唐宮小聚 (新港中心)

营业中

休息中

尖東血拼，爆買之下，平日最在乎的美食已是拋諸腦後了，此刻只想早早吃過晚餐，再續血拼之旅。逛至新港中心之際，見唐宮小聚仍未有等候的人潮，還是早早入座為上。這家以新派中式點心作主打，新張期間惠顧更每位送上乳鴿半隻，難怪不到七時已全店滿座。熟知國內餐飲潮流的該會知道，唐宮在內地是赫赫有名的餐飲品牌，當中以唐宮海鮮舫最為人所知。進軍香港市場卻是以年輕、摩登形象示人，改走親民路線。菜式來自五湖四海，京、川、滬菜式外，還有更多是聞所未聞的，而卡通點心更是香港限定，跟內地的唐宮是兩個截然不同的走向。走過開放式廚房，一個個點心蒸籠置得高高的，廚師們的烹煮過程亦一覽無遺。各種調料像是裝飾品般排列整齊，米糠油、油醬料、老干媽......都是有品牌來歷的，是個食物安全的保證。點菜後，每位來客敬送白玉王鴿半隻，乳鴿不算肥厚，但皮脆肉嫩，這優惠十分抵食。來嚐點心名物，前菜先帶來驚喜。陳釀醉蟹( $69)屬江蘇一帶的名物，熟毛蟹公以話梅、汾酒、太雕酒浸泡醉製，酒香恰到好處。黃滿膏膩的醉蟹，舌下感受到那蟹黃的粘膩，正是公蟹的引人之處。更驚喜的是再度遇上這杭州魚丸($59)，曾在當地嚐過這款魚丸，跟潮汕魚丸是截然不同

呢度勝在地方夠大，有大枱，一大班朋友來都可以一齊坐。有六至八人枱,又有10-12人方枱。嘢食方面都好好食，又有得睇又有得食餐具大家都見過，都係有啲螞蟻、昆蟲喺裏面，好得意上次去唔知點解每人送咗一份乳鴿，都冇問到點解，不過真係好正，原本都諗住叫，每人一份即是每人半隻細細手拍咁大既乳鴿，好juicy! 隻燒賣好特別，有四川風味，要食到少少辣嘅先食到其實好多包點個樣都好靚，叫返嚟影相，其實味道就好味既，不過冇咩特別冇咩驚喜。如果計返價錢就覺得性價比唔高。另外一個好多人叫嘅就係火焰菠蘿，上菜嗰陣時着住火好靚架，絕對係要比手機食先既一碟菜，唔知點解一直以為佢係菠蘿炒飯，點知上到黎一開先發現原來係牛肉，味道偏濃，適宜配飯，不過我哋冇叫到飯。人少少嗌個點心拼盤都幾好，不過每樣得壹隻，每樣都好精緻,味道都幾特別。人多真係試唔到。試咗賽螃蟹餃，清清地。餐飯食完最多人鍾意食嘅係呢一碟大家自己叫黎試吓啦！單食唔點汁都好惹味味道無咩特既有:唔知係咪太飽，覺得依幾個一般般

新派點心潮得起嗎，呢到嘅點心出名古靈精怪反傳統，而裝潢更有點破格陶醉玉子 其實係溏心蛋上面有不同配料調味，金箔，魚子醬，三文魚，溏心蛋都算流心甘香，但加埋佢啲配料就好鹹了蒓菜魚丸蒓菜口感似潺菜，又無咩味，而個魚丸唔同平時食開爽口彈牙果啲甘，仲要食落去好似入口即溶無口感，又無咩魚味而呢個有正款點心算最正常，但唔記得咩名了，也不過不失而已點心是精緻的，但唔算特別出色好味，整體是相機食先，hea下嘆下個環境

