唐述

营业中

休息中

我同我媽媽星期六去咗國際金融中心商場一間中菜廳食中式brunch，真係一個好特別的用餐體驗！一入到餐廳，我哋經過兩條長長的走廊，走廊兩旁有花瓶，樓底特別高，有一種宮廷的氛圍，令我哋感覺好似返到古代，真係好有氣派！首先上嚟嘅係湯品，瑤柱夏瓜花膠湯。湯色清澈，味道鮮美，瑤柱同花膠嘅搭配令湯底更加豐富，喝落去好滋潤，夏瓜的清甜感又增加咗湯的層次！接著就係前菜，上咗五款，包括蔥蓉帶子、生醃蝦、酸蕎頭、去皮蕃茄仔同蟶子。蔥蓉帶子新鮮，肉質滑嫩，生醃蝦用酒醃製，有一片小果凍放喺蝦上面，食得出有酒嘅味，好特別，！酸蕎頭好爽口，正好刺激食慾；蕃茄仔清甜可口，蟶子切碎上，新鮮可口，真係開咗個靚頭！主菜方面，我哋分別揀咗蔥爆龍蝦同蔥爆蠔配雞。呢兩道菜上嘅時候，擺盤精緻，侍應都會特別奉上比我哋影相打卡，然後再轉煲上枱。龍蝦肉質鮮嫩，蔥爆嘅香味令人食到停唔到，真係好完美。至於蔥爆蠔同雞，蠔肉鮮美，配上鮮嫩雞肉，香味十足！接下來就係飲食點心方面，我哋叫咗幾款炸物，包括蝦多士、炸春卷、椒鹽豆腐同埋炸鮮奶。全部都係即叫即炸，蝦多士外脆內嫩！炸春卷皮薄餡多，入面有一大舊蝦，椒鹽豆腐炸得外脆內軟，內裡滑溜，真係一試成主

呢個 $588/位嘅Brunch真係超值，「五代同堂」呢個頭盤係由五款精緻菜式組成，每一樣都係口感同味道嘅享受。蔥油帶子係其中一個亮點，帶子鮮甜彈牙，蔥油嘅香氣完美地襯托出海鮮嘅鮮味；而20年古越龍山生醃牡丹蝦亦係一絕，帶有微微嘅酒香，蝦肉滑嫩甘甜，係一次難忘嘅味覺體驗。主菜方面，三蔥爆龍蝦真係唔可以錯過。龍蝦肉鮮嫩彈牙，三蔥嘅香味滲透入每一絲龍蝦肉入面，令到每一口都充滿咗濃郁嘅鮮味同香氣，龍蝦肉質結實但唔失嫩滑，爆炒嘅手法令龍蝦更添香氣，食落口感一流。然後仲有無限量點心環節，呢個真係點心愛好者嘅天堂。瑪瑙蝦餃皮薄餡靚，蝦肉鮮甜爽口；蟹籽燒賣加入咗蟹籽，增加咗海鮮味道層次，口感豐富；海苔小籠包獨特嘅海苔味同湯汁一齊喺口中爆發，滋味無窮；翠玉菓子係一款清新嘅選擇，翠玉瓜嘅脆嫩同內餡嘅甘甜形成鮮明對比，口感清爽；功夫手工酥用上混合菇類製作，酥皮香脆而內餡芳香濃郁；脆皮蝦春卷外脆內嫩，蝦肉豐富；椒鹽脆豆腐外脆內滑，啱晒鍾意脆口嘅朋友。甜品方面，無限量供應嘅甜品都係精心製作。貴妃玉露帶有微甜同香芋嘅香氣，陳皮紅豆沙溫暖又滋潤，熱情果凍糕酸甜開胃，懷舊白糖糕鬆軟而有嚼勁，即焗蛋撻皮脆餡滑。

我們點了世味人生套餐，開始了這場美食之旅。首先上的是慢煮雲南辣泡椒皇帝帶子，鮮嫩的海味與微辣的口感相得益彰。接著是西班牙黑毛豬叉燒酥，外脆內嫩的口感令人驚喜，搭配苔菜豆腐，清新可口。然後，我們品嚐了象拔蚌夜香花乾具墩夏瓜湯，湯頭清甜，帶有海鮮的鮮味，令人陶醉。私房吉品溏心乾鮑魚扣鹅掌更是讓人垂涎欲滴，鮑魚的滑嫩與鵝掌的彈牙完美結合。用餐過程中，珍寶珠的冰鎮酸味口感讓我們的味蕾清新開胃。隨後上桌的古越龍山20年花雕蛋蒸海蝦，鮮香撲鼻，鹹酸菜奶油濃魚湯生煎麒麟魚則讓人感受到濃厚的層次感。最後，甜品是20年陳皮鐵觀音雪糕，店員現場磨的陳皮與茶香果凍的搭配，完美詮釋了香濃的茶味，令我們的晚餐畫上了圓滿的句號。

