喜尚海鮮酒家 (已結業)

今天是清明節, 我爸的朋友說這茶樓好,所以來試一試去到發現公眾假期沒有下午茶,很貴但也來到了,就算吧我們叫了蝦餃,燒腩仔包,鳳爪排骨飯,鳳爪,芝麻餅,越南春卷蝦餃不錯,幾好食燒腩仔包有點亁,因有芋頭,鳳爪排骨飯兩個字,好食越南春卷又是兩個字,無味=.=要沾很多汁才有味芝麻餅甜味適中,好食我們吃了$210,還是一句:好貴

之前有人介紹過呢度既飲茶唔錯, 是晚決定來試點知, 試完真係火大到呢…要左個套餐, 貌似好抵食乳鴿 + 例湯 / 羹 + 任選三個小菜 + (送) 糯米飯乳鴿更令人髮止, 無肉之餘仲炸到出晒油金粟魚肚羹 份量可以一人飲到兩碗, 算係幾多。不過呢個湯好鹹, 飲多無謂任選三個小菜有:-燒汁手棒羊骨 賣相都幾肉酸, 擺左係度大概15分鐘個汁已經凍到「瓊」晒.. 個[ ]架仲要係好似被煲完湯過一樣, 無汁無味。D 肉係碎既; 沙律既酸而且蔬菜苦澀班腩豆腐煲 班腩炸完再燴做得唔好蟹籽銀絲海皇煲 稍為好一點既粉絲煲, 辣味好重生炒糯米飯 竟然係送既糯米飯反而係成餐飯最好的。飯粒分明另外自己再order 左:-家鄉煎釀海參 海參極其短小, 釀個肉反之好大。個肉其實係普通點心燒賣個餡, 唔好食。成碟唯一只有食個菜脆皮炸大腸 炸到乾爭爭, 下面都唔知用左咩波羅竟然可以淡口到一d 味都無鹵水豬仔腳 以為係冷盤凍食, 點知呢個豬腳仔係熱既~ 咬第一口, 林到飛起!! 肉質仲有d酶又無味食物差之外, 服務態度更令人氣憤。呢度完全係只serve 佢地so-called 既VIP, 其他人係要自己serve 自

媽媽從九龍坐巴士來元朗($2的長者優惠), 請我與女兒到她的主場飲茶, 因為她曾與親戚數次於喜尚喜午饍, 感經濟抵食, 住元朗的我當然要先取位, 我星期日9:40am抵達酒家, 只需輪候一張枱便成功取位, 更是張六人枱, 使我一家三口舒適地用饍.細閱菜單時, 發覺此食店有兩個名稱, 分別是"喜尚海鮮洒家"及"喜尚嘉喜宴會廳", 也許整層食店分了兩大區域, 而其中一區裝修比另一區華麗(洒家於零七年開業) ,而我們這次被安排坐於酒家區, 也感不俗. 飲茶的定律是星期日及公衆假期早市點心價錢是最貴的, 喜尚小點平日為$10.8, 當日便需$15, 所以我們没有點蝦餃, 由於它屬頂點啊! 找到$6.8的開心特惠點心紙, 真令我們興奮, 共有十款特價點心可供選擇, 最後只得兩款適合我們的囗味.懷舊馬拉糕除了外觀正常外, 微暖的體温, 結實的肌肉, 無味的囗感, 與從蒸籠內熱騰騰的馬拉榚的分別甚大, 女兒還打趣說:「懷舊版呀」. 冰花蛋散外表光身的糖漿, 從味覺上不太感覺到甜味, 咬開内部更見枯乾, 幸外層還有點芝麻作點綴. 以下的是正常點心:牛肉腸粉外皮厚薄適中, 牛肉能吃出肉味, 滑溜度不俗,

星期日去左元朗飲茶,未夠兩點雖然要等20張枱不過都好快就有位了,這裏沒有下午茶的,不過有一些特價點心只要6.8元,好抵食,我地叫左幾款6.8元的點心及其它正常價錢的點心.特價點心: 香蔥花卷 : 軟綿綿大大個好味道馬拉糕,可能特價的關係,所以俾平時的少左一點,不過賣相都係好的,味道都OK呀,唔會好實,都鬆軟玉子豆腐,我冇食度梅菜陳村粉,加埋D梅菜都幾香,陳村粉有點似腸粉,有些汁會好味一點,如果冇汁則較淡魚蛋狗仔粉,我冇食,不過賣相都幾好,有兩粒魚蛋正常點心:咖喱魷魚,好大塊架,有幾塊,唔係好辣不過魷魚好爽口芝士長春卷, 有三條,兩條青瓜,春卷入面既芝士係溶的,好味道,配埋青瓜一齊食就冇咁漏啦鳯爪排骨飯,都幾大盅,每人有一碗架,鳯爪唔係好淋分開晒皮及肉的,係好完整但又有鳯爪味道的,排骨唔肥好味,d飯都唔會好淋好淋,係食到一粒粒的,剛剛好熟既叉燒飽,兩大隻,不過可能d叉燒太多所以個飽都爆開左了,好味的,好多叉燒,甜甜地,飽都軟綿綿蝦餃,都好大粒呀,蝦都幾多隻,ok爽口,好味粟米蝦丸,都係兩大粒的,蝦肉爽口,粟米舖滿蝦肉面,好靚呀!雞扎,傳統點心,入面係有豬肚,雞肉,芋頭條,好懷舊呀,因依家

