喜滿樓菜館

营业中

休息中

難得的早放工，梗係要食個lunch 輕鬆下 同朋友行左一陣，決定食個中餐我地睇左一陣menu,決定食好點 menu 太多choice 支竹豆腐忟東星斑-呢間餐廳標榜小鹽小油 果然唔會好似出面咁食完要送一大啖飯先唔會太濃味 有住家飯感覺 好香 唔會太油，主角係東星斑，每塊都好大塊而家好厚身，足足有成10件咁多，剩食魚都滿足。魚肉新鮮有咬口而且味道惹味但唔會太濃。腐乳蝦-第一次食呢個調味醬炒蝦 我真係喜出望外 真係好好食 蒜味濃 非常match 腐乳 份量又係唔小，蝦隻隻都咁大，勁新鮮juicy,唔會過硬，配菜有青椒紅椒，食起上尼更香口更好味。秘制醬厚切豬扒蛋飯-個醬真係好出色 好香蒜味 塊豬扒真係厚到一個點 最驚喜係好juicy 呢間係out of expectation 咁好食，已經拿拿聲同屋企人book 定下星期encore.

喜滿樓菜館係一間地道嘅粵菜館，一睇餐牌就知餐廳提供唔少嘅懷舊及創意小菜供客人選擇，而且款式頗多👍🏻最鐘意餐廳有一份美食熱賣排行榜，將最受歡迎嘅菜式整理出來，令客人一睇就知邊d係必點菜式😂👉 皇牌厚豬扒包豬扒嘅份量真係好足料又厚身，有三塊💯味道都有啲驚喜，包皮外脆鬆軟😍除豬扒外，仲有沙律🥗醬、蕃茄同洋蔥🧅，咬落去好juicy😋豬扒包係早餐同下午茶時段都會供應，如果兩個女仔都唔大食嘅話，一個包真係可以兩份食，份量剛剛好😂👉 喜滿風沙雞（半隻）風沙雞嘅外賣吸引，雞上面舖滿金黃色嘅炸蒜片，令人感覺真係有一層金沙咁😂雞皮炸到皮薄香脆，雞肉嘅味道則剛剛好😎👉 皇牌椒鹽軟殼蟹 一上碟就覺得好邪惡，軟殼蟹炸到金黃，又香又脆👍🏻軟殼蟹嘅蟹膏比起出面其他店舖真係要多👏🏻椒鹽嘅微微辣令到成到菜更加好食😋極力推薦💯整體而言，餐廳嘅性價比高、環境都幾衛生，而且推行少鹽少油嘅健康飲食模式，係中菜館來講算係少見😉下次來土瓜灣都會再試😋

自從上個月去過土瓜灣吃晚飯後，發現原來這個小區都有唔少特色小店，所以近排一得閒就會過嚟行下。最近又俾我發掘到一間好有人情味嘅中菜館。餐廳位於安徽街，門面與一般飯店分別不大，不算起眼，不過入面都幾闊落，環境乾淨企理，加上食肆一直奉行真材實料和少鹽少油的製作方針，所以好受附近嘅街坊歡迎。店裡的服務員好熱情，知道我哋第一次嚟，專登過嚟介紹下佢哋嘅招牌菜，而且仲有問必答。原來牆上的玻璃貼左張餐廳嘅熱賣排行榜，菜式選項好豐富，懷舊與創新兼備。我哋點左半隻喜滿風沙雞 ($178)、秘製醬油厚豬扒飯 ($58) 同 一碟蒜蓉炒時蔬 ($58)。碟風沙雞果然好有睇頭， 新鮮即製，上桌時熱辣辣，面頭鋪滿金黃色的炸蒜，賣相甚佳。雞皮炸至透薄酥脆，極為香口，雞肉醃得非常入味，蒜味與鹹香並重，熟度亦恰好，甚至連雞胸部分都充滿肉汁， 令人回味無窮，真係不愧為餐廳嘅招牌菜。至於另一客店員推介的厚豬扒煎蛋飯亦絕不欺場，飯面嗰件帶骨嘅豬扒，比我塊面還要大，夠曬厚身，入口肉滑鬆軟，燶邊帶肥，而且沒有肉膻味，配埋頂頭的流心煎蛋一齊食，真係好味到停唔到口。豬扒飯奉送飲品，凍飲 +$3。食完咁多肉，梗係要食返碟菜中和下，揀左

