和道屋

营业中

休息中

午餐想食好啲！尖沙咀呢間居酒屋嘅半放題就啱哂！HK$388 就可以食到「日本帝皇蟹腳X宮崎和牛」90分鐘半放題！走進餐廳，濃厚既日式居酒裝修，四周都係打卡位，再上一層就木系裝潢，設有榻榻米座位！午市90分鐘半放題都有好多嘢食+$68仲有得任飲日本啤酒、無酒精飲品！首先每人奉送日本A級海膽蟹肉甜筒及和風沙律，甜筒上有鮮甜海膽、吞拿魚蓉，最底就係鮮味十足嘅蟹肉，全部鋪滿係脆脆嘅甜筒裡！每位會有5款大漁浜燒，包括北海帝王蟹腳、鹽燒牡蠣、黑松露燒牡蠣、金蒜芝麻燒帆立貝、鹽燒大蝦！北海帝王蟹腳大隻又肥美，肉質鮮甜飽滿；鹽燒牡蠣🦪及黑松露燒牡蠣都各有特色，原味鮮味多汁，黑松露燒牡蠣就充滿黑松露獨特香味！金蒜芝麻燒帆立貝上有大量金蒜，令帆立貝提鮮；鹽燒大蝦大大隻又彈牙，非常滿足！任食即做手握壽司有11款可以選擇：油甘魚、三文魚、火炙三文魚、火炙左口魚邊、香蔥吞拿魚蓉、八爪魚、飛魚籽、海膽魷魚、青芥辣八爪魚、明太子沙律、加州卷個人最喜歡火炙左口魚邊，火炙後充滿魚油香，另外都係正常水準！每人限點五件，咁就唔怕食唔晒浪費👍主食有溫泉蛋紫菜飯及溫泉蛋稻庭烏冬，都係任食架！啱哂我呢啲一定要食飯嘅人😆仲有涮涮鍋

一入門口就見到「無面男」呢個打卡位，一定要同佢影相📸️，日式裝修佈置好有心思 ，亦有日式榻榻米坐位，整個環境很好氣氛。✨日本帝王蟹腳 X 宮崎和牛 ✨午市半放題HK$388/ 位 90 分鐘，可以食到大漁浜燒、和牛壽喜燒鍋、手握壽司等，食物高質又豐富。🔶日本海膽拖羅蓉蟹肉甜筒賣相好打卡able ，海膽拖羅蓉好新鮮，入面仲有蟹肉壽司飯，連個甜筒都係脆卜卜，食完好想再encore🤩每人五款 大漁浜燒：🔶北海帝王蟹腳🔶鹽燒牡蠣🦪🔶黑松露燒牡蠣🦪🔶金蒜芝麻燒帆立貝🔶鹽燒大蝦全部海鮮都好吸引，帝王蟹腳肉厚又鮮甜，2 款口味燒牡蠣🦪都鮮嫩多汁，帆立貝爽口鮮甜蒜味香，大蝦size 好大隻，彈牙爽口。壽喜燒鍋物：🔶宮崎A4和牛🔶北海道米豚🔶廣島牡蠣🦪壽喜燒湯底調味甜甜地好好味，A4和牛的油脂平均，食落好香入口即化；北海道米豚肉質柔軟美味，廣島牡蠣🦪肥美鮮嫩。任食：🔷11 款即做手握壽司🍣🔷野菜盤、溫泉蛋稻庭烏冬、溫泉蛋紫菜飯手握壽司食材用料新鮮，壽司是赤醋飯，特別喜歡「火炙左口魚邊」；溫泉蛋蛋汁令烏冬質地更加滑，大愛！**最後還會送上豆腐雪糕，豆腐味香濃質地順雪滑，食完感覺好清新**