同親朋戚友黎飲茶,有兩年冇黎lu,都冇乜點變,都仲係有好多選擇,集中、日、泰於一身叫左好多野,特別要提既係"特長芝士蝦春卷"真係好長,入面包住芝士同蝦膠,兩樣野個味好啱,另外值得一提既係"糯米釀雞翼",一碟有兩大隻,呢個菜唔係到到都有得食,想試好耐,d糯米都幾入味,其它d點心都算可以,但個"牛肉球"就差d,感覺上多粉得濟!!

星期日同屋企嚟左呢度飲茶,好耐冇入元朗飲茶了,竟然安排了我地坐在一個好隐敝的位置,係茶水房後面冇啦啦有兩張枱,好怪及完全唔知點解果度會擺兩張枱係度. 可以話好多仕應係你旁邊出出入入好似好快就有人幫你加茶及落單咁,但佢地係度做咩及講咩都聽到晒囉.唔太好.我地一路食嘢跟住食到只係3點鐘,竟然已經有人嚟打麻雀,仲要坐係我地後面,仲要開兩張枱,想點,已經好迫的,仲問我地使唔使掉第二張枱俾我地坐,if唔使就要搬我地張枱前d,因要放兩張麻雀枱係度,試問一路食嘢,後面有人打麻雀,點可以安安樂樂飲茶呢? 同趕客有咩分別呢?食物再好,服務這樣也不會有客人會鍾意吧!我地叫左一些點心,如鳯爪,泰式春卷,咸水角,奶皇馬拉糕,叉燒飽,牛栢葉,鳯爪排骨飯,桂花糕,泰式西米糕等,其實d嘢食都係好味的,全部都keep到水準,不過食物的水準及質素也可以保持,價錢係中上價錢,如果我俾中上價錢係度飲茶但要坐在這裏,為甚麼要來呢?

平時都唔駛等位, 今日居然要等o左10分鐘, 但上到去其實都有好多吉枱, 真係唔明點解要等......沙窩魚頭煲: 粉太多喇~ 不過味道唔錯點心拼盤: 有6隻唔同口味嘅餃, 好味魚湯燒鹵米線: 其實就係師傅幫你簡一款燒味比你, 你無得選擇. 黎o左油雞, 麻麻地, 一睇就知道係買唔哂果d貨式 魚湯無魚湯味, 失敗, 雖然只不過係9蚊, 但實在太行貨喇!!!!!普洱呢間真係幾好飲, 直得一讚

紅豆布仔糕 Red Bean Pudding$8.80 12pm之前 ,,,,,,,,,2pm 之後好粉， 好甜， 唔好味， 唔低食裡面無紅豆，只得粉粉粉 冷氣夠凍!!! Very cold a/c

其實我地都算係呢道既熟客黎,屋企人係附近開地產,平日同d客呀,,律師呀食飯都係黎呢道,表姐結婚擺酒,朋友生日都係道搞,就係貪呢道夠得體,招呼唔差,食物質素好今日黎食,一反常態,上菜果陣,上壽司果位小姐塊面黑過玄壇,雖然樣係甜美,但咩事面都窿晒呀?定係前面上燒賣果位阻住佢,佢要排下隊上菜都唔得先?講返食物燒賣個賣相真係唔多得,味道係好,蝦又夠爽,但夾起黎係散開既?同我f3果年家政堂整果粒幾似喎!鰻魚壽司真係幾散架個飯,一夾就散,夾中間跌左1/3飯呢道既芝士蝦春卷真係最好味,蝦夠鮮,重芝士,而且唔會好似有d酒樓咁切開晒咁,所以一咬就出晒味,呢隻春卷係我每次黎必食之選雞串燒,其實同街邊7蚊串既串燒差唔多,幾好食,個汁辣辣地,就連我呢d唔食得辣既,食落都唔會接受唔到,夠惹味炸多春魚,炸得好香,到我黎到食果陣,已經係比人接近清碟既情況,只係食到少少,但竟然仲脆脆地,而魚下既炸粉絲,加埋炸蛋黃同蒜,我覺得比多春魚更惹味,雖然係肥,高膽固醇,都係忍唔住

三人小聚，晚飯想吃中菜, 便選了喜尚嘉喜餐廳。兩位以上可以留檯， 非常方便，到達見大部份檯已被預留。由於不是很吃得的組合，只點了四道菜— 士多啤梨骨、柚皮炆脆鱔煲、香芒腰果雞柳及娥媚素食。 食物味道不錯，不會太油膩。柚皮炆得恰到好處，而士多啤梨骨的士多啤梨和沙律醬的份量配合得宜，值得一試! 結帳後還送上糖水，但芋頭西米露略嫌太甜。總結，食物及服務質素不錯(侍應生會不時換碟及幫客倒茶)，對於女士來說，四個小菜已非常豐富!

