咖啡灣 (已結業)

晚上去到位於將軍澳新都城的咖啡灣，一入門比我的感覺係一間好有心思的餐廳，店內佈置明顯令人覺得係花了時間去設計，每一面檣都有不同既裝飾，令人飽口福之餘，亦有眼福。食物試了黑洞芝士麵包金雞，聽個名都感覺到與別不同，當然要睇下係咩來。上菜後發現果現係小見既菜式，特式芝士醬汁由焗好既麵包制容器上，主食當然仲有金黃色的炸雞。炸雞外脆內嫩，就咁食其實都夠味道，而配上黑洞芝士醬當然又係另一番感覺。軟殼蟹黑松露忌廉意大利麵亦相當有水準，軟殼蟹炸到蘇脆已經係基本，黑松露忌廉汁先係令人嘆為觀止既部分，濃厚又獨特既黑松露香味完美充滿在整碟麵上，每一口都令人意猶未盡。

大愛Cafe Swan夢幻天鵝🦢拉花千層肉醬鮮茄🍅闊面🍝口感好濃郁環境夢幻優美，牆上有天鵝🦢Cafe內佈滿樹籐餐廳內背景顏色夢幻很有悠閒的田園風感覺做咗會員之後每個禮拜定期都嚟一轉食嘢儲夠分仲可以換手工拉花咖啡☕️最啱鍾意夢幻同埋靚野嘅我❤️午餐時間同同事來談天說地放工同三五知己時間來鬆一鬆填飽個肚子再繼續衝齊齊開心😃share甜品🍮甜入心推介夢幻的草莓🍓窩夫夢幻天鵝🦢拉花咖啡肉醬意粉🍝

呢幾日天氣好熱，我哋經過新都城，想涼下冷氣，由於今日我哋兩個都返早，所以很攰想搵個地方坐下，於是就入去呢一間餐廳試吓佢哋嘅下午茶啦。其實我哋都唔係第一次幫襯咖啡灣，上一次幫襯，是午餐嘅時候，嘢就都算幾好食，不過略嫌貴了少許， 一個午餐都要平均約$70-80，所以都係想幫襯。咁啱我哋見到佢哋有下午茶，價錢都算係底嘅，所以今次幫襯下。我哋呢就叫咗一個抹茶雪糕班cake，同埋一個Oreo雪糕多士。講個抹茶雪糕班cake先，其實個雪糕都算唔錯，不過個抹茶雪糕嘅抹茶味就唔係好重，同班cake嘅味都算係夾嘅，食落個口感都唔錯，這個份量都啱啱好，係一個消暑嘅食物。呢個Oreo雪糕多士，我哋就覺得非常好食，Oreo 雪糕個味好濃，裡面啲粒粒好有口感，配埋圖有朱古力脆脆嘅多士，口感係好似唔錯，冰涼的雪糕間美聯嘅多士口感層次很豐富呢。我見咖啡灣嘅下午茶都係幾抵食嘅$30至$50都有啦，如果下午茶想搵個地方坐下呢一個都係一個唔錯嘅地方。

每次放工經過都好好想吃這家餐廳，被漂亮的外表所吸引了。跟弟婦到這裏吃完飯後再去逛街。《肉醬脆片》我都還未吃，香味已經撲鼻而來。先試試什麼都不沾，果然是脆片，真的非常脆口! 再加點肉醬，酸酸甜甜的，非常可口。《軟殼蟹黑松露忌廉意大利麵》平時我很少會點軟殼蟹的，因為覺得不好吃。但這次被餐牌裏的相片吸引了，還有這個不是平時吃的那麼小。沒想到切的時候還是脆的，味道很香，還有很多蟹膏👍🏻而醬汁的味道做得不錯，黑松露味濃郁，每一口都是滿滿的醬汁😋《菠蘿藍碟花》弟婦點的，這杯飲品跟這個地方好配呀，賣相很美。《杏仁朱古力綠茶》我就點了這杯，綠茶味濃，我最喜歡那些上面有圖案的飲料，很可愛的，真的不捨得喝掉。《草莓瀑布蛋糕》甜品幾時都係壓軸，有視覺上的效果，也有味覺上的享受，充滿著伯爵茶的味道，蛋糕質感非常柔軟，中間夾住忌廉，甜而不膩😍

