唐記包點

营业中

休息中

始終生活離唔開唐記，早餐食完包包，中午都要食唐記開飯，原因無他，就係太過抵食啦！$20.一個鹹蛋肉餅飯，係$20呀！真係超級良心企業囉！麥記垃圾食物而家都要$25.一個餐啦！抵到爆！買返屋企慢慢食！質素絕對有保證有菜有肉均衡飲食！哇！仲有懷舊砵仔糕！真係10年都冇食過啦！忍唔住買咗舊，好多紅豆，又唔會太甜呢！食分享小事一則：小朋友都爭住食唐記包點！妹妹想食包包但唔夠高，哥哥溫馨地抱起她讓她拿包包，我見到有愛啊！

近來香港社會不安定，年輕人都在為香港爭取普世價值，雖然本人沒有參加，但都十分支持，今日收工後不想周街走，想馬上回去，所以就在觀塘中心附近的唐記包點買埋晚餐回家。地點十分便利，在大街一旁，門面也十分整潔乾淨，感覺不錯。店舖有蒸包、蒸飯、點心和飲品出售，價錢不貴。買咗2盒蒸飯，分別係章魚肉餅飯和豉椒排骨飯，$22/盒，十分抵食。雖然路途遙遠，但返到家中，飯還是暖暖的。章魚肉餅飯肉餅不會過實，還有點軟滑，章魚粒混咗豬肉里，飯粒粒分明，配上甜豉油，還有椰菜，食起上來十分滋味。豉椒排骨飯排骨軟淋，而且帶點豆豉香和辣味，食起上來都算美味。豉椒鳳爪鳳爪非常入味，滑溜溜既雞皮，上面還有一層膠質，辣得過癮。最後還買咗紅豆砵仔糕和奶皇包做飯後甜品。砵仔糕不是太甜，而且紅粒粒粒香甜。奶皇包口感鬆軟，奶皇流心，十分不錯👍。今次買唔到流心阿華田包，下次經過見到一定要買黎試一試😋。

落左堂之後係附近街市賣外賣返去食！唔想食燒味飯，諗住食個糯米雞或者北菇雞飯，但我去到既時候都岩岩賣曬，如果要食就要等廿分鐘！！我又唔想等咁耐，睇梗仲有d咩好食個時就俾我見到有個新出既咖喱牛筋腩飯，幾吸引咁啵，一於買黎試下先~~諗住買多三隻鍋貼即刻食，點知到我落order個時俾前一個人要埋最後3隻.......姐係如果要買既話又係要等._.心急想食野既我就轉移目標落去啲包包到xppp雖然凍包會有特別優惠，但因為想邊行邊食，所以都係買個熱辣辣既蒸包醫左肚先~~原本想試下個黑麻蓉包，但個日都係無晒，個日有好幾款包都未有，連蕃薯包同奶黃包都要晏d先返貨~~除左包之外，砵仔糕賣清！！！我終於就要左個叉燒包=］呢個叉燒包原來係last one，我買完之後就見到店員姐姐貼左沽清既貼貼喺叉燒包既位置~~返到屋企就食埋個咖喱牛腩飯先！除左有惹味香軟既牛筋腩之外，仲有粉糯入味既薯仔添~~~而個飯都好靚仔，粒粒分明，係令人滿意既咖喱飯：）

最近喺觀塘返工，平時為咗慳錢一定帶飯。但因為呢幾日屋企人無煮飯，唯有出街食。一直以來都有食開唐記包點啲飯，夠抵夠平之餘，仲要好夠飽！今日lunch我嗌咗個鹹魚肉餅飯、馬拉糕同埋山竹牛肉球！我係咪好為食呢！哈哈！講下個飯先，啲飯嘅份量非常大兩個人食都一定夠，而肉餅嘅份量都好足夠，好厚身！鹹魚就唔會話好咸，味道啱啱好！講到山竹牛肉球，呢個一定係我每逢去茶樓必點嘅點心！牛肉球都有手掌¼咁大，肉質中等！下面仲配有枝竹托底！馬拉糕去到最後做下午茶先食得落，因為實在太飽！$10都唔使咁大舊，而且好鬆軟比茶樓還要好食，真係好值得推介！

