品穀

营业中

休息中

ery from #品穀 #big_grains and will be the last time as the lady owner is consistently arrogant and talk to you like you never know French patisserie. I went there yesterday and thought the attitude would be better as she looked stressful before the promotion of all these CNY goodies. Unfortunately the arrogance is the same. To be honest, I’ve tried their signature croissant and it is overrated. It is not flaky and buttery at all. Even worse it is quite dry. Overall, everything is impressive.

之前見到fb 某媒體訪問，先知道平時食既麫包有幾唔健康，🙄🙄🙄亦欣賞依個老闆對做包幾有熱試...可惜地理位置唔近我，平時根本唔會經過，咁岩尋日去開附近，終於試到喇😚😚😚依道食物排得整齊有條理，可惜「榛子旋風」包架有點問題，即使按指示拉到最後仍然自行滑出，夾包時有點困難⋯⋯反正也是小問題，無損我欣賞d包s😂今次試左「榛子旋風」同「蝦子香葱」。兩個包都比空氣包更耐咬，更實在，但當然唔係實的的...食完會相對飽d d . 榛子旋風其實係酥皮入面包住流心榛子醬，酥皮同平時食既都一樣咁多層、鬆化，咬落去榛子醬就係中間流出黎，酥皮既牛油香加上榛子既少少甜，Yummy !!! 咁食法係健康左？🤔有無人答到我？？？另外就試左一個鹹包「蝦子香葱」依個既餡全部放晒係包面...感覺就似食緊西洋版既京式葱油包，好唔好食你睇圖就知，反正毛小孩就好欣賞那😝😝😝唯一美中不足係蝦子味唔出，要認真咬一啖紅色蝦子粉先feel到少少。如果下次經過我會再買架！！！

為何值 $24?只係卷住一層層, 已稍微番熱了無朱古力味無麵粉味無甜未內外都只是乾乾的, 撕開時有紙皮的感覺什麼味道都沒有配濃香咖啡唔得, 配鮮奶都食不出其味麵粉等"進口"食材就可以賣咁貴?

抹茶牛角包🍵🥐有意外的驚喜！中間的抹茶Cream簡直神來之筆😍非常濃的抹茶味👍🏻份量也十分多。而且牛角包外層都好脆但又不會乾。我相信如果放落微波爐加熱一定會更好吃👍🏻😋到時就變左做流心牛角包。這個包我一定會再買🤤對於抹茶控來說，這個牛角包簡直是無懈可擊，食完成個真係好滿足喔雖說28蚊有些少貴，但鑒於個抹茶cream真係無得頂嘅關係都值得嘅，間中食下都不錯！期待有新的抹茶作品。一定會再光顧！

品穀一間超有名氣的麵包店，仲上了我喜歡的電視台錄制了星期三港案添。在果度期間，好多好多人排隊，好多好多人買，真係想買個麵包都難😭登，登，登，今晚路過見到，冇乜人買喎⋯⋯唯有即時入去試下啦⋯⋯此麵包，標榜天然無添加，食一個就夠飽等等⋯⋯😆咖啡牛角，$28，唔准自取，味道同一般麵包差不多，不過裏面有cream，要即場啫入去，食落口時就有小小鮮cream仲有糖槳自落。設計幾好，但冬天食落口會感覺到哋cream太涷，唔係咁想食落去👅。推介指數：6/10朱古力咖啡骰仔，手感有啲硬，口感都一樣有啲硬，不過麵包裹面有啲朱古力槳，唔太甜幾好味。推介指數：6/10

每次要上法文時都必須經過這裏，時間約下午5點半左右，聽閒這間的牛角酥非常出名，所以每次經過都入去問還有冇，點知每次都話冇晒，終於今次要買書所以順便過來，約下午3點左右去到見到有就馬上二話不說咁買了4個，出門口時馬上打開咬了一口，點解咁淋嘅，一點兒也不酥，其餘的帶給家人食也感到不酥，很失望，到底係出品得小定係如何呢，5點左右賣晒而令我一次過買4個，真係超失望及難食，價錢亦非常進取 ，以後都唔會亂信謠言而令自己嘥錢了

一向對於要排長龍的店舖，都不會一窩蜂跟着去排，所以這間麵包鋪到現在才幫襯。這裡賣的麵包款式有別於一般連鎖餅店或港式麵包店的，可以看到烘焙師有心發掘新意產品，當然售價亦非等閒，最平的一個小圓包都要$1X以上，而大賣的牛角包平均$25，雖然有好幾款想試，但實在無法大大方方地花一佰幾十元去買麵包，所以只挑選了2款。榛子旋風酥 $25。這個挺不錯，拿上手沒有沾上油漬，淡淡的牛油味，酥皮之間鋪滿了碎碎的果仁，最中心有注入榛子醬，但稍為份量小了些，我沒有要求店方翻熱，不知道榛子醬加熱後會不會有流心效果。蜂蜜山丘 $24。這個有些失望，麵包偏乾，沒有軟綿綿，配料有百花蜜，但無論嗅覺或味覺都跟蜜糖扯不上關係。

