品穀

营业中

休息中

買過幾次品穀的麵包，對於他們的麵包的質素絕對不懷疑，但今日食飯時間，想買既時候發現居然係準備中，仲要排隊⋯我會奇怪，係師傅預製麵包時間有誤，還是店家想玩話題？成家店唔會一樣產品都無得賣吧？都要關店準備中⋯只會給我一種「大牌」既感受，希望店家見到，認真考慮，你想做好味有實在既麵包俾人食既時候，係想俾任何人黎到都買到都食到，定只係俾追捧你地麵包既客人食

香港人真係乜都要排隊...開倉排搵學位排公屋排食好西排...lol食野排隊其實好常見但連麵包店都要排隊我就真係第一次見😂😂Big Grains.二點鐘出爐，我二點半去到，前面仲有15~20人🤷🏼‍♀️1x~4x$$ 麵包都有每八個八個咁入去防止店內太多人迫+做唔掂只有一個cashier呢留意, 只收現金麵包有好多款，無花果、parma ham、芝士合桃、蜂蜜、酒味⋯⋯勁多款今次最想買係朱古力牛角So!!但已經sold out 了買左芝士合桃～lee 款係岩岩（3點）出爐，仲暖笠笠嫁入口軟綿但有咬口，唔會好似聖xx 好似食空氣咁好有麵包味！合桃同芝士都算多暖笠笠ge 芝士軟綿合桃正路但排左9個字先入到去雖然好味但都係排咁耐的話就唔會再考慮了另外仲買左蜂蜜麵包、紅莓芝士、earl grey scone!比媽媽的！

本來係因為睇左毛記諗住支持一下小店，今日去到門口見有人龍都替佢地開心。但排左一輪到食埋個包有以下睇法:人多要喺門口排隊，合理 (如隔離澳牛); 面包焗緊無現貨要等，都合理; 但如果店內無客而又有部分貨品，喺無問人要咩嘅情況下要人喺門口食風呢就有啲唔合理，如果我要嗰隻包本身新鮮出爐就因為我喺出面等左半個鐘所以凍左 😑。當然排隊買嗰個心甘命抵都無得好講，但喺鋪頭裡面無客嘅情況下阻住條街攪到隔離大廈啲老人家出入唔方便就唔係咁好。包，係足料嘅，價錢值唔值呢啲就好個人所以唔評論。會唔會再幫襯呢就好睇以上情況有無改善。

係真材實料既，但係值唔值得排 1 hr就見人見智。當日1點53分去到要係門口排隊，因為麵包 2點整先ready賣。(出爐後再放涼) 人龍好長，仲要每次放 8 個人入去，每人最多限買 6 個包 (其中最多只可以買 2 個蘇類包 - 牛角包 etc). 圖下所見，佢會係門口貼住有咩包款賣，但係每次款色唔多，賣晒就無。講返 d包，佢真係好真材實料。個個包都好重身同實淨。唔會好似出面個 d咁得陣風，同係外國食到既包相似。但係包款都偏西洋風 eg. earl grey raisin (d raisin 超多，而且係高質) , 無花果包 etc. 但係不得不讚佢個earl grey scone (順帶一提， d scone and cookies無限量任買) 而且 the scone一 d都唔乾，好好食。香港好少scone係好食。

麵包是挺包肚。不像出面連鎖店真空的。但主力係法包歐式包之類。小點牙力吃可慳返2/26日中午13:30排要等到14:40先可以入場買。小點毅力就買唔到麵包貨源小要想食真係要早早起身黎

排左個半鐘買到6個包（最多每人），當然即刻試咗新鮮嘅三個，但係唔係想像中既香同䁔苙苙。不過食得出係用靚料。雖然係好包，但一定唔會再排，因為要排隊大部分係因為手腳慢，員工左搞右搞，有點似固意製造長人龍，大部分人（包括我）都係好奇點解咁長龍而排。如果唔洗排隊係值得買既。合桃芝士包好有口感，玉米包好一般所以最平（但都＄14），方包皮脆。

法棍品种好多，有全麦又有大有细，真系天然酵母发酵，面包体做得超好，牛角包亦都好完美，比好多网红店好太多。香甜面包品种丰富，芝士都好好吃，真系好少对一间面包店评价咁高，希望佢生意兴隆，试过一定唔会失望！超有惊喜

