影片
港鐵尖沙咀B2出口/尖東站P3出口, 步行約5-10分鐘
继续阅读
电话号码
27312168
65880682 (WhatsApp)
开饭介绍
Park café每日均提供不同時段自助餐美食，包括有早餐、午餐、下午菜及晚餐，讓你盡情享用中、西及日式等豐富佳餚，確實是一個假日的消閒好去處，商務人仕亦可在此享受一個輕鬆的下午茶時間。
继续阅读
营业时间
今日营业
06:30 - 23:00
星期一至日
06:30 - 23:00
以上资料只供参考，请与餐厅确认详情
有关餐厅
有关奖赏计划
相关文章
我家今年想外出食個喜慶新年飯，又想特別一點，大家一致同意食自助餐😎👍 個個都可食到自己喜愛嘅食物！.百樂酒店Park cafe ，我哋不是第一次食，喜歡熟食、海鮮刺身、甜品都好多選擇，大人小朋友和老人家都啱哂！.依家做緊法式煮「意」海鮮自助晚餐 主題，好多地道法國🇫🇷及意大利🇮🇹佳餚，包括法式白酒忌廉煮蜆、黑松露野菌海鮮意大利飯、法式洋蔥湯、法式香草牛油焗田螺酥盒、威靈頓豬柳、西西里紅菜頭茴香橙沙律、紅酒燴雞等等.每位成人更可獲贈 #法式牛油香蒜焗龍蝦🦞😍味道鮮甜肉嫩～.刺身海鮮都好多款，麵包蟹、皇帝蟹腳、甜蝦、蜆、螺🥰🥰 職員keep住都有refill 同埋好新鮮嘅！ .熟食首推 脆皮燒肉、燉湯、片皮鴨以及燒烤牛肉，味道都唔錯👍.食到咁上下，開埋甜品胃😌師傅即場即製嘅焦糖泡芙雪山、燕窩葡撻、瑞士MÖVENPICK雪糕、日式芝士餅、楊枝甘露等等，款款都要試！另外，果汁、啤酒、咖啡和茶都係無限飲👍.海馬仔自學識攞嘢食，就好喜歡食完又攞再食再攞😆，佢話最喜歡食自助餐～特別係好多海鮮食！媽媽我就好喜歡呢個意法主題😎，因為可以一次過貪心食哂所有平時喜愛嘅意法美食！ 連少食自助餐嘅婆婆都話好啱佢口味👍☺️ 價錢仲好優惠😌❤️性價比高！
继续阅读
👍🏻 「日和•融美」海鮮自助晚餐一行入餐廳 我哋就被眼前琳琅滿目嘅食物吸引住 忍不住想快啲開餐🍰💫先到冷盤區 我哋眼前嘅海鮮陣容真係等人過足海鮮癮!🦀🦞🍤有鮮甜多汁嘅蟹腳、蟹膏飽滿嘅麵包蟹、彈牙可口的海蝦 仲有螺肉和蜆肉 全部都好新鮮 旁邊仲有刺身區 三文魚肥美、希靈魚爽脆 最鍾意係阿根廷紅蝦 勁甜勁正🙌🏻仲有各類壽司、沙律、cold cut、芝士 好豐富💕轉頭望向主菜區 海鮮、肉類、素菜選擇都好多 首先鐵板燒絕對係自助餐嘅一大亮點✅現場師傅將羊架、雞翼、腸仔等煎得恰到好處 仲有一人一份嘅燒元貝 嫩滑多汁 好味道另外 豬腳薑、鮑魚關東煮、味噌比目魚同海膽蝦球係我嘅精選 港式燒味同點心一樣都有❤️燒牛肉、片皮鴨 仲有酥脆可口的炸天婦羅 真係要好好分配肚仔quota🤭最後當然唔少得甜品同飲品 火焰雪山即廣制作好精彩🏔️呢度仲有movenpick雪糕任食 旁邊仲有杯裝雪糕同雪條 中西式甜品都係超豐富 竟然仲有朱古力噴泉🫶🏻飲品有啤酒、汽水、咖啡、茶 任均選擇！
继续阅读
