喜尚海鮮酒家 (已結業)

同同事慶生日,原本選<元朗人家>lunch, but at last choose here, bcoz the restaurant name is more attractive and 好意頭d食物幾creative,d 0野都好食例如炸蝦卷用杯裝, very wester style!(and taste is good)但好大支,唔知點分hahafood is fresh奶皇包 is very good而且裝修都好配合招牌

我記得第一次去陣要等成個鐘先有位!今次去好奇怪地唔洗等位~上到去即入坐野食麻麻~唔知係咪廚房轉左人野食比之前差左一係冇味一係好咸~係得個粉果冇變一樣咁好食!

昨天來了這裏飲茶,好耐冇嚟啦,這裏的食物是有水準的,這裏假日是沒有下午茶的,我們1:30左右來到,好多人在等位了,等了約半小時就有位,我們叫了很多點心鳯爪排骨飯-20元,好大盅好抵食,好多料的呀鳯爪-這個一般,好硬泰式鳯爪-好味,不是很辣但酸酸辣辣的很開胃芝士長春卷-好味,好香口,配一條青瓜及沙律醬食,正咸水角-凍了一般百花釀魚肚-好味,個蝦球好有蝦味,魚肚則較硬雞飽仔-沒有食唔知綠豆沙-好大碗,小點的價錢好抵食,好好味,好沙同埋好多海帶,沒有臭草,好香,不是太甜桂花糕-好甜

首次光顧，感到環境裝修不差，只是人多也較嘈雜，幸好樓底夠高，不會將聲音焗住，所以尚算可接受。已經是十一時，通常這時段的酒樓理應不會太多人，但眼見人差不多八、九成的桌子也有客人，可見此店也頗受此區食客歡迎。點了一客燒乳鴿、一碟灼油菜、生煎鍋貼、炸饅頭、蒜蓉蒸鮮魷，連兩位茶及加一合共110元，以午市來計，價錢亦算合理。整體食物水準不差，而且，選擇也頗多，中、日、港、泰食物也有。個人最喜歡是炸饅頭和蒜蓉蒸鮮魷，饅頭熱騰騰的，炸得又夠香，醮鍊奶吃認真滋味；鮮魷也真是夠大碟及新鮮，香味十分，入口口感亦佳，比起同區的大榮華更優。不過，服務態度認真要改善，知客給了入座的紙仔，但進入酒樓內竟無人帶位，要左問右問才找到位子，期間還得看服務生的面色！打開茶壺蓋子等服務生加水，卻等了五分鐘也沒有人來，後來，還是由一位女部長老遠看到，便立即幫忙加水。更令人氣憤的，是小妹因為覺得灼菜不夠味，想要一點豉油（醬油），於是問傳菜的，她卻說灼菜中已有豉油，著她拿一些，口是答應了，但後來不知所蹤；再向幾位服務生及部長要嘛，情況一樣，豉油真的要這麼貴重嗎？終於忍不住，找幫加水的女部長（後來知道這位女部長姓劉的），跟她說出情

星期六既下午經情人帶去試下呢間~差唔多3點先到...飲下午茶估唔到呢間酒樓有個counter專係整日本野食~~~重要睇落師父都幾pro仙竹卷好唔得...完全吸唔到湯既味,,,腸粉又好差,蝦腸冇味之餘又太粉不過其他野都好好食@@~~~特別推介乳鴿,即整熱辣辣又好味凍左見到佢d油就會令你唔想食架啦三文魚壽司整得好靚可惜就係服務差左少少問d亞姐重有咩腸粉剩佢答我話:我都唔知喎,你問下其他人啦即刻對呢間野扣晒分...

上星期五出席高人的一班已相識很久的舊同事飯局聚會。因大家都已在不同的工作單位，故難得有十多人一齊共聚暢談近况。她們聚會完後，便通知我去元朗喜尚海鮮酒家晚飯。我是第一次去喜尚，到達後感覺這處的裝修是很華麗。當所有人到齊後，決定叫了一個很貼切名字的良朋知已宴套餐，這套餐共有九個餸菜，而其中值得推介包括：1.乳豬大拼盤-----很豐料及乳豬好香脆。2.炸蝦天婦羅-----好大隻炸蝦及很新鮮。3.西芹炒斑球-----石斑肉炒得很有功夫夠結實，沒有散開。4.南乳吊燒雞-----雞炸得香脆及美觀。5.南翔小籠包-----好味和十二個小籠包內都有湯。吃完了九個菜，還有甜品紅荳沙。全席良朋知已宴全包價為1588元。

