啤啤Bear韓國包車 (已結業)

朋友推介一間位於尖沙咀以韓式機舖為主題餐廳，環境寬敞，裝飾別具特色，有霓虹燈、跳舞機、籃球機等打卡機，更有K-pop表演。餐廳主打新派韓式下酒菜，選擇多樣，份量十足，味道出色，係一個十分適合同朋友聚會飲酒好地方。今日同朋友黎到先叫左個炸紫菜粉絲卷紫菜炸到卜卜脆，粉絲QQ彈牙，非常有嚼勁，送酒真係一流飲品選擇都非常多，叫左杯Tiki-Taka 檸檬青瓜雞尾酒 估唔到檸檬加青瓜口味唔伏仲幾夾酸酸甜甜超清新又解油膩感，酒味都唔會太濃食左個餐廳推介蕃茄韓式辣海鮮湯配中華麵會連埋gas爐上 唔驚會凍晒～呢個搭配鮮甜又帶點辣 好開胃 ， 而且份量都多！有蝦、青口、蜆、八爪魚 中華麵嘅口感都唔錯 亦掛到湯😋另外叫一個~大發！芝士鐵板泡菜五花肉鐵板加熱時，熔岩芝士與五花肉完美融合，散髮出誘人香氣。再加上泡菜調味，令整道菜品味道更加豐富。五花肉半肥半瘦，感受到油脂香醇。我地仲叫左個熱情果菠蘿椰子米酒沙冰好大碗，兩個人真係食唔晒，食完熱野同辣野，食佢口感非常正，好好味朋友真係無介紹錯真係一個好地方

作為一位熱愛啤酒文化的香港人，我有幸與家人造訪位於尖沙咀的「啤啤Bear韓國包車」韓國酒吧餐廳，這裡融合了韓國包車的風味裝修，讓我們彷彿置身於韓國的街頭小巷。晚餐的菜式豐富多樣，我們品嚐了蕃茄韓式辣海鮮湯配中華麵和大法芝士鐵板泡菜炒五花肉，搭配多款精採飲品，讓我們度過了一個愉快的用餐時光。首先，蕃茄韓式辣海鮮湯配中華麵帶來了濃厚的韓國風味，湯汁鮮甜辣味十足，搭配彈牙的中華麵，讓人回味無窮。大法芝士鐵板泡菜炒五花肉則展現了獨特的口感和風味，酥脆的五花肉配上濃鬱的芝士和香氣四溢的泡菜，讓我們享受到了美味與驚喜的結合。此外，餐廳提供的燒啤、粉紅西柚特飲和菠蘿冰茶也讓我們留下深刻印象。燒啤的香醇口感搭配韓國料理的辛辣，相得益彰；粉紅西柚特飲清新爽口，帶來一絲甜蜜的酸甜滋味；而菠蘿冰茶則是清涼怡人的最佳選擇，讓我們在用餐中得到了完美的養分搭配。在「啤啤Bear韓國包車」這個充滿韓國風情的餐廳裡，我們不僅品嚐到了正宗的韓國美食，還感受到了濃厚的啤酒文化氛圍。這次的晚餐讓我們家人共同享受了美食和歡樂，讓我們更加珍惜團聚的時刻。期待再次光臨「啤啤Bear韓國包車」，繼續探索韓國料理之美和啤酒文化的魅力

📍啤啤Bear韓國包車 (尖沙咀)尖沙咀諾士佛臺1號8樓🔻🌸環境🌸餐廳裡面有籃球機、LED大Screen、以前嗰啲街霸機，但整體又似Y2K disco風，簡直係脫離咗現實咁，又可以同一班朋友打卡！🔻1. BUTTER X GARLIC 無骨炸雞✨$158.00牛油脆皮+多蒜，雞件大份又多，食到停唔到😍😍😍🔻2. 蕃茄韓式辣海鮮湯 配 中華麵✨$198.00用gas爐烘住令麵條同海鮮都更加入味，整體比我想像中冇咁辣，海鮮都好多！🔻3. 大發！芝士鐵板泡菜炒五花肉✨$158.00一上台係一個gas爐，整熔啲芝士，然後啲芝士拉到上天花板都得🤣🧀五花肉唔會太膩，泡菜可以中和芝士同肉味但提醒大家，芝士不宜熱得太耐，否則會焦燶😥🔻4. 甜米露+粉紅西柚梳打$20 + $38🔻