朋友買左幾次呢間麵包鋪都讚不絕口今次就趁放工黎呢頭買個試下都近7點先到 仲驚佢啲包賣哂好彩目標牛角酥都仲有唔少存貨兩隻味芝麻味同抹茶味都有 好難揀丫爭扎左一陣決定揀抹茶味索價廿八蚊一個牛角酥雖然唔係街坊價但拎上手都幾重手長度有近乎隻手既長度見有焗熱服務但店員話呢個係涷食切開見到層層分明既酥皮未食已經感受到果種酥脆一咬真係非常脆口呢而且雖然好多層但每層都唔會過薄所以每層都充滿口感表面既白朱古力花紋睇落毫不起眼咁但其實為個包增加左D甜味成功同回甘苦澀既抹茶忌廉醬來個中和忌廉漿都幾多 一切就有微流心既效果最難得係外賣左都一樣保持到個口感

難得今日賴生同屈小姐都放假休下晏，去左尖沙咀行街睇野，當然要把握機會黎到《品穀》食番上次賴生錯過左既抹茶牛角。為左確保今日唔會再錯過抹茶牛角，賴生都一早打去問定品穀確認多次出爐時間係1330同1530-1600，而我地今次既目標係1530果一轉，所以我地係尖嘴行到咁上下，就火速過去佐敦去《品穀》，達陣既時間係早左5分鐘 - 1525！賴生第一時間入去問下正式出爐時間啦，結果比賴生見到個好感動既畫面，係整整一盤9個既抹茶牛角呀！今次冇撲空啦，而且陣容咁鼎盛，仲唔係新鮮出爐既（？）！太好啦賴生即時去拎夾同盤去夾走一個啦拎左去收銀處比錢之後，店員話要等一陣先拎得，因為要即時加抹茶Cream!等左10秒就可以拎到手，之後賴生同屈小姐當然第一時間係舖外品嚐啦1）抹茶牛角：3.5⭐️一拎上手之後，屈小姐同賴生都發現凍既？明明話1530會出爐，而且新既處理方法（改良版？），即係即時加Cream有個好嚴重既問題⋯⋯就係漏Cream⋯如你所見，未食已經漏左少少，再當你手拎住個包咬落去既時候，D cream更加因爲按壓既原故，係加Cream果個窿窿噴晒出黎，浪費晒d Cream!而且，即時加Cream可能會

抹茶 芝麻 牛角包🥐味道普通👌🏻我地兩人因為睇到啲相好吸引，專程黎買抹茶同芝麻牛角包。入到去有職員邀請我地試吃 芝士蔓越莓法包，我覺得啲蔓越莓、芝士、白麵包 既味道完全分開，融和度不足。講翻牛角包，我地夾既係空心牛角包，比錢時職員會拿去廚房吱cream。✏️我們的食單👌🏻抹茶牛角包 $28❌芝麻牛角包 $28👌🏻抹茶牛角包 $28：雖然牛角包係應該脆，但呢間整既外皮硬左啲。抹茶醬味道還可以，希望再濃啲，醬既份量偏少。❌芝麻牛角包 $28：外皮都係太硬，上面有啲黑色既但吃唔出係咩。醬既芝麻味好淡，只覺得甜。份量比抹茶更少，吃落好乾。P.S. 覺得URBAN cafe commune既牛角包更好味抵吃。👳🏻‍♀️員工態度一般，唔太友善。

是日星期五，又係搵好野食既時間🙆🏻今日行到落佐敦，係澳牛隔離見到呢間品穀大佬話佢d牛角包好出名😍店員介紹呢到既麵包無添加食材🙆🏻 無防腐劑🙅🏻🙅🏻🙅🏻發酵72小時⏱其實明明食完晚飯好飽但聽完佢咁講太吸引都係要買黎試🤦🏻‍♀️我地揀左個咖啡味😍牛角包外面烤到好脆，有少少濃濃地既香味包既中間塗左咖啡味忌廉，咖啡味唔算好濃由於牛角包本身無咩味主要都係靠中間既cream黎吊味。插住係包上個枝係咖啡醬，比大家吱係包面食，我吱左係包入面，唔係好食到個味😂整體味道比較淡，唔會太甜，主要係食佢既質感😍咬開牛角包入面呈現蜂巢狀比一般牛角包實淨 有口感得多唔似食左空氣咁 🙈🌬會飽肚好多😂$28一個其實都幾貴，不過真係值得一試，同外面食既爭好遠，下次黎會試埋d scones，望落都好吸引😍

