咯咯雞韓食店 (亞士厘道) (已結業)

🥘咯咯lunch🥘推介指數❤️❤️❤️❤️❣️上次同朋友食過咯咯夜晚覺得整體食物唔錯值得再嚟。今次就嚟食晏，帶著點點強迫症，咁就食齊lunch 同dinner😂😂好幾次Lunch時間經過都唔少人排隊等位，今次鎖定目標好快嚟到大約等左10分鐘。建議排隊時間就睇定menu，入到去就可以即刻落單啦～Lunch set價錢HKD49至HKD69，有13款選擇，有炸雞、飯、豆腐湯、炸醬麵、水冷麵、泡菜炒豬/牛/雞，仲有毒毒部隊鍋。🥘泡菜腩肉豆腐湯跟飯跟蛋卷HKD59✨熱焫焫出哂煙上枱，內裡泡菜、腩片同豆腐都份量十足。食落泡菜味濃郁，腩片半肥瘦唔會只有肥膏。餐仲有飯同2片蛋卷，飽飽又滿足嘅一餐🥰總結：-食物❤️❤️❤️❤️❣️環境❤️❤️❤️❤️🤍服務❤️❤️❤️❤️❤️(Lunch繁忙時間，男店員忙到唔停仍保持親切有禮，反應迅速).··🏠咯咯雞韓食店 (亞士厘道) (尖沙咀)📍尖沙咀亞士厘道20A號地舖

我唔追韓劇韓星，不過每隔一排就會想食韓國菜，所謂韓國菜都只係想食炒年糕、食炸雞嘅水平，今次去左咯咯雞食返餐～炸雞好多口味，令次試蜜糖芥末味炸雞，個芥末味好出，同蜜糖中和唔到，雞有少少韌唔夠脆，炸皮只屬一般！食炸雞我一定會叫酸蘿蔔！喺韓國食炸雞一定會跟一盒/一碟酸蘿蔔，香港要另外自費，其實間間嘅酸蘿蔔一樣，呢間都係一貫嘅酸甜醒胃！呢個天氣食水冷麵一流，夠哂清爽！呢度嘅泡菜炒年糕唔錯，年糕煮到剛剛好，個醬唔會太咸，少少甜辣咁食哂都唔膩，海鮮煎餅好鬼大塊，有10-12吋，煎餅幾脆，上面所謂海洋都係魷魚多，唔會腥同霉，都幾驚喜會好食😋最後值得講講韓國燒酒，我未試過蜂蜜味，飲落覺得甜左少少，都係原味啱我啲～至於人人都討論嘅白衫女孩服務態度，的確無咩笑容，講嘢倔，但工作都賣力，希望佢工作愉快點，會令客人食得開心點～

Lunch同下午茶的餐牌基本上係無分別,食物選擇及價錢是一樣例如：Lunch menu係A-H 約$59，飲品小食另外加錢下午茶係ACEH加一兩樣可能無既食物，都係約$59，其餘配搭和加配條件是一樣下午茶時間又唔可以叫Lunch menu既食物(睇完下午茶menu發現九成九一樣，想叫返午餐餐牌多啲選擇，係唔得既🚫)經理小姐既招呼，講野同個樣同件衫一樣黑。門口同入面張貼左蘋果，見黃店加試業中諗住懲罰下佢，可能今日721大家心情都唔好啦，明白既。希望呢間鋪頭加油啦，如果有下次。

​🤍咯咯雞韓食店​​∞ ∞ ∞ ∞ ∞ ∞ ​​◽️香港地道咸蛋黃味炸雞4/10 (HKD 119/半份）​​成個炸雞非常普通，炸衣幾薄，雞件肉質實淨，但問題係！佢冇味！咸蛋黃還咸蛋黃，雞還雞，兩者完全係分開🥲。咸蛋黃落得好少，完全唔夠成隻雞分，但原味炸雞尼講，隻雞好似冇醃過咁，好劣！​​*:･･:*:･ﾟ･:,｡*​​◽️ 韓國泡菜海鮮辣湯麵7/10 (HKD 69）​​泡菜湯辛辣麵係成餐飯最高質嘅東西，公仔麵連GAS爐上令平平無奇嘅辛辣麵多左點特色，感覺有好食左😂。而且海鮮都有小小蝦、蜆、青口，感覺都match到海鮮尼個字，overall來說，係好食既～​​*:･･:*:･ﾟ･:,｡*​​◽️ 韓國紫菜包飯（牛肉）3/10 (HKD 59）​​成個kimbap完全唔知整左幾耐，凍冰冰係個雪櫃拎左出尼就即刻上台，拎嘅人都覺得手指凍啦，🥶何況係食果個，劣食中嘅劣食！​​∞ ∞ ∞ ∞ ∞ ∞ ​​💭評分​​味道 4/10​環境 4/10​​∞ ∞ ∞ ∞ ∞ ∞ ​​🔸備注​​·唔推薦阿​​∞ ∞ ∞ ∞ ∞ ∞ ​​📍地點​​咯咯雞韓食店 (亞士厘道) (📌尖沙咀)​尖沙咀亞士厘道20A號

