咖啡灣 (太和中心) (已結業)

早幾天，和朋友相約去這間太和的咖啡灣食飯，雖然要等位，但都不是太久便進去了！侍應態度良好，而且看他們面上亦有笑容，看來這店的工作氣氛應該不錯。我和朋友分別點了士多啤梨窩夫，軟殼蟹意粉和拉花咖啡。食物很快便送上了，軟殻蟹意粉是我從未食過這麼好食，有點超出我的想像，窩夫亦不錯，又大又高又靚又好食，和朋友仔兩個人慢慢食，超開心的食了個半小時，埋單亦只是百鬆，仲有優惠卷送，侍應態度好，又靚女，加上食物質素高，真是一間不錯的cafe,值得推介^_^

這間咖啡灣（CAFE SWAN）大大話話都來過十次八次，因為平時會過去探望住在太和村的公公婆婆，所以有時候經過都會去食下。回到正題，星期日中午12點半來到餐廳門口已見少量人龍在排隊，幸好來得算早，排了不到20分鐘左右已經有位。可能是自己一個人去，今次比的位置離門口好近，同平時感覺有些唔同不過由於餐廳格局整體舒服，也可能是小店的關係，與其他大型連鎖餐廳有著不同格外的親切感覺，餐廳也讓人有一種清雅活潑的氣氛，這也許是我會繼續回來的原因。3個月經已沒來，能見到MENU有些少改動。知道這裡的意份甚為出名，平時多數都點開軟殻蟹卡邦尼或是軟殻蟹黑松露意份。今次就試試新野啦-墨汁蒜香大蝦意份。ORDER左10Mins左右經已有得食，一絲絲的意份煮至Al DENTE非常有嚼勁。墨汁加上蒜香炒過後味道濃郁，汁與面之間的掛口與比例做的非常好，而咸度也是剛剛好到位，在區內算是少有出色的餐廳。在新MENU中仍有幾道菜式想試下，就等下個月再戰吧！

大埔區內的一間熱捧cafe，今次前來一試，尤其係甜品窩夫，最愛吃的甜點一入內，設計挺吸引，雅緻的 點了 士多啤梨窩夫，一上枱，其擺位的確很吸眼，士多啤梨加草莓雪糕，令人眼前一亮 但食落卻令人失望 忌廉味道不重，窩夫有點硬，食落更是空心 的確令人失望，而且收費並不便宜 得個樣

第一次黎，估唔倒，未夠七点已經坐滿要等位，大約等左15分鐘左右就可以入座了。店舖雖少，但裝修設計，給予人好舒服嘅感覺。而且店內全部都係後生仔女，好有青春氣息。我地4個人，叫左：卡帮尼意粉，好足料，好有芝士同蛋味，好Creamy。蕃茄蜆意粉：酸甜都好適中，好夠熱。和牛漢堡：個包脆脆地，件牛都幾大件，唔錯，插支旗仔幾得意。我就叫左個三文魚黑松露意粉，好香黑松露味，我超鐘意！。。食完當然唔少得靚靚嘅窩夫啦，紫薯窩夫上面d星星好靚。個窩夫一d都唔求，其唔太甜，脆脆地，暖暖地。不過個窩夫係等得耐左少少，大約15分鐘左右，即叫即制，唯有等下啦。建議大家差唔多食完就要叫定窩夫。綠茶牛奶拉花好靚，天鵝，同間店好夾唔錯，會再來。

