喇沙大少 (已結業)

如果去開mega box行街又想品嚐正宗新加坡風味真係可以試下Mr Laksa絶不能錯過他們堅持以新加坡食材入饌，配合當地傳統做法，炮製出如黑胡椒大肉蟹此等無法抗拒的滋味😋這道菜式以蒜蓉及黑胡椒炒香再加入蟹炒至乾身，蟹肉啖啖辛辣，好鮮甜👍🏼😍

睇完戲搵野食， 唔想食西餐，食呢間就最fit la ! 叫左個海南雞飯餐，黃飯好香！有雞油味！好正～雞有脾同翼！幾大碟！有湯有菜，抵食！ 三色冰唔太甜！ 多料！食完飯飲返杯當甜品fit 晒！下次會再黎！上菜好快！睇戲前黎食都得！！

午餐時間好多附近嘅返工人士係到食晏，等左10幾分鐘先有位 但唔緊要因為佢嘅拉茶好好飲，等多陣都抵嘅 今次見佢有個新 menu有海南雞喇沙，同蟹肉炒粉絲，就試下新野啦，叫左海南雞喇沙試下，都成70幾蚊唔平，加多6蚊轉特飲，要個拉茶 等左一陣，海南雞喇沙到啦！雞肉冇乜味一般般，但個喇沙幾好味喎有米粉加油面，好濃味，湯底出色！拉茶都係一如以住咁滑同有茶香，每次見到佢個開方式水吧入面個外藉人士拉茶拉，就好想同佢打招乎因為佢拉到好好味啊！食完就有佢地送嘅甜品，今次係個香茅蛋糕仔，入面底係有啲唔知叫乜嘅豆類，又幾好味，從來未試過哩款糕點，香茅味濃，想黎多個啊！

公司OT後到了Megabox解決晚飯，來了喇沙大少，同事話呢度啲野唔錯，今晚就食佢啦。墨魚丸豆卜喇沙 $60墨丸豆卜份量唔少，油麵加米粉大大碗，唯湯底略淡。星洲串燒 $72有牛，豬，雞揀，本來想要哂三樣每樣兩串，但店員話唔得，最少要三串，咁就揀左牛同雞。兩樣都好味，燒得香口唔乾身，最正沙嗲醬。馬來椰汁咖哩牛腩 $75咖哩傑身勁香椰汁味，唔辣，有唔少薯仔同牛腩，燜得入味，正。油蔥餅 $28叫左咖哩就梗係要叫番塊餅點汁食，好香蔥味，除左青蔥，入面仲包左乾蔥，又香口又有口感，餅本身好鬆化，好好味！特飲叫兩杯會特價 $38要左檸檬薏米水同青檸疏打，清新解渴，沒有過甜亦沒有人工味，幾好飲。芒果黑白糯米飯 $48無同店員講話後上，食緊第一樣就已經上左，上枱時熱辣辣好香，可惜擺到凍左先食。糯米飯煙韌，芒果超甜，再加上椰汁，又真係幾好味，兩大舊飯勁飽肚。圍起一人百幾蚊，晚餐黎計ok啦。枱與枱之間幾闊，唔使驚撞到隔離枱，坐低慢慢食吹吹水，幾好吖。

去喇沙大少，當然要叫喇沙。68蚊最貴個個。從外表看, 好基本. 就係偷佢基本會點輸瓜.講都唔信, 輸了. 慘輸. 豆腐卜, 魚蛋淡而無味. 個湯又係好淡. 我個時心諗湯加左水黎煲.....D油麵林, 好林....食左兩啖. 唔係好想食. 心諗又少餸, 又唔好食. 不過, 都要食架. 大拿拿68. 食食下...  麵下面有野有兩隻蜆. 隻蜆細細地. 呢兩隻蜆都OK 有用牛油焗過. 再食落去. 半隻蛋同蟹柳出現了. 呢兩樣就無乜野囉不過都唔會有D乜野.最後. 喇沙不會少得.. 蝦. 有兩隻. 中型SIZE. 我估唔係雪蝦. 但係... 有沙囉. 不過, 好多都會有既. 我明我明. 我無叫換並只好接受.

