唐宮小聚 (The L. Place)

营业中

休息中

每月姊妹淘成日食西野, 見呢間中菜風評唔錯來試試~其實菜款和食物味道正常不會覺得難吃, 驚喜不是太大。反而令人覺得有心思的是餐廳怎樣把平凡的中菜以名字和不同的外觀再重新傳達和包裝菜式~普通的饅頭, 加入玫瑰flavor, 再把包子以一朵朵玫塊賣相展示,,,modern之餘,,又能滿足現在相機先氣的飲食文化,,但其實食落個饅頭包無乜特別~其餘以名字和外觀重新出場的菜式還有"猛虎咬豬" 和 啤梨狀卻類似咸水角的物體~~ 畢竟食物的"色"也是重要的一環啊! 如果在"香"和"味"也能做到跟外觀一樣驚喜和美味,, 恐怕又不是這個價錢哩~

家庭聚會，一家四口，去了一間未食過的餐廳「唐宮小聚」台上放上玩味十足的碗，媽媽以為碗清洗得不乾淨，原來是碗的玩味設計！！餐廳有多款香港人工啤酒，有Ｄ麥味重，有Ｄ就好香花果，女生既話揀花果味右一或左一都不錯，喜歡麥味重一點的就揀中間那款吧！白玉王鴿真的不錯，上台時仍然是熱騰騰的，而且肉質嫩滑，外脆內軟麻辣燒賣，外表挺吸引的，糯米製成，麻辣味不算濃郁，如果想要正宗麻辣的話，一定會失望。玫瑰饅頭，外表精緻吸引，用作呃ＬＩＫＥ非常好，而且饅頭上台時飄來陣陣玫瑰香味，味道亦不錯！！紫蓉豬豬，外表好得意可愛，紫蓉好香且滑松露香菇仿真度好高，就連爆裂紋理都勁似玩味十足！！內在的菇菌材料亦好足料，味道香濃，一定要ＯＲＤＥＲ！！無咁簡單，呢個菜名一看就知玩味啦！！其實係辣子雞，用川椒炒炸雞粒，用來配啤酒一流！！最玩味的是「假蛋」，其實係芒果醬汁，好似分子料理咁，不過只有２隻，我地４個人唔夠分！！食的時候，一啖放晒入口，含爆「假蛋」，薄膜一爆，芒果汁湧出，好清甜！！酒呈醉雞在味道方面是有點失望，不夠香濃，不過雞肉夠滑！！陳皮燉梨，滋潤甜品，梨子清甜，但桂花糖水略為太甜。

好耐冇po食評喇 呢間餐廳都係朋友介紹 食完都覺得唔錯 所以想同大家分享下朋友推介唐宮小聚嘅乳鴿係必食item 當然要試下白玉王鴿 餐廳好貼心 有埋手套俾我地 咁就唔怕整污糟雙手 乳鴿皮炸得好脆 肉質嫩滑 可謂外脆內軟 煸四季豆幾爽脆 夠入味皮蛋豆腐 d豆腐片得好薄  睇得出師傅刀功好好  d皮蛋夠入味 豆腐又夠滑蔥油樹雞 雞肉夠嫩滑 幾香口惹味 送飯一流總括黎講都滿足 重點推介乳鴿 值得再食

話說上週日有朋自遠方來，我地就帶左佢去上環一間比較新式的茶樓飲茶，1点時仍然係人山人海，但預早已book位所以好快可以入坐！裡面的佈置幾精美&特別，可見一張改裝的乒乓球枱在中間位置（幾有創意）。第一時間叫佢地出名的点心試試，果然名不虚傳，点心樣樣都幾好味賣相亦相當又精緻！👍👍👍松露香菇（好味&內裡散發出濃濃的松露，外型起似一隻冬菇😂）, 玫瑰饅頭亦有淡淡玫瑰花的清香（但包有花味我就一般般），蕃茄/柚子蝦餃各有突色（真有茄/柚肉），炒蝦腸粉/辣媽年糕則看似好咸，但吃起來適中……抵讚！薑汁龍鬚芥蘭也很爽亦帶点薑味/白玉王鴿（要訂）/小白菜飯/擔擔拉麵/銀芽蛋麵/咕嚕豚肉/玉米蝦餅/雞扒菜飯/沙薑豬手/酒呈醉雞/青芥木耳/芥末爆牛樣樣都叫左&樣樣都好味道，做得相當出色（可惜掛住食忘了拍下😅）下次一定会再來吃的！

呢度每款點心都好精緻、好有心思。特別係外貌好似冬菇但其實係肉汁包嘅點心最令人心花怒放，咬落去啖啖肉之餘又食到冬菇香&味道。荷葉飯加左蛋黃落去炒，但食落又唔會覺得太膩、太飽，啲飯粒粒分明，唔會痴埋一舊，正！