今晚得我同妹妹撐枱腳去左商場附近嘅cafe食晚餐呢間餐廳都會keep住轉menu都幾有新鮮感叫左個大蝦蟹籽沙律，明太子煙肉意大利粉玫瑰水果茶同紫薯窩夫🤪大蝦蟹籽沙律份量好足醬汁都好足大蝦竟然係香煎過嘅香噴噴熱辣辣👍明太子煙肉意大利粉有驚喜！夠creamy，但加上明天子帶微辣好好味！玫瑰果茶今次竟然有得refill，有進步！本來想試新嘅泡泡蛋糕，但賣晒了😔再食窩夫啦唯有點知今次呢個有驚喜喎窩夫外脆內軟！配上軟淋淋蕃薯肉，多重口感！

想搵個地方同朋友慢慢食下午茶吹水，就去左呢間到食。溫泉蛋肉醬意粉嘅醬料好豐富，令到每一啖嘅意粉都好夠味道。仲試左佢嘅黑松露咸蛋黃薯條，都係即叫即整，熱拿拿，脆卜卜，唔會油淋淋。同埋咸蛋黃味道好真實，唔會得個咸字，會食到咸蛋黃香味。意外地出色坐位都舒服好坐，休息嘅好地方。

今天和朋友在新都城逛街，路過這間少女cafe，見到裡面好靚，下午茶也不貴，於是我們就決定坐下。我們先點了一個下午茶套餐——芝士肉醬焗薯條薯條是粗薯條，裡面有豐厚而軟綿綿的薯肉。外脆內軟。番茄肉醬水分比較多，大概是因為用了新鮮蕃茄，帶點番茄的酸甜，非常開胃。由於我們都沒有吃午飯，所以我們點了主餐。芝士明太子意粉，上面舖滿了蠢蠢飄動的柴魚片，配上鹹香的明太子，口感和味道都一流。但一定要趁熱吃，涼了就會變得有點膩。另一個我最驚喜的是黑洞奶皇芝士麵包脆雞，芝士鹹蛋黃味好重，而且炸雞又脆又多汁，麵包也烘得脆脆的，不僅能打卡而且有食得紫薯latte 紫薯味道很重 而且甜度剛好 表面畫的圖案很可愛下次和朋友還是會繼續幫襯 打卡一流呀

呢間Cafe我已經不只翻炒過1次 魅力真係無法擋首先講下佢個環境 雖然嗰度細細地 但係依然好有氣氛 咖啡灣呢個名真係名副其實 係一個俾人休閒嘅小灣一打開餐牌 好多嘢食都係好吸引嘅 呢個就係我經常會翻炒嘅原因而今次就試下個甜品啦 因為一見到紫薯 我個朋友就好興奮話喺出邊冇依啲口味食佢個窩夫賣相好靚 上枱嘅時候仲係熱辣辣 食落就好鬆軟 加埋甜而不膩嘅紫薯雪糕 真係好滿足而佢啲嘢飲賣相亦都係好好 我經常覺得一間Cafe嘅飲品真係好重要 而咖啡灣已經合格啦因為喺出面真係好難搵到啲咁可愛咁靚嘅拉花 就算唔食得都睇得

第一次食，食物幾好，一位女員工態度差問野又黑面第一次問，係問點解杯野飲個拉花會同張圖唔同，佢就話：你點個個係603喎，之後指返張圖，我話：想問下個拉花係咪無咗，佢就話：我地要睇返個咖啡師咖，之後我都覺得無咩野。。。（老實講有少少失望，因為見到令先想飲）。第二次，佢拎住張單行過泥，我地以為係我地嘅就問一問，之後態度唔好咁講：下，單泥炸喎之後另一位友人話：我地以為要賣單先女員工無講野，走開咗我明白大家都係打工，返咗全日都累，但我地只係問下，態度唔洗咁樣。。。。唔太舒服。。。另外。。。。張桌，勁多糖水。。