他九龍灣Mega Box好多野食，行行下見到有間新開既就入去試下。雖然仲有一個月先聖誕，但係呢度已經換晒聖誕裝飾，有心思。餐牌都幾多野簡，泰式越式都有，兩個人點左幾樣野食:炭燒豬頸肉份糧多，三個人食都仲得！豬頸肉燒得剛剛好，切得夠簿，唔會"un"，配埋個辣辣地醬汁，好食！海鹽燒大鱸魚即叫即燒，未食已經聞到香噴噴，條魚都算大條，啖啖肉，配埋酸酸辣辣既醬，一流！雞絲喇沙足料，好多送，唔似出面餐廳麵多送少，喇沙湯唔會太辣，同埋有落椰汁，味道適中，不濃不淡。馬來炒貴妃苗嫩口，細細條易入口，食落覺得清清地幾健康。出面食飯叫既炒菜多數都係求其比d菜炒上碟比你，但係呢度既菜好食過出面，值得一試！黑糖薑母茶天氣涼涼地最岩飲薑母茶暖胃。如果去開mega box行街又想食越泰野真係可以試下喇沙大少，性價比真係幾好。

喺megabox行到攰上到11樓見到間餐廳食喇沙諗起自己都好耐冇食新加坡野見餐廳門面都好乾淨，又唔洗排隊所以就入去試下打開Menu都好多款式另外見到有張drink menu寫住$38可以有2杯飲品任揀見隔離枱個個都叫左，都幾抵所以叫埋正常飲品~餐廳上菜速度好快..唔洗5分鐘已經有得食炭燒豬頸肉 $76豬頸肉燒得啱啱好，唔會好乾身一碟好多塊硬落唔韌，肉質好Juicy點埋佢配既辣醬就更惹味雞絲喇沙 $68有雞絲，大蝦同豆卜一上枱已經聞到陣陣既喇沙香味湯底奶黃色令人賞心悅目食落都有好濃既椰汁香有米粉加油麵，油麵比例較多麵既份量好多，建議2個人分享蝦肉彈牙，雞絲嫩滑喇沙湯甜甜地微辣，令人好開胃馬來炒貴妃苗 $69見Openrice 多人推介所以叫黎試下好少食呢種菜，幾特別，食落唔係草味而係帶點蒜香，條條都好幼好爽口食落好清新，好好味一d都唔咸，好健康，我都推介👍🏻海鹽燒大鱸魚 $148等左大概3-4個字新鮮燒好條魚啖啖肉，肉質都好滑點埋個辣汁好夾食完好飽好滿足

喇沙大少 (九龍灣)地址 : 九龍灣宏照道38號MegaBox11樓11號舖電話 : 2388 8284網址 : http://www.openrice.com/hongkong/restaurant/九龍灣-喇沙大少/166243早前同朋友去了九龍灣megabox行街,當我同朋友行到累時候，又是時候找地方吃飯，我想吃新加坡料理，平時只去某知名新加坡料理，因為megabox冇分店,決定試下別的餐廳，就去了喇沙大少 喇沙大少是一間多國料理,我見它不是太多人,這裡地方都幾大 ,我同友人分別點了泰式炒飯+泰式炒貴苗，飲品要椰汁冰 ,泰式炒飯味道一般，我覺得炒飯有些小乾身,泰式炒貴苗十分好味 ,味道不會太咸 ,椰汁冰稍為甜咗些小，味道整體幾好吃. 價錢亦不是太貴. 服務亦幾好 ,下次再去九龍灣都會再光顧