🥩抵食lunch set X超日系千與千尋日系設計系列🇯🇵—▫️餐廳：和道屋 @wado_izakaya ▫️地點：全香港有1️⃣間分店📍尖沙咀加連威老道46-48號恆隆銀行大廈地舖及閣樓▫️營業時間：星期一至日12:00-15:00 & 18:00-23:00▫️價錢：～$150+—美味：🥩🥩🥩🥩環境：🇯🇵🇯🇵🇯🇵🇯🇵價錢：💰💰💰+0.7💰服務：👨‍🍳👨‍🍳👨‍🍳+0.8👨‍🍳—日系設計好靚🇯🇵🇯🇵，仲要有千與千尋打卡位😆😆最重要係都抵食🤓88折♥️—📍安格斯肉眼壽喜燒價錢：$168分數：🐃🐃🐃🐃覺得份量都幾多幾抵食😆😆有4-5塊牛肉冇問題問🐃🐃仲有日本蛋🇯🇵🍳仲要壽喜燒汁好香味📍銀鱈魚西京燒定食價錢：$168分數：🐟🐟🐟🐟同樣幾抵食🐟🐟有2大塊🐟🐟都好鮮甜🐟😆加埋沙律🥗醬好正🥰🥰

帶子月見丼定食 $138切半的帶子共有7片（即3隻半帶子），新鮮帶微甜。丼飯的紫菜碎有增香的作用，可惜飯偏乾硬，不是個人偏好的煙韌黏糯口感。定食附上三文魚刺身，小小兩片，非常瘦，魚味淡薄。味噌湯的味道也較薄弱，似是即食的那種，湯頭沒有魚或肉的鮮甜味。茶碗蒸有冬菇粒和白果，質地偏實淨而稍欠滑溜，也缺少了高湯的鮮味，較像結實的蒸水蛋。另附上漬物和蕨餅。午市有88折，價錢相宜，唯整體食物質素一般，性價比不高。

今日放假去搵朋友食lunch，就佢公司去尖沙咀食和道屋90分鐘放題。北海帝王蟹腳、宮崎和牛，唔同海鮮睇到都吸引🤩首先就會上日本A級海膽蟹肉甜筒，呢個係幾令人驚喜，又唔同味道層次，我鍾意。另外都會上沙律🥗跟住就叫左北海帝王蟹腳，蟹腳肉質鮮嫩鮮甜。鹽燒牡蠣，外焦內嫩，有海水鹹香。黑松露燒牡蠗係最正，推介。之後仲叫左金蒜芝麻燒帆立貝，帆立貝甘甜加上滿滿蒜香。另外鹽燒大蝦真係大大隻，爽口彈牙鮮甜，啖啖肉。除左海鮮，仲有任食即做手握壽司，三文魚同火炙三文魚係難以抗拒，火炙左口魚邊香脆口感令人驚喜。香蔥吞拿魚蓉係我最愛😻午市每人可以享用兩碟宮崎A4和牛、北海道米豚同廣島牡蠣。和牛肉質鮮嫩，油花分佈均勻，入口即化溶。廣島牡蠣有4隻超肥美。而湯底方面揀咗日式豆乳豚骨湯，味道濃郁香滑。最後呢就有個雪糕件一個完全總結，食到抱住個肚走🤭🤭大滿足

一入門口已經見到打卡位🤓設計精緻😗融入咗日本文化元素🇯🇵充滿特色同藝術感😊 餐廳裝潢係一大亮點😉有濃厚既日式居酒屋氛圍☺️木質桌椅、傳統既和風裝飾同柔和燈光💡營造出一種舒適而放鬆的用餐環境😇勁似去咗日本居酒屋🏮⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 午市$388(90分鐘) 晚市$498(120分鐘)+$68仲有得任飲日本啤酒、無酒精飲品 🥳1️⃣ 前菜日本A級海膽蟹肉甜筒+和風沙律：海膽勁鮮甜同creamy🥹蟹肉超級鮮美😍滿滿地鋪在酥脆既甜筒上🦀🍦 再加上清爽既和風沙律🥗好期待主菜☺️2️⃣ 每位5款大漁浜燒(北海帝王蟹腳, 鹽燒牡蠣, 黑松露燒牡蠣, 金蒜芝麻燒帆立貝, 鹽燒大蝦)重頭戲🤓五款精選浜燒😏肥美的「北海帝王蟹腳🦀肉質飽滿🥳鮮嫩多汁🤗飽滿「鹽燒牡蠣」🦪同「黑松露燒牡蠣」🦪一個原汁原味😋一個散發黑松露獨特香氣🥰兩種風味😊鮮甜既「金蒜芝麻燒帆立貝」🐚蒜香同芝麻香完美地襯托出帆立貝既鮮甜😆最後係彈牙「鹽燒大蝦」🦐簡單既調味🧂更能凸顯蝦既天然鮮味😍3️⃣ 即做手握壽司(任食)(三文魚、火炙三文魚、火炙左口魚邊、香蔥吞拿魚蓉、飛魚籽、海膽魷魚)有兩款想

