啤啤Bear韓國包車 (已結業)

好耐冇食韓國菜 朋友介紹左一間最近超多人打卡嘅餐廳💁🏻‍♀️行入去真係好似一秒去左韓國夜攤咁 成個環境悉心裝飾 走Y2K風格 放咗好多街機 超級有氣氛✨如果鍾意打卡 千祈唔可以錯過 有唔少嘅打卡位俾大家瘋狂影相📷 This Summer $58除咗靚靚嘅環境 食物都相當唔錯😙首先叫咗一杯this summer 其實佢係一杯菠蘿冰茶 味道好清爽 唔會太甜 最啱配等陣食嘅炸雞 可以解膩😋butter x garlic炸雞配脆脆薯格 $178份量都幾多 炸粉唔算厚 肉質都幾滑嫩同juicy 嗰醬有好香嘅蒜頭味 少少甜甜地咁 好味🫶🏻國民烤五花肉 $178超級大份 我哋兩個人食食到超級飽 燒得啱啱好 好香口 有少少油膩 不過配埋生菜食就啱啱好😋整體而言 係一間環境好好 嘢食不錯嘅餐廳 個人覺得幾適合一大班朋友嚟食🤣

係尖沙咀既韓國餐廳真係十分多，但有特別裝修既就唔係好多。今次黎到玩新穎裝修既啤啤Bear韓國包車，睇相你就知裝修幾特別 😛一出電梯就見到有隻巨形熊公仔，餐廳外邊既裝潢都好令人耳目一新，差啲以為出錯樓層去左酒吧。入到餐廳座位同空間感十分之闊落，坐得十分舒服，餐廳仲有籃球機裝飾 🏀 有兩張座位係籃球機前。BBB部隊鍋 $218食過好多間部隊鍋，呢間既湯底係比較濃烈同埋唔多店鋪會用埋Gas爐俾你煮個麵。部隊鍋本身唔係貴既食材，主要食湯底，呢間係出色既蟹籽海鮮蛋卷 $138不得不提呢個蛋卷，用料十分足，切開蛋卷見到有帶子等既海鮮，絕對會因為呢個蛋卷再黎食 🤭燒啤 $58 飲品This Summer $58其實係菠蘿冰茶，味道好清新

韓國野永遠都食唔厭🤭☺️今次黎到位於TST既啤啤bear韓國包車😍環境靚到癲！ 玩味十足 ！ 完全可以比你瘋狂打卡 燈光夠哂Y2K😍 剩係周圍打卡 已經可以玩成粒鐘😂入到去真係每個角落都哇哇聲🥹☺️ 蕃茄韓式辣海鮮湯配中華麵✨ 海鮮種類同份量勁足！ 有青口 大蝦 蜆肉 章魚仔 每款都有3-5隻😙原隻章魚仔好得意🙌🏻 好爽口 成個蕃茄湯底極濃郁！ 仲要配埋辣味 每喺酸酸辣辣 好過癮！ 🤪 中華麵好似烏冬 又係好爽口同滑身 shu哂落口🧡整體好好食！ 同埋全程滾住 熱辣辣！ 岩哂冬天食😋芝士鐵板泡菜炒五花肉💛 我大愛既五花肉😋🙌🏻仲要夾埋大量cheese 🥰見到拉絲真係會好滿足🤭 辣辣地既泡菜配上濃厚芝士 入口係完全100%完美 好好食🥹 五花肉肉質好鬆軟 忍唔住狂食🥹BUTTER X GARLIC 韓式無骨炸雞 配 脆脆薯格 ✨見到個名都已經勁吸引🧡炸雞新鮮炸好 重蒜 加甜甜既BUTTER 鹹甜鹹甜 好開胃🫶🏻仲有薯格！！ 配埋兩款醬食 好滿足🥹😋 2人食超飽 但好滿足🥹 完全可以滿足哂你食韓國包車既願望🤪 餐廳好有feel 🫶🏻✨ 必須要再到訪 試埋其他野食！