今日同朋友經過尖沙咀，醒起成日都係 IG 見到啲人打卡既啤啤Bear韓國包車，今日順路經過終於可以試吓，一入到去已經勁有 feel，環境勁岩打卡，背景音樂又夠勁，我同啲朋友都即刻勁 hyper。 咁我地叫左個蕃茄韓式辣海鮮湯配中華麵，個中華麵條口感非常Q彈，勁有咬口，再 索滿哂濃郁嘅蕃茄湯底，真係讚不絕口。海鮮方面亦都冇手軟，份量十足，好多蝦、八爪魚、青口、蜆，一定要試。 我地仲叫左個芝士鐵板泡菜炒五花肉，拉哂絲既芝士，微辣既泡菜，一齊配埋惹味既五花肉，真係忍唔住食完一啖又一啖，仲要不斷有個爐加熱住，擺耐啲都唔會凍哂。 最後仲叫埋個炸韓式餃子，份量十足，隻隻餃子都好大舊， 餡料亦都恰到好處，食完真係非常滿足。 最後我地仲叫左 Tika-Taka, First Crush 同埋柚子椰汁米酒，每杯飲落去都勁 fresh，都幾易入口，仲要每杯都大大杯咁，值得再戰！

同朋友聚餐又定位尖沙咀。這家韓式餐廳位置在尖沙咀諾士佛臺，位置很多很熱鬧，基本都是后生仔，人氣幾旺。同朋友點了番茄韓式辣海鮮湯配中華麵，以及芝士鐵板泡菜炒五花肉，小吃拼盤，炸雞。番茄韓式辣海鮮湯好多海鮮，蝦，花甲，青口，小魷魚，仲有口感很好的中華麵，麵溯滿海鮮辣汁，微微辣好開胃，越煮越入味。芝士鐵板泡菜炒五花肉是今晚最佳，滿滿的芝士🧀，泡菜與五花肉被芝士包裹著，入口一咬，泡菜味跟芝士味融合得剛剛好，五花肉肥瘦相間，口感無敵～炸雞也是基本每台都會點，有好多種口味可以選，我哋點佐甜辣口味，口感也唔錯，如果表面的醬唔使咁厚仲美味😋小吃拼盤種類繁多，有炸芝士條，海苔卷，炸餃子，薯條，仲有三種口味醬料隨上，非常貼心～

平時去諾士佛台通常都係飲酒，今次第一次嘗試食韓國餐，由斜路行上去已經見到諾士佛台1號，升降機8字樓一出就見到門口望入去已經坐滿晒人，仲聞到香噴噴嘅炸雞味道，得閒到入餐廳就有置身於去到韓國嘅感覺蕃茄韓式辣海鮮湯配中華麵$198呢個火鍋入面全部嘢都係未熟，要煮大約四至5分鐘先可以食，入面有好多海鮮，有蝦，八爪魚，青口同埋魷魚，仲有非常多嘅洋蔥作為配菜，中華麵質較為硬身，彈牙，煙煙韌韌，口感非常特別 Butter x Garlic 無骨炸雞$158未放入口已經聞到香噴噴嘅牛油同埋蒜蓉味道，炸雞做到外脆內軟，入邊仲非常Juicy，雞肉又夠嫩滑，雞皮炸到卜卜脆，連埋一粒粒細細粒嘅蒜頭入口，入口更加惹味韓式雞肉炒粉絲$88韓式嘅粉絲比起港式嘅粉絲較為粗身,入口彈牙非常有口感，配菜仲有韭菜,紅蘿蔔絲加冬菇絲，雞肉大約有六至七粒左右入口嫩滑，味道足夠大發芝士鐵板泡菜炒五花肉$158芝士經過熱力後有拉絲，五花肉非常爽口，一層肉一層脂肪，比例非常平均，泡菜好爽口，有少少辣，十分惹味