星期日那天同屋企人嚟左呢度飲茶,2點幾嚟到,都不用等好耐就有位啦.我們坐西式那邊,叫左一個三人行套餐都幾抵食的呀.另外再叫左一些點心.但d野唔太夠熱囉,同埋未夠四點就趕住擺酒,set晒麻雀枱,跟住已陸陸續續有人嚟打麻雀,但只係3點幾.我們都唔想再坐落去就走左.食物方面:三人行包括:四個點心,一碟菜,一碟炒麵or飯,我們叫左:荷芹魚鬆炒米粉-原來係荷蘭豆芹菜魚鬆炒米粉,味道都幾好,我自己不太鍾意食荷蘭豆,魚鬆都幾好味,唔算好油,不過我地鍾意以前隻炒飯多d生煎飽-唔夠熱的,個皮太厚小籠飽-都係唔夠熱及個皮又係好厚牛栢葉-一般鳯爪-好大隻,難入味另外叫左:叉燒腸-唔夠熱雞肉串燒-都幾好味,但都係唔夠熱咸菜豬肚湯-好多咸菜但味道好淡,好似冇煲過咁紅油炒手-一般啦,唔夠辣另外再叫左煎腸粉-但都係唔夠熱薑茶湯丸-湯丸係花生味,但個皮都好厚,薑茶太重薑味不知道是否太趕住交場或是甚麼,d野幾乎都唔夠熱,好似差左好多呀.價錢又不是太平,又沒有下午茶,可能我們太晏的原因吧.

一間最大酒樓.等位快左...得意有日本野食又唔差...做到一間中上日本店的味道壽司個飯差左的.好散雞扎大大件的雞....幾好食又唔油蛋撻皮唔脆....仲有的甜..差左服務好.待應忘記左的事,都識講sorry...唔錯

今年喜事特別多, 身邊的朋友, 包括自己, 都趕在年底前, 拉埋天窗. 而今次, 是英國的一名老朋友, 係元朗擺多一場迎親酒. 沒有收到貼的我們, 靠電話, 靠通知, 只有一個名字叫喜上加喜, 找找openrice reocord. 西菁街只有一間喜尚. "喜上加喜" "喜尚", 音似, 應該就是這樣. 來到, 的確是"喜尚", 亦的確是"喜尚嘉喜", 現在好多大酒樓, 平日有一個普通的名字, 擺酒席時, 就用上另外一個好聽好意頭既名. 沖一沖意頭.元朗擺酒, 有一位住將軍澳的朋友, 搞到9點才開席, 好怕冇車走. 結果我們二人都可以於11:30, 食埋糖水甜品. 11點, 上哂所有菜. 應真快手快腳. 飲喜酒, 都係食果D野, 乳豬當然是首當其沖啦.有人說 ,酒樓的酒席, 無論在服務上, 食物上, 都比酒店來得好食, 由細到大, 飯過咁多次酒. 始終覺得酒店, 大部分"請槍"服務, 質數參差, 而食物, 都是果幾味, 係場地華麗少少咁解. 乳豬, 酒樓日日都有師傅在燒, 當然用豬上, 烤工上, 都俾酒店好. 呢隻乳豬, 夠肥, 一樣燒得皮脆, 肉質甜嫩. 第二道菜, 美其名的叫雪花

中午來飲茶, 我都係第一次來這間.都幾多人. 入內裝修都好靚, 樓底也好高, 坐得幾舒服.咦, 有個壽司吧既?!?!真係第一次見到中式茶樓有得食...叫了幾款點心, 都ok.炒粉麵都正常.有老闆請, 唔理啦, 一試個壽司吧, 叫了個花之戀先5 分鐘後, 一個著日式壽司師傅衫的哥哥便送上.係沙律醬多了點, 三文魚都ok 新鮮的.服務方面, 人手不足, 希望可以改善啦.

星期日早上去飲茶, 因為落雨的關係, 近近地就揀左呢間拎左張飛等左大約十五分鐘就有位點知一上到去, 還有人坐左係度, 我仲以為係人客埋左單仲未走添點知見佢居然叫遠處兩個男女過來一齊坐, 原來佢地係熟客, 所以一見侍仔執好台, 就立即坐左落去, 無係接待處拎飛等位的但其中一個部長見我拎住張飛行左埋來, 都主動叫佢地坐另一張台 (甘岩又有人埋單走人)有無搞錯, 對下面排隊等位的人來講, 真係好唔公平啦因為就我坐左一個鐘所見, 我附近起碼有三四張台係甘樣拎位的講返食物星期日飲茶都幾貴的, 小中大點 $13, 16, 20, 等於係九龍區的價錢好在還有另一張特價點心紙, 有六款 各賣 $8.8皮蛋瘦肉粥 $8.8, 唔錯蓮蓉梘水糉, 都ok, 係唔夠熱春蛋燒賣, 一般貨仔 中點叉燒腸粉, ok啦 大點糯米雞翼, 表面炸得夠脆, 但入面只得糯米同花生, 唔多好食 大點以上五款點心, 連茶芥加一, $96, 唔算便宜