唐宮小聚 (The L. Place)

营业中

休息中

第一次試唐宮小聚...先覺得環境都幾ok有open kitchen今次order左松露香菇包丶荷葉飯丶白玉王鴿及柚子蝦餃。各樣食物都有靚靚造型而個人最like係松露香菇同白玉王鴿真係好好味呢整體都係好ok下次再試其他美食PS L Place d lift真係要耐心等候

相約友人在此慶生，早一日訂了位，因工作延時, 7:00 改為7:30， 7:20 去到，等到7:30，問櫃臺姐姐大約等多幾耐呢⋯⋯佢答：係啦，要等多一陣，等多一陣....... 只見佢好忙行來行去，有廿位客人跟我一樣在等，結果，7:45 我發現有一張出入唔方便的二人枱，問姐姐可以坐嗎？佢好開心咁話當然得啦，我都好開心咁冇對號就入座了，感覺係over booking.地方很好，但嘈得不得了，好彩找到一個角落位置因為慶祝生日嘛叫到一枱都係野食，其實係我自己想嚐鮮小食有青芥木耳、桂花山藥、酒呈醉雞點心有松露香菇、炒蝦腸粉飽食有薑汁龍鬚芥蘭、雲吞擔擔哎呀，得7樣唔吉利，再叫甜品：椰汁紅豆、木糠奶凍、兵乓麻球、花邊綠豆就咁樣我請客但又食又拎，嘻嘻哈哈過左一晚

所謂「民以食為天」，相信現今已經演變成「民以相機食為先」！相機食先的時代已經開始見怪不怪，因為坊間實在出現愈來愈多精緻又可愛的美食，始終這美食一口便不見了，更讓人忍不住想拍下這一刻！.之前去過灣仔的唐宮壹號，主打較高級的粵菜，而今次這間唐宮小聚，以精緻點心和小菜為主，著名的有香菇包、玫瑰饅頭和王鴿等，價格上也較親民，真讓小妹期待啊！.晚上六點約上到去人流未算多，餐廳的環境頗闊落，感覺舒適！最前方仲有半開放式廚房，仲有靠窗的多人梳化位，配合摩登的裝潢，驟眼望落整個環境似西餐廳多過食中菜呢！.每個座位上都放了餐具，這隻碗子內有幾隻黑色的螞蟻圖案，幾可亂真，很盞鬼！（茶芥每位$10，另收加一服務費）.餐牌上分為小食併盤、點心、小炒、小菜、粉麵、滋潤湯水和甜品等，款式也不少。.相機食先的小妹當然要點個柚子蝦餃 （3隻）$49，每粒蝦餃的造型都整成圓滾滾的大桔樣子，感覺超可愛的！蝦餃的外皮用上柚子皮和汁所製，質感透薄，裡頭除了爽彈的蝦肉外，還加了些柚皮，味道清幽，很有夏天的感覺！.松露香菇 （3個）$39賣相像真，真係好似香菇既素包。原來面頭啡色的係朱古力粉黎，好特別呀！咬落有爽口的香菇和點點松

太座像個小孩，看見人家吃過的東西，也嚷著要吃，幸好不是甚麼鮑參翅肚，只是一個像真度極高的冬菇形包點，帶您去試試又有何難度？記得最初在中環這店吃過，隨後有些跟隨者，紛紛仿效，今晚重臨，餐牌仍在賣，證明仍受歡迎。首先選了松露香菇，以滿足太座的要求，廚師的手藝將一個普通包子弄成冬菇模樣，最令人佩服是表面的裂紋，幾可亂真，而餡料是黑松露和雞髀菇，鑒賞價值和味道都很好，若是在清朝，這位廚師可能被慈禧太后羅致入宮。再試另一款像真度也高的柚子蝦餃，桔子的外形，有枝有葉，甚討好，餡料加了柚子，味道清香，蝦也爽甜。馳名的白玉王鴿，賣$38，也點一隻開心share，熱騰騰，備有即棄膠手套，索性用手拿著噬，肉質幼嫩，滷水調味到位，值得再來吃多次。無咁簡「蛋」是一款賣相很特別的菜式，用了新鮮的青胡椒串，花生，花椒，辣椒乾等炒成辣子雞，傍邊有兩隻蛋殼盛著的「蛋黃」，原來是份子料理做成的芒果汁，可用雞點來吃，甜甜酸酸，配上惹味的炸雞，異常有趣，佐酒之選。花膠菜苗，普通的菜心加了幾片花膠，成了矜貴菜式，當然花膠不會成寸厚，因收費不貴，配搭特別，菜心爽甜。無飯不歡，點了松露鮑飯，有一隻鮑魚，軟腍可口，飯是用鮑汁燴過，