食飯又去咖啡灣，坐低環境好清淨，兩個餐加個沙律整杯咖啡加個花茶，今次最正就係個，軟殼蟹黑松露 意大利粉，加個蝦沙律，魚柳蕃茄飯， 兩個人下午餐輕輕鬆鬆。餐湯兩位各有特色，飲落唔係一般味道，加啲蜆肉加啲蕃薯粒，糊糊地幾好味!魚柳蕃茄飯 配是日餐湯 魚柳炸得幾好味，吉列皮唔算厚，金黃色炸到時間剛剛好， 魚柳加埋啲醬汁仲有蛋包飯，呢餐唔飽都幾難。河蝦麻沙律 配是日餐湯 黑醋汁嘅沙律近排好多時都食到，加埋河蝦食落味道都一般差唔多，不過值得一讚嘅就係，今日食嘅餐就非常多生多菜!玫瑰山雞翼六隻雞翼，分三種味道醬汁，有甜有酸有棘，食落口感非常有呀! 下次嚟一定再叫返呢一款雞翼。再整返個軟殼蟹黑松露忌廉意大利麵軟殼蟹好似冇乜嘢好食，但係食嘅就係呢個感覺，能夠有軟殼蟹唔叫都對唔住自己，因為係出面好難有嘅材料， 仲有加埋啲黑松露忌廉意大利粉，而家講都仲想食多餐。鮮奶咖啡咖啡唔算濃，因為加咗鮮奶，加埋就非常啱我口味又唔傷胃。玫瑰水果茶水果花茶飲完一杯加杯熱開水又可以飲多杯，非常抵飲嘅飲品又健康。

去完東歐旅行回來好掛住食西餐，又諗起呢一間cafe嗰隻天鵝仔😊因為喺東區旅行當中有幾個點都係去呢一間天鵝仔睇嘢😁 咁梗係尼呢一間食返啲好嘢啦！今日是日餐湯係磨菇湯 ，蘑菇好濃郁不算太鹹，味道啱啱好，我就叫咗蝦胡麻沙律，有四隻大蝦，好多沙律菜仲有蟹子好彈牙，好鍾意食落口嗰下卜卜聲，胡麻味好開胃呀！😁😁還可加$34優惠價玫瑰山雞翼，有三種味道呢？有黑椒味，士多啤梨味同埋蜜糖味。老公就叫咗魚柳蕃茄飯， 魚柳外脆內暖，仲有滑蛋放響魚塊下面，個番茄汁裏面仲有好大片磨菇添，配埋白飯超開胃呀！當然唔少得嘅主角軟殼蟹黑松露忌廉意粉啦！因為軟殼蟹唔係間間都做得好味㗎！亦都唔係間間都有得食，所以每次嚟呢一間都盡量叫軟殼蟹食，軟殼蟹冇骨落地，一咬落去軟淋淋，放落個口裏面，哈哈！呢份滿足感真係一流！再配埋黑松露意粉，味道濃沃食過返尋味。我哋仲叫咗玫瑰水果花茶同埋鮮奶咖啡，開餐喇是日 蘑菇餐湯玫瑰山雞翼6集 $34呢個好抵有三種味道蝦胡麻沙律 $72軟殼蟹黑松露忌廉意大利麵 $98軟殼蟹好大隻呀 冇骨落地 魚柳蕃茄飯 $68 鮮奶咖啡 玫瑰水果茶 $48

