唐宮小聚 (新港中心)

营业中

休息中

朋友生日一聚～生日美女想食特別小小既菜式 其中一位美女提意新港有間新開中菜佢就推介左唐宮小聚～ 我即刻上open rice 睇下 一見到佢個流沙包 我就心心眼啦 😍我地6:45pm 就去等位 好彩唔駛等好耐就已經安排入坐啦 ～跟手好快就點好野食 當然有叫流沙包啦 整體黎講 野食ok 個度環境坐ok 但嘈左d ~ waiter 服務態度可以更好 本人推介～流沙包 ～磨菇包～猛虎咬豬 佢有送每人半隻乳鴿～Ps. 佢要6位已上先可以訂枱& 切餅費要$100羅

一大班人gathering, 最岩就係食中餐,因為可以share, 每款都試下一坐低,見到碗碟上有螞蟻既! 嚇親, 原本只係裝飾, 好特別荷花蒸飯男仔要食飯先夠飽, 飯煮得好香好香, 食既時候荷葉香氣滲入飯中, 份量亦好多, 用料豐富, 飯的質感軟熟, 值得一讚!黑金流沙 好少見到有食物賣相會咁型, 而佢唔係得個樣, 食落都好真材實料! 一撕開, 就有流沙湧出來，趁熱食更佳! 呢個包實在太好味,所以我地ENCORE叫多籠!白玉王鴿哇! 見到一大盤乳鴿拎上黎, 好吸引! 餐廳好貼心, 每人有膠手套和濕紙巾, 方便我地拎住隻乳鴿食, 乳鴿燒得好香好脆!叫左個小聚拼盤, 可惜份量好少,唔太抵, 叫其他野食好D其實今次仲有好多款都想試,但叫唔哂, 上次會再黎食!

[🍁唐宮小聚🍁] .••好味指數: 😋😋😋😋😋• •(👏🏻👏🏻滿分）松鼠🐿今次要介紹既哩一間中菜餐廳真係老少咸宜👍🏻 而且每一樣野都好精緻好好食😋.今次松鼠同朋友叫左7樣野食，因為每一樣份量都唔多所以可以試多幾樣😂特別想講既係醉雞同醉蟹，本來唔記得點左醉雞所以先會點醉蟹😅但其實非常之有驚喜🎉因為係用兩種唔同嘅酒🍶醉蟹呢就偏甜而醉雞呢就偏鹹一d‼️1)金菇翠苗.2)點來聚聚.3)黑金流沙.4)酒呈醉雞(例牌).5)陳釀醉蟹.6)白玉黃鴿(每人送一隻).7)松露鮑飯. .松鼠🐿特別推介：白玉黃鴿(乳鴿)😋外皮非常之香口但又唔帶油膩感，雖然乳鴿好細隻但係肉都非常之多👍🏻如果下次你佢冇得再送嘅話我都會點黎食嘅🐣第二樣要介紹既係點來聚聚(墨魚汁餃，芋蓉流沙，檸檬蝦餃，蜂巢蛋糕，賽螃蟹餃)每一件點心都非常之有特色，其中最欣賞嘅係墨魚汁餃因為裏面有黑松露食落特別野味👍🏻🍁🍁🍁🍁🍁🍁🍁🍁🍁🍁🍁🍁🍁🍁🍁

好耐冇同大學的朋友見面, 所以約左係尖沙咀聚會, 地點方便大家. 大家都想食D特別的中餐, 上網搵下資料就見到呢間餐廳, 好近地鐵站所以就試下猛虎咬豬豬腩肉好肥好多汁, 如果怕肥的朋友可能要咬開D肥肉先食, 就算只食瘦肉果部分都好好味,因為底部的醬汁好惹味, 有小小spicy.然後大家都比呢個黑色流沙包吸引住,佢唔止睇得,仲真係好流心好滑的蛋黃! 係我食過最好味的流沙包!無咁簡蛋炸子雞份量不多, 本身見到旁邊有隻生蛋,我地個個都唔敢食, 點知waitor話我地知原本係份子料理黎,唔係生蛋,係甜品! 只可惜得不夠我地分,我冇食到, 朋友就話芒果味, 咬落去會爆醬! 我下次會試下新式既中餐好特別,而且健康,多人一齊食share更佳