人生第一次望住維港飲茶，仲有點心任食😋😋Menu前菜全部味道都好有層次，帶子有輕輕嘅蔥香味，然後上面竟然有魚籽，蝦配黑松露，蝦仁清甜有花膠湯飲好清甜，夠晒鮮味，仲有大大隻花膠連個蘿蔔都好好食，仲要係花花形狀主菜竟然有龍蝦，隻龍蝦炒到入晒未，肉質好爽口之後就係任食點心特別推薦：蝦餃、功夫手工酥、椒鹽脆豆腐、燒賣首先第一次食蝦餃有湯汁，蝦餃皮好薄好爽口，咬開裏面嘅湯汁，同蝦鮮味係個口徘徊，非常好味功夫手工酥，外面係酥脆，裏面係蘑菇&豬肉餡，外脆裏面係濕嘅餡，估唔到係咁夾同咁香，仲有黑松露嘅香味椒鹽脆豆腐，呢個唔簡單，做到外面夠脆，而豆腐係超級嫩個燒賣食得出係手工整，裏面隻蝦仁好爽口彈牙，好味道

不知道大家有沒有覺得，坊間中餐私房菜很多，但所做出來的presentation往往都比較單調，對點火乾冰已經感到審美疲勞。又或真有presentation的，又往往花裡胡哨得太過高調張揚，和菜品說不上是沒有關系，只能說是亳不相關。色且如是，更不用說各種無意義的調味創新。驚喜的是今天在唐述嘗到了一份意料之外，恰到好處的計算。一間不在米芝蓮上的餐廳，但論味道，呈現和性價比絕對遠超一般米芝蓮中餐廳。圖一這餐具必然是訂造的，冷盤乾冰合理，黃袍金衣是鹹蛋炸蝦加上香茅很清新，湯羹配薄脆口感加分。鮑汁偏甜，跟阿一的比較像但沒那麼鹹，比富豪酒家的稍好沒那麼酸。鵝掌同明閣一樣去了根部保留了掌骨。中段冰鎮梅果珍寶珠清新一下，咕嚕肉配荔枝不過不失。酸菜魚有驚喜，不是那種灒油激發椒香油油的酸菜湯，湯底清爽可飲但椒香不減，這就很少有了。甜品月光寶盒是熱情果雪榚裹上白巧克力，味道清爽，玉簪造型滿分。另一味茶香鐵觀音雪榚微甜，以不加糖微澀的桂花榚中和，偶一口有陳皮碎，每口都不同層次。沒有絕對的大菜，沒有絕對的記憶點，沒有過猶不及的無意義創新，但每個味道的配搭與每次呈現都極其恰到好處，必然是總廚與團隊精心計算後的成果

朋友介紹ifc嘅唐述，有海景又有靚點心，周末仲做緊brunch set，有埋龍蝦做主菜，於是即刻book位去試試呢個brunch每人有五款前菜，味道偏清淡開胃，有一個燉湯，一個主菜，而點心同甜品就係任食嘅，款式都唔少。燉湯好鮮味，有蝦有花膠，味道唔錯。葱燒龍蝦係原煲上再由侍應分碟嘅，擺盤精緻味道亦十分香濃。點心方面炸物類更出色，例如手工酥同蝦多士，炸得一啲都唔油，又夠香脆👍🏻👍🏻炒腸粉好有鑊氣，調味亦都係好香。最欣賞個陳皮魚蓉粥，魚蓉同個粥底完美融合，食落有淡淡陳皮味，好refreshing。蛋撻仔呢個酒樓必備嘅甜品甜度控制得唔錯，撻皮夠脆有奶香。個貴妃玉露亦有驚喜，顏色靚食落又好清新，係變奏版嘅楊枝甘露。推介俾想喺假日舒服飲個茶嘅朋友～