餐廳位於諾士佛台1號，地點相當方便，店內裝修相當韓風，Y2K style，有街機，籃球K做裝飾，適合打卡。有弘大年青人嘅感覺。今次兩個人點咗四樣嘢，份量好大份，全部味道都好好，幾正宗。芝士鐵板泡菜炒五花肉，啲芝士多到拉曬絲，作為芝士狂熱粉絲我，比100分🤣蕃茄韓式辣海鮮湯麵，面質彈牙，點煮都唔會淋曬，十分好，味道方面雖然係辣味，但有蕃茄中和，所以辣度啱啱好。辣炒小章魚都好好食，適合配啤酒！另外仲叫咗一個原味炸雞，份量超多，仲要係冇骨嘅，啖啖肉，好滿足。整體嚟講，店內座位闊落，坐得舒服，飲酒唔一定要去下面酒吧，可以嚟哩間，食住韓國菜，炸雞啤酒燒酒同朋友傾偈，價錢亦都唔貴，十分推薦。

GAME CENTRE主題既韓國餐廳、又型又時尚假日都幾多年輕女仔來食下野飲下野，隔離枱仲慶祝生日，餐廳會幫忙播生日歌🍹西柚口味的"Drink Me!" ($58)🍾有多款酒精和非酒精飲品依杯野好飲又幾靚大發！芝士鐵板泡菜炒五花肉🐖🧀有個爐慢慢加熱，加熱時記得要拌勻熔岩芝士，好多芝士會拉絲好正👍🏻泡菜唔會好辣，五花肉厚度岩岩好，食落唔會太油膩，五花肉味道濃郁，配埋芝士超正🍗BUTTER X GARLIC無骨炸雞配脆脆薯格 $178講起韓國野點少得炸雞啤酒仲可以簡無骨炸雞，可以食得優雅d啖啖肉夠juicy 🐓配埋香脆薯格而且影相一陣相食，個皮都仲好脆，唔會淋左泡菜海鮮煎餅$138煎餅厚度剛好，不會太多粉好酥脆，海鮮料都好豐富，好食😋

係諾士佛臺有一間韓系樓上餐廳野食豐物，又好食🤤仲要有遊戲玩😆好多打卡位📷🌟蟹籽海鮮蛋卷🍳蛋卷內有乾坤入面係有滿滿既肉外面有滿滿蟹籽同醬料味道👅好多層次🌟泡菜海鮮煎餅🫓煎餅有爆多海鮮🦞好豐富泡菜味又好濃厚煎餅外脆內軟👍🏻🌟大發！芝士鐵板泡菜炒五花肉同菜名一樣甘대박❗️佢用既芝士🧀勁好味😋加埋泡菜同五花肉超級惹味～～～好食到停吾到口😍🎉店內有部大力士挑戰街機依家只要用錘仔大大力打落去拎到900分，即可免費獲得張單最貴既菜品一次💪🏻💪🏻參加條件🌟只要店內堂食滿$600，埋單前可享有一次遊玩機會，Share 社交平台 story/post tag 餐廳 可額外獲得一次遊玩機會💙

電梯一出走廊係韓式街道設計好有地道風情餐廳佔地面積大空間感十足周圍充滿霓虹燈和各種遊戲機夠玩味坐住係籃球機玩酒game肯定特別high🤍.🌟大發！芝士鐵板泡菜炒五花肉 $178🌟番茄韓式辣海鮮湯配中華麵 $218🌟Red韓式無骨炸雞配脆脆薯格 $178🌟First Crush $68.野食每樣都好有驚喜！最喜歡微辣嘅番茄韓式辣海鮮湯 用料豐富湯底好過癮 配上煙韌嘅中華麵 正😋韓國燒酒cocktail都唔錯👍🏻冇想像中辣口 甜甜地易入口～

尖沙咀嘅啤啤Bear韓國包車係一間韓式餐廳，場內有唔少潮物同埋玩樂設施，勁多後生仔女嚟幫襯！Stella Draft $62食韓式辣嘢，啤酒係標配！This Summer $58甜甜哋嘅特飲，食完辣嘢飲就啱晒！蕃茄韓式辣海鮮湯配中華麵 $198Heat住上嘅韓式辣湯，內含大量海鮮，有蝦、青口、八爪魚、蜆，辣得嚟不失鮮味！粗身嘅中華麵勁索湯又滑溜！大發！芝士鐵板泡菜炒五花肉 $158同樣都係跟埋Gas爐，芝士、泡菜、五花肉嘅油脂混成一體，甘香可口，極度邪惡！脆炸黑椒雞中翼 $42香脆嘅外層，鎖住咗大量嘅肉汁同埋油脂，出色之作！原味芝心蛋卷 $98以大量醬汁提升滋味嘅芝心蛋卷！