土瓜灣開咗一間餐廳，內裏裝修可能未必令人起眼，但食過一次之後，就絕對發現，餐廳將大部份嘅成本，都用咗嚟去買優質嘅食材🥗🥘🍲🍝呢間餐廳係我第二次嚟食，感覺同上次一樣，都覺得係一間高質素嘅中菜館。這間餐廳令我其中有一個驚喜的地方是，店員對待客人的態度就像對待街坊一樣，非常健談，非常盡責。餐廳推行少鹽少油健康飲食，而且多懷舊及創意菜式，整體餐廳衛生足夠。一坐低之後，我哋第一樣嘢梗係叫一個午餐食先，因為始終有飯落肚，先至可以再慢慢叫小菜嚟食。我哋叫咗嘅一個係豬扒蛋飯，豬扒非常非常大塊，而且炸得都幾好，最鍾意就係佢個好大塊嘅太陽蛋，太陽蛋蛋汁撈飯食，係一流。而且價錢絕對唔貴， 50幾蚊係一個午餐Set。我哋之後叫咗幾款菜式；但最推介係有兩款：第一款係椒鹽脆鮮魷：魷魚炸得香脆，外層輕輕包住一層炸粉，香脆，但內裏嘅魷魚🦑，肉質卻非常鮮嫩，滑，唔軔。第二款推介嘅係砵酒脆鱔球。醬汁非常香濃，鱔球炸得香脆，鱔肉彈牙，有肌肉感，車輪型嘅膳球，每一啖都包含醬汁、皮、肉，非常好食。如果啱啱入到黎嘅時候，唔知道有乜嘢好食，可以睇一睇呢一塊板，絕對係非常好嘅推介。

土瓜灣一向多美食而家年紀越嚟越大開始想試返香港獨有嘅口味黎左呢一間外表平實嘅粵菜餐廳本身我係畀佢下午茶38蚊嘅豬扒包吸引食咗之後 覺得好好味所以就晚飯都喺嗰度解決埋😂餐廳嘅裝修同普通香港嘅茶餐廳冇乜分別非常之有親切 原來都有唔少親報紙傳媒訪問過佢哋老闆放棄高薪厚職返咗嚟香港追夢目的就係想整一間好食嘅港式茶餐廳.✅厚切豬扒包個包係到好脆嘅可以參考我幅圖 但同時地個包又唔會好乾咬落去仲好煙韌😊豬扒冇偷工減料有兩塊加埋秘製醬汁同蕃茄肉豬扒份量多之餘咬入去仲好juicy有肉味亦唔會整到非常之熟 反而仲幾嫩滑非常飽肚👍作為下午茶好抵食✅蜜椒薯仔牛柳粒薯仔係炸到脆卜卜外層仲有蜜糖衣 食入去非常惹味牛肉粒約八九成熟 所以仲keep到啲肉汁口感煙韌 但唔會過硬成個菜嘅感覺就係好濃沃好香口✅咸魚煎肉餅鹹魚同肉嘅比例係啱啱好鹹魚香令到個肉餅 更加有鮮味師傅應該有處理過所以咬入去幾彈牙 唔會過份油膩反而仲食到少少脆嘅感覺呢樣幾難得✅馳名芝麻雞老闆有同我傾幾句佢哋揀嘅係比較大隻嘅雞肉比較濃雞味有微甜香預先處理再沾上大量嘅芝麻一齊炸個感覺就係食緊芝麻餅加嫩滑嘅雞肉非常香口 芝麻脆卜卜帶出咗雞肉嘅嫩滑非常多層次嘅