今朝去喜尚飲茶，9點45分去到，拿左張五十幾號o既四人檯o既籌，當時叫到三十幾號，諗住廿張檯，好快啦，點知一路等都未有位。等下等下，發現一大堆人都唔拿籌就走左上去拿位。結果我地等到11點45分，足足兩小時！嘩，成間喜尚咁大，足足大過元朗大榮華一兩倍都有多，兩小時先至總共叫左廿張四人檯既籌（其中十張籌仲係某ｄ等到唔耐煩走左o既客tim）！更谷氣既係：上到樓上，見到成村人企響檯旁邊等位，仲等一陣就有位坐tim，有冇搞錯？咁對拿籌等位的客咪好唔公平！？食左一個多小時，我地食得差唔多，我地都未埋單，就有一個阿太同個細路走過黎等我地張檯，仲有一個侍仔同一個經理幫佢兩個問我地係咪食完執得檯！有人響下面大堂等到矇，有人就有經理親自幫佢地搵位！？唉，咁離譜，ｄ野食再好味都冇用啦。我諗呢間酒樓只係開比ｄVIP客幫襯個lor；如果冇侍仔或經理幫你搵位，你都無謂去幫襯lu。

星期日同屋企人來這裏飲茶,未夠一點,嘩多人都傻左,等左差唔多一個鐘頭先有位,我地坐西式果邊,很久沒有來,感覺好像枱放得密集了很多,不知是不是太多人的關係呢.我地叫左好多野食,梅菜飽,饅頭,d飽應該唔係親手做,似買番嚟加工咁,好粗,唔夠熱,芝士長春卷-好味,泰式鳯爪-好味,燒腩仔-好廋,節瓜甫-好味,蝦腸-d蝦好大隻架,叉燒腸-ok,生煎飽-煎得好燶,牛栢葉,金錢肚一般,風爪排骨飯-好味.日式南瓜餅-好味,甜品有泰式大菜糕,椰汁糕-好味,芒果布丁都係一般,價錢其實不是很平宜,因這裏沒有下午茶的,只有一些特價的套餐.

昨晚家人為我慶祝生日，想簡簡單單一起吃頓飯，便挑了這家認為食物與價錢都不錯的粵菜。記得第一次聽朋友介紹，打算來光顧的時候，就碰著某某區議員在這裡設宴謝票。是晚包場，不得其門而入。所以，今次預早訂位，以免碰壁。雖然是平常星期四的日子，這酒樓於八時許竟然是座無虛設 ── 兩家婚宴、四五桌甚麼馬來西亞體育會聚會，再加十來桌散席，全場擠得水洩不通；待應忙得不可開交。簡單家庭晚飯的願望變得非常遙遠。原來只訂了七位，酒樓卻慷慨給一張十二人席，家人之間坐得更加疏離。有時光顧受歡迎的食肆，也會帶來一些另外的煩惱！服務方面，從上文描述，大家可以想像是甚麼光景。一台十二人的碗筷杯碟，要等到三呼四喚才來下單的時候，然後才徐徐給我們收拾至五六七八人用。本來心裡非常不是味兒，就要在服務上扣至一分。不過，後來上菜的時候，一直有“黑衫”來招呼，態度殷勤、細心有禮。還有上菜的速度奇快，於下單後短短不足十分鐘，三四盤菜已然端上。所以服務一項，予以三分。菜式我家點了：大海斑兩味(“生炆頭腩”和“碧綠炒球”)、片皮鴨兩食、西蘭花帶子、蟹肉桂花魚肚及香芒雞牛柳。大海斑兩味如圖所見，份量不算多。不過以HK$118來算，可說是蠻

阿媽放假，同佢出元朗行下。搵緊食乜嘢下午茶之際就咁啱見到呢間嘢，見佢門口裝修得好靚就走入去試下。因為嗰日係閒日(星期四，約兩點三)唔算好多人等位，等左三個零字就有位，一上到去話個裝修真係幾華麗。埋位坐低等左成個字都冇人埋嚟開茶(可能今日係閒日掛)。之後睇下點心紙有乜食，都算幾多，除左平時係茶樓冇既嘢之外重有泰式甜品、日式壽司、京滬美食。等左約三個字D嘢嚟啦。首先係鳳爪排骨飯(係下午茶特價個menu上面，$9.8)，好細碗，見到其他人嗰D好大碗，原來係點心紙上有另一個鳳爪排骨飯(大點，$14)，但係份量絶對唔止兩倍。XO醬炒腸粉($25)，好正，好夠味，係多油左少少姐。小籠包，皮薄，咬落去重有肉汁流出嚟好正。窩貼，煎得唔係好夠，但入面一樣有好多汁，相當不錯。菜肉生煎包，咬落好多汁好好食。元貝香茜餃及山竹牛肉球都十分出色。

