喇沙大少 (已結業)

喇沙湯味道好，濃淡適中，招牌貨真心要試，好味，褔建炒麵夠鑊氣，媽媽食完話一試再試，馬來咖啡味道濃，絕對不是印度式，而係正宗馬來風味。珍多冰沒有紅糖是比較可惜，南洋梳打，要試下，好特別；好飲！

想為屋企添置一啲家品，於是同老公揸車去九龍灣 ikea 度行下。行到晚餐時間，就去搵嘢食醫下肚。經過「喇沙大少」見到都幾多人等位，於是即刻行埋去攞位，但竟然又好快入得。入到去服務方面就認真麻麻，眼見成間餐廳只有4個侍應，落 order 要叫幾次，要杯水都要等成5分鐘。 貢丸、大蝦、豆卜喇沙 $60麵底係米粉加油麵，貢丸味道似係四海出品，大蝦大隻彈牙。湯底一啲都唔辣，同預期差好遠。雞絲喇沙 $68 麵底同樣係米粉加油麵，有雞絲、大蝦、豆卜。雞絲味道正常，大蝦大隻彈牙。湯底一啲都唔辣，失望。馬來特色手拉咖啡 $28甜味偏淡，連咖啡味都好淡。到最後想埋單，已經預咗成15分鐘去拎車，點知嗌咗幾次，先有侍應有反應，之後仲要等多成10分鐘，先至拎到張單嚟。最後搞到泊車時間都過埋，又要俾多一個鐘頭停車場。

今晚決定再食呢間，落單時，我話要福建炒麵、蟹肉⋯⋯服務員竟然話：你講編號丫我心諗：你寫餸名唔得架咩？不過為免破壞氣氛，死死地氣打番開餐牌對番編號1）蟹肉炒粉絲：有蟹肉，可惜無蟹味。味精比較多，食到喉嚨唔多舒服2）海南雞飯：不過不失3）福建炒麵：配菜少得可憐咸到爆整體感覺：越來越退步

今晚食簡單啲， 去Megabox食碗喇沙做晚餐。呢個場因為地點隔涉，平日晚飯時間相當靜。餐廳人流不多，很容易找到寬敞座位。 第一次光顧，點了墨魚丸、大蝦、豆卜喇沙。 喇沙嚟到，湯底望落油油的😕，試吓味，椰汁味幾香，但一點也不辣，跟我預期有落差.....麵底係正宗一半米粉、一半油麵。 大蝦質地算實淨但完全無鮮味，而且可以講係無蝦味。 墨魚丸三粒細細粒只係得個實字，又係失望。總括嚟講，呢碗喇沙只係令我食飽而Megabox食店選擇好多，回頭機會相當微。

餐廳裝修普普通通，呢度嘅喇沙比較清淡，裡面嘅食材就無味，應該無落味精，呢個亦係唯一可取，至於收呢個價錢比對質素，我覺得算貴，所以只能俾同情分"OK"墨丸，大蝦, 豆卜喇沙墨丸好硬，有啲墨魚味，大蝦夠大，但無味，米粉和油麵嘅混合算過得去，至於湯底，唔辣和清淡。特色喇沙(大蝦，蜆肉，魚蛋，豆卜，雞絲，雞蛋) 大蝦幾夠大，可惜零鮮味，蜆肉同魚蛋都完全無味，湯底味道較為清淡，唔辣，米粉都夠冧，如果大蝦，蜆肉和湯底能夠增添多啲鮮味，會更加出色，感覺更抵食。

同朋友去行紅盒子睇屋企野，行到攰就想搵啲嘢食下。見到佢叫得喇沙大少，喇沙應該做得唔差，一於入去坐低。叫咗個馬來海鮮喇沙，同埋馬拉盞炒通菜。喇沙一睇個顏色就知道出咗事…顏色又淡又冇渣，完全冇應有嘅鹹香味！椰香味都冇！魚蛋粉蛋一粒，蜆又係細細粒，兩隻蝦好唔新鮮，啲肉林晒…完全唔得喎！個炒通菜又係出咗事，睇顏色都知道炒到老左，點解炒菜都可以炒成咁？相信呢度重有咁多人食嘅原因係因為輕食選擇唔多。咁嘅質素基本上完全唔會再食。

