喇沙大少 (已結業)

第一次寫食評，因為真係有d唔開心。上黎睇咁多好評，點知要失望而回。去到勁多位，得六枱客左右，樓面有四五人，但都叫左三次先有人招呼我地。而叫得喇沙大少，諗住叫喇沙包無錯。點知喇沙湯底唔濃，偏淡。雞絲勁'鞋'口。巴東咖哩牛味道ok,但七十幾蚊得好少份量（睇相）。個薄餅仲要另比28蚊一塊。服務質素一般。無下次！

今次係我第2次幫襯，食物質素同上次一樣，味道不錯，今次點左海鮮叻沙同埋豬頸肉撈蒙。叻沙好味道，豬頸肉雖然有少少粉紅色疑似用左鬆肉粉，但調味幾好。撈蒙所用既汁好似無其他店咁酸。至於服務水準方面，本人去到時，明明店內只有5成客左右，眼見仲有一張“卡位“，職員就話比人卜左，安排我坐在“卡位”傍的2人枱，但竟然將呢張“卡位”比左緊隨我之後的客人，雖然佢地係4人，在商言商比佢地係好正常，不過明明聽到佢地對話中並無提及訂坐事宜，而店中尚有其他4人枱，店家此舉實在當我透明，同埋唔公道。

次次LUNCH都好多人冇位，今次入到黎就試一試佢個海南雞飯。個set 都幾大份，特別係個油飯真係好鬼大個。D 雞不錯, 幾滑, 但油飯不夠香同有D D硬。lunch set 包野飲, 但桂圓薑茶就要加$6 , 不過我覺得唔多值。因為太小桂圓同不夠(薑)辣整體黎講，算不錯

同媽媽行到累累地，找嗰地方休息吓，見到呢間店好似幾吸引 於是入去坐低，叫吓嘢食休息吓，估唔到三點幾還有午市套餐 有主菜、飲品和甜品，加錢可轉特式食品和特飲，我就選左一個馬來海鲜喇沙和印尼炒飯，飲品就要凍咖啡和凍檸茶，由於掛住食冇影到馬來海鮮喇沙既照片 首先試吓個湯先，好好味，微辣，好濃花生醬和椰醬味 杰杰地黏住d麵 我最後飲晒d湯，講返個麵入面都好多料 有大蝦、硯肉、蟹柳、鱼蛋、豆卜和雞蛋，蝦就幾大隻，咬落彈牙，硯肉鲜甜，鱼蛋就好爽口，豆卜就索晒湯好好味，之於個印尼炒飯，份量都幾多，料就有蝦片、鮮蝦、青瓜和兩串串燒沙爹雞柳，蝦片好脆，鲜蝦size中等都幾實正，青瓜好新鮮，食落好清新解左d飯既油膩感 沙爹雞柳好野味，啖啖肉，飯就炒得好靚，味道少少微辣，應該用左馬拉盞來炒飯 不過要熱食，唔係就好油和漏，杯咖啡就好香好濃，味道好好，甜品就唔知叫乜名，食落去好鬆軟好滑，味道就係淡淡綠茶味同白色Moses一齊食，味道適中唔太甜 最後和媽媽食到好飽都係百幾蚊，呢間下次可以再試其他嘢

這幾天都要在九龍灣上堂，導師很好，知道十二點半放飯的話，一定多人到找不位吃飯，所以我們比較早到，所以即刻有位。午餐餐牌的選擇很多，不過來到喇沙大少，打正旗號賣喇沙的話，當然要一試喇沙！午餐跟甜品及飲品，加$6就可以轉特飲。*馬來海鮮喇沙($68)看價錢，真的不算平，而且午市都要收加一，不過喇沙一來到，就知製作一點都不馬虎。配料有大蝦、蜆肉、蟹柳、魚蛋、豆卜、雞蛋，而麵底是米粉撈粗米粉。大蝦很爽口彈牙，蝦味重，非常新鮮，蝦肉不痴殼；蜆肉連殼上，很細隻，所以不太有口感；蟹柳有兩條，貨色中上，煮得耐了一點，所以有少少散；魚蛋都算係爽口，不過覺得粉的比例較多；豆卜煮得剛好，不會太淋；雞蛋也是煮得耐了一點，蛋黃邊有點變黑；米粉撈粗米粉實在是驚喜，因為一直都沒有在香港食過有一間餐廳是用上兩溝的麵底，麵吸了湯底好入味；喇沙湯底不算太辣，覺得椰汁味可以再多一點。*甜品:芒果幕思幕思尚算軟滑，海綿蛋糕軟綿；可惜我不愛吃芒果味。不知是否午餐實在太多人，看到你快吃完就想收走你的食物，又急急要你結賬，所以覺得服務麻麻。