Restaurant Review📋Food🍽Deep-fried Garlic🧄& Chili🌶Pork🐷Knuckle風沙脆豬手- Crispy Skin with Jelly-like Collagen- Deep-fried Garlic🧄& Chili was mouthwatering- Rarely seen in local Chinese BistroWasabi Mayonnaise Tiger Prawns🦐沙拉虎蝦球- Wasabi Mayonnaise was perfectly balanced, with appropriate taste of spiciness, sourness & sweetness. Creamy but not sticky- the batter was thin and crunchy- Prawns🦐was SpringlyPoachfed Fish🐟Maw, Wolfberry, Chinese Leafy Lettuce🥬in Rich Fish🐟Broth濃湯魚肚杞子浸油麥菜- the broth was ric

好鍾意食海鮮～知道土瓜灣有間地道菜館，有好多海鮮小菜選擇～而且出名夠鑊氣 ！😙菜館仲好注重健康，少鹽少油👍🏼食小菜唔會食到成咀油🤤而每款小菜仲會附送老火靚湯同白飯。打開菜單👀發現小菜選擇超多～海鮮丶肉類丶家禽丶時蔬，應有盡有👍🏼除咗懷舊菜式，仲有好多創意小菜。我地叫咗2款海鮮小菜💗都好正！😙啱晒我口味！◼️砵酒桶蠔煲 $178上枱時吱吱聲香噴噴，真係鑊氣十足～桶蠔大大隻啖啖肉～充滿鮮味！💗加埋香濃嘅砵酒汁，同埋索晒啲精華嘅洋蔥絲～香口至極！◼️豉油王蝦🦐 $98蝦嘅豉油鹹香剛剛恰好，肉質好爽彈，乾身香口，完全不油膩，相當惹味～佐飯一流！◼️熱奶茶屋企人係奶茶控👍🏼去到邊都要嘆吓杯熱奶茶～佢話呢度嘅奶茶都好香好滑～好合心意。呢度擁有舊式菜館嘅親民地道格局，又夠乾淨企理衛生。下次嚟～要試試店家馳名手工菜「芝麻雞 」💗因為工序繁複，想食嘅話要預訂架～小菜選擇超多～影左D菜單比大家參考～

之前喺紅磡返工 成日都會行過嚟土瓜灣呢邊搭車 今日難得經過即刻要去以前飯堂嗌返個外賣🥡之前成日都喺度食早餐佢杯奶茶茶味夠得來好鬼滑 今日晏晝先嚟到冇早餐食呀又趕住返屋企 不過原來下午茶有豬扒包食 $38有埋野飲 可以重溫下杯熱奶茶啦😍😍另外再嗌左兩個小菜返去食 分別係蜜椒脆鱔球同避風塘鮮魷豬扒包係脆卜卜嘅豬仔包加沙律醬加蕃茄同洋蔥🧅 件豬扒勁厚 配咗沙律醬同蕃茄洋蔥唔會話好膩 但啖啖肉好正而杯熱奶茶依然都重咁好飲 拎到返屋企都仲係熱辣辣😌避風塘鮮魷唔使講 又大嚿 啖啖肉 仲要卜卜脆 勁多炸蒜一齊上 香噴噴😋😋😋蜜椒脆鱔球第一次食 似係蜜糖包住咗啲鱔 食咗幾嚿都冇骨 又係我最鍾意嘅啖啖肉😆同埋個外皮都有少少脆口嘅感覺 好味最後真係要值得一讚嘅老火湯 平時啲餐廳嘅例湯都係味精湯為主🤣但佢真係真材實料 個南瓜湯好足料但絕對唔會超鹹 有啲似住家靚湯🥰🥰下次再經過都一定要再回味下 估唔到早餐好食晚餐更好食😋仲有個厚切豬扒包🤤🤤

今日經開土瓜環搵好野食😛今次就試下中菜小炒啦 呢間店係標榜健康啲既 少油少鹽 估唔到食中菜都可以冇咁邪惡🤣一坐低就會有湯飲😍今日係南瓜湯！好清甜😋食到少少南瓜同紅蘿蔔🥕 表面唔會好多油 好似屋企煲既老火湯 唔係味精湯！因為早食所以可以試到個厚豬扒包$38 豬扒比起出面既真係厚好多 個包烘得好脆 搽咗牛油所以食落會更香 呢個價錢好抵食！👍🏼另外仲叫左2個小炒首先係避風塘鮮魷 🦑$98 🌟🌟🌟🌟呢個好有驚喜！ 炸到表面金黃色 好脆 個炸粉一啲都唔厚 亦都唔會好油 係好乾爽既 鮮魷炸得岩岩好 好嫩 一啲都唔韌 最驚係好似橡筋咁 個人諗為必點！⭐️小炒王$88份量好多 堆到成座小山咁 材料有菜圃 腰果 叉燒 豆干等 好惹味但又唔會咸 我地冇配飯食都岩岩好👍🏼最後仲外賣左個招牌芝麻雞添 $178即刻既話個外皮好脆 肉質又嫩 撒滿芝麻令隻雞更香 就算雞胸都唔鞋！果然係招牌