好耐都冇post過啦!! 上星期上open rice見呢間d野好特別,d野食好可愛呀, 仲要近公司, 所以放左工就拉埋男朋友去 L Place試下。去到SocialPlace好似去左cafe咁~ 個餐牌好靚，雖然係食中國野，但好有種創新同小清新嘅感覺, 好中意佢個design酒呈醉雞, $68, 好中意啲醉雞揾個玻璃瓶裝住好特別 同埋啲雞好入味 我個人中意食醉雞 今之呢個幾入味 而唔係雞同醉既味係分開的, 加上佢啲雞好滑紫蓉豬豬, $29一個, 超可愛 不過切左一半先記得影相, 本人其實唔太中意食紫薯的，不過佢真係好可愛所以先嗌. 切左一半，入面好多紫蓉，唔似其他餐廳啲包咁少餡，不過我將啲餡俾男友，佢覺得好好食，啲紫薯味好濃, 不過好似貴左啲~玫瑰饅頭, $29一個, 之後黎左玫塊饅頭，又係因為好靚，所以一叫叫左三個,因為呢個係正嘅!! 本身以為係造型似玫瑰而已，不過食落去係有玫瑰味，淡淡的玫瑰香配上染上粉紅的饅頭,真係有種食緊朵花既感覺架 lol松露鮑飯, $119, 個飯入面有菇粒、松露同雞粒, 上面仲有隻鮑魚, 同埋係鮑魚汁炒飯既…男友好中意呢個, 話好野味咁, 但我就感覺一般啦

呢期興新派點心，唐宮小聚既點心算係新派既發起人。菇飽係每枱必點既。賣既不只係外表，內裡既餡，一樣甘好味！茹味濃郁，清淡得黎連我呢個食肉獸都覺得好好味。另一個必食既，就係黑醋雞！真係好好好好好味！我本身鐘意食酸野，但呢個不單是酸，仲要好香黑醋味，兼好香口！！送飯一流！其他兩個前菜都很出色，值得三五知己一齊食飯聚會！

型爆索女Q前一排話大家揾日去“唐宫”試試 ，久仰“唐宫”大名 ，擇日不如撞日，就今期生日會去擦餐勁喇 ！港鐵上環站E2出口，穿過新紀元廣場，再轉左行，L.Place就係警察服務中心隔離。位於二樓嘅“唐宫”，格局時尚簡約，空間感大。女侍應生體貼地 話今晚大枱多，乳鴿好快沽清，幫我哋預留咗三隻乳鴿先 ！等齊人後，點得菜了 ……1.紅油抄手6件$59 : 都几辣吓，餛飩香滑好味 ！2.皮蛋豆腐$58 : 師傅刀功手勢好 片得啲豆腐好薄 ！豆腐超嫩滑 ，啲醬油皮蛋又入味 ！3.松露香菇3件$49 : 仿真度極高 ，有埋粒蒂添 ！個包非常軟綿，松露味又濃郁 ，啲菇菌夠爽口 ！4.白玉王鴿一隻$38 : 女侍應生問一開几，我揀咗開四，每人派埋手套 ，食完乾淨舒服晒 ！乳鴿肉質夠嫩滑 ，唯獨是嗰皮炸得唔夠香脆   ！5.龍鬚芥蘭$79 : 芥蘭切得靚 ，形狀又真係几似龍鬚 ！口感亦算爽脆，但唔夠鮮甜 ！6.檸檬鳳尾$119 : 炸蝦球，酥脆彈牙 ，檸檬嘅一點點酸，好清新 ，亦帶走油膩味 ！7.秋葵淮山$79 : 秋葵味道較淡，咬落清爽！斷

I was taken here for dinner by a family member. A bit of a walk from Central. But the sight of the place was soothing to tired feet.Decor was pleasing. To match with the whole dim sum atmosphere, I would suggest using a traditional cup for tea. Most amazing presentation. I would leave this a mystery. The flavour of the filling was buttery with the strong hint of the truffle against the shiitake.When you stir this spicy mixture, you will find rice noodles mixed with unusual flavours. A bit strong