星期五難得早收工，去megabox食晚飯，見此店評語不俗，立即衝上去喇，晏左驚多人要等位，意外地一檯客都無，可能是六點鐘太早，未到食飯時間兩個人去食量有限，點了個泰式拚盤，當中包括特色雞翼，杏仁蝦餅，串燒雞，咖喱角...先講蝦餅，蝦肉鬆散無彈力，師傅功力未夠,難食咖喱角好大隻，入邊無肉，全部薯蓉，皮幾薄，但夠脆口串燒雞，味道不錯，沙爹醬汁惹味，但只得正常串燒半串長，略嫌太小家特色雞翼，去左骨加面包糠炸，面包糠太多，雞翼肉無乜味巴東咖喱牛腩，汁只得甜味和香草味，難食，牛腩雖未算韌到食唔到，到但好多舊都咬到牙都軟飲品，椰汁珍多冰和龍眼冰味道都不錯，而且夠大杯，$38兩杯幾抵飲另外一提，點左油酥餅，等好耐遲遲未送到，見巴東牛腩都灘凍晒，唯有追單，店員立即跟進，竟然被我地發覺師傅正在講手機，追單後先拎舊粉開始拉，要多等六七分鐘才送上，但味道就ok,餅身夠鬆軟甜品點左椰汁千層糕，無明顯一層一層，一舊過，唔夠椰味，一般過一般二人埋單$366,又貴又唔好食，唔會再幫襯了

星馬菜是其中喜愛菜式之一，亦會到星這類型的餐廳用膳，只是當只有一個人用餐的時候，點的菜式不多吧。來到九龍灣 MegaBox 的喇沙大少，是好是一間專吃星馬菜的餐廳，純白的餐桌餐椅配上米黃的裝飾，加上一個水吧位置，感覺不錯。打開餐牌，除了海南雞外，還有喇沙、沙律、炒菜、小食及海鮮，還有甜品、飲品等，從中可選擇適合啱口味的食品吧。每一次來到星馬餐廳，都會點來蝦餅，因而點來這杏仁蝦餅（三件）（七十八個大洋），雖然在蝦餅鋪滿了杏仁，加上每件蝦餅已經分為兩半，因此合共有六小半蝦餅。蝦餅吃下時幾有口感，結實而有咬口，蝦的味道還是夠香的，蘸上醬料，使蝦餅有種酸酸甜甜的味覺，杏仁一整片，因而可以咀嚼。點來一個特色喇喇沙（八十二個大洋），食材包括了大蝦、蜆肉、蟹柳、魚蛋、豆卜、雞絲及雞蛋，當中還有芫荽呢！食材幾豐富的，當呷一口湯底，味道不算濃郁，散發著微微的椰子奶的味道，也有微微的辛辣味，大蝦爽口彈牙加上蜆肉的鮮味，蟹柳的軟糯，魚蛋的柔軟，豆卜也沾滿了湯底的味道，而雞絲則依附在蜆肉內，只是不起眼吧。而麵條則有兩種，一種似是米粉，另一是粗身的麵條，一粗一幼，有不同的口感吧。甜品是椰汁西米糕（二十六個大洋）