土瓜灣係一個舊嘅區， 自然就有一啲老字號嘅街坊餐廳～ 今日就嚟到安徽街 食番餐好嘅～ 成條街一眼就會望到呢間餐廳 佢門面都算 光鮮亮麗～整體餐廳衛生吾錯～今次叫咗芝麻雞 呢一款菜式呢係佢哋嘅招牌菜 見到牆上面都有好多報導 介紹佢呢一款菜式所以呢我就要試下啦～ 雞皮炸得好脆而且呢雞皮上面充滿住好多芝麻粒 食落去肉身好嫩口是走地雞～啫啫油麥菜煲比較健康的我呢就一定要叫蔬菜，今次就揀咗油麥菜 ， 屋企人呢就覺得油麥菜好苦但係佢哋呢呢個菜式呢完全冇苦味～～因為佢哋嘅調味做得好好 味道好香濃！！ 就算好飽都食得曬原來老闆話佢地菜式少鹽少油，好健康， 啱曬我！

Dad, mum 話出去食飯味精多甚少出去食野，我發現原來樓下有間餐廳推行少鹽少油健康飲食～立即帶屋企人去😝餐廳好多懷舊及創意菜式～😙蜜椒薯角牛柳粒 🥩薯仔，牛柳粒用左蜜糖同黑椒 調味🥣，好 香口，薯仔 唔會太熟，牛柳粒肉質 嫩口， 成碟餸都好入味有驚喜👍❤️風沙脆鱔球😊原來風沙即係椒鹽仲有辣椒係 🧂入面炒埋一齊～ 食落去有豐富嘅鹹香味，外脆內嫩 ， 令到 一碟普通嘅鱔變得特別～ 令人垂涎欲滴！可以送多幾碗飯！🍚

老公好鐘意食本地食肆，例如茶餐廳、菜館，今日黎到土瓜灣見到依間菜館佢話想試下～4點幾5點依啲時間有啲尷尬，所以我地點左依度出名既小菜加下午茶😁豬扒包原來都幾大件😁個法包超脆，咬落卜卜聲，豬扒厚切，肉質軟又多汁，個2片多汁既蕃茄同沙律醬酸酸甜甜好開胃。半隻芝麻雞原半隻雞呈現係你面前，由頭到腳架～佢地既撚手小菜亦係懷舊菜式，隻雞佈滿芝麻，真係密麻麻，咬落好香芝麻味，雞肉好嫰滑，而且芝麻香好濃郁又不會蓋過雞味，反而更能帶出雞肉香。而且芝麻既特有口感令這味菜既口感添分。沾一下芝麻醬，芝麻味更濃又帶點酸，所以一點也不覺油膩😋而且餐廳推行少油少鹽，所以食得好健康😁干炒牛河上枱就聞到好香，夠鑊氣，每條河粉都沾琴油但又唔會太多，所以口感滑又香。牛肉超大片，似肉軟一點麵唔靭，炒得岩岩好😊加上爽口銀芽，香口韮王和芝麻，為這碟干炒牛河潤色。咖央西多士特厚西多士，識食既我第一粒當然係食9粒之中既日間個粒，最多咖央，超香超好味🥰再食4隻角，雖然少啲咖央，但多脆邊😁凍檸茶少冰，有成4片厚檸檬架，正呀👍🏻老公上網睇返原來依間餐廳既廚師好曾組係澳洲賭場當廚架👍🏻

