唐宮小聚 (The L. Place)

营业中

休息中

冬大過年，做冬又點可以求其食呢！拉大隊一行十一人到唐宮小聚開心食，我地一早做好準備，book定枱，一放lunch即刻急步飛過去！等左一陣，就已經被安排入座，正！一坐即刻拎住張點心紙喪☑️，好似唔洗錢咁，想食咩就☑️咩，爽到爆核！有圖有真相，所有點心真係無得輸！真係超好味！無咩可以彈既地方~

碟上印有螞蟻圖案, 很有趣沙薑豬手 (8/10分) - 切成一粒粒, 好入味。葱油樹雞 (7/10分) - 葱油味好香, 如果起埋骨會更好。蝦多士 (9/10分) - 炸到脆卜卜, 隻蝦好彈牙, 推薦菜。白玉王鴿 (9/10分) - 細細隻, 但係都算多肉, 香脆可口。松露香菇包 (8/10分) - 造型可愛, D菇好香又足料。黑金流沙 (9/10分) - 型格點心, D奶黄真係流出黎, 好睇好食。雲呑湯麵 (7/10分) - 雲吞有4大粒, 麵質亦不錯。肉鬆抓餅 (7/10分) - 抓餅鬆脆, 肉鬆好味。猛虎咬豬 (7/10分) - 眼見舊豬肉好肥, 不過食落唔太肥膩, 加埋酸菜, 非常夾味。唯一係女洗手間只有一隔, 要排隊, 前往洗手間時地面比較滑。餐廳清楚程度很好, 侍應手腳快, 食物好味, 會再去幫襯！

朋友喺外國回港探親朋好友，都想回味一下中菜。朋友見唐宮小聚介紹嘅點心同其他食物都幾有Gimmick，就決定試下。因為訂左位都唔需要等就可以立刻入座😃朋友話個碗有螞蟻 / 烏蠅圖案好恐怖🤣點左3隻乳鴿，每隻$25，每位限點1隻。好好味喎（原來已經係全餐最好味😅），醃料嘅味道適中，炸到皮脆肉嫩😋豆腐蝦餅。味道都唔錯，都幾多鮮蝦😊火焰菠蘿。呢個絕對係gimmick餸，菠蘿上枱後侍應就點火，菠蘿外層塗左助燃物，當火熄滅後侍應就收返個「菠蘿蓋」，原來入面係菠蘿青椒炆牛腩！牛腩都幾林幾入味，但燒菠蘿皮絕對只係gimmick，對入面食材嘅味道完全無影響😅松露香菇。只係冬菇樣嘅蒸包入面有一大堆菇，但菇味又唔係特別香😐黑金流沙。應該係竹炭包面層塗金箔，餡料係蛋黃流沙，味道唔錯，蛋黃幾香😌鮮薺菜餃。好普通... ...甜品點左1 set三款（椰汁紅豆1件、小小楊梅2件、薑汁千層2件，走左先發現原來椰汁紅豆無黎到😤😤）。小小楊梅，個皮怪怪的，有少少梅味但又唔夠酸，餡係得少少綠色嘅吉士！薑汁千層得薑味無乜甜味，又太韌。好似咬緊嚿薑味橡筋😑另點左榴槤雪媚。原本非常期待，但咬開，餡料不似預期，因為感覺唔係新鮮榴槤

訂左7人枱打算請一眾公司同事食餐飯，早2日打電話訂12:15，早上10:30再用電話確認訂座。12:22分到達被告知因過了12:15所以沒有枱！而且下一張枱需要等人埋單，等於趕客走！Booking 10分鐘內留枱是常識，而且提早把7人枱撥給别人並沒有知會我，職員態度惡劣一付抵你死的樣子。收得咁貴態度同大排檔毫無分別!如果人多訂枱千萬不要選擇唐宮，不然請提早5分鐘standby因員工完全不會為客人考慮！