好耐冇出TST LA~ 今日同老公嚟到諾士佛台1號食韓國嘢呢間韓國餐廳好有特色入邊有好多熊仔同埋有好多好靚嘅裝飾可以打卡影相，不過餐廳最緊要梗係食物啦，我哋叫咗好邪惡嘅芝士泡菜炒五花腩肉，味道一流，配飯就啱啱好❤️❤️另外嗌咗個蕃茄泡菜海鮮中華面，泡菜湯都幾香🫶🏻唔會好辣，海鮮係新鮮嘅，而且種類好多❤️有青口、八爪魚等，又幾正🫡個麵係似烏冬咁，幾特別😆😆仲有嗌左海鮮蛋卷😍好大份！入面半熟好勁呀，料又多！食埋飽到上心口😂😂飲品有幾款冇酒精，我哋嗌左西柚soda~ 幾refresh!!! #hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

一行入呢間充滿韓式風格同情調既餐廳，就已經聞到濃郁香味迎面而來，未食就開始有啲期待。黑椒味的Black無骨炸雞第一眼個感覺外酥內嫩，每一啖咬落去，酥脆外皮迅速展現出黑椒香氣，而內部雞肉則保持了豐富肉汁同嫩滑口感。呢款炸雞既黑椒味道唔過分刺激，恰到好處咁同雞肉既鮮嫩相融合，nice。大發！芝士鐵板泡菜炒五花肉一上枱就已經係吸睛，鐵板上既泡菜同五花肉加埋芝士就已經好香啦，第一口咬下去，五花肉同泡菜既酸辣，兩者mix埋，再加芝士既拉絲，真係好好食丫。泡菜酸味中和左五花肉既油膩感，而芝士的加入更增添了豐富口感。蕃茄韓式辣海鮮湯配中華麵湯底鮮美而濃郁，蕃茄酸甜味同辣椒既辣味完美結合。海鮮新鮮彈牙，中華麵完美咁吸滿湯汁，成個整體都好match，簡直係今晚既VIP。仲叫左兩杯特飲，分別係酸甜First Crush同清爽既Tiki-Taka。First Crush係一杯用粉紅岩鹽同埋荔枝，燒酒調配嘅酸甜可口嘅飲品，散發住水果芳香。酸度和甜度恰到好處。而Tiki-Taka就係一杯清爽既飲品，有淡淡既檸檬香氣和微微氣泡，非常適合配炸雞飲。

趁情人節打算同另一半去食下好野，見呢間幾多人推薦，個vibe好似又唔錯，點知d野食伏到爆。低消每人$150，但係食物選擇少，真係唔知嗌咩好，全部都差十幾或者幾蚊先reach到低消，又唔想夾硬嗌d唔鍾意嘅野食，最後嗌左份芝士鐵板、Black炸雞同份小食。D野食一上到黎係unexpected咁細份，咁打算佢好味就算啦，點知個雞勁難食，又乾又柴，KFC都好過佢，見到炸雞得無骨揀已經聞到陣伏味，其他野食嘅quality都係屋企煮到嘅味，分分鐘仲好食過佢。雖然d staff係幾nice，環境氣氛都Ok，但係d野食真係好難食，寧願食Goobne或者Pizza Maru。呢間野真係無下次。

十分有Y2K style嘅韓食館🇰🇷一出電梯門口已經有好大隻啤啤熊比你打卡😆入面仲有勁多唔同遊戲設施做裝飾，仲有得玩beer pong!鐘意kpop嘅朋友黎到會更加有Feel，因為成晚都係播住緊kpop 🥳🇰🇷芝士鐵板泡菜炒五花肉🐷$178見到好多人都點嘅芝士鐵板，我都唔執輸😂十分濃嘅芝士底，煮溶左之後再同五花肉泡菜攪勻 一齊食，拉絲係十分邪惡～加埋泡菜同五花腩食，每一口都好滿足🤤蕃茄韓式辣海鮮湯配中華麵🍜$218好大碗又足料！湯底甜甜辣辣咁，加上青口、魷魚、大蝦、蜆肉等等配料好吸湯～份量大到好似食唔完咁😆芝士泡菜煎蛋卷$138抗拒唔到拉到絲嘅蛋卷😋超多泡菜包係蛋卷入面，絕對係會停唔到咁食😂