放題感覺是以量取勝，但放喺唐述就變咗一場精緻嘅午餐，今日同老公嚟幫襯佢嘅weekend brunch，有頭盤、湯品、主菜，加上無限量嘅點心同甜品，實在係大滿足！唐述位於ifc, 門面唔算高調，但行入去有條古風十足嘅走廊，好啱打卡。大廳座位舒適，亦有摩天輪海景👍🏻前菜以花形器皿盛載，有蔬食有海鮮，由開胃嘅車厘茄開始逐樣品嘗，當中帆立貝生熟度啱啱好，欣賞～湯品係逐位上嘅，係冬瓜盅嘅湯頭配上花膠，夏天飲非常舒服。點心方面最欣賞手工酥，一層層嘅酥皮夾埋菇菌內餡脆而不膩，蝦餃燒賣等傳統點心亦係水準之上。主菜我地都揀咗葱燒龍蝦，蝦肉爽口醬汁惹味，推介！甜品我地試咗幾款，白糖糕微甜冇酸味，蛋撻仔外脆內軟都係出色之作～喺呢度brunch真係超滿足😍

老公升職帶我黎ifc呢間中菜廳食飯！勁開心！一入黎穿過長長既走廊感覺勁有文化藝術氣息～高級感滿滿！食物方面真係無可挑剔！首先前菜有四道，包括泡椒帶子、苔菜豆腐、黑毛豬叉燒酥同埋鹹蛋黃炸蝦。每一道睇得出都係精心挑選嘅，外表望落令人目不暇給，食落味道更加一流！尤其係鹹蛋黃炸蝦，外酥內嫩，一口咬落去，鹹蛋黃嘅香氣喺口中噴出嚟，係我食過最好食鹹蛋黃菜式。跟住落黎既係一份燉湯，內含原隻大圓貝同大片象拔蚌。湯嘅湯底濃郁而清甜，貝類嘅鮮味喺口中綻放，令人回味無窮。主菜方面，糖心鮑魚扣鵝掌同花雕蛋蒸海蝦都係經典嘅粵菜，兩者都把握得恰到好處。糖心鮑魚嘅鮑魚軟嫩多汁，花雕蛋蒸海蝦則係鮮甜可口。鹹酸菜魚湯煎麒麟魚同砂商菌香雞係我覺得比較有驚喜嘅部分。魚湯嘅酸菜味道同麒麟魚嘅鮮嫩口感相得益彰，砂商菌香雞則係外脆內嫩，令人驚艷。最後，甜品係20年陳皮鐵觀音雪糕。20年陳皮唔駛講香氣確係會撲鼻而來，配上鐵觀音雪糕，令人感到幸福而滿足。另外值得一提既係主菜中間有好似西餐既 sorbet 俾你清清口腔既味道，作為1間中菜廳有咁既安排真係好驚喜！仲要以珍寶珠珍形式present,真係好特別！服務方面侍應們都專業而有禮貌

星期六約咗個朋友食brunch一早book定唐述 想試好耐今日終於食到$588一位 有前菜、湯、主菜同任食點心一去到就已經俾入口嘅design驚艷感受到氣派、高級裡面deco、座位、餐檯、餐具更加係精緻用心每一個微小嘅位置都感受到細心同貼心Staff先耐心介紹menu茶可以揀玄米桂花茶、人蔘烏龍茶、普洱、香片、鐵觀音每人可以選擇適合自己口味嘅茶飲 茶壺用微火溫熱住 要咗人蔘烏龍 入口好順滑 清甜解渴 沖到第三壺都好夠味先食前菜：五代同堂擺盤都非常精緻講究 要順時針食 先食昆布甜酸意大利蕃茄仔 酸甜開胃慢煮泡椒蟶子王 唔會好辣 酸酸地好香口鴛鴦簥頭 紅色簥頭浸咗洛神花 蔥油帶子 上面有大大粒三文魚籽 一齊食好鮮甜 下面嘅蔥油好驚喜 帶出帶子嘅香 一啲都唔會油膩20年古越龍山生醃牡丹蝦 晶瑩剔透 上面仲有魚子 正！乾貝夏瓜花膠湯 好鮮甜好多料蝦肉爽脆 乾貝份量都幾多 主菜可以揀三蔥爆龍蝦或者茅台鮮蠔煀雞煲同朋友一人試一款2款都用瓦煲上枱 仲係熱辣辣龍蝦好多肉 肉質爽脆 咬落去好juicyStaff先喺雞煲蓋上面淋少少茅台 令茅台嘅香味慢慢滲入去 而唔係直接倒落雞煲到蓋過咗雞嘅鮮味 雞肉鮮嫩