今次飯局既名堂又係朋友生日～我在openrice㩒到間中環食新派點心既餐廳，中式點心加上創新意念，我見到D食評評價都唔錯，決心一試～地點係中環L Place內，都算易搵。第一碟係酒呈醉雞～我地叫左standard size，玻璃罐內既雞肉夠滑，味道都ok，酒味唔算好濃，都幾岩我地呢D平時唔係幾飲酒，怕好濃酒味既人～第二碟係黑松鮑飯～生日食鮑魚撈飯都幾正，D飯充滿鮑汁味，都幾惹味～由於我地得兩個人，試唔到好多菜色，今次呢間餐廳D菜色都幾特別，價錢又唔貴，下次可以再食，試多D唔同既野～

晚上和家人去唐宮小聚食晚飯，上到去見到飯堂內坐滿晒人客。（好彩預早訂位，不然一定要等好耐，所以提醒各位，下次想去食飯，一定要預先訂位哦）。我們點了：素菇包 一籠3件（這個菇包外型好似冬菇，咬開入面有香菇和一陣黑松露味道，熱辣辣香噴噴！值得一試）馬蟻上樹 我好鍾意食粉絲，但唔係每間餐廳炒既粉絲都好味，要夠熱，夠入味，夠爽身。「唐」這間餐廳做這味菜就做得好出色，帶點微辣花膠上湯浸菜心，反而這味菜我有點覺得不值，雖然花膠這食材比較名貴，但個菜心真係普通咗dd，我食過三，四次「唐」我試過兩次點菜心，d菜心都係好老，好多渣。P.S. 「唐」既乳鴿燒得好好味，價錢合理$48隻

Tried the custard bun and har gao, pretty expensive but made unique by cute designs. Food is good (腸粉、荷葉飯、萝卜糕、四季豆）but not cheap. Will go back mainly for their staples but not their dim sum/desserts.

好少見有賣相咁靚又好食既點心小菜，豆腐軟滑皮蛋香甜，乳鴿仔一開二，比手套我地拎住撕，外皮夠脆，肉又多汁，可惜最好味既玫瑰饅頭一上太香無影到相。其他醉雞味道其實一般，不過用玻璃樽仔裝個賣相夠得意，都值得一試

食左好幾味菜都幾好味，但本人最推介呢個好靚嘅玫瑰花饅頭😍😍🌹初頭諗住又係俾埃瘋食嘅野黎，估唔到比想像中好食好多！味道好似杯玫瑰花茶咁香咁濃，中間仲有少少豆沙唔太甜，包本身都香軟唔黏牙！雖然服務一般上菜又勁慢，但都好想快啲再黎食多次！😁😁😋😋

中環L Place，位於二樓，主打摩登中菜。這夜與朋友相約一起去這裡晚餐。來到唐宮小聚，第一個印象是中間有張乒乓球檯。醬腌黃瓜用了起片再卷的做法，條狀的腌黃瓜食起來多了份層次，爽口不過有點略酸。麻醬豆腐的麻醬也調得好好味。這個清清哋，湯好甜，菜也甜，很不錯。下了不少麻醬，相當惹味，加上芝麻在面上更加香口。粉皮本身亦很爽口。這用樽仔上，雞肉幾嫩滑的雞翼起了單骨，加上黑醋味道帶點香甜又帶點微酸，配上的菠蘿同吃，十分。上面仲有D芝麻，炸得好香口菜式叫太多了。講唔哂