今日難得連續幾日假期約朋友去放鬆下， 朋友介紹左我去一間cafe試下，佢話聽佢朋友講呢間cafe d食物都唔錯，地方又唔算太遠所以就去試下啦！去到既時候唔知係咪因為假期既關係，好多人等位，雖然聽聞平時都係要等位，於是就同朋友一齊等，好彩大家都有一段時間無見，傾傾下等左大約半個鐘到就有一位員工出黎叫我地可以睇餐牌落住單先唔洗等太耐！但係我地落完單之後都等多左大約20分鐘到先有得入，入到去位置安排左係最入既位置，由於餐廳係2人枱組成，我地係最入既位置比較難出入，有點兒擠逼既感覺！我地坐落見到其他位置都有呢d情況，見到d員工不停推枱都有d辛苦...跟住就係食物黎到啦，餓左好耐終於有得試下呢到出名既軟殼蟹黑松露意粉，果然好好食，原隻軟殼蟹，加上好香既黑松露，一流！而朋友就就試左個三文魚黑松露意粉，味道一樣好食！食物方面無可否認係真係有一級水準， 但係就出現左一個問題，我同朋友食左差唔多只有45分鐘既時間，就有一位灰色衫既員工走過黎同我地講我地得返15分鐘時間，但明明餐廳既用餐時間係個半鐘，點解會得返15分鐘？我地等位都唔只等左1個鐘...我明白餐廳多人等位係想客人食完快d走，但係我地只係想傾多

平時經過見好多人，今日終於得閒去等下位試下喇但可能真係我期望太高...唔會再黎喇去到拎完飛之後服務員好快拎個餐牌比我地落埋單等左差唔多半個鍾倒就入得去喇入面裝修幾靚，係環境細左D..香辣蒜香帶子意粉本身最期待哩一個...點知上到黎既帶子竟然係帆立貝=_=即係失望哂..差好遠..但個意粉炒得幾香..同埋入面ｄ菇幾好食手打和牛漢堡個包好大個，舊牛都好有份量，熱辣辣但舊牛太重黑椒味食食下好咸牛魔王oreo窩夫蛋漿做得幾好，有蛋香，食落好鬆軟，食完唔會覺太甜甜品一上就話last order（果陣9點都未夠）之後就極速比張單我地埋..好似趕我地走阻住佢地收工咁其實禮貌Ｄ係咪應該問下我地：我地LAST ORDER喇如果你無野要既我地幫你埋埋單先呀D侍應係手腳好快，但全部都好機械，基本唔該，多謝哂都欠奉之後我地無比貼士連儲分卡都無比我地，明明台台都有，我地亦食夠100蚊有多係咪因為我地無比貼士待遇就同人地唔同Ｄ？比人感覺好小家囉我地都唔係貪你果張卡，反正我地都唔會再黎食，食到好似食快餐店咁SORRY呀係快餐都唔會趕你走，坐低既時間仲少過等位時間，食物本身係唔差，但侍應水準需要改進一下，明白你地真係要

位於大埔中心的咖啡灣cafe裝潢別致，一進店內有很舒適的感覺。由於咖啡灣是區內相對較新的餐廳，所以輪候時間較長。餐廳規定用餐時間為1.5小時，而下單到上菜速度都適中，所以1.5小時都勉強足夠。入座後，跟友人點了店員推介的是日精選龍蝦湯及大蝦凱撒沙律。龍蝦湯味道較咸，缺少龍蝦味道，相對較為遜色。相比之下，大蝦凱撒沙律中的大蝦經燒烤烹調下蝦味濃郁，值得一試。另外，推介的是香蕉朱古力窩夫。窩夫烘焙時間適中質感外脆內軟，加配咖啡味雪糕，與窩夫很匹配。整體來說，咖啡灣菜式的味道令人喜出望外，值得一試。

今日真係無無聊聊，鎖定大埔區，上網找小店食野。Search 到這個咖啡灣，飲下咖啡Relax 下都好。餐廳雖細，不過感覺好舒服，播放d 唔新也不舊的廣東歌。由於佢sale 軟殼蟹，我一入去就鎖定軟殼蟹既食物。Haha ! 仲有黑松露tim, 所以我即刻就order 黑松露軟殼蟹意粉。可能入面超多洋蔥及蒜蓉，正啱喜愛重口味既我。為左填飽豬沐既肚，我就叫左個窩夫引誘佢，個漿唔太甜，加溫呢嗱雪糕一流。其實簡單既食物，加上小小心意，誠意分搭夠，就會令人食得好開心。來cafe 當然要飲咖啡，唔知點解今日咁衝動叫左個薑汁latte 呢... 合格既，奶泡都夠滑。望晒全店，都係由一班好有熱誠既年青人去Run, 好叻叻👍

