喜聚坊

营业中

休息中

Good cook, making ordinary dishes extraordinary. The fish was just made to its best in which the meat taste and tenderness were served well.The 勝瓜 melon dish was exceptional too. The cook boiled it in a quite unique way that both the taste and texture were not the same to any previous dishes.The crabs were steam cooked the basic way. Good cook time control I would say.The lounge chair is a bit tight for people weighting over 180 lbs 😆Anyway, will come again soon.

因為疫情關係，已有一段好長嘅時間，冇去幫襯喜聚坊，咁耐冇去，食物水準仍然保持得到，但當晚因為人太多，我又趕住走，所以只係叫咗幾樣小菜，乳鴿唔肥膩，而且好入味，另外一個係咕嚕蝦球，佢嘅咕嚕汁好出名，唔使多講啦，啲蝦好大隻，亦好彈牙，原本想要高山椰菜花，但嗰日已經賣完，所以要咗佢哋推介嘅通菜，店員好好心機，分析話冇椰菜花，但呢種煮法，通菜係最好味，我亦同意佢嘅分析，如果換咗其他會出水嘅菜類，可能真係會冇咁好食，好開心喜聚坊冇受疫情影響，仍然繼續營業，希望你生意興隆！😊👍🏻

因為疫情關係，閉關咗好耐好耐，今個星期開返食肆晚飯堂食，即刻衝咗去我飯堂度晚膳，嘩！全場爆滿， book咗幾日先book到，非常多人，但食物質素仍然好好，今次訂咗個古法羊腩煲，係黑草羊腩，價錢一樣優惠，我加咗$40要咗個菜，羊腩全部係腩肉，無骨，肥瘦適中，最正係個汁（見到廚師嘅功力）用生菜索埋啲汁，正呀！可惜因為人太多，見到餐廳樓面好忙，見佢哋忙到氹氹轉，香港人工作壓力大，原來份份工都一樣大，可能因為人多，所以食物上菜時慢咗啲，但樓面都好有禮貌，即使好忙，但仍然同我哋解釋，話因為人多出菜較慢，好抱歉，我自問都係打工仔，喺逆市中仍然能夠生存，未執笠，已經好難得㗎啦，希望你哋過咗困難時期，有錢請多啲人，可以回復疫情之前嘅服務水準啦！整體而言，性價比仍然高，最重要係廚師嘅手藝，的確同出面一般嘅私房菜有分別，喺大角咀一間難得好食嘅中菜！

限聚解禁，事隔半年再食，撞正母親節前夕，冇晒之前啲特價海鮮餐，訂咗一圍一圍的全包宴。價錢貴咗，材料渣咗，得一道菜係海鮮花雕蝦，蝦不錯，調味也不錯。其他菜色都ok，但不驚豔。較出色的係樟茶鴨，比水晶走地雞好食其實整體依然好食，但要嚐到餐廳的真味，可能都係叫返海鮮，俾多啲錢，避開節日再去吧～到埋單時，見收費有加一有收啤酒汽水錢，全包宴不是全包？到底包咗啲乜？侍應答唔到 雖然menu上冇寫包乜包物，但平時去酒樓食全包宴至少都包飲料，感覺唔老實。

這間位於大角咀的中菜館，沒有堂皇嘅裝修，但係食品一流。前身係私房菜。餐廳內擺放不少名星相片。簡單的午餐無論是客飯及流心蛋豬扒飯都睇到大廚的心思。好有heart 的出品。