今天同同事到土瓜灣做野做到成4㸃，便立刻去附近搵野食。係安徽街有間喜滿樓菜館，門口標示有好多不同美食，便同同事入去開餐。人地食早午餐，我地就食午晚餐🤣，原本諗住叫3個簡單小菜吃，但有位靚靚職員推介我地食麻辣雞煲，係呢間菜館排第一位。麻辣雞煲絕對沒有令我們失望，嗰醬炒得好香濃。由於今日係今年入冬最凍一日，都想食d暖笠笠嘅美食，便決定試試，再加個菠蘿炒牛肉同豆腐支竹炆東星斑球。首先來2碗例湯，今天係霸王花甘荀南北杏煲唐排。好飲之餘重有屋企湯嘅感覺。跟住來菠蘿炒牛肉，牛肉炒得好味好嫩，重配埋菠蘿洋蔥同青椒，都係賣58元，好味又抵食。之後上豆腐支竹炆東星斑，都係呢間菜館抵食小菜，雖然d東星斑球同荳腐顔色一樣，睇圖片分唔倒，但告訴你們，東星斑球份量多過豆腐，重點係斑球好滑好有質感同咬口，只係賣98元。抵食同好味。麻辣雞煲上枱後，職員細心幫我地炒熟，未食已聞倒好好味嘅花椒八角，大量紅椒乾，尖椒同洋蔥配菜。重點係d雞肉，好嫩同好入味，香噴噴，食到停唔倒，好快已將成個雞煲KO 左，靚靚職員真係介紹不錯，抵讚👍喜滿樓菜館d職員好有禮貌，見佢地同d街坊閒話家常，而且小菜都非常出色。菜館並推行少鹽少油，值得

今晚小妹收工去左土瓜灣拎野之後打算行去何文田站搭車, 經過E間菜館門口聞到幾香, 於是就決定買埋外賣番屋企同媽媽食🤣 餐牌實在係太多選擇, 仲有掛版寫埋今日精選, 最後經過左一輪十五十六大細心, 小妹決定揀3個餸番去😋! 每個餸係即叫即炒, 而且都會跟一個白飯🍚同老火湯🥣, 份量相當足! 值得一讚嘅係飯餸過左一個鐘都仲係幾熱👍🏻青紅蘿蔔南北杏煲唐排🥕🐖🍲老火湯無咩味精, 味道清甜多料!新加玻酸辣炒蝦🦐炒蝦大大隻, 而且數量唔少, 醬汁味道微酸帶辣, 開胃又惹味!喜滿小炒王小炒王炒得幾夠鑊氣, 韭菜口感脆嫩, 腰果香口, 魷魚爽口彈牙, 豆卜絲吸哂d汁好入味, 仲有叉燒絲, 味道咸咸香香, 非常好餸飯!蜜椒薯角牛柳粒🥔🐂黑椒味幾香, 炸過嘅薯角隔左一個鐘都仍然外脆內軟, 牛柳粒軟嫩入味, 加埋蜜糖🍯好滋味!😊

凍凍地好懶唔想煮飯一於係屋企附近喜滿樓買啲小菜返去做餸叫左四個餸，份量都唔算少，食物又夠鑊氣 椒鹽墨魚鬚 $98通常食開都係魷魚鬚，見呢個係喜滿樓其中一個招牌菜式就係墨魚鬚，好特別，一於試下。皮炸得幾好，唔會好厚粉，食起來好酥脆 ，加上足夠的椒鹽味勁香口！西檸香酥雞 $68西檸雞最重要係個醬汁，要甜甜酸酸先開胃，雞肉無骨嫩滑，小朋友食唔停椒鹽豬排 $68椒鹽豬排又係我必食既菜式，而喜歡樓嘅椒鹽豬排好好食，冇諗過豬扒肉質甘鬆軟，半肥瘦更加好味，咬落去仲有少少肉汁。加上好香既椒鹽配料，微辣又香口。川式回鍋肉 $68香濃惹味嘅回鍋肉就係老公最愛。回鍋肉係比較大塊既豬腩肉片，加上大量配菜，都幾夠辣，但係辣得來好好食，送飯好好味。夥計介紹原來喜滿樓最有名既招牌名菜係芝麻雞。下次一定要再試下