影片
更多
2018-02-04
337 浏览
利申：本人絕不是打手1. 沒有頭像，是因為 openrice 平日只用作搜查餐廳之用。2. 第一篇食評，便給予負評給此餐廳皆因是此用餐經驗極度之失望。今日係2月4日（星期日），對於哈豆的認識緣於幾年前飲食男女之報導，如沒有記錯是一對小情侶用心經營的小店，所以一直記在心裡的想試名單之一，奈何本人家住新界，基本上不會路經觀塘，所以一直無緣一試。直至最近由於工作關係，星日會在觀塘區工作，因此昨天查了openrice, 確定星日會營業，於是今天造訪。我叫了牛肉麵+黑白珍珠奶茶共HKD98，價錢其實不太便宜，不過如果好食便值得。首先如圖示，逐一餸菜介紹：湯底：淡、無咩味 （唔可以話完全無味）包括隔隣情侶對話中也表示同一意見：湯唔夠味。花枝丸：不彈牙。貢丸：有雪味（即冰櫃味），可能無做拖水處理。白紅蘿蔔：正常味，但煮得過淋，即過霉，入口即溶個隻。麵：的確是台灣刀切麵，全碗唯一好食的材料。牛：最大問題出於牛，首先圖中半腩共三舊，完全煮成過老，好似食梗橡皮咁，都勉強食左佢唔想浪費，但唯一一塊牛展係完全咬都咬唔開，好地地既食材，點解可以煮成咁？圖中的牛肉麵完全表現出「金玉其外，敗絮其中」！至於飲品黑白珍
1. 沒有頭像，是因為 openrice 平日只用作搜查餐廳之用。
2. 第一篇食評，便給予負評給此餐廳皆因是此用餐經驗極度之失望。
今日係2月4日（星期日），對於哈豆的認識緣於幾年前飲食男女之報導，如沒有記錯是一對小情侶用心經營的小店，所以一直記在心裡的想試名單之一，奈何本人家住新界，基本上不會路經觀塘，所以一直無緣一試。
直至最近由於工作關係，星日會在觀塘區工作，因此昨天查了openrice, 確定星日會營業，於是今天造訪。
我叫了牛肉麵+黑白珍珠奶茶共HKD98，價錢其實不太便宜，不過如果好食便值得。
首先如圖示，逐一餸菜介紹：
湯底：淡、無咩味 （唔可以話完全無味）
包括隔隣情侶對話中也表示同一意見：湯唔夠味。
花枝丸：不彈牙。
貢丸：有雪味（即冰櫃味），可能無做拖水處理。
白紅蘿蔔：正常味，但煮得過淋，即過霉，入口即溶個隻。
麵：的確是台灣刀切麵，全碗唯一好食的材料。
牛：最大問題出於牛，首先圖中半腩共三舊，完全煮成過老，好似食梗橡皮咁，都勉強食左佢唔想浪費，但唯一一塊牛展係完全咬都咬唔開，好地地既食材，點解可以煮成咁？
圖中的牛肉麵完全表現出「金玉其外，敗絮其中」！
至於飲品黑白珍珠奶茶沒有影相，賣相是正常的，不正常的是：
1. 沒有茶味。
2. 少許奶味，而這種奶味就像煉奶用過多水開出黎既淡而無味一樣。
全碗麵我就只食淨牛展，可能你會話，唔好食你又食晒咁濟？
我係本住唔浪費食物，夾硬食晒佢，如果全碗麵無味，我反而覺得無問題，我可以自己加下鼓油、辣椒油，但你依家煮到所有野過老，你係浪費食材，你憑咩一碗麵賣HKD72、一杯野飲賣HKD36？
最後原本想等職員收碗時作出反映，奈何2位樓面本身招呼客人都 hea 下 hea 下，我都唔想特別講 d 咩，我亦無意要換碗新、或唔比錢。
唔知係我唔好彩，定可能真係我太挑剔，竟然有咁多好評。但如果連一碗牛肉麵你都做唔好，不如你改賣其他，唔好做壞台灣小吃既招牌。
以上意見全出自真心，並非同行惡意中傷，全屬個人—作為一個愛好美食者，食完心情好惡劣既感受，謝謝！
张贴