大埔雖然離居住的地方不算很遠，但沒有特別事情要做的話還是很少會來。今天到附近處理完一點事務後經過這裡，想找一點吃的，就進來這裡找點食物填填肚子。這家店子的名字叫Café Swan。天鵝予人的印象一直是優雅恬淡的，在湖水中自由自在地泅泳，一副悠然自得的樣子。一家以天鵝為名的Café，又會有怎樣的用餐體驗呢？餐廳提供多樣的食品可供選擇，以小店而言相當驚喜，單是意粉已有十來款。還有多款漢堡、甜品、飲品，眼花潦亂。軟殼蟹卡邦尼蛋汁意粉($88)：店員推介說這裡的卡邦尼意粉是新鮮現製的，而個人也喜歡吃軟殼蟹，所以就點了這一道意粉。素來都知道卡邦尼意粉易做難精，而這裡的質素是水準之上。意粉稍為幼身，口感偏向煙韌，吃起來相當彈牙，很合本人口味。醬汁方面是帶淡淡的芝士和胡椒香氣，吃的過程會先嚐到具奶香的芝士味，再過一會兒胡椒的微微刺激感才開始散發出來，味覺感受相當具有層次。醬汁稠身而不過黏，可以掛在一條一條的意粉上。意粉內混和了洋蔥、煙肉和蘑菇等配料，份量相當豐富。而最注目的就是上面的軟殼蟹，是整隻上碟的，真沒有很多餐廳可以看到！因為平時吃的都是已斬件的了。這隻軟殼蟹蟹如其名，只有外皮是炸得酥脆的，內

軟殼蟹黑松露忌廉意粉一上枱時有比佢吸睛左! 軟殼蟹 好味 是常識吧! 佢炸得係唔乾既...我自己都好快食哂但其實我食到個意粉重蒜蓉味多過黑松露味架同埋都冇乜忌廉味! 但我自己都覺得好味既!不過同佢餐牌個名好似有小小出入咁.....之後再嗌左杯熱既green tea latte飲....我自己覺得奶味其實重過茶味架.... 不過都尚可接受既...

同朋友短聚，食個Breakfast+Lunch+Tea(因為都成兩點幾）雙雙order咗份All Day Breafast 同另外點咗杯Coffee.份量都多，不過食物一般，正常食物。－炒蛋，炒到有creamy感覺－牛角包，腍咗－Bacon & Ham，較咸杯咖啡較淡味，適合女仔飲，玫瑰花味都係到。有少少似飲玫瑰奶茶。不過個拉花好有心思，影相值高。埋單每人around$100, 係有少少貴但埋單有抽獎，有＄15蚊coupon "下次"用－－－－－－－－－－－－－－－－－－－－－－－－－－－－－－回頭率：2/10 (風聲大，雨點小）

同事生日, 經介紹下一行4人去到呢間咖啡灣食生日飯要注意, 佢不設訂坐, 同埋要齊人先入得架首先, 佢上左炸雞薯條, 其實前排好興炸雞著條配啤酒既時候, 我都冇係出面食過硬係覺得同某m字頭餐廳啲炸雞差唔多但一試之下, 原來都唔錯啊雞好滑好香口薯條係原個薯仔切條架靚靚green tea latte咖啡師好好心機咁拉花佢好濃綠茶味好飲過coffee shop然後, 我們叫左田2個意粉一個蒜香蜆肉, 另一個係雜菌黑松露蒜香蜆肉幾好, 好醒胃, 蒜粒爆得好香, 而且比好多粒蜆肉雜菌黑松露就冇蒜香蜆肉咁出色, 但都好食既, 幾creamy不過啲菇就冇咩味和牛漢堡佢塊和牛勁厚肉, 牛肉味好香, 又唔老芝士焗薯皮呢個甜品, 好似係期間限定...不過我麻麻地佢個雪糕太甜了而且佢有啲糖粉整既星星.... 仲要勁多粒我真心唔鍾意, 但整體上黎講, 佢啲野食幾好食依家係佢度打卡兼like fb, 仲有9折

