唯一麵家

营业中

休息中

營養午餐餡餅配豆漿餡餅是韮菜豬肉餡，送上枱時熱辣辣的，很香的香氣是很吸引人。 預先已把餡餅切開四位，肉汁從縫邊流出來，餅皮煎得酥香，不太厚，在吃的時候不會乾爭爭，肉的甜與韮菜的香是很到位，邊吃邊喝凍豆漿，又冷又熱很過癮！

下午茶時間，有湯麵、精選、點心、即炒粉麵套餐可以選擇。北京餡餅 - 一個切開四份，熱辣辣。皮很薄，豬肉咬落有肉汁，而且份量多到覆蓋整個餅。菠蘿肉碎炒飯 - 食落很乾爽且不油，炒得粒粒分明。縱使只有簡單的材料，只要炒得有鑊氣有飯香，都會令人食得津津有味！

禮拜日，到葵芳探朋友，下午茶時間口痕痕，於是跟朋友到呢間餐廳攝牙嚹！Menu好簡單，文字多過圖嘅時候，點餐就會份外小心，你懂的！不過朋友話呢間嘢佢食開，咁就一於由佢拍板！諗唔到個粗炒原來並不粗俗，幾惹味，鍋氣很夠，敝人幾喜歡。呢個都係朋友極力推薦嘅煎餃子，略嫌油膩，師父很捨得落油哦！不過味道算唔錯，餡料嘅配搭也很足！我地仲點咗兩杯豆漿，兩個餸，兩個人share食咗個幾鐘，都係埋單101，以咁嘅食物質素，呢個價錢，都算係咁啦。

作為一個住新界區嘅女仕 ，行葵廣是常識吧！平時多數行到餓就四圍掃街，有時血拼後難免想坐！但出血過後又想食平dd。。。唯一係一個好選擇！一個餐50個大洋，䓤油餅必食，外層香脆內裏菜肉juicy好味！酸辣麵彈牙又刺激味蕾又唔會水汪汪！配料分量十足！性比價十分高！

話說之前係另一間食早餐唔飽，之後上左商場間三聯打書釘打左粒幾鐘，肚餓行返落黎搵野食。見到呢間D相幾吸引，行入去食件北京餡餅加一個紅油抄手就應該夠飽喇！。先來個餡餅，料好足，不過唔係即叫即煎，事關佢裡邊冇肉汁，但係入面層粉皮已經濕水發脹晒。唉~最怕食發水麵包......今日冇乜食神。跟手試個抄手，A~幾好咁喎！皮滑，餡鬆，汁好味！美中不足係D餡鬆就好鬆，但係加太多野以至食唔到豬肉味！應該係話個餡冇乜味至真，所以係咁點汁。唔要求太高嘅話都OK架！

記得細細個好鍾意同媽咪去荃灣地鐵站附近ge唯一食野.由於我地兩個都好鍾意佢地ge餡餅同酸辣湯.今晚經過葵涌廣場想買d食物返屋企做消夜，突然見到，e...原來唯一開到尼葵芳. 記得細細個好鍾意同媽咪去荃灣地鐵站附近ge唯一食野.由於我地兩個都好鍾意佢地ge餡餅同酸辣湯.今晚經過葵涌廣場想買d食物返屋企做消夜，突然見到，e...原來唯一開到尼葵芳,正! 之後叫左個淨水餃,叫完望下個menu,原來有雲吞Tim,問收錢阿姐可唔可以mix,姐姐好好人,話ok! 等左好快就有，仲要兩個盒，阿姐話湯同水餃分開上，非常之貼心！反到屋企，一打開，仲係香噴噴，wow!! 仲好大隻！攞左一隻，完整無缺，因為好多時水餃凍左會痴到一攞就爛哂，好核突。唯一完全冇lee個情況.一咬,好多料好實,肉質鮮美,再攞隻雲呑,好leung地講一句,真係"皮薄餡靚"！$40 10大隻,最後太飽比左3隻daddy溫馨提示:本人覺得叫淨水餃好過水餃麵.抵d.水餃麵有4隻水餃同好多麵.6隻水餃點都會抵過一個麵. 情侶可以叫外賣凈水餃,反屋企自己煮個麵溫馨下

喺葵廣血拼完 返屋企前需要充充飢 行過唯一 比佢嘅蔥油餅吸引 等咗唔算耐 $10都幾大塊！我等到返屋企先食，隔咗15分鐘左右 不過依然熱辣辣！一打開陣陣香味 啖啖蔥油味真係好正 不過嫌佢蔥可以再多啲！不過10$有兩塊又熱辣辣已經好抵！食到一半先記得影低 因為實在太忍唔住了！

好耐冇食上海野，難得行過見冇乜人，就入去坐底，一黎叫個紅油炒手加個豬扒麵先！冇乜人但食物等好耐才上枱豬扒厚粉得濟。。咬落好多油，好肥利既口感上海麵稍為癡牙。唔知係煮既問題定拉既問題。紅油炒手得個紅字，辣味欠奉，只覺食緊烚雲吞一樣，咬落仲有骨碎。。應該唔會再黎，價錢已經唔算平，食物質素唔掂！

心中想吃些簡單的食物，剛好到了葵芳，於是終於拜訪這家唯一麵家。看看是否真的那麼正（因回想起舊聞，有不少人對沙田店執笠十分不捨）。//到達時雖然已是九點多，但仍有很多人在吃飯。由於想吃一些辣的食物，所以點了唯一擔擔麵。//等了幾分鐘，麵來了。配料比想像中少，看上去沒有辣的感覺，幸好麵條煮得不錯，有點軟身，但又有點咬口，而配料主要是蝦米，所以感覺幾特別幾香，但真的好單調。//當我吃我那碗單調的麵的時候，見到其他人的麵或菜飯的餸菜都是很熱很香，好像很好味，只怪我選擇錯誤，下次唯有選好一些吧。//整體來說，四十多元的晚餐，有一杯野食，或算尚可，惟有寄望下次不要選擇錯。

