喜滿樓菜館

营业中

休息中

出名既芝麻雞無味 完全好似無腌過 鋪d芝麻上隻雞就半隻雞收人$178 把鬼 仲有個咩秘製芝麻醬 同超市枝日式芝麻醬有咩分別 仲有同隻雞完全唔夾 隻雞好味既使乜要芝麻醬其他菜式正常 係出名果樣唔掂

幾個朋友一齊去食海鮮，佢哋揀咗一間土瓜灣半新店，而唔係西貢鯉魚門。食物唔錯價錢亦非常抵，我哋叫咗幾個唔錯嘅海鮮包括波士頓龍蝦用來開邊加上湯伊面、薑葱羔蟹要求多薑葱、杏片鮮蝦球外層包住香脆杏仁片、黄金虎蝦球非常惹味、麻辣四季豆炒带子。叧外叫咗招牌菜芝麻雞，四個人食咗半隻，食落似新鮮雞，煮得好食，雞肉入味，外層芝麻夠香夠脆。最尾叫了個蟲草花上湯翡翠苗，食厭了其他菜，翡翠苗很新鮮清淡，下次一定再來食長腳蟹。

最近在土瓜灣附近返工，一早聽聞土瓜灣多美食，今晚同同事嚟食這間菜館，同事大力推介，上網睇吓評價又好似不錯，於是黎試吓🤤晚飯時間都幾多人等位，在門口見到餐牌已經覺得個芝麻雞好吸引。等了10分鐘左右入座，朋友負責點菜，我就負責食。我們點了半隻芝麻雞，上枱時已經聞到好香，忍唔住就要試吓，在脆脆雞皮下面都保留着雞肉的嫩滑，雞皮面上佈滿芝麻，食落好香口，仲有佢嘅秘製醬汁，真係零舍不同👍南乳脆豬手，菜式表面佈滿炸蒜，底下還有炸粉仔伴碟，豬手份量好多，南乳味好重，一咬落感覺勁多骨膠原。黃金桶蠔，六隻桶蠔大大隻，上枱時熱辣辣，熱到放唔到入口，食落好甘香。翠玉瓜炒東星斑片，都幾有鑊氣的小炒，斑片不算太多，翠玉瓜香甜爽脆，不錯的配搭。三色蒸水蛋，好耐冇食過依個餸，送飯一流，加埋肉碎，個蛋蒸到好滑。整體呢間菜館真不錯，價錢抵食，水準高，街坊首選👍

每年都會煩父親節去邊到食飯慶祝最好， 因為老豆比舊懷舊，有時節日一定想食中菜的， 好彩今次比我係土瓜灣發現呢間中菜店，一於提早慶祝父親節唔洗同人迫。今次我地一家四口來到叫左下面幾款小菜：黃金脆涼瓜 - 有新意，因黃金蝦食的多， 用上涼瓜真係小食到， 食落一d都唔苦,甘甘地。椒鹽白飯魚 - 鍾意炸野的阿哥必點之選，比出面的大條好多。椒鹽南非鮑魚 - 我鍾意食鮑魚係人都知來到呢到睇相見咁特別緊係要叫返碟食啦， 果然出色。懷舊梅子荔芋鴨 - 鍾意懷舊的老豆讚口不絕， 話好耐冇食過呢個酸甜鴨的味道了。濃湯鮮蝦滑浸時蔬 - 媽咪叫的，因為媽咪覺得每一餐都最小要叫一碟菜先可以， 用上濃湯，令到每條菜都好鮮甜。今餐父親節飯老豆好滿意，仲話下次要約姨丈佢地再食個鴨。

喜滿樓菜館@土瓜灣🔅椒鹽白飯魚真係吾係間間都有得食炸漿薄身 外脆內軟配上椒鹽更加惹味送酒一流🔅黃金蝦顧名思義就係蛋黃啦邪惡到不能想像上枱果時陣陣的蛋黃香真係令人流晒口水濃濃的蛋黃香滲透蝦肉送酒一流🔅招牌芝麻雞鎮店之寶個個食過都話係必食皮脆肉香滑嫩 吾會太肥配上芝麻芝麻香滲入雞肉口感上芝麻脆加雞皮脆係雙脆🔅古法焗魚腸忍吾住食左幾啖先記得影吾係間間都整得好食熱辣辣 外脆內嫩吃到魚腸和魚肝的甘腴又嘗到油炸鬼和雞蛋的質感