睇過專訪,覺得老闆好有心做麵包,想試好耐,經過多次,無奈咩住個仔又唔方便入黎,今日見人少少膽粗粗,已經好小心慢慢夾,員工態度不好都算,基於禮貌上有人找錢比我我會講唔該,但竟然成為被恥笑對象,有位員工模仿我句唔該,另一位和應,實在太無聊,連應有嘅服務態度都無,麵包做得再好也會被呢種員工搞垮,飲食行業唔係做得好食就大晒,連服務態度都好重要,thanks

還記得在開業不久以前到訪品穀，沒有大排長龍，沒有搶購一空，後來經網上媒體報導，一夜成名，晚一點到訪亦只能看到空空如也的麵包櫃。經過數月以來的狂熱追捧後，終於不再「一包難求」，對厭惡排隊的我而言固然是福音，亦因而能有機會再次品嚐到品穀的麵包。並非首次購買品穀的麵包，最近最受歡迎的定非兩款新牛角包。芝麻牛角 ($28)店員會於客人結帳後將忌廉即場新鮮唧入牛角包內，將忌廉水份對牛角包鬆脆程度的影響減至最低，咬下立即湧現濃郁牛油香，不過摸上手並沒有過份泛油的感覺；外層酥化而不過份鬆散，內習濕潤並略帶煙韌。雖然芝麻忌廉看似色澤偏白，而非如芝麻糊一樣烏黑；不過事實上黑芝麻味醇厚濃烈，當中更會散發絲絲奶香，而呢份奶香正正就是抹茶牛角忌廉沒有的特色。抹茶牛角 ($28)抹茶牛角表面加上白朱古力點綴，綠白相間更是吸引，與芝麻牛角口感如出一轍，特別在於其牛角包酥皮混合抹茶粉，散發微微清幽抹茶香，牛油香在抹茶統帥之下乎意外地仍然飄香縈迴。抹茶忌廉不如芝麻忌廉一樣挺身而富空氣感，反而比較流質，軟滑細膩，香濃回甘。芝麻牛角與抹茶牛角各有千秋，兩者忌廉質地截然不同，芝麻忌廉明顯比較挺身、富空氣感，更附帶陣陣奶香，

想食冇化學既麵包，又吾上定要去到中環既～😌佐敦站A2一出轉右見到7仔真行 品穀幫到你！🤣上幾次黎都冇見過石磨鄉村 今日心郁郁就試下佢啦😋一攞起手好有重量令我毫無疑惑咁直接行去俾錢 $36係有小小貴 但真心愛麵包既朋友準備吾會計較😌 一個店收錢 另外一個負責將麵包入袋/加熱我個包原先已經切好 想加熱但店員好似嫌麻煩咁..而且加熱後似冇乜分別 膠袋連霧都冇起不過無阻我食包既滋味😎!!💬:吾係甜/咸 就緊係酸架啦😂品穀可以話係100%冇落improver 因為食既時候特別煙韌，以我食sourdough 經驗黎講只有天然酵母先做到 不過佢酸味吾太出 反而麵粉令人一試難忘😆😋 *ps 佢地ig擺既相可供參考 希望可以花多啲係切紋方面😗

一直都鍾意食牛角包，除咗平日開工前會食返個，好多時都禮拜五收工都會買定返屋企第朝做個慢慢歎嘅早餐。好食嘅牛角包一定會片片層層脆， 啖啖牛油香。 鍾意食開嘅道友唔洗再多字，你懂的....開頭想去街尾間賣德國麵包嘅舖買，點知去到見到接咗。好在醒起街頭開咗間品穀。之前行經立眼標榜靚麵份又低麩質都知走高檔路線，入到去見到廿幾蚊個牛角包真係窒一窒諗左陣。上次食個過廿蚊嘅牛角包係文華酒店出品。當其時真係諗“有冇名牌大酒店咁好食㗎你？” 響搜尋牛角包嘅時候見到原來除咗傳統牛角包重有綠茶味同咖啡味。 猶疑咗一陣都係決定買個原味試真章。打開包裝紙嘅過程發現隔咗一晚包裝紙無乜油印但個包重幾香。情況就同高級天婦羅冇乜油印響紙上一樣唔係間間做得到。唔熱唔香嘅牛角包我諗冇人會覺得好食。所以來個指定動作細火返焗十分鐘。依十分鐘梗係要來處理杯咖啡啦。 其實隔咗成晚，個包都唔散要保持到個包形，侬啲咪工夫囉。攪咁耐，終於放入口啦。Yeah! 真正牛角包嘅層次、香味、啖啖都係享受。俾出面多一倍價錢嘅牛角包就咁樣治愈咗我一個禮拜嘅工作煩憂。咖啡牛角包你等我呀！我遲啲一定返來搵你㗎。