近排俾frd洗版🤣見到呢間Y2K x Cyber風的韓國菜終於要黎朝聖一下🧎🏻‍♂️位於八樓全層開lift門真係以為自己去左首爾🇰🇷一條大走廊 完全韓國街頭的感覺🤩環境非常大 入到去仲有好多LED燈飾又有勁大隻熊仔歡迎你🐻有跳舞機 街機 籃球機等等做擺設成個氣氛好似去左機舖咁🕹️滿滿都係打卡位炸芝士豬扒 $68🐷好大件下! 覺得3-4人分享都得熱辣辣炸好上枱無過乾 炸粉厚度剛好個咸醬幾夾😋薯仔煎餅 $98好煙韌 🥔🥢本來以為會好滯但佢係切成有薯仔絲咁煎成件事就light好多兩個人食哂都唔會膩👌🏻大發!芝士鐵板泡菜炒五花肉$158呢個必點!! 已經係煮熟哂但用gas爐上枱燒溶D芝士🧀❤️‍🔥店員提醒要留意芝士一熟就要即刻食咁樣同D肉先係最能夠融為一體連埋泡菜入口 中和返就無咁溜😝蕃茄韓式辣海鮮湯 配中華麵 $198唔辣人士都可接受的辣度😊湯底蕃茄勁rich 但一點都不酸個麵質地有咬口 掛湯力好 吸哂汁好食🍜都幾足料 青口,章魚仔,蜆 份量都幾多🐙First Crush $68🩷🍹粉紅岩鹽x荔枝味的燒酒外型好少女心 好夢幻味道都十分易入口😙比較似飲緊梳打水唔覺係燒酒黎女仔好岩飲🥰

好喜歡💕這家！！下次要多找幾個胃口好的好友一起來😆限定！無限挑戰烤盤 ＄98超開心🥳這份真的有夠狂的 真的不懂為什麼可以$98就任食！！而且不是每人＄98是一枱＄98！！每次來的時候都是三大件五花肉還有一堆章魚🐙他們還附了一個韓式醬和泡菜一起烤 味道足又爽再加上每口五花肉的自由 真的吃得有夠快樂的（已想再去吃了~WHITE 無骨炸雞$158一開始看到盤子 還以為份量還好 誰知每顆都大大顆 汁還很多味道足 又好吃😋炸皮薄又嫩~～吃韓式時沒有不吃炸雞🍗的理由吧~～開心 Share 拼盤 (BIG) $148全都是韓式炸們寶貝😆邊聊天邊吃這份很適合🈴️不要以為炸圈是洋蔥🧅 是魷魚🦑～～很 Chewy而且裡面的都是新鮮 即炸 一堆人時必點一份 邊吃邊等待烤肉韓國 Terra Beer $104還買二送一！！還真是第一次喝這牌子 好易入口~～(鄰坐的女生一直喝 😆 真是個女生都可以的chill 一杯🍻他們一枝也不是小枝😌 可以倒三到四杯~~想要喝一杯🍻的話 一定要點一份這家店真的有夠瘋的～～到底有沒有賺錢的啦先是＄98任食烤肉 再來是二送一的啤酒🍻最後還有遊戲玩 只要能赢店員的話 又有多枝免費🆓米

今日喺天文臺道搵到一間樓上鋪，裝修好特別，好似一間遊戲機舖頭，門外有一隻巨型藍色熊仔，入到舖頭入邊，亦都有一隻唔同動作嘅巨型藍色熊仔，佢係舖頭嘅主要角色，遊戲機入邊，藍色熊仔會打籃球又會跳舞，好可愛。兩個人食晚餐，叫咗「牛油蒜蓉無骨炸雞」，份量好大，炸到脆卜卜，牛油及蒜蓉味好重、好香濃。炸嘅時間啱啱好，內裏嘅炸雞仍然保留肉汁，超正。叫咗一個「蕃茄韓式辣海鮮湯配中華拉麵」，我好似火鍋熱住咁食，好大鍋，夠晒兩個人食。湯底好重蕃茄味，偏辣，拉麵好彈牙，海鮮配菜非常豐富，好足料。接着叫咗。「芝士鐵板泡菜炒五花肉」，呢味菜式都係熱住咁食，芝士溶咗落去，好香濃嘅芝士味，配上泡菜味，辣辣地嘅五花腩肉，超正。接着叫左一個小食「原味芝心蛋卷」及飲品「甜米露」，甜米露有少少似蔗汁，滋潤又解渴。總結，食物分量充足，價錢合理，裝修特別，打卡必到。