前排疫症比較嚴重，我哋一屋三個人都決定乖乖留喺屋企，已經好耐冇出過去食飯！為咗慰勞吓日日都煮足三餐嘅奶奶，我哋決定帶佢去土瓜灣食好西！但估唔到一嚟到呢度就見到咁多人等位！好彩我有訂位啫～聽聞呢度嘅芝麻雞好出名，所以我哋一嚟就點咗呢味經典菜先～奶奶同老公一食就大讚話估唔到個芝麻雞咁香口！！雞肉鮮嫩，外皮又被重重嘅芝麻包圍，個層次真係一流～好好食呀！！！！另外一個奶奶好愛嘅就係呢味蜜椒脆鱔球啦！！長輩們真係好鍾意食鱔架～我平時就好少食嘅～因為怕會有腥味～點知呢度嘅鱔球唔單止唔腥，個醬汁仲調得好好味～而且啲膳真係啖啖肉架！有雞有魚，又點可以少咗蝦呀～本來我哋想點啲香口啲嘅～但奶奶話想試吓上湯大蝦，都好嘅～唔會咁乾爭爭，啲汁仲可以用嚟綁飯添！對於一個唔太鍾意食太濃味嘅人嚟講，呢個上湯大蝦嘅味道真係剛剛好，唔覺得咸，但又有大蝦嘅鮮味，食到Lam Lam脷～其實我只要去到一間餐廳，見到佢有菠蘿咕嚕肉我就一定會嗌～酸酸甜甜咁真係好好味～呢度仲要係原隻菠蘿脆皮咕嚕肉！！啲咕嚕肉脆皮架！！媽呀～～好正呀～～～～超愛雞翼嘅老公居然最尾仲要點個瑞士汁雞翼！？咁大盤我勁擔心我哋食唔晒～但呢個瑞士汁調得好好味～

其實一班人食飯去d香港食小炒既餐廳幾正，唔洗限食返自己碟野又可以暢所欲言。土瓜灣呢間餐廳其實我之前都食過，今日再幫襯，當日我地5個人叫左酱爆雞雜、家鄉蓮藕煎肉餠、喜滿小炒王、鮮菠籮脆皮咕噜肉同砵酒蠔煲。小菜顔色同味道都達到水準，個人好中意個鮮菠籮脆皮咕噜肉，新鮮菠蘿帶出果種鮮甜能同肉香，咕噜肉外脆内嫩。砵酒蠔煲都唔錯，蠔質細嫩又入味，砵酒帶到蠔既鮮味出黎。價錢適中，而且分量都幾多，個人覺得係唔錯既選擇。

好耐冇班朋友出黎聚舊啦因為武漢肺炎，難得見下就去搵間小菜圍埋食餐飯啦😂我地叫左五樣餸，第一樣係薑葱蠔煲，啲生蠔大大隻好肥美，撈埋蠔煲既醬汁好惹味，仲有啲韮菜拌埋，平時我完全唔食韮菜的，但無唸過撈埋餸飯都幾好味又炒香過。第二樣係黃金涼瓜，朋友口供話都幾好味，中意食苦瓜既朋友可以試下，但我就無試到啦不過見佢炸得幾靚。椒鹽軟殻蟹同椒鹽鮮魷都好香脆炸得，隔油隔得okay而且新鮮即炸，魷魚彈牙，軟殼蟹又多肉，椒鹽味道足夠，唔會過鹹。南乳脆豬手都啲南乳都好入味，豬手易咬口夠稔，整體來說是性價比高既小菜！

香港味道小炒同朋友一行三四人去左土瓜灣特登食呢間，之前食過覺得好食，分量又夠，所以帶埋朋友仔黎。我地叫左五個野食，冰鎮南非鮑魚、椒鹽海蝦、芝麻雞、蜜椒薯角牛柳粒同南乳豬手。先黎左冰鎮南非鮑魚，高級前菜😆😆。冰鎮凍冰冰，連埋醬汁食，又幾鮮甜彈牙，夏天開胃一流。椒鹽海蝦，有十大隻到，一上台已經勁香椒鹽味，食落仲正，外面都炒到好脆，入面又入到味，送啤酒佳品。芝麻雞，呢個係鎮店之寶，一定要俾朋友試下，外皮連芝麻食，又香又脆，肉不會太咸，喜歡。蜜椒薯角牛柳粒都ok，牛肉連小小蜜糖炒，帶出牛味～南乳豬手底有生菜，南乳小小咸，不過有菜食埋岩岩好～

朋友話太耐冇見 要出黎聚下 話介紹我食鑊氣小炒王 咁好 一於去試下先一黎到 即叫左個 啫啫黑胡椒大鱔煲份量大 加左 洋蔥蒜頭青椒 爆炒 勁惹味 肉質鮮嫩椒鹽白飯魚脆醬夠薄 炸到外脆內嫩 加上椒鹽 香酥美味食唔停口 令人口味😋弟一次食 梅菜炒菜心估唔到會咁夾 不過材料靚 點配搭都係一樣好食土魷蒸肉餅 家常便飯 撈飯首選肉餅魷魚彈牙 食得出好鮮味 再加上 豉油同蔥花絕對美味😋食左3大碗飯每日在家煮都好累難得可以同朋友外出食飯真係一件好開心既事