無得去韓國。十分掛住韓國菜。難得同啱口味既朋友食飯。梗係去食餐勁。只能walk in無得預先訂台。都好多人幫襯喎。晚上好快坐滿晒人。水冷麵好足料。雞又熱辣辣勁好味。🥰🥰🥰🥰加埋杯冰冰。勁正喎

本來因為想支持黃店， 冇咩事嘅話都會正評可惜食物一般但係個服務態度真係好唔得🌚叫咗個部隊火鍋少咗肥牛係有補返，之後開始夾野時再發現佢少咗年糕同佢地講，等左成15-20分鐘都冇同我地講會唔會收返個鍋咁於是我地就先開吃啦我哋開吃咗5分鐘之後就有一個類似manager嘅 黑色長髮嘅女仔行過嚟勁串嘅態度行過黎同我地講話「 咁你哋而家食到咁嘅樣我都好難做到d咩嫁wor」， 語氣擺到明係我哋想搵笨嘅感覺 😑老實講句，我都做過服務業，都明白佢覺得啲客可能想搵笨， 但都唔好show出黎呀。 呢個女manager佢畀我嘅語氣感覺真係好唔尊重我好唔舒服 好好哋食餐飯嘅心情都俾佢搞衰曬🙄再之後我地仲食緊野個時有另1個女侍應 好直接伸咗隻手過嚟我哋張枱然後換餐牌， 完全阻住我哋食嘢， 餐牌仲要換唔掂跌咗落去個地下想要捐落去我哋個枱底執，再1一次阻住我地食野.... stop左佢幾次先停🌚我相信大家要支持和點應該會仲有一啲更好嘅選擇🙂 btw 恭喜呢家店成為我第一篇負評😂

尖沙咀新開既韓食，成間舖都用黃色做主題💛宜家餐廳仲係試業期間～☑️泡菜腩肉豆腐湯 $59跟埋一份雞蛋卷，雞蛋卷係凍既，不過不失😶雖然係泡菜湯，但唔會太辣🌶入面有海量泡菜，整體正常發揮，都幾好送飯。☑️毒L部隊鍋 $69🤣🤣一個人想食部隊鍋既話，點哩個就岩啦！細細個鍋入面裝住應有既野（韓式拉麵/午餐肉/雞蛋/芝士腸/年糕）湯底亦唔會太辣🌶感覺係為左迎合香港人口味，我食部隊鍋超鍾意食拉麵，因為會索哂啲精華，啲拉麵仲痴住啲芝士😋芝士腸好特別，出面係同年糕差唔多樣既白色糕體包住腸仔😉入面就爽口彈牙😆

嚟咯咯雞就係要食炸雞果然冇令人失望👏.🔺蜜糖芥末味炸雞 半份 炸雞正😍淋上蜜糖芥末仍然十分香脆💕一人一隻翼、一隻髀、一件雞肉無論咩部位，雞肉都好香嫩😋.🔺明太子蛋皮紫菜包飯 正常發揮☺️ 但如果重麻油味再重啲明太子味就完美喇😛.🔺海鮮煎餅 海鮮豐富，但煎餅偏重麵粉口感….🔺黃到金 （芒果沙冰）🔺黑白是良知 （Oreo）Oreo好好飲，milkshake 咁, 仲有脆粒💕