今曰下午來官塘安㤗邨游玩，第一次上來，原來上面建成好多新型公屋，好靚、空氣有好，又方便，这里的居民有福啦！行行下來到了安泰商場，商場不算大，但吃喝玩樂樣樣都有，原來還有我最愛早餐包點唐記都有，唐記包點真犀利开分店佈滿香港的各區買几個返去作宵夜都好，當然少了我最愛的菜肉包，今次試下新口味要多左兩個紅豆包和一個香芋包，呢次可以做宵夜和明天的早餐，又平又靚又好味包點只有唐記做得到，還是香港制造呢！味道好、足料、有營食材依然堅持保留著！

今晚去左侄仔到幫佢溫考試，溫到差唔多就係佢屋企食埋飯先走！行去搭車個時見到有唐記又心思思想買返個紅豆砵仔糕做飯後甜品嗰陣仲係晚飯時間，都有唔少人排隊外賣蒸飯，聽到最多人要既就係當日有優惠價既 章魚肉餅飯如果唔係喺侄仔屋企食左飯，我諗我都會買盒返去食xppp見到d蒸包都有優惠，所以就買左幾個返屋企，俾兩老/自己做宵夜，再唔係就做第二日既早餐-嗰晚買埋店中最後兩個紅豆砵仔糕，其中一個喺等車既期間已經被為食既我KO左多豆之餘夠Q軟，味道又唔會過甜，yummy 另外呢個就拎左返去孝敬中意食多豆砵仔糕既娘親大人凍包24蚊4個，所以就買左四個，返到屋企放係雪櫃，想食個拎返出黎蒸八至十分鐘就食得呢次仲買左枝奶茶黎飲，有驚喜啵！茶底夠濃，奶夠香滑，個比例調得好好質素真心好過唔少劣質既茶記！！！

這幾天家裏沒有人煮飯吃，因此走去為與家附近的唐記包點買一點食物吃。發個唐記包點是有提供凍包，這一點非常貼心，能夠令我這些沒有飯吃的人可以準備多點包在家裏，以備不時之需。職員態度非常友善，能夠詳盡細心地介紹不同的產品，於是買了不同的凍包和一個蒸飯吃。各類的蒸飯都非常吸引，今次試一試肉餅飯，份量非常充足，肉餅的份量亦算大份，還有點菜，非常抵吃。因為這裏的食物都比較便宜，因此很多散紙找給你。餐廳提供的八達通服務，方便我這些經常不記得帶散紙的人。

我地全家都鐘意食唐記！貪佢夠抵食，同埋味道好岩我地一家人胃口！最緊要係香港製造！哈哈！好多街坊都係常客！每日都有一款不同蒸飯！今日當然要試下今日主角！章魚肉餅飯！忍唔住叫埋15蚊3件的煎物！有煎韭菜包，煎餃子，蔥油餅！好抵食！飲豆漿一定會飲黑豆漿！香港製造，新鮮好味，唔會太甜！都係$9咋！章魚肉餅飯，肉餅好厚身，好有章魚味，好食過酒樓勁多！仲有少量蔬菜，蒸飯係我最愛，抵食健康之選！最後仲叫左8個凍飽做呢幾日早餐！凍飽做緊優惠！$24 有4個，平均一個六蚊雞咋！勁抵呀！最後要讚下賣包的姐姐，有笑容，有禮貌，有耐性！會繼續做唐記常客！

呢個星期都要食自己，因為女皇大人同大帝去左旅行，所以呢日黎到呢個新建無耐既社區搞活動之後就係街市行左個圈，睇下有啲咩可以買返去做晚餐先行到見到有熟悉既唐記啵，啲蒸飯仲要有優惠....20蚊雞就有熱辣辣既蒸飯咁就一於買返去做晚餐啦啦啦啦~~~個日既特價蒸飯係鳯爪排骨飯排骨淋而入味，而且唔會淨係得肥肉，味道唔錯啵加上每盒蒸飯都會配有一份菜，感覺都健康啲我仲加左HKd$4.5要左罐可樂添，本身想買埋砵仔糕架，但當日已經賣曬，咁就唯有等下次先買啦見到包包都有做特價，由HKd$7.5減做HKd$7~~~包子控當然要順手買返幾個做第二朝既早餐啦 呢次買左一向心愛既香芋包同馬拉糕😍😍香芋包仍然無令我失望，朝早食到暖笠笠兼有軟糯帶甜既滿滿芋泥包，感覺好幸福！！加埋個大件又鬆軟既馬拉糕，滋味又滿足