終於試到呢間以新派中菜為主打「唐宮小聚」！第一間應該係開左係上環，而家開左係尖沙咀新港中心，超級近公司呀！環境寬敞、裝飾不是普通酒樓，走的風格是較新式的點心店，就是價錢是比較高一點～「玫瑰饅頭」🌹其實是重點，是為了這個而來的。作為玫瑰花+粉紅控的我，已經失去這個包是否真的好味的理智而來😂幸好，來到的時候，外表果然沒失望，味道也比預期的好。饅頭上有幾塊乾玫瑰、包有淡淡的玫瑰味，內裡配上紅豆餡，可以一試😬「麻辣燒賣」，入面唔係普通燒賣豬肉，入面的是糯米，吃下去有點麻。但對吃不到辣的我，這個頗辣，但卻很好吃！「猛虎咬豬」，像刈包，包著五花腩、雪菜和甜甜的醬汁。五花腩不會太肥，肥瘦剛好，所以吃下去不會膩。新張期間，每人更會送半隻招牌「白玉王鴿」，雖然係免費，但都不馬虎，味道👍🏻

新年前的這個晚上，還記得連續番了四天早上七點半的更，還拖著非常疲倦的身體也要來，就是為了那黑金。 你知道我做銀行大約立刻想舉報我吧，台灣人說黑金即是賄賂的錢，如果你覺得這個常常寫食評好似小說的人大約應該要像曹生般被捕吧。 今晚有幸和一班朋友來這裡吃飯，中環的唐宮小聚去過，但尖沙咀的原來更好，地方更大，又近行街的海港城，絕對適合今晚的一眾女士。 傻啦，我是為了這個黑金流沙才對，流沙在黑金的包外中....流出那熱辣辣的流沙蛋黃，一定要熱食，如果唔係，感覺就如傾城般，熱情就算息滅了，所以請你如曹生近來熱辣辣的消息來消化，對比在中環吃的磨菇飽，更美味。 雖然未正式過年，新年當然一班朋友要吃個撈起，聚撈得起供應到初五完，這個撈起，加上酸酸甜甜的秘製醬汁，雖然沒有靚靚的料，但吃起來，意頭最重要。 雲南氣鍋，我想起了在長沙灣雲南米線的氣鍋雞，不過這裡的冇咁濃味。 白玉王鴿價錢相宜，上王鴿的器具非常特別，王鴿放了一會還是又香又脆，如果襯熱食一定係最好。 櫻桃鵝肝的可愛不像平時煎得可愛般的脆脆，那種如粉般的感覺，我想女孩大部分都會喜歡，樣子可能不是個個喜歡，但我相信，總有人會喜歡的，我推薦

素聞唐宮小聚大名，今天首度光顧，卻大失所望而回。首先門口當眼位置寫上每位惠顧皆送BB乳鴿半隻，細心地看卻有一條附註寫上優惠期至一月三十一日止，今天已經是二月十七日，優惠已完結多時，為何還貼上此優惠，原因顯而易見。點菜時間，填上點菜紙並遞給服務員，得到的回覆是:乳鴒 – 賣晒 (時間只是八點，招牌菜這麼快便沽清)四季豆 – 賣晒 (好的，不打緊，我再點另一道清菜)金茹翠苗- – 賣晒 (聽到這裡已經沉不住氣，質問服務員還有甚麼清菜選擇，最後勉為其難地點了有機菜心)上菜時間好像挺快，抄手，奶皇包，雞絲粉皮很快便送到了，味道尚可。半小時後，吃罷頭三道菜，碟也收走了，炒飯及有機菜心還沒有送到，於是催促了服務員幫忙跟進。十分鐘後，炒飯到了，再過了二十分鐘，炒飯已經吃完，” 勉為其難”點的有機菜心還沒有出現。最後決定結帳並叫服務員幫忙取消點了一小時還沒有出現的有機菜心，帳單是取消了，但服務員一聲對不起也沒有說。我與友人離開時大說一句，永無下次。

味道不錯，蝦新鮮彈牙，多士炸得鬆脆，不覺油膩，值得推薦蔥油味濃，稍鹹了點!新鮮熱辣，肉質嫩滑差!差!差! 除賣相好睇外，芥蘭非常老，可以改名叫「老蘭」!小雲吞肉餡太結實……完全唔掂！夠精緻，肉質夠嫩，夠入味，多汁，配合梅乾菜味道不錯！

