影片
港铁尖沙咀/尖东站 L1 出口, 步行约2分钟
继续阅读
电话号码
23691111
27326933
开饭介绍
独具现代气息和休闲气氛，提供国际美食，以中西式及印度菜为主。环境时尚雅致，让您尽情享受轻松便利的自助餐，包括午餐和晚餐。
继续阅读
营业时间
今日营业
06:30 - 21:30
星期一至日
06:30 - 21:30
*Breakfast Buffet
Mon – Fri
06:30-10:30
Sat, Sun & PH
07:00-10:30 (Last order: 10:30)
Lunch
12:00-14:30 (Last Order: 14:30)
Dinner
18:30-22:00 (Last Order: 22:00)
A La Carte
06:30-21:30 (Last Order: 21:30)
以上资料只供参考，请与餐厅确认详情
有关奖赏计划
相关文章
食记 (327)
3153 浏览
一系唔食，一系呢排食左几餐自助餐。朋友系自助餐粉丝，刚刚发现左有个优惠，系喜来登网上商店预订呢个东瀛海洋珍宝游自助餐买一送一优惠。大家睇完真系要即刻订。未上七点上到去，已经有开即食原条吞拿鱼，未食已经觉得好有诚意，好似呢排都好少见到有自助餐咁有气势。话明东瀛海洋珍宝游，劲多嘅日本食物都劲正，日式铁板宫崎A4和牛肉眼配炸蒜片，炸吉列广岛蚝配芥末酱、日式烧鳕鱼、蚬汤、最癫系个鳗鱼饭，条鳗鱼大件到一个点，讲真，呢个价钱你系居酒屋都食唔到乜，买一送一显得特别优惠。海鲜方面，波士顿龙虾、即开法国时令生蚝，面包蟹、鳕场蟹脚、青口，大虾，剩系呢到都已经够你值回票价。又可能系东瀛海洋theme嘅关系，啲刺身系我近来食几餐自助餐最新鲜的，不得不赞，个三文鱼肥美到不行，带子激大只，绝对系回本位，仲要有海胆卷。当日仲有好多劲靓嘅烧味、烧牛肉、烧羊架、蒸扇贝、麦皮虾，最正嘅有即煮嘅意粉档，黑松露嘅Penne又系尾声点饱都要队番碟。就连甜品都有日式风，好有诚意，日本士多啤梨忌廉卷蛋糕、宇治抹茶红豆歌剧院蛋糕、黑芝麻巴斯克芝士蛋糕等等，当然其实前段几十款嘅海鲜热食太吸引，已经够饱，如果你酷爱甜品，一定要留肚。呢度嘅职员推荐6月14至15日自助晚餐推出一人份限定 ，香煎鹅肝配黑醋汁，特别可以extra送俾爸爸，绝对值得过来一家人食下，前排介绍过一个激平嘅Brunch优惠，听讲而家已经好爆，相信呢个优惠介绍完都一定会好受欢迎。
继续阅读
现在平台很多时都会有不同嘅优惠，见到有父亲节优惠，所以试吓。准时十二点前到达，虽然爆场，但入座安排很顺畅。我嘅前菜一定系蟹脚同生蚝（如有）。蟹脚同生蚝都新鲜好食，蟹脚最重系系唔咸同唔「黐壳」，生蚝我肠胃比较敏感，但起码我食完个肚无事。其他食物无论是新鲜程度同味道都都确实系水平以上，真心好食，由于食物众多，我无可能一样样讲，而且自助餐，我一向每款食小小，尽量用我肚子嘅『空间』，去食多几款我想食的便是。最后我最欣赏佢哋嘅甜品，选择够而且好食。以三佰内价钱一个人计，真心无可挑剔。回头度～8/10以上纯粹系个人食完之后嘅分享，本人并没有收取任何利益或任何优惠。
继续阅读
