喜尚海鮮酒家 (已結業)

記得上次試過呢間覺得不錯,而且呢度有盞超大水晶燈,好靚,所以有下次(即今次),但今次嚟到,又係上次個派籌員(佢好冇禮貌),就覺得差哂.四大一小畫咗15樣,但嚟咗14樣,小朋友想食魷魚穌,冇!哥哥想食奶皇飽,冇!蒸鮮魷,冇!好多想食既都冇,有既又冇食開咁好食,差哂!埋單$160,下次去第二間!

上星期去喜尚嘉喜飲茶，三人叫了一個'三人行套餐' 認真超值!只售賣77元，好味道兼多款式，以這酒間酒樓豪華的裝修呢計，抵食!還有，以我所知，這間樓絕對不是舊嘉誠的延續。

上星期入元朗探媽媽, 同佢去試下"喜尚", 發覺呢度裝修都幾豪華, 個女厠好有氣派吓整體食物唔錯, 都幾大碟,個人認為個飯後紅豆沙(送嘅) 就最出色,煲到起"沙",好香陳皮味,絕對唔係一般免費飯後甜品嘅貨色,係認真之作!

食物味道係不錯，但就不是人人都好似TONY林咁有教養。果度既茶客好多時拍拍膊頭，就係枱後等位架《我每次去都見有呢種情況》，所以樓下等位既人等餐死！同埋唔知係咪請左太多舊伙計，佢地俾我感覺「新派裝修舊茶樓既文化」。伙計加水要叫幾次，找人寫單又係超難的，收銀係張散銀扔回俾你的。總括來說，再係咁就難逃以前嘉城既命運。

5月14日是母親節，本人在5月13日訂座此酒樓飲早茶，得到回覆，在電話中聯絡人說，如果有座位留下，便不會致電本人。但如果當天不接受訂座，或以經爆滿，便會通知本人。而本人在5月13日到5月14日早上一個電話也收不到，換句話說，喜尚嘉喜酒樓的聯絡人已為本人留下了位置。但到了5月14日母親節，本人早上9:06分，到了此酒樓門口，詢問有關留座的事宜，樓面女支客，推說母親節當日沒有留座這個服務，並只說沒有、沒有、沒有。而本人亦耐心的向她說出5月13日晚留座的事宜。而她並沒有詢問有關聯絡人，亦沒有指細查證有沒有此事，便說沒有，令本人在母親節的計劃行程遭受破壞。最重要是那個女支客的咀臉，非常的令人討厭。後話，在得到了那個女支客的回應後，本人打電話到其酒樓的負責人那處求一個明白。該負責人說，已找到你們訂座的紀錄，而那個負責人也解釋那位支客在早前辭退了這份工作，所以對客人的態度不好，另外亦可以為我們重新找一張四個人的桌子，但最後本人沒有到喜尚嘉喜酒樓飲早茶，因為那女支客的態度十分惡劣。

呢間酒樓開張冇耐果陣,我車經過樓下,巧遇我個好朋友,佢由初出道做酒樓侍應,到【嘉城】元朗全線停業時,都係【嘉城】服務。佢穿著住類似【嘉城】制服,略過呢間新張酒樓樓下,因為我車都係略過,所以冇時間得切停低同佢傾偈。4月15日星期日中午,我同女友及佢屋企人,第一次去呢間酒樓飲茶,一上到去我心諗都好大機會撞番我呢個朋友,哈...點知電動樓梯一上到去,就即刻見到我呢個朋友【阿昌】,佢而家度係做【經理】,我即刻第一時間叫佢,同佢打招呼後問佢卡片。之後我搵到女友屋企張,就同佢傾幾句就各散。現場俾我感覺地方都好闊落,裝修又非常華麗豪華,牆身全用雲石鋪砌,每一個角落都掛有32"吋LCD大電視,天花掛滿水晶吊燈,裝修非常之落本,每張與之間空間都非常寬敞。我叫好多點心、一個小菜及一個炒河,發覺呢度點心好特別,就係大多都好少油,同埋點心中慣用較肥膩配料,呢度大多都同其他素食化替,例如為例,中心火腿換炸魚片及豆腐代替,食落較清淡及健康。小菜叫窩,魚雲肉質鮮美炸得好,薑蔥味濃但唔鹹幾清淡,好食!,同一般乾炒牛河一樣,只係加蝦醬炒,不過鑊氣都算十足,牛肉都唔少幾有口感,唔太鹹呢樣我幾鍾意,但同女友家人可能食慣濃味