唐宮小聚主打精緻點心款式新穎賣相討好其格局食物都同《飲茶》好似尖沙咀分店午市晚市都做緊優惠凡惠顧每位客人獲贈半隻乳鴿火喉燒得剛剛好調味亦都惹味黑金流沙同一般奶皇流沙包味道差唔多餡料的確流 小心燙口肉鬆抓餅也不錯另外叫左一個飯叫粉墨登場其實係墨魚汁炒飯配墨魚丶瑤柱丶蛋白味道ok其他雞翼丶炸魷魚酥都屬正常麻辣燒賣以為係肉但其實係糯米飯 只係整成燒賣形狀個人不太喜歡 不建議吃甜點綠豆菓子都麻麻地環境氣氛： ★★★★☆食物質素： ★★★☆☆服務態度： ★★★★☆

Happy Friday 梗係要同d friend 吹吹水，聯誼下啦。 今日個friend 揀咗尖沙咀唐宮小聚，內裡的裝修很現代，不是想像中的中式。坐低朋友就見到只碟有幾只蟻。。。不過睇真D，只係碟嘅圖案，我嗰只仲有烏蠅添。未人齊，侍應已擺低3.5只乳鴿(每人送半只),跟住叫咗D 蒸包，黒金流沙，同五小蒸物(唔記得叫咩名),沙薑豬手，冰菜沙律。。。再叫個火燒的菠蘿炆牛腩。 嗰晚玩得食得太開心，未叫甜品都打烊喇。

先前走過餐廳門外，早已被店內裝潢及食物賣相吸引。店內掛著幾個大鳥籠，充滿時尚中式風格。食物賣相吸引，有整個燃燒著上枱的波羅，黑色配上金色油彩的流沙包，外形像龍鬚的芥蘭……於店內消費，每人獲贈乳鴿半隻。今次就特意來試試，我們點了，“猛虎咬豬“，“龍鬚芥蘭“ ，“黑金流沙包”，“蝦多士”賣相就不再多說(看圖片)。味道方面，先來說“猛虎咬豬“，就是腩肉掛包，夾了些酸菜及辣醬，腩肉不夠淋，酸菜中和肥膩感，可惜辣醬不太合作"龍鬚芥蘭"味道十分普通，只是手工最勝。“黑金流沙包”是比較滿意的一道點心，新鮮熱辣，咬下去內裡的流沙從咀邊流出，十分香滑。“蝦多士”味道一般，不夠香脆，真是有點失望送的乳鴿，外皮香脆，肉香四散侍應服務也不錯，時時替客人加茶，不用示意提醒

家姐不嬲都好鍾意食唐宮小聚，淨係話帶我食，都已經講咗不下五次，佢最鍾意食呢間餐廳嘅每一道菜都係少份量，可以試食好多唔同嘅菜式，啱晒佢呢一啲眼闊肚窄，乜都想擺落口嘅人！終於有一日喺尖沙咀做完body check之後，正值lunch Time ,約埋家姐一齊去試吓呢一間佢所謂嘅好味到爆嘅餐廳餐廳裝橫唔似一般中菜廳嘅設計，有少少似食西餐既感覺，但係餐具擺設全部都係for中菜嚟嘅，感覺幾新穎，坐卡枱又舒服我係咁話想食佢嘅乳鴿，但係家姐一直都冇點到呢個菜，我問佢點解，原來只要幫襯，每人都可以有半隻乳鴿，難怪枱面上嘅餐具擺設總會有一對手套喺度，原來人人有乳鴿食！乳鴿細細份，但係皮脆肉嫩仲好多汁，醃得好入味，完全唔需要點任何醬汁或者鹽，唔怪得呢道菜係佢嘅招牌菜式！真係聞名不如試食！另外一款係點來聚聚，一個大籠入面係5個小籠，分別有墨魚汁餃，芋蓉流沙，檸檬蝦餃，蜂巢棗糕，豆苗餃，一口一個，裝滿成個口，感覺好豐富，好好食再叫多款黑松露菇包，賣相係十足一個冬菇咁，做功好精緻，好特別，入面係好濃香嘅黑松露，個包好香好軟，唔會覺得好膩，值得一試！相信不久嘅將來呢我又會到訪呢一間餐廳，再去食佢嘅乳鴿，因為食其他