喺尖沙咀食到一個人均3百幾dinner buffet真係好抵，當然呢間酒店都有番咁上下歷史，唔係新，都唔係特別靚，我哋用網上訂座買一送一優惠，$568買一送一，4位去食，網上先預付$400訂金。講真三百幾蚊食一個自助晚餐，本身都冇咩特別期望，諗住質素普普通通過得去就可以，亦都唔諗住會有好多嘢食，雖然佢個網站係寫住有好多嘢食，本身仲諗係唔係真係有咁多，點知最後都係有勁多嘢食。影咗取餐區有咩攞但相片太多呢度放唔晒，只可以再撳去相片睇。盡量文字講講有咩食先。凍海鮮，麵包蟹、蜆、螺、長腳蟹、蝦。麵包蟹好多膏唔係空心，而且鮮甜唔腥，蜆甜冇沙，螺都彈牙，長腳蟹竟然都有蟹鮮味，蝦唔腥唔霉。甜品，有蛋糕、撻、雞蛋仔、pancake、葡撻、麵包布丁，瑪德蓮蛋糕、曲奇，水果，木瓜雪耳糖水，軟糖，朱古力噴泉，movenpick雪糕，dreyers雪糕杯，cocoberry雪糕球，mega雪條 。算係好多款，pancake雞蛋仔葡撻新鮮出爐好食，啲蛋糕整體味道唔錯，糖水好多料。麵檔，無花果豬骨湯/海底椰雞湯湯底，魚蛋牛丸貢丸墨丸，炸魚皮，生菜。試咗海底椰雞湯好濃。點心，魚翅餃、蝦肉燒賣。點心就一般。印度烤餅、印度薄脆、油酥餅、脆豬腩、片皮鴨。即切牛肉眼、豬柳。兩款麵包。姫松茸燉湯、酥皮海龍皇湯。燉湯好飲，酥皮湯夠脆入面又有好多海鮮。刺身，三文魚、鯛魚、希靈魚、帝皇蟹柳、八爪魚、甜蝦。三文魚唔錯，另外八爪魚都好食，估唔到甜蝦鮮甜唔腥，通常平平地嘅酒店比啲蝦都好腥。什錦壽司卷、飯卷、柚子醋呑拿魚、酸薑皮蛋、日式溫泉蛋、中華沙律、螺肉、酸蘿蔔、煙三文魚、凍肉拼盤。熟食，芝士焗蠔、避風塘炒蟹、帶子豆腐、炸軟殼蟹、燒魷魚、鮑魚花膠雞煲、辣酒花螺、三重芝士龍蝦伊麵。熟食都好多海鮮，特別有蟹、軟殼蟹、蠔、鮑魚、龍蝦，都幾回本。鐵板燒，燒雞翼，串燒。估唔到呢個價錢仲有師傅做鐵板燒，不過啲肉比較dry。飲品普通奶茶咖啡檸茶，仲有放題用嗰啲汽水機。客人唔算少，但攞野唔洗排隊，staff幾nice。每人一隻燒乳鴿，攞張卡仔去鐵板燒度拎。
继续阅读
一入到就俾海鮮吧吸引😍 有鮮甜味美蟹腳海鮮拼盤、冰鎮麵包蟹、海蝦、青口、蜆、翡翠螺等每位客人都可獲贈一客 #法式牛油香蒜焗龍蝦🦞刺身吧🍱三文魚、吞拿魚、鯛魚、帶子、甜蝦、赤貝、八爪魚🍣壽司的有玉子、腐皮、熟蝦、鰻魚🍲熱食方面都有好多選擇北京片皮鴨、香草牛油焗田螺酥盒、黑松露野菌海鮮意大利飯、原盅燉湯、法式洋蔥湯、威靈頓豬柳、紅酒燴雞、牛、蒸魚、蟲草花烏雞花膠湯等等🎂甜品款式種類都多原個鮮果撻、燕窩葡撻、籃莓芝士撻日式芝士餅、木瓜雪梨糖水、桃膠燉蛋白、瑞士MÖVENPICK雪糕等飲品方面🧃果汁、汽水、啤酒、咖啡和茶都系無限飲✨
继续阅读
見到呢間酒店有自助餐優惠，上去睇下有咩選擇，見到除咗有自助午餐及晚餐之外、仲有個下午茶餐、兩位用收費$341。二話不說就訂位。去到坐低就發現唔對路，我被安置在間小房中而不是坐近自助餐區！跟住聽到旁邊枱的食客低聲討論原來唔係食自助餐，先知唔少人被廣告誤導了！😡心諗嚟到呢個地步都冇乜嘢可以做，唯有做次蠢仔啦🥲到了所謂下午茶餐上枱、再一次失望咗，好心佢學下人哋唔食得都要睇得先，佢求其到就咁攞個木盤放晒所有食物上去，一點心思都冇！最起碼用個幾層高的食物架啦，望落去都高貴啲先。都算、啲嘢食好似放咗好耐咁、面冇血色、顏色暗啞，味道方面比起坊間的茶餐廳更不堪，嗰個聲稱朱古力流心蛋糕明顯係現成行貨，攞入微波爐叮返熱就上碟，流都唔流嘅？！甚至乎普通一杯Cappuccino都沖得淡而無味！唯一可以讚嘅係附近得幾枱食客，算是清靜中渡過這次被誤導的自助下午茶餐😮💨 ，希望啲人睇到我嘅食評後唔好上當啦！小彩蛋係我身後有個太太埋單後，有意無意咁講「頂呀！仲諗住係自助餐？真係搵笨！」🤪
继续阅读