今次去食左回鍋肉套餐回鍋肉道菜本身就係比較油膩既，所以叫得呢個預左系多油，因為除落既油，d肥肉都會出油，回鍋肉有dd辣，但係相比麻婆豆腐就淡好多。主要都係鹹味lead住去。但係d油都好既，因為撈勻系飯度，會好香滑。至於麻婆豆腐套餐，其實本身呢個菜式係要好麻辣既，咁可能要fit翻香港人口味又係淡左好多。以前系上海食過正宗麻婆豆腐，人地因為落左好多辣椒、胡椒，所以食完個嘴會麻曬咁樣，其實係好過癮的。但係呢度就無啦，所以對佢上海呢個招牌有d失望。但不過都ok既，豆腐都幾新鮮，一舊舊無煮到碎曬爛曬，所以賣相都唔錯。

食物遲遲未上枱，而且質素差。小籠包催完又等了很久才上枱，但小籠包的味道是完全不值得等待，不但皮厚，更沒有湯汁！而且收令銀程序混亂，令顧客對其印象更差。如果相關方面沒有改善，絕對無下次！

平時食開荃灣分店既唯一麵家，經過開葵芳決定試一試，點左碗紅油炒手想過過口癮，唔夠５分鐘就上台，為左影靚Ｄ借少朋友幾粒蔥花，大粒蝦肉雲吞，夠辣夠爽，唔錯唔錯，但坐位較逼，荃灣裝修完重逼過以前，呢度亦差不多，阿姐動作好快，但態度可以好少少～

雖然在下身處於沙田，可是卻沒有太多時間讓在下在這區用餐，唯有先趕回公司，待下班後才來一個遲來的午餐吧。下班時間已來到接近下午六時，加上十分肚餓，已再無暇地揀飲擇食，就到了唯一麵家吃個菜飯便算了。以往在下於葵芳店，只是稍作下午茶而言，可是今天餓透了，不吃簡單的下午茶，來一個正餐好了。蘿蔔牛腩菜飯。這是在下的遲來的午飯，在飢寒交迫裡，甚麼也會覺得好吃的，然而當在下吃著這個蘿蔔，固然是有牛腩汁的沾滿和味道，可是卻又不是那麼的甜，那麼的軟腍，反而帶來了較硬和有渣的感覺，令在下有點失望吧。牛腩嘛，不是全部的好或不好，有的軟腍也有的靭，在下不知道如何可以煮到這樣的，真奇怪。豆漿是用粉開來，故豆香不香，也沒甚豆味，只是一個沖劑，唉，喝到底還是粉了的吧，沒甚好喝。若非有點飢不擇食的感覺，也許不會如此狼狽，也可以選擇好一點來吃吧！

下班回家前先到商場逛逛再買點吃的回家，而發現唯一麵家的下午茶竟然至7點，就看看餐牌有甚麼茶餐下午茶有多款選擇，有點心小吃、湯麵、三文治及粉麵飯等，價錢約$20-$40蚊不等，粉麵類好像太飽，所以就選了煎餃（$18）及煎蛋餅（$21），收錢時$39蚊，價錢正確就沒有理會，但當食品打包後發覺欠了兩杯豆漿，一問之下說收了我正價. . .！但餃子多兩隻。有是點覺得不太老實了. . .蔥油煎蛋餅配豆漿 （$21）其實是蔥油餅上加了一層蛋漿再煎香，薄薄的一片蔥油餅外皮頗脆，帶點咸香及蔥油香，加上了蛋漿後令香味更為增升，而蔥油餅則帶有嚼感，沒有太鬆化的感覺，麵粉較多，吃多了會比較膩煎餃 （$20）一客5隻，由於已經包好了，所以沒有要求改回下午茶餐，一隻不算太大，菜肉餡亦不多，扁咸，而且皮厚及油份較多，外皮只有輕輕的煎過沒有焦脆的感覺. . .不太合我口味吧豆漿入口感覺頗甜，需豆味尚算香濃，但豆漿帶點微粒，不太滑溜，沒甚麼特別

平時到葵芳逛街 最喜歡掃街 因為小食又多價錢又相宜今晚想邊坐邊吃 不如就到老字號上海店啦自從尖沙咀店結業後一直都沒有吃過唯一麵家這裡的裝潢比起以往的新潮很多 也更光鮮讓人坐得舒服除了坐得較舒服 換過的餐牌好像也提供了更多選擇不過我跟男友都是懷舊物種 所以點的都是過往一向點的食品　我們點了一客香茅豬扒上海麵作主食分吃想不到這裡雖然是普通小店 仍會自動把豬扒另上這樣吃的時侯 豬扒就保持到鬆軟 而又沾到醬汁的味道了豬扒雖然薄切 但是店家的豉油汁 加上邊位脆而肉質軟的口感 著實好吃上海麵湯底較淡 麵質較腍腍雖然有雪菜增加口感但配上豬扒就完全被搶風頭了來到上海店 當然要點蔥油煎蛋餅吃啦一向都不吃蔥油餅的我 就只吃唯一麵家的出品還要加蛋喔雖然價錢比單點蔥油餅貴但煎到金黃的蛋餅又真的令人難以抗拒呢最難得的是這裡的蔥油餅超乾身 而且不過厚吃起來完全不油不膩如果蔥可以再香一點就更完美了雖然店面的裝潢與新穎好多但仍舊吃到過去的風味 確實值得一讚呢