今日難得幾位同事一齊收工，就在附近吃個晚餐先回家吧～其中一位同事帶路來到這裡～看著有很多小炒非常吸引，有點難選擇～下菜還是交給他們～鮮露筍荷豆百合炒帶子，露筍爽口，加左百合令到味道清甜，帶子也夠大粒，粒粒分明！黃金脆蝦，先看看每隻蝦大隻，每一隻也是金童色的！這款送酒一流～土魷蒸肉餅，他們除了把魷魚和肉剁成肉餅，也另外加了較大的魷魚來增加囗感！椒鹽白飯魚，來食小菜真的要點一款椒鹽味小菜，今次點了椒鹽白食魚，每一條炸至乾身脆口，條條分明，也是送酒必配！同事說他上一次也是剛在附近收工找晚餐吃，吃過不錯決定下一次帶我們到來，其實看到餐牌上也有很多很吸引的小菜可以再來一次～

今日去左土瓜環搵親戚，難得放寬限聚令，當然要順便晚餐啦，今次去咗安徽街嘅喜滿樓！門口有咪錶位，去到啱啱有位，好好彩😌這種燈火光明，整齊乾淨，每台會先準備一壺熱水給你清洗食具👍古法焗魚腸，用上幾種蛋生焗，好少地方食得到，懷舊風味十足！鴛鴦炒飯，小朋友至愛，用料和份量十足！招牌芝麻雞，是這間店的招牌菜，每枱都幾乎必點，雞味香濃，不會過肥，雞皮香脆，雞肉嫩滑，配上芝麻非常惹味！惹味風沙鱔球，鱔球炸得香脆，鎖住肉汁，加上炸蒜，佐酒一流！人均消費百多元，有大排檔風味又衛生實在十分難得！

今晚經過土瓜灣朋友想食中菜我地簡左喜滿樓我地叫左幾樣餸店員推介左幾樣招牌菜比我地清蒸皇帝蟹香宮腐乳脆蝦冰鎮南非鮑魚油鹽水泥鯭涼瓜排骨煲清蒸皇帝蟹單係賣相已經好吸引份量亦好多好細心咁分好哂蟹肉好鮮甜 好新鮮啖啖肉 好彈牙朋友都讚不絕口香宮腐乳脆蝦好夠鑊氣又入味咸香適中 蝦肉新鮮煮得岩岩好 唔會過老冰鎮南非鮑魚温度處理得剛好如果雪太耐又會過硬宜家岩岩好 而且清洗得好乾淨涼瓜排骨煲涼瓜苦中帶甘排骨唔多肉但都好juicy整體黎講樣樣菜都有水準有驚喜值得一試

同屋企人食飯，老人家都係偏愛食中菜，搵到呢間喜滿樓菜館，有中菜又有小炒架喎，希望佢哋鍾意食啦！避風塘炒大肉蟹，炒得好香，微微辣，送飯一流。手打花枝丸，外面炸到脆卜卜，咬落去非常彈牙，唔錯。原隻菠蘿脆皮咕嚕肉，大大粒酸甜菠蘿肉配埋咕嚕肉好好肉地。芝麻雞，表面有芝麻香，食落雞肉好嫩滑。蜜椒脆鱔球，爆香嘅鱔球，唔太油膩啱啱好。西蘭花帶子，每一粒帶子都有西蘭花咁大粒，帶子新鮮爽脆，西蘭花炒得翠綠。

好耐冇同屋企人食飯，梗係要整返場海鮮大餐啦一早book左位就唔洗驚要等，呵呵。椒鹽南非鮑魚 一上枱，大家都忍唔住嘩左聲D鮑魚都係大大隻，而且食落去仲脆卜卜 ，雖然有d熱氣，不過冇所謂啦花雕蛋白蒸花蟹望到就知幾抵食D蟹嘅鮮味入左蛋白度，好似啖啖都食整蟹咁。豉汁蒸鱔啖啖肉嘅鱔，見到我屋企人食到好滋味，不過我就麻麻地魚嘅，就不多評論喇蒜蓉粉絲蒸扇貝大愛e個餸本身就好鐘意食蒜蓉同扇貝，雖然冇影到，但粒粒扇貝都好肥美飽滿，好新鮮嘅感覺！欖菜肉鬆炒涼瓜哈哈，叫左咁多肉，梗係整返d菜中和返，涼瓜仲可以清熱氣~最尾再整個冰糖燉雪耳潤一潤正！