兔小妹從網絡得知，上環PMQ於週末舉辦以水果為主題的<<果藝市集>>，兔小妹當然不會放過任何尋味的機會，便相約友人到那兒走一趟，湊湊熱鬧。😆我倆只是在市集逛了一圈，買了點小食，喝了些果汁，吃了枝手工雪條，想不到已覺有點飽膩。眼看晚飯時間已到，走得又累，又怕不吃的話晚上要餓著肚子睡覺😣，便打算看看附近有沒有一些輕食的餐廳，隨便吃點的，也歇歇腳。走了一會，兔小妹突然想起 The L.Place有間主打點心小食的中菜餐館，提議到那兒喝杯茶🍵，食個點心。友人表示沒異議後，我倆便慢慢沿斜路走去，來到鄰近中環廣場的 The L. Place。乘電梯上到2樓，步出便見光猛明亮的餐廳，玻璃的間牆上，掛著金色突出的“唐宮小聚” 字牌。由於時間有點晚，人潮已散得七七八八，兔小妹和友人不用等位，可以順利入座✌。餐廳的用粉藍色和白色作主調，配以雲石面的小方桌和原木椅子，掛上燈光柔和的鎢絲吊燈，簡潔清雅；而開放式的廚房，更予人一種家的溫馨感覺。食物方面，以輕量健康的新派中式點心﹑小食和小菜為主，價錢由最平的$29 至最貴的 $198不等，豐儉由人。兔小妹和友人胃口不大，只點了一份

壽星女話想食乳鴿黎呢度慶祝😁食具好搞野😂乳鴿好抵食👍🏻 熱辣辣又香又嫩~ 玫瑰饅頭~ 造型好靚~ 有淡淡玫瑰香好好食~ 但成四十蚊一個真係好貴😅芋蓉豬豬~ 造型可愛滿分~ 包好軟屬~ 但芋蓉味太淡~ 松露香菇包好得意👍🏻 香菇餡好香~ 醉雞幾滑~ 但完全無酒味~坐得舒服~ 服務就一般般~~

星期六同兩老出去食個包飲吓茶，帶佢哋去中環L place食下得意嘢，之前聽同事講話ok，果然無失望。星期六walkin去好彩都唔駛排好耐隊，店員叫我哋下次可以book位就唔洗再等。啲嘢食都唔算太貴，我推介乳鴿38蚊，一人一隻都唔肉赤，熱辣辣送上嚟係幾正嘅。嗌咗個冬菇包，松露味好重入面包滿菇好香，特別啱兩老口味。嗌咗個川椒皮蛋同埋店員介紹嘅香草雞花，皮蛋辣辣地好香口，個雞花都好好食。菜式係幾得意嘅，多選擇，環境都ok，幾識合一班人去坐低傾下計。

爺爺慶生飯，在網上找了一間網評不俗的中菜館「唐宮小聚」試試。未抵達前，還以為餐廳是一間酒家菜館。抵達後才得知和想法有異。餐廳走新派時尚風格，格調製作富新鮮感。因週日晚幾近滿座，座處難免有點擠迫。餐廳的食品以小碟為主，迎合大眾「眼闊肚窄」的心意。一行七大兩小點了以下美食。小聚併盤是一份自選套餐，三款小碟只取價 $108 頗為實惠。蔥油樹雞雞肉嫩滑，蔥油香口。翡翠鴨卷是凍食小品，內𥚃以酸爽瓜菜為主要食材，反而鴨肉味道不算突出。皮蛋豆腐是彰顯刀功的菜式，難處在於把豆腐切成薄片，豆腐口感挺滑。餐廳的必食之選有五款，除火焰菠蘿暫停供應外，其餘各點一客試試。白玉王鴿熱食皮脆，肉味濃，但肉汁未算豐富。猛虎咬豬雖以豬腩肉製作，但選料不算太肥，細周生擇肥而食，一口氣吃了件半，筆者只能淺嚐一口，未能試真味道。荷花蒸飯內有充足的蝦肉及雞丁作餡，加上搶口的鹹蛋黃碎，味道不俗。無咁簡蛋主要素材是辣子雞，以川椒炒勻炸雞粒，入口以川辣口味為主，鹹重辣輕，雞肉不太出味。菜式借用「無咁簡單」為名，玩味之處落在「假蛋」之上。大家所見的蛋黃，其實是芒果醬汁，做法相信參考了份子料理的晶球化作用。以酸甜果醬伴以上火炸品是不錯的

今天晚上，特地和爸爸媽媽到來，爸爸媽媽特地由屯門坐巴士出來，這裡地方很大，座位也尚算舒適。我們點了很多食物，差點吃不完，最有記憶的一味，就是這個糖醋魚，首先這條魚是沒有魚骨的，爸爸媽媽絕對啱食，外面十分香脆，魚肉還算是嫩滑，可惜醋味太重，十分刺鼻。這裏有幾款手工啤酒,也是香港製造的,可惜十分重口味,不是每個人都適合。這一個中式餅，夾著五花腩肉，中間有些酸菜，口感特別，感覺就像中式漢堡包。其實如果特地由屯門遠道而來，加上價錢不便宜，性價比相對較低。

第一次試唐宮小聚...先覺得環境都幾ok有open kitchen今次order左松露香菇包丶荷葉飯丶白玉王鴿及柚子蝦餃。各樣食物都有靚靚造型而個人最like係松露香菇同白玉王鴿真係好好味呢整體都係好ok下次再試其他美食PS L Place d lift真係要耐心等候