斯」个名,相比起纽西兰羊架及明太子酿鸡翼,感觉性价比就无咁高。其实,串肉眼嘅肉质都好软腍,有肉味,又富肉汁,只喺卖$54串,一串得4嚿仔,咁就显得无咁抵食而已。今次再嚟,尽量都跟上次点唔同嘅款式,然而,一样咁有质素,一样无令人失望,就连咀刁嘅夏总都认同。整体服务又唔错,上串烧嘅速度唔会太急,让客人可以慢慢叹,边食边倾,愉快嘅时光特别快过。常言道,幸福唔喺必然,尤其处身晌依家嘅疫情之中,所以,今宵多珍重。 继续阅读
等级4 2020-06-25
15 浏览
放工後唔想返屋企住,这里就系一个唔错嘅选择,有美味嘅串烧选择,同朋友一齐当然可品尝多款美食,今次点了烧山贼鸡翼,外面烧得十分香脆可口,鸡翼上面撒满了香辣椒味粉,入口十分嘢未!焗田螺亦十分好味,田螺焗得十分香口配上香滑浓郁嘅牛油薯茸,入口味道十分浓郁,不过小心入口时会烫口!芝士响铃都十分特别,香脆嘅腐皮中间卷住软熟浓郁嘅流心芝士,一咬下去又脆又软嘅口感十分有特色!还有只烧珍宝大扇贝,上面放满了大量蒜蓉同烟韧弹牙嘅粉丝,配上新鲜弹牙爽口嘅大扇贝,入口肉质鲜味,够晒口感,正!烧车厘茄烟肉卷,外面用上肥美嘅烟肉卷住多汁鲜甜嘅车厘茄,咬开爆汁嘅感觉都好正!而喜欢吃肉当然要整返串海盐烧安格斯肉眼,外面烧得刚好,入面充满肉汁,浓郁嘅牛味,加上少少海盐,味道更佳!还有最爱嘅烧栗米,栗米上涂了牛油,烧得十分香口,栗米本身超甜多汁,又系另一个推介!这里虽然地方不算很大,但胜在食物质素同价钱相宜,还细心地串烧附上一块热辣辣嘅石板放串烧,让食物保持最佳质素,细心抵赞!今晚真系十分满足! 继续阅读
(以上食记乃用户个人意见 , 并不代表OpenRice之观点。)
等级4 2020-06-13
27 浏览
放工出尖沙咀帮老细交收之後,突然间好想食串烧,喺尖沙咀我有一个好选择就系喜膳烧,饮啤酒食串烧,即叫即烧,串烧选择款式多,价钱又唔贵,地方细细好有日本风情。烧海鲜- 马来西亚大蚬时令海鲜都有很多选择,烧马来西亚大蚬生熟度刚刚好,味道鲜甜,蚬肉幼嫩入口即溶,另外配上自家秘制酸辣汁特别开胃醒神。烧多春鱼 欣赏小店好有 heart,串烧会用块热石奉上,唔会容易冻,食落更加好味,一个咁简单嘅举动已经感受到餐厅好细心。三条多春鱼都烧得好香,皮脆肉滑,无骨好味道。烧沙嗲鱼皮饺火锅打边炉鱼皮饺就食得多啦!串烧形式咁样食就第一次,沙嗲汁令鱼皮饺变得特别惹味,口感烟韧又唔会乾。盐烧五花腩肉呢个系我嘅必食推介!平时食韩烧最锺意烧五花腩,但系自己烧就简直浪费咗块肉,串烧店食就最好啦!烧到没有多余的油分,盐烧够甘香,五花腩肉肥瘦均匀,入口柔润,味道浓郁。烧金菇牛肉卷 又系我每次必叫嘅食物,呢度做得更加好食系因为个烧汁好好味,多汁入口特别香。金菇爽口,牛肉柔软,口感层次丰富。烧龙趸黑豚肉卷 令一款特别推介系烧龙趸,鱼肉厚身够滑多汁,外层黑豚肉烧得薄脆,一软一硬,好滋味。烧蒜蓉茄子仔很有川烧的味道,蒜蓉味香甜浓郁,茄子仔肉汁丰富,茄子皮香脆有焦香,烧蒜蓉其实才是主角呢!烧墨鱼丸果然又有特别一番风味,大大粒弹牙好味道。 继续阅读
(以上食记乃用户个人意见 , 并不代表OpenRice之观点。)
等级4 2020-05-31
194 浏览
喜膳烧是一间日式串烧店,店舖面积不大,约有二三十个座位。烧烤备餐位置虽设於店中,但未有烟雾离漫的感觉,抽风系统良好。最先送上的是数款海鲜烧烤食品。烧马来西亚大蚬卖相饱满,味道清甜。虽不算十分嫩口,评价仍属正面。烧珍宝大扇贝 (蒜蓉) 出品很像中式蒸扇贝,面上放满小编喜爱的抢味蒜蓉。一口吃下甚富满足感。烧新鲜白鳝与烧黑豚肉龙趸卷 (盐烧) 同属鱼肉代表。前者外皮香脆,肉厚鲜嫩;後者款式富新鲜感,豚肉外层亦成功赋予卷物一份香口及层次感。不过,如以烧龙趸卷与烧白鳝作比较,小编还是觉得烧白鳝更为美味,价钱亦较相宜。烧午餐肉(BBQ)及烧蜜糖鸡中翼皆属抢味食品。吃这两道串烧最紧要趁热吃,确保外层脆香。烧台式香肠 (蒜味) 属现成制品,味道合预期。烧蒜蓉茄子向来为小编所爱,只是茄子选材略为小巧,不够尽兴。响铃多见於火锅饭局,直接烧制比较少见。以火轻炙响铃,脆感不减,更多了一份邪恶的焦香。在响铃的中心部份,注入了少量芝士,加热後放出浓郁的香气。小编贪心,建议进一步追加芝士的份量,最好能做到半融溢出的效果。是晚的甜品烧玉桂焦糖金菠萝同样是烧制食品。甜品以清甜多汁的菠萝入馔,菠萝表面挂上一层脆薄焦糖,甜蜜滋味锦上添花。因要驾车关系,是晚未能沾酒,配搭串烧美食难免有感美中不足。期待疫情快些过去,可多些外出享受美酒佳肴! 继续阅读
(以上食记乃用户个人意见 , 并不代表OpenRice之观点。)