同屋企人及幾個小朋友去食飯諗住搵間特色小小同唔洗等太耐，之後見到呢間幾多特別野就試下啦，環境正常嘅，點咗幾樣小菜加個羊腩煲，開頭上嘅黃金流沙蝦球的確幾入味值得食，之後上菜速度起碼15分鐘以上先上一樣，基本上同屋企人食完一樣就坐返10分鐘等，炒硯正常發揮，個酸菜魚就普通，薯仔牛柳粒都入味好食，之後本身叫咗個金磚豆腐就無啦啦話我點咗炸子雞（因為本身點菜講菜名佢唔肯，係都要講號碼，但都唔知點解會變炸子雞），同佢講返仲要話係我哋點，無咩意思想拎走，就話如果啱食肯要呢個可以幫我取消本身叫嘅鹹菜雞，因為全家都已經等到無咩食慾，就想儘快食完走人，所以叫佢照擺低食，味道就正常不過不失了，之後就係最期待嘅古法羊腩煲，點知係最失望嘅一樣，8成都係肥膏羊肉，可能係我自己唔識欣賞了，我本身仲特登加咗40蚊嘅生菜，但上羊腩煲嘅時候無一齊上，過咗15分鐘左右我先記得，問返佢竟然話驚啲菜有沙，仲洗緊而我無問之前係完全無提過😅到最後等咗大約1個鐘30分嘅忘不了炒飯終於嚟到，個飯係好食，俾幾個小朋友好快食晒，因為本身見小朋友肚餓已經問過可唔可以快啲上個飯先，但佢都等到最後先上，食到一肚氣，絕無下次😞

晏晝嚟到公司附近呢間喜聚坊食午飯，門面係一般餐廳嘅佈置，內籠同其他普通茶餐廳差唔多。可能係因為到咗放飯時間，裏面其實都坐到七七八八，睇黎呢間舖頭平時都有好多人會幫襯。見到佢個餐單有竹筒飯，就好好奇咁樣嗌咗個土魷蒸肉餅飯試下。上菜速度都算快，十分鐘內左右就送到，個飯個碗既賣相就見錯嘅，成個竹筒擺喺你面前，真係幾特別。係塊肉餅就咁放喺面度蒸有啲肉酸。食落口其實味道正常，唔會話好乾，咬落去會有肉汁。個飯就喺個竹筒裏面，不過其實就食唔到啲竹味嘅，只係將個竹筒當咗做個碗用啫，個竹筒係噱頭嚟。份量其實就偏少嘅 ，一眼睇曬個竹筒有幾大啲飯量就幾少。因為份量嘅關係其實個價錢唔算抵食。

幾年前大角咀一帶五金舖、車房、唐樓林立，如今舊區翻新，幾條街都開滿食肆茶館，今次舊地重遊，試食喜聚坊。今晚一行六人來到試菜，餐牌滿滿是誇張菜名，什麼失傳...秘制...古法...咪又係小炒小菜，卓頭菜名，目的咪又係賣貴一些價錢。六個人點了5餸1湯1炒河。杏仁豬肺湯是侍應推介的，仲話係限量，3講到係招牌湯，300幾蚊一窩，即管試下囉！份量大約八小碗，個人覺得就孤寒左少少，每人兩小碗就差不多，湯渣另上，材料算足嘅！炸蝦丸個菜名都好好聽，198蚊得6粒，真係吾識欣賞，普通泰式茶館或大牌檔都正好過，蝦肉吾夠爽脆彈牙，皮又吾夠脆口。其他餸菜有小炒皇、啫啫通菜、生炒骨、牛肋骨和乾牛河就品質合格啦！都算達到大牌檔水準嘅！性價比就自己諗啦！聽聞仲有個招牌紅豆沙，但要50蚊一碗！食完成餐飯，仲信咩！食完寧願𨍭過隔離街食芋圓甜品啦！整體上味道和賣相屬中規中矩。環境座位太逼，冷氣吾多夠，是晚都算爆場，客都幾多，但廁所又幾乾淨喎！

大伙去慶功，揀呢間係因為近，同埋都幾多好評，膽粗粗一試。我哋人多，但老闆娘都冇要求我哋落訂，我哋仲OT遲到咗個幾鐘，老闆娘可能好驚我哋放飛機😅 真係唔好意思。因為第一次嚟，所以只試咗個最基本的特價餐，點知一啲都唔求其，樣樣都好好食！海鮮新唔新鮮一食就知，冇得呃，真心正呀！後來老闆娘問我哋加唔加個猴頭菇湯，又係超足料，啲湯渣都食得飽，好多猴頭菇，好甜呀！個個都食到舔舔脷，好在我揀咗喜聚坊，冇令大家失望我哋下次會再嚟，試多啲好嘢！要記得訂埋紅豆沙！