上周五收到 openrice 寄來的 Gods of Egypt 埃及神戰首映場贈卷，原來地點在德福的MCL，時間更在周一晩上九時多，路途遙遠兼返家很晚，想了片刻，為了令這一程更有意義，計劃下班後先到 megabox 的喇沙大少，因為一直得知這兒有星州風味的黑胡椒蟹，奈何甚少在此區活動。 乘電梯上十一樓，到達即見一間以白色屏風裝置的東南亞餐廳，就是 Mr Laksa 了。 門外展示招牌菜式，首次光顧，自然從中選擇。 必選早已心有所屬的黑胡椒大肉蟹，喇沙大少的喇沙固然又是必吃，肉骨茶是鐵膽，多加一個蟹肉炒粉絲，二人晚餐，足夠有餘。肉骨茶上菜十分有效率，轉過頭來，肉骨茶送上，喜見以小鍋臘燭明火保溫，湯必須熱喝才精彩。 湯頭深褐，但藥材香味不足，味道濃厚，卻以肉香及醬油味為主，見到的湯料有杞子、排骨丶豆卜及腐皮。 肉骨瘦中帶肥肉，煲至剛腍嫩沒有失口感，有預先醃味，不需醮任何醬油亦可吃；豆卜被湯汁餵鮑了亦好吃。美味指數:3/5特色海鮮喇沙 配料非常豐富，包括有大蝦丶蜆肉丶蟹柳丶魚蛋丶豆卜丶雞絲及雞蛋，唯欠獅奄失色。 湯頭幼滑，椰奶份量充足，有鮮香，完全不辣；米線及麵條的鴛鴦配，乃正宗的做

有晚在Megabox睇完戲，與友人去了對面的喇沙大王吃晚飯。環境寬闊，坐位又坐得舒服。點了幾樣廚師推介都發覺挺不錯。主要有小食和沙律，喇沙，蝦麵 和小炒類。半隻招牌海南雞 $118待應生端上海南雞時，會同時附有雙式醬，一款類似燒肉醬，另一款醬酸酸甜甜。雞肉肥瘦均勻，入口嫩滑，但單吃雞肉不夠味，蘸上醬會更可口。炭燒豬頸肉 $76抵食大份之選，每塊豬頸肉切得挺平均，加上邊位夠脆夠燶，蘸上酸甜的汁，夠開胃又惹味。特色叻沙 $82店子出名的叻沙果然名不虛傳，湯底滿載陣陣的椰汁香，不會太辣，口味都挺多元！大蝦應該是老虎蝦吧？比手指size還大呢。懶朋友都不禁動手 mock 蝦殼。湯式滲透出蜆肉蟹柳的鮮甜，鋪面有手撕雞絲，雞蛋，彈牙魚蛋和豆卜。其中豆卜吸吮了湯底的精華，所以咬一口會在口中爆汁，口感豐富和美味。檳城炒貴刁 $74炒得好有鑊氣，調味得宜，撒上蛋絲和蔥花為這碟快炒貴刁生色不少。特色飲品兩杯$38珍多冰偏甜，好重椰汁味，但綠色Jelly太少了。朋友那杯青檸水超解渴，消辣又清新，青檸味在喉嚨一湧而上。環境寬敞舒服，待應會侍在遠方，空間感挺大，不怕有人會騷擾。

當天，我食了6-7款不同的泰式菜總括來說，各款的味道都真的不錯炭燒豬頸肉（7/10）很大份的，很抵食。必食推介而且味道十分好，甜度及肥瘦適中所以口感很高，一片都很厚很長所以不錯特色叻沙有大蝦，魚柳，魚蛋，豆卜，雞絲等等而且有米線及米粉包括在內所以一碗就有我們最想食的食物而且quality 都很好，沒有雪櫃那冰凍的味道口感都十分彈牙，而且湯的味道都很好，只有一點點辣。湯都十分濃味星洲串燒啖啖口十分好味個醬都好正燒得好好海南雞雞肉都十分滑小小辣的醬加深了海南雞的特色特飲方面青檸梳打很好喝不算太甜珍多冰有一點甜想喝的可以叫少甜