唔巧意思, 好似好耐冇寫食評, 生疏左好多今日男朋友仔又嚟接我放工, 我地都已經都好肚餓, 所以就系公司附近搵野食叫野食之前上網睇下人地有咩好介紹, 知道白玉皇鴿係佢地招牌菜之後, 即刻叫碟試下, 系中環呢d 地區$38一隻乳鴿真系好平, 食落有少少藥材味, 即刻覺得好養生, 而且裏面仲好juicy, 幾好幾好!另外, 又叫左個川汁皮蛋, 本人都幾中2食皮蛋, 佢整到成條金魚甘, 幾得意, 食落辣辣地, 都幾開胃, 識食皮蛋既都知, 靚皮蛋系會有雪花, 加埋溏心, 皮蛋lover會話正!!!跟住再叫多個松露香菇包, 其實我係俾佢既賣相吸引左, 好逼真, 好得意! 佢出面系菇樣, 裏面都係菇餡, 加埋松露, 變得好矜貴!呢間餐廳佢話就話係中式, 其實係中式crossover西式, 一d都吾老套, 如果以後諗唔到食咩, 都可以再食呢間

星期日一家三口去咗唐宮小聚飲個靚茶，呢間野同平時啲酒樓好唔同，非常新派，裏面裝修好新潮同好靚，完全同舊式殘舊地毯酒樓好唔同，因此吸引唔少外國人少婦寫字樓人黎茶聚。講到好味推介不妨一試佢個冬菇造型嘅黑松露蘑菇包，佢用朱古力粉撲係個菇面做冬菇紋，仲有粒白色菇掟，一籠三件三個人啱啱好， 搣開個包中間係香噴噴既黑松露冬菇粒粒，好豐富層次！另外佢既皮蛋豆腐都好好味，豆腐薄切功夫了得，係巧手小食！另外叫左個口水雞，味道不過不失！不得不提佢個香炸乳鴿，只係買＄38蚊一隻，係出面街市都買唔到呢個價錢！！雖然其他啲點心價錢都唔係太平，不過環境、服務、食物質素及賣相造型新鮮別緻來講，佢都算唔錯嘅，得閑可以來試吓新菜色都唔錯，仲有好多款式都好特！

今餐同姐妹既聚會其實食左好多野，不過最令我覺得驚喜既就係呢個包！係咪好似呢？上菜個陣我見到呢個包真係好開心！好靚！食落先發覺出面應該係可可粉。呢種西式cross中式既食法真係好有趣。而最食我開心既係，個包唔係得個樣，仲好好食。完全唔係金玉其外既包！勁好食。好rich菇味！服務唔錯，設計都好特別(個toilet都幾靚)，係同三五知己食野既好地方

一去洗手間見到呢個牌, 笑左...「OK喎~哈哈」很有趣的餐碟, 有D有螞蟻響入面, 有D就有烏英響入面...我個同事仲真係走去搵手卒下佢桂花豚肉---超級好味!!外面脆脆地, 裏面的豚肉好juicy好林, very good!松露香菇---不是真的菇菇, 是有黑松露鋪面的包包, 真的很像一粒粒冬菇荷花蒸飯---內有咸蛋黃!!超級好味~~棋子奶黃---好可愛的棋子包包~入面係流心的奶黃!!唯一唔夠熱就爭D..柚子蝦餃---唔好睇佢幾得意會唔好食, 的確係別緻得黎好味架~仲有食其他野的, 包括酒呈醉雞、青芥木耳、雞絲拉皮、麻醬炒手、豆漿娃娃全部都好好食 只係冇乜特別所以冇影相

通常新派中菜都係貴夾唔飽, 兼味道難食, 不過呢間唐宮小聚係有驚喜的~入到去環境都唔錯, 可能客路比較斯文, 入到去唔似中式酒樓甘嘈, 不過張檯就細左D, 我地一行6個人, 叫到一檯都係野食時, 唔夠位放囉~至於食物, 以為佢應該碟頭細細, 又唔係喎, 每碟都夠4人份量. 第一道菜係燒乳鴿, 正喎! 燒得夠乾身, 唔會一路食, 一路滴晒油 然後就到包點, 玫瑰饅頭, 賣相好靚, 味道都唔錯, 如果多D紅豆仲正! 至於扣肉刈包, 隊長怕肥唔敢食, 不過上檯都聞到好香, 喜歡肥豬肉朋友話好味. 咕嚕豚肉都好味, 清清甜甜, 同埋唔係配菠蘿炒, 係配哈密瓜炒, 有新鮮感.其他菜式味道都唔錯, 係碟螞蟻上樹同玉米蝦餅就爭D, 前者如果加少少辣椒一齊炒會惹味D, 後者炸得唔夠乾身, 好油膩.整體上味道都比我預料中好, 價錢同份量都OK的~