不會再光顧此店原因如下：呢次係因為朋友生日指定黎呢度，我先再次光顧，不然不會再黎！不過經過今次，再有朋友話要黎，我都會極力反對！首先我地係門口入坐（生日主角仍未出現），店員已經說了你帶來既蛋糕堂食要收HK$100切餅費，我說知道，之後人坐齊了（主角已到），店員再次埋枱高呼蛋糕要收切餅費HK$100 （此時主角未必聽得清楚），我點點頭心諗醒少少當幫忙得唔得ga! 最後食完晒d野，已派人扮去廁所叫人起蛋糕，之後有店員埋枱執野說，你地仲有蛋糕，天呀！真係乜驚喜都冇晒！重點是提完說完，個蛋糕都成15分鐘後先出現，場面勁尷尬，食完你眼望我眼，大家都不特別提蛋糕！老實說扮高級餐廳學人收HK$100切餅費唔緊要，重點是可否比返高級餐廳既服務黎呀！唔該！其實而家有好多餐廳免切蛋糕吸引人黎食的！另外店員開點心籠時可以成個蓋飛落我set食具上!筷子都飛晒落地...講到食物方面：粉墨登場 （索價HK$99)有色冇味！完全冇墨魚味！面頭墨魚毛幾粒...金菇翠苗 （索價HK$69)不知以為乜野前菜，Size 精緻度嚇人，金菇炸到禾杆草甘，乾到不是菜，翠苗少到睇唔到甘濟，想食條菜啫，正經d好唔好！炸魷魚

之前試過中環店，所以今次就到尖沙咀店。他們的食具也有一點特色！我們先點了數碟小吃， 貢菜海蜇、皮蛋豆腐、雞絲拉皮和蔥油樹雞！我個人就比較喜歡皮蛋豆腐和蔥油樹雞，因為啲豆腐好薄薄一片，刀功非常好。這個點來聚聚也很有特色，包括有墨魚汁餃、芋蓉流沙、柚子蝦餃、蜂巢鬆糕、賽螃蟹餃到最想食嘅黑金流沙，內裏嘅奶黃真係非常香滑仲有松露香菇真係同個冬菇一樣樣乳鴿雖然細細隻，但肉汁和肉質也不錯。 懷舊蝦多士香辣牛腩粉墨登場，幾特別，但味道一般每餐飯當然唔少得甜品啦，黃金榴槤！ 但這甜品在我而言是不合格， 因為完全沒有榴槤的味道

呢間真衰，我問她有無卡位安排，反正我fd未到,她叫我先取票,咁我取了票等,她又話未必會安排卡位,..點解肯等卡位會唔安排唔明白,只係如果要等卡位時間要耐啲可以接受，我仲聽到她同事話生意行先,不用理我😤😤,但唔可以一句話安排唔到 敷衍我，下次我不會再幫襯,食物水準再好無用,今時今日咁嘅服務水準? 還規定六人以上先接受電話booking, 又限一個半鐘時間還枱, 咁多規條我很小見其他有水準餐廳會這樣! 真非常奇怪！

記得第一次去食唐宮小聚嘅時候，真係好Surprise! 驚嘆點解中環會有一間咁正，但價錢又咁貼地嘅新派中菜館。自此之後，我同男朋友就成為左常客！👫知道佢係尖沙咀開分店之後，真係超開心❤仲以為菜單會一模一樣，點知一睇‼️正！多咗好多新嘢😎其中一款就係「黑金流沙」。呢款包由於加咗竹炭粉，所以會黑炆炆。但唔好睇佢咁嘅樣，口感柔韌鬆軟😋另外要提提大家，咬嘅時候必須小心‼️因為只要咬一細啖，熱騰騰嘅流沙奶黃餡就會瘋狂咁湧出來，單係呢下爆漿，已經值回票價！😎