Bookmark左呢間餐廳好耐，趁推出左weekend brunch就嚟試下🥢🥢Brunch唔止有前菜有主菜，仲有點心同甜品free flow😍呢個價錢都幾抵食一嚟就問我哋想咩茶我就選咗玄米桂花玄米好清香，用黎消滯一流前菜係五代同堂，賣相精緻蔥油帶子，生醃牡丹蝦，意大利蕃茄仔，泡椒蟶子同鴛鴦簥頭，每款各有特色～個人最愛帶子，煎得金香，好新鮮乾貝夏瓜花膠湯呢個天氣飲岩岩好，清甜得嚟好消暑茅台鮮蠔焗雞煲起菜前會淋一淋茅台係鍋邊再焗一焗散發酒香有鑊氣，蠔一d都唔腥功夫手工酥酥皮鬆化，層次分明，餡料係什菌製成，完全唔會覺得油膩，不斷encore海苔小籠包，帶有紫菜既清香，肉汁豐富，皮薄，亦係推介之一👍蝦多士🍤炸到金黃色，非常脆口，蝦仲保留到彈牙既口感～椒鹽炸豆腐豆腐雖然經炸完，但仍然保持到嫩滑感陳皮魚蓉粥陳皮嘅清香為整碗粥生色不少，清清地配點心食一流陳皮紅豆沙，真係做到沙既口感，紅豆完全融化，唔會太甜👍脆皮炸鮮奶，外表鬆脆，內裏鮮奶味濃郁🥛

餐廳位於IFC 3樓落地玻璃窗望到整片海景•粵韻飄香週末早午餐🫖•前菜🧾五代同堂🍱蔥油帶子 ｜20年古越龍山生醃牡丹蝦昆布甜酸意大利番茄仔｜慢煮泡椒鰹子皇｜鴛鴦蕎頭由鮮甜的帶子順次序吃到酸甜可口的蕎頭 •干貝夏瓜花膠湯🥣一大片花膠 骨膠原滿滿 滋陰養顏✓•主菜🧾三蔥爆龍蝦🦞龍蝦肉彈牙結實 醬汁非常惹味•還有無限量點心和甜品 簡直不要太划算！🍳XO炒腸粉：外脆內軟 熱辣惹味 很有鑊氣🍞香脆蝦多士：多士酥脆 一大只蝦 口感豐富🍥椒鹽脆豆腐：香脆可口 豆腐嫩到不行🫔功夫手工酥：酥皮層次分明 內餡是蘑菇 超有驚喜🍤瑪瑙蝦餃：超薄蝦餃皮 包著爆汁大蝦🥩迷你乾炒牛河 : 牛肉嫩滑有肉香 河粉惹味不油膩🥚即焗蛋撻：入口即化的撻皮 嫩滑蛋餡🍼脆皮炸鮮奶：金黃酥脆 奶香濃郁🍧貴妃玉露：用番石榴打成的甜品 好特別•簡直就是中菜裏的天花板跟普通香港茶樓完全不同 每一道菜都讓人驚艷✨✅

宜間位於ifc 新派中式餐廳裝修非常華麗 中西合璧嘅風格 加上落地玻璃 對住摩天輪嘅海景 整個環境非常有格調。 🍽️-套餐 世味人生 $1388- 🍽️🫖🥂茶、酒 有幾款茶揀 （人蔘烏龍 玄米桂花茶 等）茶味特別。 我地仲叫左白酒 同 香檳品嘗 酒味清香 好適合夏天飲 🐚慢煮雲南辣泡椒皇帝帶子帶子被濃濃嘅白煙包圍 賣相吸引 勁靚。 作為前菜冷盤嘅帶子好出色 帶子大大粒 口感彈牙 幾鮮甜 少少辣 幾開胃 🍤西班牙黑毛豬叉燒鬚 ，苔菜豆腐 ，黃袍金衣三款小食都好精緻 叉燒鬚炸得好酥化 餡料相當飽滿 。 豆腐利用海苔磨碎 做成脆皮 海苔味突出 豆腐軟滑 。 黃袍金衣係黃金蝦 蝦肉質彈牙 咸蛋黃味道超香濃 👍🏻 🍵象拔蚌夜香花亁貝燉夏瓜湯夏瓜湯 好足料 有大帶子 大蝦 瑤柱 湯底清香 都幾大碗 ⭐️私房吉品溏心乾鮑魚扣鵝掌乾鮑魚幾厚身 軟淋又帶點彈牙 好鮮味 鵝掌超入味 炆得勁淋 多肉 同濃厚嘅鮑魚汁係絕配🍡珍寶珠珍寶珠好特別 起初以為係一粒糖 但原來係凍冰冰嘅士多啤梨雪芭 。 士多啤梨味勁濃 酸酸地 清下味蕾 解膩又好味 👍🏻👍🏻 🦐古越龍山20年花鵰蛋蒸海蝦店員會係席上先噴

