哈豆

营业中

休息中

同朋友一齊食台灣嘢，觀塘台灣嘢大部份都係食春水堂，但係唔係好想食APM，所以嚟咗呢間。朋友表示呢一間相對CP值都唔錯，唔算太貴味道都正常。但是今次體驗很差，我哋叫咗一碟台灣腸，台灣腸係正常味道，但係$48四條比較貴。之後再叫咗一個蕃茄牛肉麵同埋藥膳麵，蕃茄麵嘅蕃茄湯底冇蕃茄味，面太腍唔夠爽身，藥膳面嘅藥膳湯底還好，但係豬肉略嫌有啲老，有啲難咬。飲品冇驚喜，但係味道正常，叫咗一杯珍珠奶茶同埋一杯芋泥鮮奶，芋泥鮮奶奶正常味道。

上次食過apm隔離個間，今次黎試下呢間，個體驗就十分差。今次食既menu同apm個邊個個好似唔同，不過都試下有冇驚喜。今次叫左兩杯飲品同埋一個便當一個湯麵。豆漿係幾好，同綠茶混合得幾好。另外一個梅子飲品就有個藥水味道，梅子味道蓋過綠茶味道，就真系麻麻。跟著個湯麵就幾麻麻。麵唔會太硬或者太腍。但係個湯底個蕃茄味道好怪，有啲似牛肉湯麵加蕃茄汁。個五寶便當就好差。我expect個啲丸係炸既，原來係同湯麵個啲一樣係燙熟既。跟著啲肉燥真系唔係好接受到係咁，成個便當最好就係咁腸仔，就真系有汁。

鹽酥雞肉燥飯套餐：雞塊幾多幾酥脆香腸肉燥飯套餐：香腸冇台灣咁甜但都好食好爆汁甘梅蕃薯條：好食好開胃，好有台灣味😋套餐果兩杯豆漿紅茶同紅茶都唔好飲，特別果杯豆漿溝紅茶，兩隻味都冇🥲紅茶就正常紅茶淡淡地幾香幾解膩。店員好有禮貌!!!✨同埋牆上面幅油畫都好特別好靚🤞🏻

食物方面：個種台灣美食應有盡有，叫咗牛肉湯麵，豬手撈麵，地瓜條，鹽酥雞，兩杯野飲，食物味道唔錯😋😋😋份量亦都好足👍🏼👍🏼👍🏼不錯的台灣餐廳！服務方面：正常環境方面：人唔算多，坐得舒服，有音樂聽，聲量適中，傾計都ok性價比方面：台灣菜黎講，價錢好合理，甚至比其他台灣餐廳便宜，而且份量足不錯👍🏼如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆

喺成業街 有午市套餐牛肉鮮蕃茄乾拌麵 (套餐$66)幾大碗 蕃茄酸酸甜甜咁好開胃拌麵係粗麵 好有口感牛肉都好冧 入口即化 幾有牛味另外都有啲菜同埋半隻滷水蛋成個餐好飽肚 唔錯唔錯👍🏼另外飲品叫咗杯胚牙豆漿 (跟餐+$6)由粒粒胚牙喺入面 幾有咬口豆漿唔會好甜 都幾好飲嘅～都叫咗兩個小食台灣滷水拼盤 ($58)有豆腐、滷蛋、牛肉、豬蹄同埋雞翼份量唔算好多 都唔算好入味一般 正正常常啦另一個小食係甘梅番薯條 ($38)極多甘梅粉 配甜甜地嘅番薯條酸酸甜甜正 而且都揸得幾香脆😎👌🏼

哈豆；觀塘工廈的台灣菜屋企人介紹黎觀塘食野，推薦呢間哈豆我叫左牛肉麵加一個小食拼盤加飲品雖然估唔到牛肉麵就係牛展，不過味道都ok價錢都係唔錯的，炸物就還好，但都算多種類性價比唔錯，而且剛剛開門無耐就到，位都唔洗等

觀塘開源道好多工厦係Studio影完相後Join埋朋友一齊晚飯去尋找隱世工厦美食路邊攤香腸肉燥飯睇個賣相已經好吸引，豐富嘅配料有台式香腸、肉燥、滷蛋等，滷肉飯上面淋滿滷肉汁，唔會太鹹係我鍾意嘅味道👍路邊攤蝦卷肉燥飯蝦卷炸得好乾身，內裏淡淡蝦肉😍好惹味～仲有配埋辣菜脯和炸蒜片，加埋肉燥飯簡直一流，口感豐富有層次台灣牛肉湯麵招牌地道風味牛肉麵🐂麵條粗身有咬口，牛肉嫩滑厚身份量充足，加埋濃郁湯底正🤩

