影片
更多
2015-06-02
996 浏览
自從西餐廳loosen（已結業，而家換左pattern)同韓式餐廳charm進駐太和，這條街熱鬧不少。而家仲多左咖啡灣，基本上每晚晚飯時間3間都坐滿要等位。中午十二時幾，餐廳半滿，不用等位。樓面店員清一式全女班，係香港這個服務業偏內斂的地方，這間店的員工，出奇地熱情，可能主打街坊客吧！一如同街的其他鋪，店面偏少，連門囗向玻璃的4個高櫈位，全餐廳只有30個座位。值得讚的地方係門口有斜台同自動門，方便出入。餐廳裝修簡潔，近門口的牆身貼了樹葉貼紙，天花加了木條裝修。咖啡杯都是粉藍同粉黃，而餐廳正播放陳奕迅的慢歌，整體營造一種舒適輕鬆的環境。2個人order左午餐卡邦尼意粉（$58）手打和牛漢堡（$78）黑森林窩夫（$58）午餐加$24可轉特色飲品，加$13就可選如cappuccino ，如果唔係就只有一般的美式咖啡或茶。同區黎講，價錢偏貴。飲品轉左綠茶紅豆沙冰同柚子沙冰。卡邦尼意粉，味道濃，好足料，有好多磨菇同煙肉，相比附近的pattern較為正宗，但如果一個人食會好heavy。手打和牛漢堡，和牛扒肉質軟嫩，好味，但塊漢堡扒偏細，換個角度可能個包太大，包的直徑同扒的直徑每邊差成一cm，塊漢堡
中午十二時幾，餐廳半滿，不用等位。樓面店員清一式全女班，係香港這個服務業偏內斂的地方，這間店的員工，出奇地熱情，可能主打街坊客吧！
一如同街的其他鋪，店面偏少，連門囗向玻璃的4個高櫈位，全餐廳只有30個座位。
值得讚的地方係門口有斜台同自動門，方便出入。餐廳裝修簡潔，近門口的牆身貼了樹葉貼紙，天花加了木條裝修。咖啡杯都是粉藍同粉黃，而餐廳正播放陳奕迅的慢歌，整體營造一種舒適輕鬆的環境。
2個人order左午餐卡邦尼意粉（$58）手打和牛漢堡（$78）黑森林窩夫（$58）午餐加$24可轉特色飲品，加$13就可選如cappuccino ，如果唔係就只有一般的美式咖啡或茶。同區黎講，價錢偏貴。飲品轉左綠茶紅豆沙冰同柚子沙冰。
卡邦尼意粉，味道濃，好足料，有好多磨菇同煙肉，相比附近的pattern較為正宗，但如果一個人食會好heavy。
手打和牛漢堡，和牛扒肉質軟嫩，好味，但塊漢堡扒偏細，換個角度可能個包太大，包的直徑同扒的直徑每邊差成一cm，塊漢堡扒好似營養不良，成份仲有一片蕃茄同少量生菜絲，感覺好空虛。伴碟有薯條，睇得出係用美國焗薯切條整的，脆囗但唔熱氣，盛載茄汁的方型碟仔太細太淺，沾茄汁有點困難，建議更換。
黑森林窩夫，因為係即製的關係，要等15至20分鐘，如打算享用，建議預早落order。成份有香蕉，cream，朱古力漿同朱古力雪糕。店員細心提醒盡早享用以免雪糕溶化。窩夫外形似dazzling cafe賣的，窩夫上枱新鮮夠熱，外脆內軟，朱古力雪糕無特別，唔似貴價貨，其實唔明點解叫黑森林，因為材料似香蕉船多D。份量好大，可以一開8，建議3個人或以上share好D。
綠茶紅豆沙冰，沙冰質地唔夠幼細，D沙冰太粗粒，好難飲到，可幸綠茶夠濃，但可惜紅豆不是日本的大大粒蜜紅豆，始終差一點。綠茶雪糕球茶味唔算濃。
柚子沙冰，似柚子蜜開稀加橙皮絲，味道太淡。如果沙冰黎講，附近的a little bit做得比較出色。
因為天氣太熱無試到咖啡，下次一定要試下。
张贴