說到麵包制作，講求時間，心思。現在很多麵包店濫用發粉（ＢＡＫＩＮＧ ＳＯＤＡ），一兩小時就造好一大堆成品麵包，高糖，高油，高脂。平日在麵包店吃的麵包味道很甜？大概就是因為沒有酵母發酵，麵包的味道只能靠這些現成材料補救。既不健康，麵包味道款款都一式一樣。我喜歡小店的原因就因為他們肯花心思，迢裡除了有個曾到訪法國取經的靚仔老闆，他還肯花時間讓麵包慢慢發酵，就用一整天的時間去準備新麵包，明天發賣。所以每一天的麵包都限量發售。這些日本人才肯花的心思，讓香港被日式拉麵店／日式麵包店侵佔，難得香港人也有這種堅持，當然要過來支持下。巧合地用上近排大熱的京都抹茶名店丸久小山園抹茶，連Ｋ１１名店都要抄襲他們的大名，可想而知必有質素保證法國入口麵粉，牛油，質素就不用說了，知道的就會知道！話說香港有幾間ＯＰＥＮ ＫＩＴＣＨＥＮ的麵包店？說是佩服他們的勇氣，不如說佩服他們的衛生程度又日式又法式麵包，看得人眼花撩亂，除了配料特別的如巴馬火腿跟紅莓芝士之外，還有音羽紅豆跟長短法包。最令人印象深刻的，一定是ＣＲＯＩＳＳＡＮＴ，外脆內軟，亦沒有外間ＣＲＯＩＳＳＡＮＴ過甜而且吃完滿口油的問題，非常出色！法包外皮堅韌有彈

作為健康麵包愛好者 相信這間小店絕對係佐敦區最好麵包店！起初以為店家只係掛著高級材料麵包的旗號 實為粗製濫造出沒誠意的麵包的商家但吃過三款麵包後 確定佢地係：有團火、有誠意、有堅持的烘培業者！傳統法棍$33，外脆內軟，氣孔組織富彈性五月無花$36/核桃金棍 $30兩款同為裸麥法包，吃下去核桃一款較重麥香，脆皮包著滿滿核桃同杏仁，甚為滿足！無花果一款都有脆皮，但中間組織相對較軟身，自問欠缺牙力的朋友可以先試這個順帶一提 麵包同甜點的介紹牌上會標明素食/low gluten 等，方便客人選購合口味食品試畢三款麵包 真正覺得店家係有誠意做出真正無添加，低油糖健康麵包，而且無化學添加物，希望抵制連鎖麵包大量製造的便宜充飢品，成為烘焙業界的一股清流。佐敦一區客源可能無港島或外國人多的區域識欣賞，希望這誠意小店撐得住！

今日終於有機會試呢間啦,由於本人好鐘意食包,而呢間好多人又話好食,之前傳媒又報導過,好彩仲未CLOSED。店子細細,但都有唔少嘅包俾人買有D都好特別架,但每個包都十幾蚊個,可能一分價錢一分貨呢...............同埋有袋裝PACKED好嘅方包俾你買。我就買左大愛牛角包,份面有芝士架,仲標明每日只做80個,點可以唔試呀,另外買多個朱古力咖啡包,四四方方好得意,不過食起上黎都幾困難,店家有提供即刻幫你焗返熱嘅服務,好貼心呀因為包要熱同新鮮先好味架.......而且可能係自家小店,服務好好,講得好詳細,而且仲有做CAKE嘅,買就提前2日訂啦

有少許秋意，最好就是遊走香港。今日去到去佐敦這間麵包店。主要因為見到雜誌介紹，細閱發現麵包師正正實現着好多熱愛飲食年輕人的夢想。放下不錯的工作，到藍帶學院追夢，再與香港大眾分享成果。盡管介紹有機會係廣告，我亦很有興趣去探索下。入到店內，好明顯仍有新店感覺，雖然未有麵包新鮮焗起的香氣，我見到一件件外貌完美的麵包整齊排列於櫃內。OCD嘅食客一定會感覺良好。於歐洲或英國生活過的食家一定嘗試過在香港尋覓好食的麵包，尤其牛角包。一直認為香港最好食的牛角包是馬莎。但今次這間令我非常滿意。馬莎的好食應該因爲比需要用上更多牛油所以非常香，但咬一口，個牛角包就會立刻扁左。但Big Grains 做的我會用text book style 來形容。因為你不會食到滿口牛油，外觀到味道都做得好到位。味道好香又平衡，咬開食到最後都保持到一層層。店長對我應該加熱牛角包先享用，有小許堅持。呢種態度對識食客人的我是幾欣賞的。今次嘅評價可能未夠全面，因為只試左牛角包，但抱著牛角包做得好其他麵包好難差的心態，下次我一定會再試多幾款。最後要提嘅係店長幾charming, 令到整個體驗加分。#非槍手是鼓勵