Intro: 今次又因為工作關係又黎到觀塘，咁岩放飯時候又近觀塘區嘅工廈，就去左主打台式便當、撈麵，今次就試作地嘅豬腳肉燥乾拌麵～___________________🍽 萬巒豬腳肉燥乾拌麵💰 60 （送指定飲品） ⭐️8/10✍🏻 豬腳相對豬手更多肉，而且肥肉嘅比例唔多，今次廚師比左大約八舊，份量好多；✍🏻 而且秘制甜甜地嘅汁幾夾豬腳，但又唔會特別肥膩；✍🏻 麵條比較粗，好適合做拌麵，再加左啲帶點辣嘅菜蒲效果更好，麵條有啲似上海麵，但更加彈牙同更適合掛汁。___________________🏠 哈豆📍 觀塘成業街19號成業工業大廈2樓29室⭐️ 8/10___________________

今日行過一間台灣菜小店，外面張貼一啲好撩人嘅菜單照，心諗一定要試吓。店內擺設好似置身台北某個街角，即刻投入食嘅心情。🍴首先試咗個招牌鹹酥雞，個下巴差啲咬穿🤤！外皮炸到金黃鬆脆，入口即化，個雞肉又嫩又多汁，啖啖肉嘅感覺真係正！跟住食返啖涼拌苦瓜，清新嘅口感幫我清新下味蕾。苦瓜切得薄薄地，入面嗌醋同蒜蓉嗲得很，酸香開胃，真係過癮。再嚟個招牌貢丸湯，貢丸彈牙得嚟唔會太過硬，湯底清甜得哩，估唔到可以飲到平、靚、正嘅台灣味喺呢度。🥣吃貨嘅我當然唔會錯過拌麵，選咗份擔擔麵來試。口感Q彈得嚟帶點辣，啱哂愛挑戰香辣嘅你。濃郁嘅花生醬汁包裹住每條麵，令人食指大動。最後以一杯滑順嘅奶茶作結，微微苦澀中帶着甜，啱哂黎個圓滿嘅ENDING。🥤簡單嘅食評，卻真切反映我食呢頓台灣餐嘅愉快心情。正！花少少錢就食到實在嘅台灣佳餚，真係值得一試！

哈豆有兩間分店都係喺觀塘呢間分店就行平民化路線 所以定價都相對比較平餐廳有一幅好大嘅台灣電視劇受電影人物相關璧畫係一個打卡位 📸 有華燈初上 又有那些年坐低咗之後會有落單紙 自己寫好no. 就去收銀度俾錢就得我哋都食套餐 包埋嘢飲🔹️椒鹽排骨肉燥乾拌麵 配豆漿紅茶珍珠排骨無骨 肉質鬆化juicy 而且酥香脆口 同平時食嘅炸排骨唔同最緊要係仲熱辣辣肉燥夠哂濃郁 拌麵一流 啖啖麵都有肉燥另外仲有滷水蛋伴隨 好好味豆腐紅茶第一次飲 有驚喜 原來豆漿同紅茶可以咁夾 幾好飲仲要凍飲無冰 唔會整淡咗豆漿嘅味道珍珠有咬口 好值得去試❗️🔹️山賊燒雞翅沙茶乾拌麵 配桂圓紅棗茶未試過沙茶醬拌麵 個效果又幾好雞翼有3隻 正啊 肉質嫩滑桂圓紅棗唔會好甜 一路食一路飲又幾夾🔹️麻辣丸子三兄弟 麻辣味好惹味 3兄弟又夠彈牙🔹️台式滷水拼盤有豆腐 牛𦟌 豬腳 滷蛋 同雞翼滷水夠哂入味 好食又唔會好咸 仲啖啖肉份量好足 好抵食✅️拌麵夠彈牙✅️全日無加一

［哈豆］一入去就俾佢個幅唔同台灣電影角色的壁畫吸引住就會諗返自己睇過D咩戲🎦🎦每一套都好經典都幾多野食揀哈豆有2間分店原來我食呢間就比較平民化D價錢就平D有機會去試埋另一間分店先有得揀散叫/套餐既家傳肉燥乾伴麵🐷🐷❤️辣菜脯粒、乾蔥、蔥粒、滷蛋、芽菜同生菜係面❤️手工麵都好掛汁都幾彈牙豐盛台灣牛肉湯麵 $78🍜🍜❤️幾鍾意有微微的藥材味❤️牛好淋又入味❤️牛丸好加分, 好肉汁炸物拼盤❤️有香腸、鹽酥雞、牛丸、墨魚丸、蝦卷和地瓜條❤️最鍾意個地瓜條好香甜阿華田拿鐵❤️好似MOCHA咁但就轉左香港地道的華田又另一種感覺百香果綠茶QQ❤️堅多料一路飲一路都有好多椰果同珍珠珍珠再煮淋少少就仲好手作芋泥窩夫❤️個窩夫幾鬆脆個芋泥蓉都幾多, 入面仲有粒粒的芋頭增加左個口感P.S. 雖然得2個人做, 但上菜都好快同埋服務態度都幾好 加分回頭指數(10分) : 7分√√√√√√√價錢(5分):💰💰💰味道(5分):😋😋😋😋打卡(5分):😊😊😊😊