反正駕車，晚上便找點新意到 MegaBox，輾轉走到喇沙大少，雖然已八點多，但依然不乏捧場客，幸好10分鐘左右已經能夠入座。 座位多、空間大、加上點節日裝飾，感覺舒服。 兩個人吃不了多少，只點了幾道招牌菜。 細肉骨茶連火爐奉上，確保熱度。藥味強，驅寒一流，豬肉令茶藥材味中帶甘甜。枝竹豆卜吸收了湯汁，夾著杞子香，作為開胃菜很不錯。上菜速度很快，不用多久其他菜也陸續上檯。 海南雞飯的飯很大碗！薑黃飯辛香有薑味顏色漂亮，配肉骨茶或雞都搭。雞份量也夠，啖啖肉非常滿足，雞胸肉都不嚡口，點上老抽後甜甜的，再加一口飯真是令人笑逐顏開。 蒜蓉炒椰菜苗有新鮮蒜及炸蒜，層次豐富，菜苗清嫩爽甜，炒得好夠鑊氣。 白糯米較硬身，黑糯米則軟糯一點而且香而不膩，飯身微熱，和芒果一起吃的溫差在口中感覺有趣。附上的椰漿是熱的，椰漿甜味飄揚，淋上糯米飯相得益彰，酸酸甜甜的芒果糯米飯加上溫熱椰漿真是完美得難以再改良。今次的新意遊收鑊不錯，期待下次都有令人驚喜的地方。

早排得閒啲去左Mega Box睇完戲見肚餓就去搵野食, 見到呢間個門面幾靚就入去試下。入面望落都幾靚。 馬來海鮮叻沙(大蝦, 蜆肉, 蟹柳, 魚蛋, 豆卜, 雞蛋) ($58)首先叫左個叻沙, 好足料, 完全滿足到我想食多種美食嘅意慾。 有蝦又有蜆, 都算是咁。 不過話時話, 我覺得其實叻沙食落有啲似米粉。 星洲串燒豬, 牛, 雞 ($22)之後再叫左個串燒小食。 一放入口覺得好香, 而且唔會燒到好乾身, 因為我最驚啲串燒燒到勁乾好似食牛肉乾咁。 所以呢個抵讚。 芒果黑白糯米飯 ($32)最後叫多個甜品, 黑糯米同白糯米都略嫌乾身, 所以食左兩啖就冇食了。 反而芒果就好甜, 而且界開晒一格格方便客人進食, 幾有心思。 

臨近新年, 而且是午市時段, 很多中式食肆都滿滿的, 所以今天選了 喇沙大少 Mr.Laksa, 除了因為不用等位之外, 星、馬菜式乃是本人所喜愛的, 縱使每天吃也不會厭 ~Menu ~魚蛋大蝦豆卜喇沙 $66喇沙湯底不錯, 充滿著椰香也頗為鮮味, 而且海鮮配料沒雪味, 味道跟我早前在 星加坡 所吃過的味道略似略似, 麵就用上了 油麵、米線 兩種一起煮, 依我來看, 如果這碗喇沙有加上 " 鰤蚶 " 的話就更對辦了 ~肉骨茶 (細) 配白飯 $70湯的顏色算是深啡, 然而其 " 藥材味 " 仍是淡口 (或許是我對 "藥材味" 比較重視吧), 至於排骨, 則算是頗入味而且腍滑, 能夠一咬肉便離骨 ~ 馬來特式手拉咖啡 (凍) $28手拉咖啡, 即叫即拉, 有圖有真相 ....手拉出來的咖啡的泡泡夠細密也夠堅挺, 啡味濃郁香口, 甜度適中, 好喝 ~本篇完 ~

馬來海鮮喇沙有蝦、蟹柳、魚蛋、豆卜、蜆肉和我平時食開的喇沙不同味個湯太淡亦唔辣麵和米粉一起食口感幾豐富馬來奶茶一黎成口泡見到師傅拉左好多次第一次飲幾新鮮飲落幾滑 唔洗加糖都夠哂甜芒果黑白糯米飯(＋$32)芒果超酸 根本放唔入口咁酸唔應該拎俾客食好彩都肯換比我地換左個比較甜少少的一個(顏色都唔同)個椰汁好甜 可以中和返個酸味XD

Mr. Laksa is located on the 11/F of mega box, I highly recommend you to take a lift otherwise you are going to take a million of esculators before you reach the restaurant. The restaurant has a pretty big bright open dining area and all the furniture felt new and tidy. Bak Kut Teh Soup with Pork Ribs ($70 Small)The soup was served in heated pot and was warmed up in front of our eyes. The soup had around 5-6 small pieces of ribs, a giant piece of shittake mushroom, bean sheets, some goji berries