新年流流要食好啲，喺間間酒樓都仍然要加二的時候，我與家人選擇了試新野，不用加二。🤓門口放了牌子說每人奉送半隻白玉乳鴿！看來不錯👍進去店內光猛，比起中環店還寬敞！四人行坐在梳化位，先上是前菜，五小碟分別是秋葵，醺魚，麻辣香腸，上湯千頁，桂花山藥。最意想不到的是桂花山藥，桂花甜融入山藥中，爽甜清香，好吃😋然後是白玉乳鴿✨雖然是送的，但也毫不失色！乳鴿選用BB鴿，小小的BB鴿只會以一開二上枱，減少肉汁流失，皮香肉嫩多汁，皇牌👑醉雞🐔也不靭不嚡口，皮很爽，酒很香很入味。然後這個松露香菇包，看著做成🍄形的包仿真度十足，咬起來十分鬆軟，松露味撲鼻，內有菇粒茸，整體感覺很夾。這個好像叫虎咬豬。。。😅也很不錯的！就似是中式漢堡，飽子包著那豬五花肉入口溶化，醃菜在飽子內能減去五花肉的油膩感🐷接着是糖醋豬手🐷切開小塊的，骨很容易就掉出來，豬手煮得很稔，甜度適中，兩老都很愛吃。再來兩個湯，原個椰皇燉湯，湯色較清，味道較濃。另一個是氣鍋煲椰子鷄湯，湯色奶白，但味道較清。兩個都是椰子，我較喜歡後者。💕四人新年在這吃了七百多元，比外面加二的酒樓化算吧🤓

是次已經係第二次幫襯，前一次係試 Lunch ，今次就黎試一試佢地既 Dinner 喇。[]1. Marketing - 不得不讚下佢地既Marketing, 真係做得唔錯既，而家每次消費，都送你每人半隻乳鴿，味道唔 Hea嫁，絕對好過沙田某某名勝乳鴿。本宮或多或少都係因為呢個著數回頭既，。下個月又有燉湯送喇，切勿要留意呢。2. 黑金飽 - 有時搵到'流'既流沙飽真係唔易嫁，學Leon 話齋，食唔食到好食既流沙飽同撞鬼一樣，係講緣份嫁。加上呢度既流沙飽賣相一流，Like 之選。[]1. 侍應技巧 - 呢間餐廳2016年尾開，侍應款待技巧仲係好Green 好Green ，今次仲遇著倒潟熱水響我個friend 既大脾上，侍應都唔識咩反應，布都無條拎黎。比多少少時間佢地，希望有改善啦。短評: 菜式味道依舊吸引，侍應待客技巧有待改善

行街經過見到間餐廳新開，裝潢得又幾靚，心思思要試下新野啦。lunch 時段真係好多人去食，好彩我地都係等左一耐就可以入去。入到去第一個感覺唔似係飲茶地方。佢D 點心個名好得意，黑金流沙等等，你估唔到點心味道同賣相係點? 我地果日order 左幾籠點心，個賣相及味道令我幾surprise,食物造型得意, 但食物個味道又唔錯。大家可以值得去試下,GOOD 

呢間既流沙包真係一流 個樣又靚 入面又流心 又夠鹹蛋王味 而家要食到真係愈黎愈難 不過佢做到真係好皮簿 我朋友食個陣用快子夾大力左即刻流左d野出黎 所以食個陣要好小心呢個菠蘿就得個樣 入面係牛腩 其實d牛腩就好林 都香既 不過唔知點解個汁同菠蘿完全唔夾 同埋個菠蘿係苦既 好似有陣唔知咩味 最慘係唔熱 佢係黎個陣點個火 好靚 不過入面完全唔熱 食落去麻麻 呢個係佢地有個侍應推介 我都覺得好特別 好好食 個皮勁簿 係麻辣既味道配上糯米飯 煙煙un un咁 又好香 呢個真係要試下不過我黎個陣係九點 好多野都賣晒 要食既朋友我諗要早小小黎