第一次來泥間食比較新式嘅中菜似係fus ion乳鴿每人送半隻唔會太油膩啱啱好黑松露蝦多士值得推介另外仲試左 黃金苦瓜用黃金蝦嘅做法係苦瓜到煮好有驚喜唯一一樣唔好嘅嘢 係服務態度啲侍應非常唔耐煩

放工喜歡跟朋友聚一聚，聊聊天、說說工作、聯絡感情，真的很快樂！ 尖沙咀新開不久的唐宮小聚，帶有工業風格的設計，明亮而不失高雅，最喜歡以暗黃的烏絲燈泡，餐廳感覺更為溫暖。黑金流沙 以竹炭的流沙包，沒想過包會是如此軟腍！ 輕輕的撕開便有金黃的流沙湧出來，香滑的感覺很愛！蒓菜魚丸 非一般的魚丸，會不會覺得魚丸為什麼會比正常的大粒？ 因為用杭州菜再加入蛋白，吃起來是棉花糖的魚蛋！蒓菜口感滑流，配上雞湯，味道清新。雲南氣鍋 滋潤的椰子雪耳湯，以保温的氣鍋放上，使湯更能保暖，實在是貼心。櫻桃鵝肝 櫻桃醬入面是慢煮鵝肝，鵝肝入口即溶而且帶著少許酸味，很開胃的前菜。陳釀醉蟹 汾酒和太雕醃製的冮蘇蟹，蟹肉鮮美而甜，帶著酒香味在口中泗溢！點來聚聚 點來聚聚分別有五樣點心墨魚汁餃、芋蓉流沙包、青豆苗餃、蜂巢棗糕及賽螃蟹餃！造型方面非常特別，棗糕是心型的、像吉仔的賽螃蟹餃。白玉玉鴿來唐宮又點可以不試白玉玉鴿？先將玉鴿用滷水浸至入味，再炸至金黃色，咸味適中，鴿肉肉質還是嫩滑。干鍋花菜 屬於湖南菜式的干鍋花菜，炒得干爽香口的椰菜花、加入了五花肉和辣椒，惹味非常。

去之前做過一番功夫，點知想食的，有3樣（乳鴿，櫻桃鵝肝，醉蟹-呢個係已經無賣）都食唔到早知去第間啦，乜都無7點幾去到，有啲人等位，唔算好多人，前面有6張枱。等左唔使20分鐘（8點前）就有位喇！翻台速度幾快但個侍應帶到入去，原來仲未執好枱，叫我坐陣等下先喎咁我咪阻住你執枱囉做乜我唔係出面等，你執完先帶我入來呢？侍應train過未𠺢，呢度唔係大排擋喎！上菜快，但啲盆丫碟丫好大（食物袖珍）食唔切又無地方擺！先上的併盤。。。3樣野都無乜特別，秋葵就加左淡淡的豉油，萵荀用麻油撈，燻魚的汁唔夠甜，所以覺得好乾！最左：皮蛋豆腐，我無試。但屋企其餘三名成員都話ok,個汁好味！最上:雲吞擔擔，我同媽咪都試左雲吞，媽咪話雲吞好食，要再encore。我就覺得普通，不過係幾紮實嘅。啲麵，丫媽就comment,應該係一早煮好放係個碗度，收到order先放湯入去，所以上枱時已變左一pat野，夾都夾唔開右上：蒓菜魚丸。好得意啲菜好似茶葉咁，滑sansan嘅。魚丸滑到好似豆腐咁，但無魚味#薑汁炒芥蘭#形狀切得幾靚，但無薑汁味。鍋大份量少。#肉鬆抓餅#本來手抓餅係幾好食的，但加埋肉鬆就乾左啲#墨汁豚肉#入口即化，但啲墨