呢間位於IFC 的精緻華麗中菜食府，無論係環境、服務、食物質素都很高水準。我和朋友叫咗「世味人生」套餐，帶比我哋驚喜不絕的10道菜餚。🥢慢煮雲南辣泡椒皇帝帶子打頭陣嘅菜式仙氣逼人，帶子肉厚大粒，微辣惹味，為之後的菜式打開胃口。🥢西班牙黑毛豬叉燒酥，苔菜豆腐，黄袍金衣三款迷你金牌點心～叉燒酥外層係千層酥皮，餡料係甜甜的蜜汁和叉燒。苔菜豆腐，口感似紫菜包住豆腐咁，又脆又嫩。黄袍金衣，其實係虎蝦配鹹蛋黃，邪惡又香濃。🥢象拔蚌夜香花乾貝燉夏瓜湯冬瓜湯，滲出冬瓜和海味香，清甜可口。冬瓜切成一片片花朵，好有心思。🥢私房吉品溏心乾鮑魚扣鵝掌鮑魚和鵝掌煮得好入味，前者口感彈牙又保持嫩滑，後者煮得夠＂琳＂，但又不會煮到爛晒。🥢珍寶珠兒時回憶翻晒嚟～以為係糖果，原來係士多啤梨雪葩，refresh一下味蕾。🥢古越龍山20年花雕蛋蒸海蝦侍應攞咗支古龍水咁噴咗幾下，原來係花雕酒，好有趣😛無論係蛋、海蝦，都做到滑溜溜，好考功夫。🥢鹹酸菜奶油濃魚湯生煎麒麟焦魚皮經煎香後，脆卜卜，好似食緊爆炸糖咁～奶白魚湯酸辣開胃又刺激，帶有四川的風味。🥢砂窩菌香雞侍應即時係眼前爆炒雞件，入口確保係熱辣辣。加入野菌、芫荽、蒜頭等，令

今日去左呢間唐述食佢既中式fine dining, 可以話水準，服務同埋環境都超越好多5星級酒店中菜廳！佢今期做緊呢個世味人生既menu，有心思之餘亦絕對唔馬虎。頭盤首先有呢個泡椒皇帝帶子，帶子肉極厚而且夠嫩，最勁係泡椒有辣既香味又唔會辣到食唔到，加上上碟時既乾冰裝飾，整體好吸引同令人更期待黎緊既菜式。叉燒酥，苔菜豆腐，黃袍金衣之後呢個亦都非常好食，豆腐有紫菜既香味又夠哂滑，黃袍金衣即係黃金蝦，食落好彈牙爽口，咸蛋黃係新鮮即制唔好普通一個醬，第一啖食落就試到完全同平時既唔同。燉湯＆鵝掌個湯好清甜而且乾貝整到好似刺身帶子級數，真心好出色同鮮味！鵝掌亦都炆到好淋，連埋入哂味既溏心鮑，滿滿的骨膠圓！中間間場會有粒自制珍寶珠，係士多啤梨口味，清一清喉嚨又唔會好甜！之後就開始入戲肉，花雕蛋蒸海蝦，麒麟魚，砂鍋雞，石頭魚浸鴛鴦米，每一味都好有特色而且用料上乘，蝦，魚同埋雞都好有鮮味，肉質嫩滑，真心好有特色！最後仲有鐵觀音雪糕作結，茶味好香醇唔會好甜，食完真係岩岩好夠哂清新，一路回味同先食過既菜式，呢間真係一定要再黎食！

喺中環嘅一間精緻新派中菜廳，裝潢高雅有格調，樓底好高，仲有落地大玻璃，坐喺窗邊仲可以望緊維港同摩天輪。餐廳推出咗點心任食，價錢亦都合理，好吃又值得。個周末早午餐價錢係$588，包括前菜、湯、主菜、無限量點心同無限量甜品。前菜有五道精緻嘅小菜，帶子同牡丹蝦爽嫩入味，味道鮮美。湯係乾貝夏瓜花膠湯，滋補清甜，入口順滑，仲有大塊花膠同乾貝。主菜可以揀三蔥爆龍蝦或者茅台鮮蠔焗雞煲，兩款都好好食。無限量點心有十二款選擇，有蒸點同炸物，例如蝦餃、小籠包、炸蝦多士同脆春卷等等，質素好出色。甜品亦都係無限量供應，有好多款糕點同埋脆鮮奶，尤其值得推薦嘅係脆鮮奶，女朋友食完一件又一件，佢真係狂讚！下次可以黎試埋佢個夜晚！d員工態度仲要幾好！