喺尖沙咀呢个地区buffet热点，Sheraton酒店嘅The Cafe自助餐一直以来都系buffet界嘅风头趸，多年嚟吸引咗无数食客。佢哋嘅自助餐以高质素同多样化嘅菜式而闻名，真系唔讲得笑！而家更推出咗一个我最钟意嘅日本主题自助餐，吸引力十足，特别系对于钟意日本美食嘅朋友来讲，简直唔可以错过。佢哋最近仲推出咗一个限时优惠，喺Sheraton网上商店预订「东瀛海洋珍宝游自助餐」，可以享受买一送一优惠，实在超抵！如果你系自助餐嘅爱好者，呢个机会真系好难得，因为可以用更平嘅价钱享受到咁多美食，真系太吸引啦！自助餐入面有逾100款美食，无论系海鲜定系热荤，应有尽有。特别系星期五六日晚餐，每晚7点仲有即开即食嘅原条吞拿鱼刺身，当晚未够钟啲食客已经成群出动，个个摆定个靓位等睇表演！除此以外，波士顿龙虾同法国时令生蚝都系自助晚餐嘅明星产品，对于我呢个海鲜爱好者，真系一个唔可以错过嘅盛宴。热荤区都有好多款经典日式料理，特别推荐日式铁板宫崎A4和牛肉眼，配上炸蒜片，口感真系一流！再加上炸吉列广岛蚝配芥末酱，味道绝对令人惊喜。每一口都系享受，食得人心花怒放。除咗主菜，The Cafe仲有创意前菜同清新和风甜品，特别系日本士多啤梨忌廉卷蛋糕、宇治抹茶红豆歌剧院蛋糕，都系必试之选。每一款甜品都精致可口，食完主菜之后，甜品绝对系为呢餐画上完美句号。仲有，父亲节就嚟到，The Cafe特别推出咗一人份嘅限定嘅香煎鹅肝配黑醋汁，相信好多家庭都会选择喺呢个特别嘅日子带埋爸爸嚟享受一顿丰盛的自助餐，真系一个好好嘅选择。咁多年嚟，The Cafe唔单止系自助餐嘅表表者，仲系家庭聚会、朋友聚餐嘅理想地点。无论系味道、环境定系服务，全部都非常出色。我相信，带埋爸爸妈妈嚟呢度食自助餐，佢哋一定会开心得不得了！所以，如果你仲未试过，快啲预订啦，享受呢个美食盛宴！
继续阅读
2025/03/15 lunch buffet 选择本身已不多，基本的烧牛肉肉质较靭-目测约7成，3次要求要生一点也提供不了。后来得到餐厅经理帮忙找主厨才能提供生一点，但是仍然有5成，主厨明显心情不佳，一点笑容也没有，说是慢煮就是这样，喜欢较熟的应该没有影响，只是奇怪烧牛肉这种基本菜式，为什么不能符合大众不同的选择及口味？三文鱼没有鱼油鱼香味，第一次有这种体验，一点也不像是鱼生，非常不合格。生蚝实在太小太薄，非常罕有；柜台那位男侍应的态度也不好，柜台注明建议每位客人取三个，明白有时人多的时候确是需要排队，只当时根本没有人，星期六的下午非常淡静，他的反应/责怪令我觉得他完全没有此必要，建议他学习变通。餐厅经理及水吧小姐服务贴心殷勤。另外因为有老人家而要求坐的位置较近一点食物区这方面也安排不错的。较早前分别曾到过九龙酒店，沙田帝都及半岛酒店的lunch buffet, 也是物有所值非常愉快的，喜来登明显逊色。
继续阅读
我冇影食物相，因为冇谂住出post同埋平时都冇影嘢食嘅习惯，今次食完餐饭几日都仲谂起，所以都决定赞一赞嘢食方面种类系够嘅，要食嘅都有齐，稳稳阵阵，食物质素都唔错，海鲜最钟意系面包蟹，蟹钳，刺身带子同埋虾，蚝系细只左d但有鲜味唔会太咸，开定晒都唔需要等熟食最钟意就汤、蒸鱼、羊架同埋烧腩仔，岩岩整出黎系好香好脆甜品同埋生果好多款式，基本上每样都试左，好好味对于嘢食方面我认为种类唔需要太多，但系每样都系有质素先系最重要，呢点系做到嘅。另外要赞一下服务，一去到餐厅都已经感受到友善嘅氛围，因为我生日，虽然冇特别嘅折扣优惠（我冇汇丰卡，汇丰好似有75折），但系问reception姐姐佢地话可以送一个小蛋糕插蜡烛比我影相，咁最后我太饱喇，同佢讲唔洗送比我，咁佢都好好插支蜡烛喺细细件嘅甜品比我影张相，感受到佢地想令客人开心嘅心意。待应会随时观察客人需要，有时杯酒我饮到一半就已经过来添酒，收碟都好快手。经理会专登过黎提醒有煎和牛，因为有小小隐蔽，可能怕我地会错失左。大部份counter嘅师傅都好有礼貌，埋到去面带笑容问你想食咩，呢点我系好欣赏。总括黎讲系开心嘅，超出预期嘅，下次要食自助餐我都一定会再黎p.s唔知点解睇番之前d食评咁多差评，可能我要求真系唔好好高，或者我去𠮶日人比较少？
继续阅读