第一次食喇沙大少，應該都係最後一次啦。太差！Black list！未試過咁無誠意嘅喇沙！仲話喇沙大少！係大少嘅應該係嗰啲不學無術嘅二世祖，完全學唔到伯爺嘅好嘢。👎🏿👎🏿👎🏿龍眼冰 - 淡而無味。👎🏿青檸梳打 - 屋企人飲，我無試到。海南雞飯 - 湯係水咁嘅味，例湯嘅資格都無。雞都係普普通通，無特別，講唔上難食，但亦唔係好味。海鮮喇沙 - 夠特別啦 - 第一次食海鮮喇沙入面有蟹柳（廉價嗰啲），仲有魚旦，價錢係比其他兩隻普通（雞絲係其一）喇沙貴$10。而且味道勁淡，好似買湯包自己沖咁。👎🏿👎🏿👎🏿春卷 - 呢個幾好食。串燒 - 可以。喇沙差到咁，我真係唔會再來。仲以為咁多人排，應該幾好食。應該只係喺戲院門口所以旺啫。

餐廳秘制肉骨茶味道很一般，如果鍾意食馬來菜的人點咗必定失望，無任何藥味又淡咀，喇沙亦係無想像般香濃口感可言，反而星洲串燒帶來一絲絲驚喜雞肉嫩滑，牛肉香口，酸辣鳳爪中挺還過得去，份量少配菜反而一大碗！

週末去megabox行下街街，突然好想食新加坡菜 ! 整體主菜味道ok，小食一般。waiter送餐時，隨意放上檯面，令湯都倒瀉少少，服務隨便有待改善 !海南雞飯同喇沙係新加坡名菜，所以就叫左呢2樣。海南雞飯餐內有一小碗清清地既節瓜湯、菜心一碟，份量剛好。雞皮極有光澤及深色，去骨雞肉又滑又腍，一手夾起，皮同肉都好易分離，味道不錯至於黃油飯就唔太夠熱 !特色喇沙既配菜有蝦、蟹柳、蜆肉、豆卜、蛋、魚蛋、雞絲，而且配搭米粉及黃麵，十分豐富。以椰奶咖哩湯頭為主既湯底唔算太辣，偏椰奶味。馬拉拉茶既茶味極淡偏甜，相信係港式奶茶岩口味d豬牛雞串燒各一串，凍曬囉，唔係即叫即燒存咩?!最後送既甜品好cream好難食

4月15日星期六晚，經朋友介紹，黎左Megabox 呢到食，不過真係有啲失望，食物質素比預計既差。晚上8點，人流唔多，等左幾分鐘就可以入座，空間比較窄，枱貼枱，枱面稍為細，我兩個人叫三個餸，都唔夠位

去九龍灣Megabox shopping, 都好多野食店可揀，見到間好特別嘅食店係食新加坡菜式, 叫 "喇沙大少", 要入去試下先, 因為少食呢D 菜式叫個新加坡最出名一定要試秘製肉骨茶用一個瓦煲仔上枱, 好有風味, 熱辣辣, 好多料, 湯好濃郁, 湯料有排骨、豆卜及杞子，排骨大小適中, 有骨有肉, 排骨有軟骨, 好有咬口, 好淋, 豆卜入晒味索晒D湯, 又少少腐竹, 不太重藥材味, 但好有杞子味, 湯好飲因有肉味, 真係肉骨茶冇錯 春卷入面是包了粉絲同雜菜絲，好脆口, 而且炸得唔油, 用粉絲同雜菜絲感覺好好, 健康得來又香口, 雜菜絲內有有紅羅白好甜, 包住來吃香脆又可口. 叫了一杯黑糖薑母茶, 一杯凍拉茶, 拉茶夠滑有茶味, 夠凍，因為食完香噴噴肉骨茶真係要黎番個凍冰冰既另一黑糖, 真材實料, 有粒粒薑, 香嘅薑味, 黑糖不甜, 好配合, 好暖胃, 唔係人人都得架, 身子要補補，熱完再暖這喇沙大少不錯, 來行街又多個選擇啦 !