今日帶大家嚟到食韓國嘢！一出lift已經見到一隻大啤啤熊，餐廳以韓國機鋪作主題去裝修，真係度度都係打卡位！🌟蕃茄韓式辣海鮮湯配中華麵 $198店員俾咗個爐我哋heat住，熱辣辣好啱冬天食～海鮮總類及份量都好多，數數埋埋10隻蜆都有！仲有大大嚿蝦😋個番茄湯越濃越濃郁，食落啖啖番茄味再帶有微微嘅韓國辣味，層次感豐富😚中華麵食落好似烏冬～口感煙韌滑身，索晒湯超好食！🌟大發！芝士鐵板泡菜炒五花肉 $158一上枱見到好多芝士🧀，完全係芝士控必叫😍，用上各種唔同款式嘅芝士，大家可以望住芝士用爐嘅溫度慢慢融化，之後就可以將熔岩芝士，泡菜，五花肉一齊混合😚，食落惹味又邪惡👿！🌟Butter X Garlic 無骨炸雞 $158蒜蓉牛油味係融入咗個炸皮入邊，炸皮同平時炸雞唔同，似加咗木薯粉去炸，食落脆口同時連個皮都有味，食落係滿滿牛油香，同時保留蒜蓉嘅惹味，內邊炸得啱啱好～外脆內軟😙🍺燒啤 $58第一啖飲落同普通啤酒差唔多，但原來燒酒味係喺後邊慢慢散發出嚟～

見到大量Foodie廣告sell $98任食五花肉和墨魚，同另外兩位朋友一齊去試試，另外叫左炸雞和海鮮薄餅。海鮮薄餅先上，成塊80%係燶既。再上炸雞，未食過咁淋既炸雞，唔知點整到啲皮淋晒，口感可怕。最後係期待已久嘅五花肉墨魚：1）墨魚非常不新鮮，燒完還有腥味，吃過一輪之後已放棄繼續order。2）五花肉非常非常肥，非常油膩，沒有肉味，吃一塊也滯了；更別說那個鐵烤盤非常難用，就算鋪了一層錫紙，五花肉還是很快燒焦。3）另外油還飛濺到枱上各個地方，包括餐具盒和水瓶上，極油極油（餐具盒本身也很油，可想而知油從哪來）。4）結果最好吃是泡菜。謝謝餐廳，讓我們見識了最難吃的韓國餐廳，還讓我們從此不再相信Foodie廣告。

最近發現位於尖沙咀韓食林立、酒吧林立既諾士佛台竟然有一間隱藏🇰🇷韓式機舖主題餐廳 🕹️鋪面寬敞、裝飾別具心思，有霓虹燈、跳舞機、籃球機等多個打卡位；90年代港式嘅感覺，充滿親切感。<限定！無限挑戰烤盤> $98追加韓國空運生菜（一份）+$10店員會喺席旁幫忙燒第一輪五花肉同小章魚，五花肉好Juice ，一邊燒啲油脂一直流出嚟而小章魚好彈牙鮮味，店家亦好貼心 呈上枱前會稍為灼過後 先俾客人、唔洗擔心自己燒唔熟。<韓國 Terra Beer（三支）> $104💥當時做緊 Terra啤酒 500mL 買2送1🍻韓食點少得啤酒。<ORIGINAL 無骨炸雞> $142有六種無骨炸雞口味提供選擇，包括經典甜辣味、酸忌廉、黑椒秘製醬汁等；原味無骨炸雞係鹽味 冇醬汁，上枱時依然熱辣辣、口感香口酥脆。呢間餐廳好啱鍾意食韓國餐同埋打卡嘅食客。兩個人埋單五百幾蚊，食得好飽，仲有啤酒飲，好正！