係尖沙咀搵到一間超高質既日式半放題 !! 首先日式居酒屋裝潢令人感覺好似真係去左日本咁 , 好有和風氣氛 , 揀左日本帝王蟹腳×宮崎和牛午市半放題 90 分鐘 , HK$388 , 超抵食 , 輕鬆就食回本餐廳仲有好多特色拍照打卡點 , 中意千與千尋既朋友一定要黎首先每位先有一客日本 A 級海膽蟹肉甜筒 同埋 和風沙律 作為前菜然後有 5 款大漁浜燒 , 分別係北海帝王蟹腳鹽燒牡蠣黑松露燒牡蠣金蒜芝麻燒帆立貝鹽燒大蝦全部用料都好新鮮 , 好高質 , 其中蟹肉超厚肉 juicy 另外仲可以任食日式火鍋 , 湯底可選壽喜燒或日式豆乳豚骨湯 , 和牛同豚肉肉質軟腍 . 配埋豆乳湯好嫩滑 , 食落入口即融咁 !宮崎A4和牛北海道米豚廣島牡蠣另外更癲係可以任食即做手握壽司 , 有油甘魚、三文魚、火炙三文魚、火炙左口魚邊、香蔥吞拿魚蓉、八爪魚、飛魚籽、海膽魷魚、青芥辣八爪魚明太子沙律、加州卷但食完火鍋已半飽 , 只試左幾款 , 但都好高質好新鮮 另外仲有食野菜盤、溫泉蛋紫菜飯、溫泉蛋稻庭烏冬 , 一定飽住個肚走

晚上收工在尖沙咀揾食，記得這間和道屋早前有不少Foodie都有做介紹，今晚就來試一試。由於當天來到已經七點多，舒適的卡位已坐滿了，故安排坐在一張二人枱。由於只有90分鐘，時間緊迫，就沒有選到貴價的蟹腳和牛套餐。🍄和風沙律🍄日本直送刺身🍄甲羅燒，好鮮好有海水味，但沒有想到這殼會是假的😅😅🍄芝士年糕、芝麻雞翼、炸雞塊、炸蝦天婦羅🍄日式雞軟骨🍄和牛粒、豚腩片、燒雞翼、燒南瓜以上是每位可選五款的前菜，吃完之後就開始進入任食手握壽司。🍄加州卷、青芥辣八爪魚、八爪魚、火炙左口魚、火炙三文魚🍄任食壽喜燒🍄有豚肉和和牛，以及牡蠣🦪由於是張二人桌，加上上菜速度亦算很快，所以二人桌面空間根本放不下這麼多餐碟，吃起來感覺較擠迫。大約食到1小時左右，隔壁桌子仍有位剩下，店員就幫我們拼成一張四人桌，這才感覺吃得舒適些。🍄香蔥吞拿魚蓉、海膽魷魚、青芥末八爪魚、油甘魚、火炙三文魚之後又追加了不少手握壽司、野菜盤和肉類等，也試了這裏的紫菜飯和溫泉蛋烏冬。🍄雪榚最後吃過甜品，就散去了～總來說，一個價錢能夠嘗試到很多菜品，性價比是不錯的，不過座位間相對不夠闊落，頗有吃普通日式放題的侷促感。