最近好多點心店都出左公仔圖案去吸引客人來吃今次我都吾例外都係為左佢出既玫瑰花🌹紅豆饅頭吸引而來可惜黎左先知今期無左尼款點心 原來尼間店經常會更新餐單雖然無左尼款仲有好多款不同花款既點心包其中招牌《黑金流沙》$49包真係熱辣辣未食到已流晒出來了 不過可惜佢外皮已經爛左小小但味道真一流同名符合一樣咁流沙尼款《小小蘋果》$39 整到連朋友都以為真既青蘋果🍏其他佢係包入面有蘋果溶食落味道同老麥蘋果批相似尼款《小小楊梅》比我想像中更好吃因為佢除左樣既楊梅外佢外表好有咬口尼款豬豬🐷其實係紫薯蓉 不過真係要親熱食 凍左會變硬了《紫蓉豬豬》$23 一隻食左咁多甜包 終於點左樣鹹既《蝦多士》$69真心推介 外脆內軟既蝦多士係我最喜歡💕尼款係每日限定$25《白玉王鴿》乳鴿 賣完即止味道不錯可惜無乜肉食今日食完尼餐甜到入心因爲食左多款甜包雖然不但好食又影相一流但下次都係一次過吾好叫咁多款包 因為甜左成日

第三次到訪『唐宮小聚』，不過就第一次光顧皇后大道中 ～L Place～ 呢間中環店。呢到無論環境、擺設、格調同設計跟尖沙嘴一模一樣...營造像高級酒店般華麗...燈光柔和而且地方闊落！推介呢到既乳鴿！咬落皮脆肉嫩...好抵食！而且佢哋仲提供埋手套同骨筒比客人，安排非常貼心！另外...佢個泥蜢粥都係必食之一！啲魚去哂骨...煲到溶哂...所以啲粥非常鮮甜！其次就係個辣口水雞...雖然真係好辣好辣...但係又整得好惹味喎！食過會返尋味！個孟虎咬豬就第一次試...有啲似用蒸包夾住塊濃味既五層肉嚟食...幾正！不過呢樣就覺得有啲貴...一件要成$39!

前菜是自選的組合，蠻精致的，其中的麻辣香腸味道不錯，其他的秋葵和馬蹄則沒有什麽特別。甜醋豬蹄味道奇特，不過不算難吃，炒芥蘭嘛，也不過不失。鮑魚撈飯的鮑魚可真是太袖珍了，鮑汁飯還可以。

pigeon excellent- juicy and good flavorsteamed turnip cake not very good- no turnip flavortruffle mushroom bun excellentsesame ball with crab meat excellentsesame sauce wonton not bad

Never really love Dim Sum, till I try Social Place.   Order couple dim sum during lunch time, especially like truffle shitake Buns, signature roasted pigeon and sweet photo piggy buns.Truffle buns are so soft and tasty, really like its look, really look like a mushroom.Signature roasted pigeon are so juicy, crispy and tastySweet potato piggy buns are so cute, not too sweet.For sure will come back again and try some other dishes!!!!

朋友聚會專情食中菜，今次就來到唐宮小聚試一試！ 食中菜，一定少不了乳鴿、醉雞和紅油抄手，而食物水準沒有令我們失望，味道一流～但最喜出望外和值得一提的是醉蟹，可能是蟹季的關係，蟹膏多而十分入味，價錢亦可接受，於是同朋友一人一隻！來到甜品時間，發現除了傳統中式糖水，還有創意甜品選擇。不過今次太飽，唯有留待下次回來再試！！

今晚帶埋屋企人黎再食，因為上次埋單收據尾有張$50現金卷$50現金卷好重要既！食到2隻白玉乳鴿（$25/每隻）🤤每人只限1隻堂食每次食都覺得正，特別佢比埋手套濕紙巾，可以用手撕開d肉汁滴落黎，睇到心心眼😍猛虎咬豬$39個名好霸氣，原來係個包夾住一夠肥豬肉，肥得黎一層一層，中間仲有醬汁同酸菜，中和番油既口感小聚拼盤（沙薑豬手、貢菜海蜇、糟鹵醉蝦）$109咁樣拼都幾抵食，不過都算細碟但勝在精。沙薑豬手 - 食唔出有薑味，豬手既皮咬落去好爽食左幾舊都唔會覺得膩粉墨登場$99（墨魚汁、薄荷葉炒飯）墨魚汁意粉食得多，墨魚汁炒飯真係第一次，估唔到咁香口飯裡面有粒粒墨魚，再加上一隻隻紅色8爪魚仔令口感大增