係觀塘區返工 哈豆呢間餐廳聽過好多次 一直都未有機會去試係觀塘就有2間分店 成業街分店比較近今次先嚟呢間試下成業街分店平民少少 就係工廈餐廳嘅一貫裝修 呢間分店有2個ROOM 靚D果邊最近都引入咗台灣電影人物相關嘅璧畫 相信係觀塘工廈食開嘅 環境唔重要 重要嘅係岩唔岩食 好唔好食 同 抵唔抵食😎🍽️雞翼拼丸子麻辣乾拌麵 (套餐$64)🧋仙草豆漿 (跟餐+$6)🍽️五寶雜錦醬乾拌麵(麻辣醬+芝麻醬) (套餐$68)(五寶雜錦有香腸、雞翼、豆腐、貢丸同花枝丸)🧋珍珠豆漿紅茶 (跟餐+$4)🍽️逢甲鹹酥雞 ($48)2杯飲品都好飲 尤其欣賞呢個豆漿紅茶👍🏻而且跟餐先係+$4 +$6！好抵！2碗麵都好大碗 我係食唔曬嘅 香香辣辣味道都相當唔錯鹹酥雞 隔好曬油先上 夠香脆味道剛好呢間餐廳居然令我覺得好有那些年嘅感覺 下次可以再試埋駿業里果間🤓

👧🏻😋👅🍽✨抵食高質工廈台灣菜🙌🏻-哈豆🇭🇰 觀塘成業街19號成業工業大廈2樓29室 🇭🇰-🇹🇼 早食飯去到都見到幾枱客食緊甜品飲緊啡, 觀塘返工去食個tea傾下野都幾chill😌 🇹🇼 餐廳有用台灣電影做主題既壁畫, 柯震東件衫分開一半分飾那些年柯景騰同月老石孝綸好有諗頭🤣 畫得好靚, 鍾意台灣電影既朋友都可以黎打下卡-🍜椒鹽排骨芝麻醬乾拌麵 套餐價 $66💯椒鹽排骨係係骨豬扒, 醃醬鹹香, 炸脆左但唔會太乾, 有keep返肉汁係裡面💯麻醬唔會太杰, 拌麵好適合, 肉燥, 菜甫同香蔥撈埋勁有化學作用, 唔記得走蔥既我覺得好好味😆-🐓 鹹酥雞拼香腸麻辣乾拌麵 套餐價 $66✨鹹酥雞新鮮炸起又係爆汁, 外脆內軟都唔會太鹹; 波波腸甜甜地好juicy✨麻辣醬麻香十足, 溝埋肉燥唔會話太辣; 麵條雖幼但好有咬口!-🦐 香酥腐皮蝦卷 原價 $48 跟餐減 $10💯比常見蝦卷冇咁炸好正! 卷皮係薄脆質地, 包住有蝦粒既幼滑魚蛋-🐖 厚切萬巒豬腳 原價 $40 跟餐減 $10✨冷盤小食豬手份量都多, 唔算太肥主要係軟腍腍筋位好多骨膠原-🥛 ☕️葉月紅茶 跟餐免費豆漿紅茶 跟餐免費💯紅茶底甜甜地香濃但

豬腳肉燥乾拌麵+凍葉月豆漿紅茶 ($68) ●●● ●○撈面好普通 醬汁唔夠豬腳都幾入味🐷有好多件熱啲會好食啲骨膠原部分煮得夠彈牙 不過肉嘅部分唔夠腍豆漿紅茶聽落怪怪地 點知又唔錯 比起普通奶茶/豆漿味道輕盈啲 可以試下🥤📍哈豆💰: ●●●●○環境、服務：●●●◐○（成業）

🔸台灣五寶拼盤肉燥飯 $62🔸台灣牛肉湯麵 轉新竹米粉 $66🔸炸物拼盤 $58-收工同男朋友撐枱腳，喺工廈揀咗依間性價比好高嘅台灣餐廳。我揀咗台灣牛肉湯麵，轉左我最愛嘅新竹米粉，牛肉湯底清清地，好味。男朋友就揀咗五寶拼盤肉燥飯，五寶有齊香腸、雞翅、豆腐、貢丸、花枝丸，仲有半隻蛋同埋肉燥撈飯，超級豐富！另外仲叫咗一份小食拼盤開心share，有香腸、鹹酥雞、丸子、蝦卷，仲有我最愛嘅蕃薯條～超級滿足啊！