早兩日喺Instagram見宣傳片後好似好正咁第二日就即刻約朋友去試 本來充滿期待感去食當去到既時候啲燈光好殘眼 你做霓虹燈嘅裝修唔係應該整暗啲燈？然之後到食物方面。叫咗兩個招牌鍋，正正常常不過不失冇乜特別，最後叫咗份炸雞，簡直就係嚇死人咁大個仔第一次見炸雞可以上碟啲油多到可以拎去煎蛋🍳最後想認真分享一個問題俾大家我哋係因為佢宣傳片既韓國飲酒玩法吸引而黎但我想同大家講，完全係貨不對板佢有個任飲每位加$238(所謂酒精類飲品全包)佢單點一支酒要$97 嗰個氣泡唔知咩清酒當時我哋嗌咗一支氣泡酒，之後改轉任飲，咁其實支氣泡酒都係喺任飲入邊包埋，員工話唔可以取消，啱啱叫嗰一支 🌚 OK無問題 我哋都算數轉左任飲三小晚既套餐，我本人9:00去到10:00左右四個人都係飲左7支330ML既佢哋招牌個氣泡酒，結果10:00左右鬆啲就有個員工同我哋講我哋就嚟冇晒貨。我地表示無奈 結果三個小時嘅任飲，我哋一個小時後就離開了 每位都要比$239咁你出任飲嚟做咩？當晚人流不多 全店只有幾枱客飲酒連埋我哋有兩台任飲，我完全體驗唔到呢個任飲3小時既快感。有種被欺騙嘅感覺 希望睇到宣傳片上去呢間嘢嘅人都要諗清諗楚

今晚黎食韓國餐廳，上網見呢度裝修擺設玩味十足，一於一試！芝士鐵板泡菜炒五花肉真係用鐵板上，等d芝士融左就有拉絲效果但記住要撈下，融左就要熄火如果唔係就會痴底！份量十足，唔會話好辣，但非常惹味，岩哂香港人既口味五花肉厚薄適中，而且唔會話好油！蕃茄韓式辣海鮮湯 配 中華麵同樣係以大鍋上，一路食一路煮，可以令到湯底更加濃郁，而且都保持到溫度配上蕃茄令到湯底帶點甜味，甜辣既味道好特別，海鮮有青口，蝦，蜆，八爪魚🐙等，份量十足，亦令湯底更有鮮味！泡菜海鮮煎餅呢度既煎餅係比較薄，但外脆內軟，酸辣的泡菜同魷魚為成個煎餅帶來豐富口感飲品叫左甜米露同粒粒葡萄汁，除左呢d仲有唔同酒揀～選擇多！

喺尖沙咀酒吧街諾士佛台上面有一間好有特色嘅韓國餐廳，佢以一間打機舖頭為裝飾，見有跳舞機，籃球機，另外自己有特定標誌，係一隻藍色嘅啤啤熊，好得意肥嘟嘟，好適合新一代年青人去打卡，尤其鍾意J-Pop韓風嘅年青人。坐低睇睇個餐牌，點咗原味芝心蛋卷，賣相十分之好睇，同芝士融洽真係好好食，另外點咗個大發芝士鐵板泡菜炒五花肉，d泡菜加埋五花肉腩，真係絕配。佢係一個爐加鐵板上碟，可以熱住炒同埋加左勁多芝士炒，啲肉又唔韌，又有豬肉味，五花肉果然係韓國一定要食嘅菜式。另外點咗個蕃茄韓式辣海鮮湯配中華麵，海鮮配辣湯十分之惹味，再加埋個中華麵，彈彈嘅面質好好食，加左好海鮮，有大蝦，蜆，青口，八爪魚等，真係令人十分易入口同食慾大增。飲品都好出色，價錢又吾貴，賣相一流，好岩打卡。整體嚟講，食物方便十分之滿意，環境亦都好好，值得推介時下年青人。