今日去完大角咀打波，之後在附近揾下有咩食，第一次黎呢間食黯然銷魂飯我當要試試周星馳戲中的黯然銷魂飯，雖然只是簡單的叉燒蛋飯，但堅好味，蛋係雙蛋而且仲可以蛋黃混合飯一齊食，最底係甜甜哋的鼓油，好味，比起平日食的燒味飯好食，叉燒則三大塊，唔會太肥又，不過我個人鍾意一口一塊叉燒會好d咖哩雞飯另一個隊友點的，我試左少少，個咖啡幾好味幾香，而且唔係好辣，我個人唔係好食得辣都接受到，薯仔加咖哩的組合無得輸，佢都算幾多雞，不錯最估唔到係個湯，勁勁勁足料，椰子雞湯仲有粟米，好甜好好飲😋😋😋如果去食飯一定要試

位於大角嘴嘅喜聚坊 裝修偏懷舊風牆上貼滿了獎牌 報章介紹 明星合照店內有不少古法失傳美食 需要提早訂製沒想到這裏午市有特價套餐 才$48起用平民的價錢 便能品嘗到大師級的功架.川芎白芷魚頭湯飯🐟🍚老闆娘推介原生燉湯飯系列 真材實料每款湯都有不同功效 用慢火煲好幾小時今次揀咗川芎白芷魚頭湯 補腦去頭風長期在冷氣環境下生活 有機會寒氣入體很容易出現偏頭痛 陽氣不足的問題而川芎正正能活血祛風 具止痛功效湯内有好大個魚頭 肉質嫩滑 魚湯呈奶白色加上杞子的鮮甜 淡淡藥材香氣 入口溫和.豆卜蒸鮮雞飯🎋🐔呢度嘅蒸飯係用竹筒裝住 賣相吸引雞件肉質嫩滑 豆卜和飯粒吸滿了油香肉汁大廚加了薑片 榨菜 葱粒 提升雞肉的鮮味無需要加蒸飯豉油 層次已經十分豐富.午市特價套餐都會附送靚湯🍲日日唔同 送完即止 而且不含味精滿滿的一碗赤小豆扁豆粉葛瘦肉湯清甜去濕 非常足料的春天湯水

< 喜聚坊 > 📍大角咀前幾晚同咗屋企人去大角咀食飯 呢間中菜館質素唔錯 推介👍🏻🌽老火煲南北杏粟米霸王花豬尾骨湯 好足料嘅老火湯，另外仲有碟湯渣🤣 湯好清甜 好香粟米同霸王花味👍🏻 飲咗幾碗返到屋企都冇口渴，一啲味精都冇😋🌶醬皇麻辣乾鍋走地雞 叫咗半隻走地雞，少少麻，唔會太辣，唔食得辣嘅朋友都食到😆而且仲有好多配料，有豆卜、菇、洋蔥、青紅椒等等😛 雞件大件，肉質嫩滑😆個醬撈飯食好正😋🦪私房蜂巢脆皮鮮蠔餅 一上枱見到咁大塊蠔餅嚇親🤣 蠔仔份量好多，而且好大粒😋 蠔餅係我食過咁多間最鬆化，入口即溶😛 最特別係加咗菜甫粒，令口感更豐富🥰🧡臘味煲仔飯最後叫咗啊爸最鍾意嘅臘味煲仔飯，有臘腸、臘肉同潤腸😋飯粒分明而且有煲仔飯嘅靈魂 飯焦🤣 飯焦好香脆，呢個煲仔飯我比一百分💯