最近愛上了到MegaBox吃晚飯，原因是因為只需在商場消費滿$300，就可享有3小時免費泊車優惠！對駕駛者來說是一個非常好的選擇，逛完街吃頓豐富晚餐後，輕輕鬆鬆就可以開車離開了。今次試一試位於11樓這間「喇沙大少」，整間餐廳以白色做主題，地方顯得格外簡潔又舒適，店員很快安排入座！馬來杏仁蝦餅(3件)$78將三件蝦餅一分為二，方便食客進食，非常貼心。一般炸蝦餅已經夠吸引，這裡的做法是將一片片炸杏仁塊黏滿整個蝦餅，咬落表面脆脆的，而且蝦味濃厚，味道香口！馬來炒貴妃苗$69炒貴妃苗顏色很翠綠，份量十足！毫無草青味，口感脆嫩，味道帶點蒜香，調味恰好！馬來蟹肉炒飯$88即叫即炒的馬來蟹肉炒飯，香氣撲鼻！拆出來的一絲絲蟹肉，舖在炒飯面上，加入籚筍粒，口感非常豐富。飯內有蛋絲，帶小小甜味。馬沙拉咖哩(雞/牛腩或雜菜)$78馬沙拉咖哩牛腩，咖哩汁濃郁惹味但不會太糊口，味道帶點小辣，牛腩肉質鬆軟，入味！馬來脆雪山$45這個雪山上枱時被它嚇一跳，整個圓錐體的造型，非常特別！幸好只是薄薄的脆薄餅捲成，餡料是由花生碎，椰絲及煉奶製成！小小甜，香脆可口！芒果黑白糯米飯$48芒果糯米飯就是我的至愛，無論肚子有多飽

主婦的春雞一刻全職家庭主婦沒人工, 24小時候命, 仲要照顧2個小朋友返學同起居飲食, 做完家務又要去帶狗仔散步, 彎身拾屎身份多悲微。要休息一下帶佢地出街食飯, 要想到家用要省住用, 搵間唔好太貴架。啖啖肉燒春雞好想食, 焗至雞皮平均, 色澤是健美的古銅醬油色, 肉質有點乾但皮嫩又甜甜地，連埋醬料更多滋味,個酸辣泰式醬令到更惹味。肉骨茶加白飯，個湯唔算太濃，半份已好大鍋，排骨又煮到淋曬，幾入味，仲有軟骨位都好爽口,但湯藥材味唔重, 豆卜都吸左湯底好好食, 不過點解無油炸鬼連埋?鹹魚炒椰菜苗，幾惹味多份鹹香，叫了碗白飯與肉骨茶配任食剛剛好。省自己但不能省家人, 以家人舞康同醫飽佢地個肚做大前提, 呢度好適合做飯堂。

不做飯的理由@喇沙大少 九龍灣宏照道38號MegaBox11樓11號舖天氣冷家人不想沾冷水做飯, 只好一家人外出用膳了。 其實我本可以自己下廚, 但打開雪櫃 空空如也, 本想破例由我這個十指不沾陽春水的人做餐飯, 但天意難遺巧婦難為無米之炊, 待家人換好衣服後一起下樓去食晚飯。與家人外出要迎合他們口味, 都以中菜及東南亞菜為目標, 食星馬菜皆大歡喜。馬來拼盤 $158 能嚐遍幾款的香口特式小食, 7款中可以挑選4款, 炸物香口東西   蝦餅炸雞翼，咖哩角，春卷。蝦餅有層杏仁片格外香，春卷入面是包了粉絲同雜菜絲，炸起後脆口。個雞翼就是大力推薦，如薯片一樣香脆，肉又紮實。個咖啡角是印度式，包了薯仔同雜菜，吃罷一件已很飽。雜菜喇沙點比自己, 記住對自己的承諾要多吃蔬菜, 椰漿湯底其實可以更濃郁才更香, 雜菜吸收了湯頭味道不會單調, 而米粉油麵伴上口湯一起吃是件多賞心悅目的事。 炒妃苗會清新少油, 不會太濃同鹹, 晚上還是吃清點易消化有避免水腫。苗每條都很幼細同爽身帶蒜香。食身足量哦，一碗喇沙2個人分都卓卓有餘。計上來每人百來元到就食到豐富美食，天氣再凍家人有找理由再來的了。