店內冷氣好唔夠，唔覺得有風，坐到食完都覺得好熱。 咁當然因為冇乜風其實舖頭入面都好大陣嘢食未＄69＋10％ 服務費嘅 泡菜炒豬肉， 分量太細，得六件豬肉。唔好講男仔，身為女性嘅我都食唔飽。 係今日啲豬肉唔夠貨，定平時 嘅份量 都係咁細？ 我見隔離枱嘅泡菜炒雞，份量就正常好多。。。

之前聽朋友講話呢間炸雞好好食🤤一心打算同朋友黎朝聖下🏃🏻‍♂️點知期望愈大失望愈大，🥲沒有想像中的好食😣我覺得KFC或者李家都好食好多，可能係我對佢期望過高🙈🙈紫菜包飯賣相唔錯，可惜飯太淋，同埋得個樣，我暫時覺得荔枝角果間外賣紫菜包飯好食好多，尖沙咀韓國街外賣紫菜包飯都唔錯，個人認為成個感覺有點唔夾🙈水冷麵算較好為，可能酸酸地幾開胃，同埋d肉都ok,係隻蛋太生，唔太敢食，而麵底都ok最後叫左兩杯青檸梳打，不過感覺唔太青檸梳打，我較喜歡泰式的青檸梳打多d

🍗我真係好_鍾意炸雞🍗推介指數❤️❤️❤️❤️❣️教主Anson Lo生日咁大件事，神徒去尖沙咀碼頭打卡是常識吧～每晚追電視，睇完再上Viu App 重溫，好充實！你嘅另一半有冇入到 #我老婆嫁左比Mirror導致婚姻破裂關注組 未呀😂打完卡去附近亞士厘道搵食，港日台韓意團團轉後不如食炸雞啦～裝修以黃黑色主調，入口旁邊大玻璃感覺開揚，menu上炸雞有8款口味，仲有飯、麵、小食、沙律、湯、鐵板、煎餅、冷盤前菜、甜品同飲品。🐥咯咯韓國炸雞：🍗自家麻辣味HKD119(半份)「尖沙咀限定」✨上枱時聞落麻辣好香，食落就唔會好麻辣，如果更麻更辣更好，食落炸得酥脆肉juicy且嫰滑～🍗蜜糖芥末味HKD109(半份)✨好耐無食Honey Mustard，每件炸雞醬汁剛好，芥末味突出同甜甜哋。同樣炸得外酥內juicy~ 🥗柚子汁炸豆腐梨子薄荷沙律HKD78✨叫咗2款炸雞，有肉當然要叫返碟菜啦～感覺健康啲😂炸豆腐酥脆內軟，梨子新鮮爽脆，沙律菜同薄荷葉都好新鮮脆口，配埋酸酸哋嘅柚子汁好fresh~食咁多炸嘢，解下熱氣解下膩。🦪吉列炸蠔HKD58✨新鮮炸起，食落外層酥脆炸醬算薄、蠔肉新鮮肥美有蠔味，仲有新鮮沙律菜同蕃茄

#韓式eatcovery💡抵食既良心韓食店小編一直都有睇開韓劇，每次見到啲oppa 都心心眼，講到多韓式食店，相信非尖沙咀莫屬。今次就試下新開既咯咯雞韓食店。🍽五件韓式炸雞（蜜糖芥末）跟配酸蘿蔔 $59性價比好高，下午茶$59 就有5件雞，係5件雞，真係5件雞，重要野要講3次，哈哈！出面其它韓食店閒閒地都要過百元。炸雞包括有雞胸、雞槌、雞翼。其實炸雞有好多不同味道可以選擇，今次選左蜜糖芥末。蜜糖芥末醬平均地分配到炸雞上面，表面仲撒左黑芝麻，但小編覺得芥末味重左少少，蜜糖味唔夠，如果蜜糖味重多少少就會更加好食。炸雞外皮都炸得幾脆，雞肉好嫩同有肉汁，性價比高。🍽韓式伴飯(雞) $59伴飯入面好足料，包括有泡菜、菠菜、豆芽、半熟蛋、雞等等。食之前撈埋韓式辣醬，食落好開胃，不過米飯偏濕，撈埋醬就更濕。整體黎講都抵食！🍽泡菜炒年糕 $68泡菜醬汁偏辣，但愈食愈過癮。而年糕偏硬身，但都keep到煙韌彈牙，但泡菜味唔係好滲得入年糕到，要沾多啲醬汁先夠味。🍽檸檬益力多 $38(套餐加$14)益力多味道飲落似超級市場買既益力多，唔會溝淡曬。加左檸檬，估唔到原來又幾夾，整體夠曬fresh。ps/ 下午茶時