新年嘛，首選當然是吃中餐，唐宮小聚之前在中環已試過，味道不錯，今次就選址尖沙咀分店，試試水準Tasting Note:- 入座每人送半隻乳鴿，件頭細是意料之內，但流量快，即點即炸，夠哂惹味- 冷盤五小碟，份量小，一枱四人分剛剛好，燻魚唔夠入味，准山&秋葵都爽口新鮮- 點心五小碟，又係一口bite size，只係試到一件檸檬餃，酸味獨特，唔識欣賞- 擔擔麵， 差！ 湯底太稀，麵條煮過頭，全無誠意之作- 墨汁海鮮飯，無厘頭fusion之作，份量十足，入口帶淡淡鮮味，雖然賣相不怎麼樣，但算是抵食夾大件- 原盅椰重燉雞湯，一人份，雞肉足料，湯水鮮甜味美，最後刮埋椰肉食，超滿足！新年人太多，建議先訂位惟餐廳6人以上方開放訂位服務，如繁忙時段，要有等一小時以上的心理準備

年廿八，去了唐宮小聚，與一大班人型爆地慶祝雞年到來，希望大家新一年一齊「撈起」。 唐宮小聚的設計採用自然元素，淺色木質地板、白色大理石桌面、米色木質座椅等傢俱，加上工業風的燈飾、展示架來增加現代感，連裝飾櫃上亦放置著小盆栽，綠意盅然，致力營造年輕活力的時尚感覺。 首先，來一客由三文魚和蔬菜絲拼湊而成的聚撈得起$288，供應至初五完。 侍應表示吃這一碟具好意頭的菜式，要跟足「撈起九步及吉祥語」。我們，乖乖地跟著他一起做動作和諗「咒語」。但願，來年撈到風生水起﹗ 聚撈得起由蔬菜絲、三文魚、薄脆、青檸汁和橄欖油等撈在一起來吃，食材紛陳，口感味道豐富。 冷盤陳釀醉蟹 $69，挺有驚喜的。大廚把江蘇蟹先煮熟，再以話梅、汾酒和花雕酒調配成的醬汁浸泡至入味，再製成凍蟹奉客。蟹肉粘密細滑似膠，滲出濃濃甘醇醉人的酒香，其黃色蟹膏也甚為甘香惹味，教人回味不已﹗ 櫻桃鵝肝 $79，可說是巧奪天工之作也﹗在廚師巧妙的手工下，鵝肝化身為小巧的骰且唯妙唯肖的小櫻桃，幾乎假可亂真﹗誠然，這是一道能夠激發視覺和味蕾驚喜的前菜﹗ 貪得無厭，係香港人的本性。這一客五種口味的「點來聚聚$69」點心併盤，豈能不試？

朋友都喜歡食中菜 㨂左呢間專食點心既唐宮小聚 其實本人係想試個黑金流沙飽 所以黎😝 環境好乾淨舒適 呢間係新開無奈 同今日黎每人有半隻乳鴿送 整體食物都好ok 又無限時我地叫左以下呢d點心

朋友送50元優惠券就到期，死唔蝕底，咁一定去用。女接待及侍應是無笑容，帶我們去門口角落位，問裏面有沒有其他位，回答的語氣是冷淡。應該去上堂怎做帶位公關。看過食評的相片，真係好吸引，看到都好開心，當然要叫一号佳麗~黑金流沙包，不負眾望，外貌特出有内涵，奶黄流出，唔太甜，goodi紫蓉豬豬，本人好喜歡食芋頭，蕃薯之類，見到紫蓉實叫，但一籠得一個，籠還是細個隻，賣相得意，白雪雪滑Luigi，$23，貴，未算猛虎咬豬，見圖3件，原來1件值$39，一半夾餅大小的白色麵包(像一粥麵的刈包)夾醬汁五花腩，好想食肥肉，但好肥不爽，终於理智征服貪婪，雪菜好爽，酱汁甜甜地，都唔錯。呷醋拌麵，hk$39一碗(一碗雲吞麵的份量)，麻醬加陳醋，红白蘿蔔絲香芹，幾爽口清新。每人敬送半只乳鴿，都唔錯，ok,幾香幾嫩，有汁。發覺未夠hk200,用唔到coupon,幾經商量，叫雲南氣鍋，hk$59, 可以較飯碗大小少氣鍋，椰香雞湯，好香濃，好鮮甜。個肚唔係好飽，晏些飲下午茶。