和道屋呢個 “和食半放題 (90分鐘)” 幾好啊!!!唔怪得之 小紅書咁多人推介啦~響現場係滿座的, 而且超級多講國語嘅同胞一齊用餐, 感覺實在太和諧了!!!!!! yeah一坐低, 店員就安排熱茶 同埋 日本直送刺身塔, 等我哋為嚟緊嘅半放題熱熱身!!!鹽燒和牛粒幾好味, 早知揀多幾串; A4和牛 同 北海道米豚 都好味啊, 柔軟帶甜味, 食唔停呢~店員超級友善!!!呢樣真係好重要! 會直接影響成個用餐體驗嘛~ 臨走 不妨同無面男打個卡吖!!!

今次我去咗一間日本居酒屋，特別想試下佢哋嘅午市套餐。餐廳環境好靜、舒適，適合同朋友傾計。今日我選擇咗兩款丼飯：特盛海膽三文魚子爆丼同埋五色魚生丼，仲有套餐入面嘅多款小食。😍🥢中午套餐嘅丼飯係包埋有前菜/小卷/刺身/沙律/茶碗蒸/湯/甜品。呢間餐廳仲有有勁多嘅唔同打卡位啦，佢仲有一個好特別嘅地方就係佢有得玩遊戲咁佢打遊戲嘅地方就係可以幫顧客免單定係減價我唔記得咗但係大概就係咁樣，同埋佢有榻榻米部份要除鞋食的

前排見到好多人推哩間放題，又嚟試試啦。午市$268/成人 只係半放題、手握壽司、串燒、和食，同埋火鍋野菜叫做任食、其實選擇好少、A4和牛一客三片午市只可追加一次，廣島蠔、雞肉都一樣、仲要限時90分鐘，算把啦⋯⋯手握壽司🍣⋯⋯唔係話落咗深色嘅醋做壽司飯底就好pro先得㗎！根本就係爭鮮嘅造型嚟囉！A4和牛1客3片，午市每人包兩客即係每人6片，數字其實冇乜義意，哩幾片牛肉完全睇唔出係和牛，切到咁薄、就算6片加埋都冇人哋1塊嘅份量，離晒大譜😠其實小店真係唔好做放題，仲要日式放題，邊夠大集團玩呢！不如老老實實做番a la carte 吧啦🙏🏻

一班同事想揾間舒服地方食飯，被和道屋裝修吸引而來，的確裝修好靚一進門就好有和風！服務上有一堆小插曲；A. 每次詢問餐廳員工時,總是回應:“等我問下先!”唔用腦既回應感覺他們可能是 新入職的員工, 完全不熟悉流程。 B. 鄰座兩位客人吃一鍋壽喜燒,而我們九個人卻只有兩個小鍋,這樣的安排實在有點小 家 C. 點餐紙要詢問才能拿到,入座後沒有主動告知!這樣的服務確實讓人失望 D. 要加+$68任飲的話,全桌都必須一 起點,有點不便 至於食物方面,半自助餐的選擇有些奇奇怪 怪,雖然不算名貴食材,但每人限點五樣！規矩要先食完串燒和壽司,然後才能上壽喜 燒。和牛的確好食,吃兩轉後也飽了! 整體而言,食物水準屬於正常水平,但服務態度實在需要大力改善。希望老闆能夠重視這些問題！