今日同媽媽下午出去玩順便搵野食，見到大角咀呢間聚喜坊既中菜館好似唔錯咁，一於入去試下例湯-青紅蘿蔔粟米豬骨湯 一入去就遞上是日例湯比我地邊飲邊等，例湯材料十分新鮮兼足料，佔左成個碗，一飲就知係老火湯，好似屋企飲嘅湯咁真材實料，飲完都唔渴喉 五指毛桃燉排骨湯飯 首先上枱的是一個湯飯，一打開蓋己經聞到五指毛桃帶來的椰子味道，看看燉湯材料也很多，排骨，五指毛桃，甜粟米，慈實，杞子，聽員工講要燉5個鐘至入味，唔加味精，真係每一盅燉湯都係心機黎，因為好足料，味道會偏濃，廚師話配白飯剛剛好，白飯的甜味中和它的濃味，媽媽偏好濃味，話可以剩飲湯添肉絲脆脆炒面 遞上的一大碟麵真是令人嚇一跳，一睇就似有三四個人的份量，一路欣賞這餅麵炸的那麼乾爽，沒有油的時候才得知它不是用油炸，是烘亁的，一食落口滋咔的鬆脆聲由口腔發出黎，肉絲，芽菜，金針菇用料都不是隔夜的，它相比出面食的脆麵都較為淺色，相對調味料都會小d,夾埋一齊麵吸收了醬汁及配料的味道更好食，健康無負擔，開心過食媽咪麵 一路食一路見到員工與客人談天說笑噓寒問暖，原來客人們都番頭再幫趁，吃得多熟絡了，有時老板娘廚師都出黎傾下計，問下餸菜啱唔啱口味，都幾有人

著名私房菜由觀塘搬到大角嘴一段時間今日同老公一於試下首先午餐送老火湯，今日係老黃瓜南北杏煲豬尾骨湯，未飲之前以為普通野啫，點知....先飲一口，嘩....好濃味，完全飲得出煲咗好耐，口𥚃面就好似有幾隻豬係到游走，而且係無味精，簡直去濕一流！$55。叉燒炒滑蛋飯 寶哥擔心蛋太生會對陪份人腸胃唔好，已經炒熟d，但蛋仍然非常滑，叉燒粒又夠林。寶哥重點提示佢係用天然糖再加秘方去調配叉燒，天然糖唧係咩糖？其中一種係甜菊糖，豉油都係由寶哥自己調較，出面其他店絶對食唔到！廚師寶哥私人醒咗兩舊暗然銷魂飯嘅叉燒俾我食，今次唔係叉燒粒啦，係2大舊叉燒呀，可以再試真d啦，叉燒有種好特別嘅甜味，類似生果甜味但又帶點花香味，而且肥瘦均勻，好夠林，好味呀！$58 。果醋果肉豬扒飯首先佢個汁好開胃，又唔太酸喎，食一口飯，嘩...好味喎！再食一啖豬扒，好鬆軟喎，個種鬆軟係完全無肉鬆粉或梳打粉拿過個種鬆軟，既係咩？天然鬆軟囉，食得出廚師嘅心機呀！重點係食完成餐飯一d都唔口乾，好明顯係無咩甚至係無落味精，可以感受得到廚師對食物嘅熱誠同執着，非常難能可貴

大角咀真系有不少美食，見到呢間小菜館，入內一試。先來一道老火湯：湯夠味！老闆好熱情放上檯，稱這湯煲左4粒鐘，飲多幾口先🤣蟹油豉椒炒蜆：蜆肉好新鮮甜美，份量足，用大量三色椒配自家製香料炮製，超級香口超級好味😋主角上場：醬皇麻辣乾鍋走地鴨香港好少機會食到走地鴨，一碟嘅份量夠2-3個人食，成隻鴨系曬到。配菜有紫洋蔥、青椒、木耳、豆卜等，加埋小小麻辣，惹味，正鴨肉惹味，不會熟到老，系嫩、滑！是日送的甜品：