難得閒日放假梗係要找個舒服嘅地方享受一下啦！呢間餐廳真係坐得好舒服，慢慢嘆了半個下午才離開加上職員服務態度好好，感覺好溫馨食物揀咗:軟殼蟹沙律配黑醋汁，脆卜卜軟殼蟹，配新鮮沙律菜感覺健康些香蒜帶子意大利粉：蒜味香濃，意粉味道好好（有小小辣味）正合我胃口，帶子要索埋D汁食！雨天的下午最好飲花茶：玫瑰花水果茶有美容養顏又有緩解抑鬱的作用！天然花香，微甜，感覺真係好醒神！熱帶水果茶都係我至愛之一，感覺健康又精神！決定再嘆多半份玫瑰草莓窩夫，賣相好靚，又有玫瑰花雪糕吃，真係好滿足呢！

好評甚多的咖啡灣，想去試試已久，星期六中午去到，居然不需要等位，叫了紅豆抹茶雪糕窩夫，北海道咖哩和牛漢堡扒飯。 Menu中所有窩夫照片十分吸引，所以期望幾多，但食落其實十分普通，反而咖哩和牛飯有喜出望外的驚喜，咖哩汁很好味漢堡扒都不錯

食過這間小店的另一分店覺得味道不錯，今次和同事們再度回味今次四個人可以叫多啲嘢食黑松露芝士海膽蓋飯，佢嘅賣相好靚，用料十足，大大啖既海膽黑松露同埋芝士，抵！呢個小食拼盤，什麼小食都有一點，最適合我哋幾個人，每人食少少。我所有嘅炸物都又熱又脆口，口感好好。香辣蒜香蝦意大利麵，幾隻大蝦配上火辣的意大利麵，本人怕辣，只食咗少少，朋友話辣的適中。夏威夷果汁醬燒豬肋骨，呢個醬汁調校得好好，配上甜甜嘅菠蘿同埋脆口嘅薯條，喜愛！這碟豬肋骨骨比較大，肉比較少，不過我哋叫咗好多嘢食，所以OK嘅。最後不能不提嘅飲品，你叫嘅拉花-朱古力及薄荷朱古力。玫瑰水果茶，第一壺足料夠晒味，小杯中嘅提子起了甜甜嘅吊味作用，good.生薑伯爵茶，夠姜味夠熱！最後要提提的，這間分店的服務態度好好，坐到中段我哋食物全部上枱，不夠位放，適逢隔離枱走了，服務員幫我地多拉一張枱到我哋隔離，好貼心

平時冇咩特別真係好少去寶林，甘岩今日去探朋友就係新都城順便食埋晚飯。哩間咖啡灣之前係荃灣見過都幾受歡迎，估唔到新都城都有一間，所以就試一試。餐廳環保清幽，可能平日關係，人流都比較小，適合情侶或朋友小聚。我地二人揀左個二人餐($258)，有齊餐湯、兩個小食、主食同餐飲，都算幾實惠。是日餐湯是忌廉湯，裡面加左栗米同火腿，都算係幾有心思。小食方面，就分別叫左牛油香草煮蜆同墨西哥肉醬芝士脆片。牛油香草煮蜆個湯有淡淡牛油味，因為加左香草中和，所以唔洗擔心會太油膩，反而令蜆的味道更香更出味。墨西哥肉醬芝士脆片，醬汁唔會太濃，可自己按喜好加芝士濃度，哩個小食同朋友一邊吹水一邊食就最好。主食就叫左個Burger，我地另外加左$10升級做手工特級和牛漢堡，哩個價錢真係幾抵，十蚊就可以升級食到和牛，而且肉質多汁，性價比高。另一個主食叫左三文魚黑松露忌廉意粉，三文魚份量都幾多，醬汁調味適中，大家都可以一試。哩到出名係甜品，叫套餐加$40就可以加半份窩夫，就緊係加啦!!!我地揀左黑魔王曲奇味，貌相好靚，又可以比我地打下卡啦 飲品方面如果套餐就可以以正價減$18選其他飲品，所以我地都叫左一杯水果茶同一杯普通柚子