在Megabox咁多間食肆選了喇沙大沙，絕對係錯誤的選擇。因為沒訂位，本來計劃也沒有打算去Megabox關係，忽然間要找一間食肆就真係無乜idea。見喇沙大少不太多人，即刻有位，覺得價錢唔貴，就試下。本身食品價錢不算貴，都是40-70左右一款，主食都是60-70左右。選了一個炒椰菜苗，一個印尼炒飯和一個無骨鳳爪。先來的是鳳爪，無骨，也算入味，但想不到已是全檯最正常的一個。之後來的馬拉盞炒椰菜苗。本身椰太老，不爽脆，亦不香辣。食了一條已經覺得唔多對路。印尼炒飯最好吃的是蝦片，雞肉串有點凍，飯裡有蝦和魷魚，但神奇是完全無味，蝦亦很鬆散。飲品算抵，$42有兩位。服務方面，與之前有些食評寫到的一樣。但不是每個員工都差，有些員工都不錯，很做嘢同有禮貌。但有位男同事真係無乜禮貌，黑口黑面，有啲晦氣。整體而言，本來真係唔係要差到俾喊。但在收錢時，友人說覺得那位男同事唔知係咪經理，無俾Tips所以俾哂面色，仲踢到友人坐的櫈腳，當然一句最基本的"唔好意思"也沒有。令人感到很不舒服。價錢合理不貴，但食物質素平平，服務差咗少少，所以浪子偏向俾喊評。

今次叫左個海南雞飯同肉骨茶，試下新嘢。。。肉骨茶好香，幾好食，都好過好多其實地方㗎喇。不過對個海南雞飯有小小失望。。。比左個chicken breast 我，好乾賣相唔吸引，再加上醬汁唔夠味，感覺有少少差了一點。菜得幾條其實就冇乜所謂不過凍嘅。。。我唔係太buy... 價錢要70蚊再加一，我覺得唔係太值。去過淘大花園嗰邊有間海南雞飯好食好多，一人套餐都係50幾蚊，無加一。。。下次嚟呢度都係食返椰漿飯算吧。。。

黎得megabox當然就係去睇下傢俬啦.要行咁多地方, 要先醫下個肚先.最近有叫過老公陪我去食喇沙, 但一直都就唔到時候去港島區某店食.後來老公記得貿易廣場有, 上黎睇下啦點知原來星期六日唔開, 始終這區都係商廈多, 星期六日唔開都明白.後來找找下見到這間喇沙大少, 見評價都不差就試下啦當日到達差不多下午兩點, 都大約有7成已入座.一坐下其實都決定要點甚麼...唔係黎到都唔叫喇沙呀?當然來一碗海鮮喇沙 ($68), 再來一碗肉骨茶 ($66), 再加$18要一客泰式鳳爪包冷熱飲品, 特飲加$6海鮮喇沙 (大蝦, 蜆, 魚蛋, 蟹柳 x2,  豆卜, 雞蛋)湯頭偏紅, 好似好多辣油, 唔理了先嚐一口湯, 唔算辣亦唔係想像中咁油, 夠熱, 椰味不重. 少了一份香味.唔會太鹹.粉係兩溝, 米粉加油麵, 小小店舖竟然咁細心, 選用兩種麵條.不過略嫌油麵太幼, 而且煮得太淋, 口感跟米粉差不多, 吃不出有種粉有多大分別.配料豐富, 每款都有兩粒,兩隻, 蝦肉爽口, 魚蛋形狀跟潮式不同, 但亦都非常爽口而且沒有腥味.蜆肉連殼亦無沙. 我同老公一口接一口的吃完. 這碗喇沙真的合格.泰式鳳爪, 份量比

走去mage box行IKEA，順便食埋飯先返屋企，行到11樓有間食新加坡菜嘅餐廳，環境裝潢都幾吸引，決定一試Menu琳瑯滿目，價錢清晰，部分菜式更配有圖片所示，令消費者一目了然初試此餐廳，保守的點左幾樣大路菜式:炭燒豬頸肉，椒盬大蝦，炒蜆同椒絲通菜，另加油鬆餅，此餐廳水準真的不錯。第一味炭燒豬頸肉，厚薄切片均勻，味道咸淡適宜，食起來勁道十足，每一口都充滿膠質的感覺，仲可以配埋酸辣汁一起食第二味避風塘炒大蝦，大蝦肉質q彈鮮甜，而且更厲害的是它的炸蒜，炸蒜咬起來不但酥脆，更帶有要焦不焦嘅蒜香，非常令入著迷的口味.第三味炒蜆，蜆成半塊手掌大，青紅椒絲的點綴令賣相更加分，而且帶有少少辣，非常惹味.第四味椒絲炒通菜，通菜較嫩，真係點炒都好味第五味油鬆餅，少少香脆，沒有非常紥實的感覺，而係帶有少少煙韌，非常簡易的食材，但有更大的驚喜