一直都未嚟過呢一邊食飯，晏晝就約咗朋友喺呢度食，午飯時間有好多人喺度排隊，兩個人都等左成差唔多20分鐘，已經開始有啲心急，因為我食飯時間唔係話好多，終於叫到我嘅號碼，點知又話未入得，其間我有問侍應我入得未，點知佢比我嘅反應態度係好差，好惡咁樣同我講話未入得 環境都比較逼夾，同隔離枱啲人都坐得好近，聽到晒人哋講咩，不過午飯時間就係咁架啦。朋友叫咗個馬來海鮮喇沙，味道唔算話好味，份量正常，湯比較淡，麵條有啲林，＄68。另外我就叫咗個馬來椰汁咖喱配油鬆餅，椰汁咖喱唔錯嘅，椰汁味道比較重，只可惜油鬆餅得一件，份量超級小，咁就要＄72，另外我最加多一個油鬆餅，又要加多＄27，完全唔抵食。

放工後到九龍灣Megabox逛街，發現這間Mr.Laksa，試過覺得不錯！馬來拼盤 $158 － 在餐牌第一眼看到就已經想點這個，7款小食中可以選4款，我們選了蝦餅、馬來春卷、串燒蝦和炸雞翼。用甜品架來上菜，食物都顯得很精緻！蝦餅 －外層的杏仁片令蝦餅更香脆，裡面的蝦肉也很好味。馬來春卷 － 餡料有肉碎、蔬菜、粉絲等，不錯～招牌炸雞翼 －雞翼起骨再炸，很容易食。馬來串燒蝦 － 原隻蝦幾新鮮，惹味。馬來蟹肉炒粉絲 $85 － 蟹肉不少，粉絲炒得很好不會黏在一起，味道剛剛好，正！馬來椰漿飯 $76 － 飯有香香的椰漿味，和小魚花生等一起吃特別夾，反而咖哩牛肉似乎和白飯更配。椰汁珍多冰 － 椰汁味夠，不錯。馬來拉茶 － 滿滿的泡泡很特別，有茶香不太甜。整體食物都很有水準，下次要試試招牌喇沙！

Today my older sister and I went to Mega Box🎉 It was the first time i went to Mega Box but my sister had already been to this place several times. She brought me to Mega box to (reason u guys went to mega box). We skated in the Ice Runk until noon and went for lunch👫👯. My sister brought me to mr. Laksa for lunch and she order some of the best food in the restaurant which are Charcoal Grilled Pork Neck, Cold Vermicelli with sugar Cane Prawn Stick, Wok-Fried Cabbage with Dried Sausage and Black Pe

因公司只在mega box樓上，所以經常都會到大少食飯，一早就知道依間mr laksa 向午市時候要等位，又話要人齊先比入，但我今次只係單支公去食午餐睇下要等.....？？到左11樓一出電梯😑，我想出事啦😩12:30已經坐滿重有一大班大少支持者、大約20-30👬👫👬👫👬👫人。我心想我得一個鐘食飯.....點呢？照攞位啦@@跟住同門口姐姐話一位，佢啤我一吓，依家比較忙可唔可以搭枱💁🏻，我話咁都好喎👌🏻，可以即時入坐、我係坐入面的兩人細枱、坐對面係一個印度人👳🏿，我既意思唔關人種既事，（只不過向我心目中我以爲所有印度人都係唔食豬🐷肉既姊，但佢當時係食肉骨茶湯飯，我就好好奇咁問下佢good taste嗎?佢用超流利既中文話👳🏿😗「肉骨茶啲豬骨好入味又唔乾，啲湯又有益」）我即時想笑😝，但我因禮貌上死忍住🎃，就係這樣我點左個肉骨茶同青檸特飲，跟住一分左右肉骨茶連飯到左｛快到估唔到｝，開始食啦😋.食食下到印度人朋友問小弟係唔係好好食，我緊係話都幾好喎👍🏼，係冇介紹錯🙌🏼，佢都好似好開心😬，原來快樂是多簡單。唔好意思講太多同一個平水相逢印度人食飯經歷，再講返這次食物水準先，水準一樣保持🈶，藥材味一般