咖啡灣 (太和中心) (已結業)

日本南瓜蟹肉磨菇意粉🙆🙆$58 +10%味道較淡 食唔到有蟹肉🙈 唔通變咗蓉撈埋係意粉到(?)😂 不過讚既係意粉煮得剛好不過淰 keep住有咬口 店員同我地講要趁熱食😁 真係要快啲食因為冷氣比較大好快吹凍曬啲野😳💁💁推介明太子意粉!!!!! 夠creamy😍strawberry waffle🍓🍓🍓$62 +10%花花形真係好靚😍 賣相攞曬分👍窩夫夠暖夠脆😋😋 士多啤梨微酸 cream打得好細滑😋不過有少少膩🙈 topping係杏仁片🙆 埋單前share出去有9折

聽講大埔開左間新CAFE，星期五約左朋友去試下，店外以粉藍色為主，令人有種想入去既舒適感。到步時正係午飯時段，店內坐滿客人，我係第三張飛，店員擔心我地係店外太熱，就安排係店內等候，呢個細心既動作係值得稱讚。等左大約10分鐘就有位，我地點左雞扒漢堡同草莓牛乳窩夫。漢堡黎到既時候，已聞到好香既雞扒味，食落口雞扒外香脆內鬆軟，薯條脆卜卜，唔錯，但可以再加其他既味道，如芝士，紫菜味就更好。不得不提，呢度既服務態度真係好好，係我地食完漢堡之後幾分鐘，店員先再上窩夫，唔會急於換第台而漢堡同窩夫一齊上。呢度服務唔錯，每位店員都好細心，仲會同客人傾下計，加上環境舒適同食物即叫即做，下次會再黎試埋佢地既意粉同飲品。

自從西餐廳loosen（已結業，而家換左pattern)同韓式餐廳charm進駐太和，這條街熱鬧不少。而家仲多左咖啡灣，基本上每晚晚飯時間3間都坐滿要等位。中午十二時幾，餐廳半滿，不用等位。樓面店員清一式全女班，係香港這個服務業偏內斂的地方，這間店的員工，出奇地熱情，可能主打街坊客吧！一如同街的其他鋪，店面偏少，連門囗向玻璃的4個高櫈位，全餐廳只有30個座位。值得讚的地方係門口有斜台同自動門，方便出入。餐廳裝修簡潔，近門口的牆身貼了樹葉貼紙，天花加了木條裝修。咖啡杯都是粉藍同粉黃，而餐廳正播放陳奕迅的慢歌，整體營造一種舒適輕鬆的環境。2個人order左午餐卡邦尼意粉（$58）手打和牛漢堡（$78）黑森林窩夫（$58）午餐加$24可轉特色飲品，加$13就可選如cappuccino ，如果唔係就只有一般的美式咖啡或茶。同區黎講，價錢偏貴。飲品轉左綠茶紅豆沙冰同柚子沙冰。卡邦尼意粉，味道濃，好足料，有好多磨菇同煙肉，相比附近的pattern較為正宗，但如果一個人食會好heavy。手打和牛漢堡，和牛扒肉質軟嫩，好味，但塊漢堡扒偏細，換個角度可能個包太大，包的直徑同扒的直徑每邊差成一cm，塊漢堡