哈豆

营业中

休息中

繼續工業區搵食之旅，今日就去左一間食台灣菜既小店。台灣食品一向深受港人喜愛，台灣食店亦都開到成巷成市，不過真正地道既就真係唔多。但哈豆老闆係台灣人關係，所以菜色都偏向接近台灣口味，岩晒無時間去旅行又想食台灣食物既人由於自己一個人既關係，所以只Order左一個小食同一個飯。《冰火芝士佐鹽蘇雞》剛炸起既雞肉嫩滑多汁，再係上面舖一層厚厚的微涼芝士醬，冷熱感覺分明，而且味道配合得好好，非常好食，值得推介。《鮮梅佐炸豬扒飯》豬肉沾上薄薄炸粉，炸後再加少量淮鹽，好正宗既台灣做法，肉質鬆化。沾少少梅汁，梅既酸味另味道更豐富同有層次 同時消除部份油膩感。飯既配搭同樣出色，有肉燥， 滷水蛋，麵筋同青瓜，口感十足最後Order杯《黑白珍珠奶茶》，奶茶係偏向奶味濃，茶味淡的黑珍珠感覺較彈牙同較甜的，相對白珠就淡D但無咁QQ各有特色。臨走老細話佢地其實中午已經營業，同埋即將會有火鍋推出(普通話較弱，希望無聽錯啦，哈)好期待，必再光顧。