咖啡灣雖然開左一段時間，但聽聞成日都好多人排隊,所以一直都無黎過試。是日朋友放假,而佢又唔介意早D去等位,於是就揀左呢度試下睇下係唔係咁好食先。去到比想像中小人等,唔知係因為早定係星期二,亦都有可係因為坐bar台,等左半個鐘多小小就有位。Bar台位置比較細,但對於女仔黎講都ok的。有大大個手袋?唔緊要,店方裝置時亦想得周到,係bar台下有個小小掛鉤,可以給客人掛手袋。(加分~~)因為得兩個人,又想食甜又想食咸食,於是就決定叫一個burger同埋一個waffle。飲品方面,等位個陣已經睇到牆上多張相片的咖啡推介,一個個精緻拉花, 一人一杯唔少得。由於已是晚上,友人驚飲左coffee訓唔到,問侍應咖啡以外的飲品會唔會同樣有拉花,侍應亦有仔細介紹,同時都有推介佢地的時令waffle。無論係送上或是收拾餐具,都好快手。What we ordered:軟殼蟹Burger: 就算將軟殼蟹放係中間都唔會變淋紫薯waffle:淡淡的紫薯味,waffle亦非常鬆軟,份量都幾足夠,所以兩個女仔食都真係好濟.抹茶鮮奶:朋友說唔錯,但抹茶係偏淡玫瑰咖啡: 好香,我覺得比起CxxxHaxxxx還要好飲.總括黎講

最近很多人都推介這家位於太埔太和中心的咖啡灣，趁平日無咁多人就跟素去試試，但原來平日排隊的人都不少呀。。都要等約大半小時才有位。試了有名的原隻軟殼蟹意粉，雪糕窩夫和咖啡，確是名不虛傳。黑松露軟殼蟹意粉，$88。這是最有名的主菜，88元的意粉但有原隻的炸軟殼蟹也算實惠呀。第一次見軟殼蟹加意粉的配搭，好新鮮，軟殼蟹炸得很脆很香口，意粉汁份量調較得好，不太乾不太濕，黑松露味的白汁很香，配有洋蔥什菌，好味。榛子鮮奶咖啡，$33，味道不錯，特別喜歡這個特別的天鵝拉花。草莓窩夫，$65。這個也是必食的! 賣相吸引又份量十足，有士多啤梨雪糕，忌廉和士多啤梨，窩夫外脆內軟，跟雪糕、忌廉一起食，太滿足了。

網上見雜誌推介呢間餐廳，就走黎試試有無雜誌推介的滿足下晝2點幾去到，餐廳依舊多人，一入到去裝潢雅緻，令人感覺休閒，舒服單點左 軟殼蟹蛋汁卡邦尼意粉 同玫瑰鮮奶咖啡軟殼蟹蛋汁卡邦尼意粉（$88）軟殼蟹係原隻上，同雜誌介紹既一樣，擺盤好靚，但軟殼蟹外殼有點皺，炸得尚算脆口，醬汁好足不膩口，入口香濃，creamy, 挺不錯玫瑰鮮奶咖啡（$36）拉花好靚，係天鵝款，上枱嘅時候侍應同我講拉個天鵝款俾我地，唔知係唔係杯杯拉花唔同ga呢？玫瑰花瓣碎響咖啡面，入口帶玫瑰花香，令人感覺relax，但略厭玫瑰味少，令咖啡特色不夠突出，鮮奶咖啡好香，不會太苦，咖啡令我嘅午餐感覺更休閒餐廳價格有點昂貴