尖沙咀$98無限任食韓式五花烤肉八爪魚 場內環境主打90年代霓虹燈風格 可以見到跳舞機籃球機等擺設 仲可以同店員玩小遊戲 ‼️如果贏咗可以免費拎到sparkling米酒 ‼️terra啤酒都有買二送一優惠‼️適合叫埋朋友嚟飲番杯 不過呢間真係超級多人 ‼️建議如果上嚟一定要book位先.當然一定要點⭐️無限挑戰烤肉盤$98可以無限添加韓式五花肉 小章魚啱啱上菜第一轉 店員會幫你開爐 同燒埋 服務超好佢哋五花肉煎到金黃 脆脆地 加埋泡菜韓式醬汁 超級好食平時五花肉肥肥好容易食滯但今次唔經唔覺食咗兩三盤.除此之外 如果鍾意芝士可以選擇呢款⭐️芝士鐵板泡菜炒五花肉$158 容易做到芝士拉絲⭐️甜辣無骨炸雞$148佢啲韓式無骨炸雞做得超出色炸粉唔厚 但做得好大件 肉質都Juicy⭐️蟹籽海鮮蛋卷$138蛋卷同樣出色 中間包住粒粒粗章魚腿蛋卷中間保持住好Creamy.甜品方面比較特別有⭐️超級粒粒芒果米酒沙冰$138係超級大碗 可以3-4位朋友分係加入咗酒精嘅沙冰 表面放咗冰芒果肉如果夏天食會覺得超級消暑.#啤啤Bear韓國包車 (尖沙咀)地址：尖沙咀諾士佛臺1號8樓.⭐️評分：味道：4/5環境：4/5 90後霓虹

我嘅好姊妹最近好沉迷打卡，所以佢帶嚟一間最近好有人氣嘅韓式餐廳，一入到嚟成個感覺都好cyber好科幻，有種好chill嘅感覺，估唔到入邊嘅籃球機同埋遊戲機，竟然可以攞出嚟做餐枱，真係好正呢個idea，非常之欣賞佢嘅裝修。😳🥰我哋點咗海鮮湯麵，內裏有酸甜嘅蕃茄所製成嘅湯底，配上各種新鮮甜美嘅海鮮，例如章魚仔、青口、大蝦、蜆等，而且中華麵口感彈牙。😇🙈泡菜五花肉都唔錯，五花肉喺鐵板上面炒香咗，與芝士和泡菜結合，酸香醇厚，仲有拉絲嘅效果。🧀最令我印象深刻嘅係菠蘿啤酒，清爽的啤酒融合了新鮮的菠蘿汁，苦中帶甜，相當特別！🍍🍺薯仔煎餅，外酥內軟的薯仔包裹在香噴噴的煎餅中，鬆軟香脆！🥔 另外，我都好鍾意食佢嘅辣炒小章魚，醬汁辣香滋味，小章魚鮮嫩多汁，辣味十足，令人垂涎欲滴！🌶🐙

朋友介紹一間韓國餐廳非常出色，今次輪到我同佢一齊去探店！呢一間係上樓嘅餐廳，一出𨋢就已經見到打卡位，而且好多人排隊，人氣果然高企！餐廳用qr code下單，快捷方便！同一般韓國餐廳一樣，必定先會奉上前菜！大發！芝士鐵板泡菜炒五花肉~用上幾種唔同款式嘅芝士，喺爐溫漸漸加強後，喺我面前慢慢融化，絕對係一種另類體驗！當芝士完全融化就可以連同泡菜及五花腩混合，炒出獨有嘅香味！蕃茄韓式辣海鮮湯配中華麵~海鮮份量比想像中多，而且青口非常飽滿，大愛！中華麵充滿蛋香，湯底夠曬惹味！Butter X Garlic 無骨炸雞~炸雞有唔同口味，選擇咗有奶油香亦有蒜蓉嘅刺激感，可以有齊兩種滋味，炸雞仍然保留肉汁，炸粉亦都唔厚👍🏻