今日因為想補返生日飯，專登上youtube 搵d 靚d 好食d 既餐廳食晚飯。搵到依間見佢賣相好似唔錯，環境都有設計（日式風格），所以就好快用openrice 訂左枱。 本身入席時都無咩野，但唔好彩主要serve我地個短髮眼鏡女服務員態度同語氣都好奇怪，一黎唔講清楚menu 上d野點叫，下下要我地問先講，我心諗我地第一次黎，有野唔明問聲都好正常啫，但佢就會用個好似好溫柔，但句句都有骨既tone 應我地，問佢多一兩樣野又黑面又藐嘴，之後又扮返有禮貌咁講野，心諗佢係咪返工返到好大壓力，要攞d 客黎發洩。但都算啦，大家食個飯都係想開心，就唔理佢咁多，但係食野途中，我地傾緊計既時候，佢又會無啦啦插隻手黎收碟，或打斷我地傾計，好似好趕咁，成個傾計咁樣被中斷幾次，咩氣氛都無晒，後尾只係想快食完就埋單走，覺得好掃興，講真俾多少少出街食都係想開心，但食完既感覺係俾錢買難受，仲有少少後悔無當面出聲反映下，雖然d 蟹腳幾好食，但依個服務員令我地成餐飯好唔自在同舒服，好似無時無刻都企係隔離迫我地食快d咁，再加上出菜速度又一般，整體黎講，係唔會再去食，都打comment 係度俾其他想試既人睇睇先做個參考

四個女仔諗住開開心心地食個半放題晚餐成間嘢最可取，就*只有*地下打卡嘅位置（相片詳情請參閱大量好評嘅食評）一上到去餐廳：座位唔太寬闊舒適，覺得有少少窄同隔籬枱相隔可能只有一隻手掌位總之大家講嘢唔同枱都互相聽到完全冇私隱可言Girls talk不能 然後我哋個位真係好大風叫咗幾次職員幫手先校到個冷氣 吹到頭都痛我哋仲有個女仔吹到第二日病住咁去旅行！揀好咗個半放題餐之後（嘢飲/啤酒要再另外加錢之餘，仲要全枱一齊加或者唔加！）先至被告知林林總總嘅「叫嘢食規則&次序」：（1）第一張單：串燒同炸物‼️所有食物不能encore‼️但質素真係好一般，尤其係炸物連雞翼愛好者如我都覺得可以直接跳過（2）第二張單：手握壽司‼️一次過要叫20件 ‼️即係每人要叫五件，但係根本冇考慮食客係咪想叫咁多壽司感覺好似塞飽你食壽司飯，咁你就叫少啲其他比較高成本嘅食物好啦，咁叫夠20件，佢自己又出漏單架到追佢單嘅時候又話整緊 要追兩三次先出到壽司質素：好普通 魚生/甜蝦：新鮮程度一般（3）第三張單：鍋物嘅肉類/飯/烏‼️講到明會自動乘以你人頭數目嘅量咁出‼️但席間有朋友唔食牛/海鮮出多咗嘅食物，如果唔想做大嘥鬼就變相就要其他朋友幫

唔係第一次食IG介紹嘅嘢然後覺得中伏，但今次真係好明顯係水魚Feel所以忍唔住寫Review，香港IG foodie 可唔可以俾少少良心_(:з」∠)_居酒屋就係想飲酒盡興傾偈，半放題套餐係冇包飲品，焗你要加錢任飲。啤酒係幾快上，泡泡比例都不錯，其他梳打就真係放題質素。座位好迫，同隔籬枱勁近，從隔籬張枱嘅距離係一隻手掌（而家講返出嚟都有少少荒謬到覺得搞笑）。我係可以完完全全聽到隔離講緊咩，好似同台食飯咁。$388 套餐會跟一個刺身塔（拖羅蓉+切條的刺身，成個塔細過拳頭）& 五款自選食物。諗住唔可以重複order嘅食物應該好高質啦😂？結果佢係真心放題質素：公道啲講句，其他串燒類是不錯的，特別個牛係幾好食：但真係唔係「不可再Order」嘅質素，炸物真係可以pass，仲要得一件⋯⋯任食嚟講，豚肉湯底真係冇乜特別，牛同豬都薄到分唔到，理解唔到點解啲人講到好好食😅 另外任食壽司都不錯嘅，不過得11款（其中一樣係加州卷🙃）食到10件已經好叻仔，完全覺得佢係想質飽你⋯⋯但係重複講多次，壽司係好食的。埋單成千蚊，可以叫食嘅嘢極少！質素亦都唔值！Overall嘢食唔係難食 但成件事真係好呃錢呃感情Fee