星期日原本同男朋友計畫去新星的.可是見到勁多人等位下午茶,就改變了主意到這間了!男朋友之前黎過飲宴而推介我!裝修華麗的一間酒樓,入去前查問過門口個姐姐今日有冇下午茶,佢話冇.咁咪入去囉,那時大約1:30!沒有特價真是有點貴,小點$12,中點$15,大點$19,水壺是用特別的黑色橫紋水壺,好小見!叫了個蒸飯 ,大點,真是好大碗,大約1.5碗飯都有!這間酒樓除了中式點心,還有日本counter,打扮日本妹的姐姐.特別特別 !壽司最平小點,有2件,還有天婦羅,拉麵!是一間傳統酒樓還是一間多元化的餐廳?誰不知2:00時我見侍應係度撥一張特價炒野同小量點心特價的卡...為何我不遲點先叫呢?計畫就不同了...平很多!又是華麗裝修一所toilet...貴就貴在這些了!!

全憑住元朗友人介紹，同對仔女去完大棠荔枝園玩便來這裏吃晚飯。是日乃公眾假期，我們沒有訂，6時多抵達，經理講明7時一定要還。裝修很豪、很新，以紫為主色的確很潮；聽友人說可擺40多圍。先來片皮鴨二食，不錯﹗阿女吃至口肥油。我也吃了三件，肥也在所不計，不過只有薄餅、蔥而沒有青瓜做配料，不知是專登還是俾漏了。連七彩鴨絲(味菜、西芹等炒鴨肉)售$108。我點了飽魚仔連乳鴿餐，售$98，飽魚只有4隻，用果皮蒸，清新可口，但不夠喉；乳鴿嫩口香脆，阿仔竟連頭都食埋，很噁心﹗黃衣一條$128，雖然不清楚是什麼魚，但很好吃。最後加了個煎釀禿參，即將蝦膠釀在海參上，海參份量不算多，但這配撘很新穎，亦很“送飯”，售$68。友人爭著俾錢，合共$551，後來才知原來茶芥連兩個細路都計埋，$7位。若由我付錢，一定跟經理嗌數。

阿媽遠道買了幾個點心回家給我醫肚。牛肉球：好足料，食到有陳皮同好多芫茜，沒太多肥肉同粉; 幾彈牙，好~糯米釀雞翼：$19 兩大隻，塞滿軟軟淋淋的糯米飯，飯中仲有蝦米同腰果，糯米飯炒得很香，也沒有炒過火而變得太硬。雞皮炸得微脆，煙煙韌韌，very gd~鴨腳札：鴨腳都係急凍o個d啦，味道ok; 裡面包住件芋頭，魚肚同豬蝦肉混合體。豬蝦肉食到蝦，也食到肥豬肉，仲有冬菇粒

昨天假期同屋企人去了元朗喜尚嘉喜飲茶,其實來這裏飲茶已經有好幾次的了,這裏的食物真的很有水準,我們叫了一個三人行的套餐,雖然說是三人行,但份量亦不少,我們點了一碟芥蘭腊肉抄飯,一碟菜芯,三個點心:紅油抄手,鳯爪,生煎菜肉飽,另點了其餘幾個點心:桂候金錢肚,咖喱魷魚,長春卷,菜餃,還有泰式大菜糕及西米糕,每樣食品也很好味,生煎飽裏面充滿肉汁,又熱又好味,咖喱魷魚很入味,風爪也是,我們經常去不同的酒樓飲茶,這間酒樓的食物真的有別於其它酒樓.

今日路經元朗, 見到有間幾新的酒樓就入去試下, 兩個人叫左5個點心, 唔知點解樣樣都好甜, 我地點5個都係咸點心黎嫁喎!碟碟都食剩!下午荼時間, 埋單都要百一蚊, 味道唔好就梗係覺得唔抵啦!另外, 依間酒樓有上海飽點, 日本拉麵, 刺身供應, 比較特別. 環境就幾舒服, 話晒都係新裝修.