尖沙咀相對多韓國餐廳依間新開 起地鐵L5出口經隧道 再行過去都唔太遠 位置易搵外面裝修已經好黃 好吸睛裝修概念有啲似韓國common ground咁依家都仲係試業中入到去要寫紙 完全冇QR code掃入面裝修都都相當有格調有窗口位 有卡位 有3人靠牆坐位因為係lunch去 所以有lunch menu選擇ok 例排有拌飯 紫菜包飯 炸醬麵 冷麵 炒肉配飯另外每款都有蛋卷包價錢大概$59-69叫咗個8號 韓國水冷麵 $59先上蛋卷 有2片食落係凍嘅 不過味道唔錯 遍鹹少少但係幾有蛋香味 仲食到一層層唔知點解好似食到午餐肉味添😂之後上韓國水冷麵 賣相非常唔錯😍影相好吸引可以見到旁邊有冰 之後有青瓜紅蘿蔔絲 泡菜 酸蘿蔔 梨片 中間有隻超流心蛋亦有4片好似火腿咁嘅牛肉片當然仲有超多蕎麥麵隻蛋真係超流心 基乎好似唔熟咁 而且好大隻 蛋黃比例大我將成個麵撈勻嚟食🥕紅蘿蔔同🥒青瓜絲好清脆泡菜因為浸起水入面 所以已經完全唔辣 不過口感唔錯🍐梨片食落甜甜哋 味道突出 雖然有啲唔夾酸蘿蔔有2片 唔太酸 幾爽口🐂牛肉片有少少奇怪 望落粉紅色好似生咁 咬落比較韌 同埋又冇牛味🤭唔太知自己食緊咩 唔好食🥚流心蛋

📍 咯咯雞韓食店🚶🏻‍♂️ 尖沙咀亞士厘道20A號地舖🔎 #foodsnap_尖沙咀呢間炸雞店我係佢仲係得大角咀店嘅時候已經食過一次 嗰陣因為疫情淨係做外賣 啲炸雞份量已經好多 不過唔知點解全部都係雞翼🥲 今次再食佢店面都幾闊落 有得坐低慢慢食舒服好多😋👅 柚子檸檬味炸雞 (半份) ($109) - 8/10🌟今次嘅炸雞唔再係全部雞翼！有雞胸、雞槌、雞翼、雞件 有7-8件 食得開心好多🥰 天氣熱辣辣食啲fresh嘅味就最啱啦 又唔會太濟 外皮都炸得幾脆 不過沾完醬始終唔會脆卜卜咁 值得一讚係啲雞肉仲係好嫩 有肉汁👍🏻😚👅 卡邦尼年糕 ($68) - 7.5/10🌟呢個fusion年糕係不錯！啲年糕煙煙韌韌唔會成舊粉咁 卡邦尼醬有用到生雞蛋 應該係正常嗰種做法 食落好濃郁 食膩咗辣味年糕呢款都係一個好選擇🤪必食指數👅💦💦：8/10#黃店💛#hkfoodie #香港美食 #香港打卡 #天水圍美食 #川菜 #黃店 #天水圍黃店 #中環美食 #中環 #壽司 #sushi #香港打卡 #港女下午茶 #元朗美食 #美食 #日式料理 #日式定食 #荃灣美食 #元朗cafe #荃灣cafe #cafe

👍之前食過一次，覺得好好食，所以第二次叫埋啲朋友一齊嚟食。啲黑色衫職員態度好好👍👋但全場唯一着白色衫嘅女職員（唔知係咪經理？🤨）態度唔係一般嘅差，講嘢態度好串，係咁行過嚟想收我哋啲餐具，但係我哋仲有碟野未上齊！到俾錢走嗰陣，我俾銀聯卡，個白色衫女職員就隻眼望住天花板講，我哋冇銀聯嫁喎（其實我就企係你前面，你可唔可以用隻眼望下我呢？）不過放心，食完呢次之後我唔會再嚟食㗎啦！你啲態度咁差，我無謂過嚟俾錢買難受啦👋希望呢間店嘅老細睇到呢個評論後，可以改善下白色衫係職員嘅服務態度啦！如果唔係，你都好難儲到回頭客☹️