朋友推薦黎依到食，經過就黎食個下午茶，依到都有好多野食，好多都想試下次叫多d人黎晚飯試埋其他款先⋯⋯白玉乳鴿$25每人堂食只限1隻佢好貼心咁比 埋膠手套、濕紙巾食完可以用，唔怪得限定真係好食，熱辣辣，個皮有少少脆卜卜，不過有點細仔食完1隻真係會想食多隻😝😝😝陳釀醉蟹$69開頭以為係生既唔敢食，睇一睇餐牌寫明係熟既就試一試，蟹膏都幾多望落好似生，食落可能凍既關係都有d硬都係普通蒸蟹原汁原味正d雲吞湯麵$59個湯清清地，一口一雲吞，其實我係叫擔擔麵唔知點解比錯，不過唔緊要啦，下次先再試擔擔麵

今日公司老闆生日，安排嚟呢度食餐新潮中餐先。呢度地方好大，午飯時間真係好多人呀，唔訂位嘅晏啲上嚟，應該都唔洗等位。點菜內容我唔太清楚，所以都係憑記憶架咋。醉蟹蟹個樣有啲似大閘蟹，唔理啦，酒香而不嗆口，蟹肉入晒味呀。乳鴿皮脆肉嫩，仲好豬士添架$25一隻，枱枱都會叫，怕污糟記得叫侍應比手套，環保啲都係用手啦。呢件炸物，新鮮即炸，香脆無比，入面有啲芝士同唔知乜，都幾好食。水煮魚，我好怕辣，都食咗兩塊，魚唔算正宗嘅咁大塊，不過都好滑，麻同辣期實都唔太強嘅，入面仲有啲薯粉，食得辣嘅一定會食埋。蟹粉豆苗，豆苗好鮮嫩，但係蟹粉就冇咩蟹味喇。炸魷魚鬚，普普通通冇咩特別。欖角四季豆，都係平平穩穩啦。松露鮑魚飯，松露嘅香包住每一啖飯，鮑魚得一隻由壽星公食咗啦。韓國年糕，有啲魚同蝦，醬汁酸酸甜甜，魚都係偏細，蝦就一般啫。今次第一次試，感覺侍應好似啱啱入職冇幾耐，轉數唔夠。叫沖茶，應完又唔記得，冇咗件事。叫攞牙櫼，情況一樣。叫埋單又冇事喎。最後係希望佢地，安排坐位時要增加經驗。我地等位時，見到有兩個人坐4人枱，我地6個人都係坐4人枱，餐點上枱時一次過嚟，真係冇咁多位放，同埋影相架。

每月一聚，朋友揀咗喱間餐廳，在3日前經電話book定位，在電話中個職員重覆咗2次 - 7點入座8:30交枱，心想喱間餐廳應該好受歡迎.放工來到餐廳樓層，一入門口眼前一亮 - 餐廳的裝修非常不錯，只係music 比較大似落咗D好彩我唔係坐，好睇唔好坐的乒乓波枱，我哋坐正常餐枱.全餐飯最正係喱3隻紫薯豬包，不過偏貴每豬 $29.純粹試新餐廳可以一試，不過聚會傾計這裡的music 比較嘈，如果食好嘢這裡完全滿足不到你的胃口.這個價錢食這些東西，見人見智.

The place is too loud (noisy), may be due to the design with table too packed together. Not really a very good and relaxing social place as the name of the restaurant try to achieve.Washroom just next to their door to the kitchen, give us a chance to look how they operate inside. Not as tidy and clean as we expected.The presentation is cute, though the food is on average. I will give 3 for their taste and 4.5 for those lovely cartoon dim sum.