和道屋

营业中

休息中

和道屋 (尖沙咀)尖沙咀加連威老道46-48號恆隆銀行大廈地舖及閣樓。千與千尋係我好鐘意睇嘅動畫，睇左4-5次都有🤭，入面無面男簡直係神來之筆 😯。和道屋門口就有大大隻無面男係度，係大大個打卡位 😍 上到去餐廳裝修同樣地非常日系，仲有榻榻米座位可以選擇（本人認為唔著鞋食飯係好舒服🤣）。講番食野先，今次生同熟野都有試下，和道屋魚生太卷（$98）有幾款魚生，大大舊卷物我食左兩舊已經飽飽地 。汁燒雞腿肉大蔥串（$32）、明太子雞翼（$48）、鰻魚玉子燒（$78）、鹽燒多春魚（$68）呢幾款都係居酒屋經典之作，特別欣賞鰻魚玉子燒，推介一試。魚湯稻庭烏冬（$68）有驚喜，魚湯湯味好濃，記得趁熱飲，想飽肚d可以試下呢款烏冬。@wado_izakaya 。#gpigtst

尖沙咀嘅「和道屋」日本居酒屋🏮以其令客人彷如置身日本嘅特色裝修同令人驚艷嘅打卡位，成為城中最具人氣嘅餐廳之一！一踏入大門，立即被帶入咗日本居酒屋嘅氛圍🏮，牆上展示著各式各樣嘅日本風情畫作、清酒介紹、和風紙燈籠同鳥居牆身。而最引人注目嘅無疑係宮崎駿動畫《千與千尋》中嘅無面男，一比一嘅size，絕對係一個打卡點📸當然，「和到屋」並不僅僅係一個打卡熱點，佢哋嘅食物CP值高又新鮮。大廚用心挑選一系列來自日本嘅進口食材，包括鹿兒島和牛、北海道新鮮活鰻同稀有嘅米豚等。除咗美食，「和道屋」嘅服務都令人印象深刻。座位寬闊，店員細心講解菜單，並時刻關注客人嘅需要。店員見我同朋友自拍，更主動話幫我哋影相添😊如果用OpenRice 訂位，仲可以享有88折優惠，大家唔好錯過呀！💖

你有幾鍾意食海膽及和牛呢？如果你好似我咁喜歡，咁就冇嚟錯地方，點呢個海膽x和牛二人前餐 $1288，肯定你會好滿足！睇吓有咩食：芒果蟹籽沙律芒果新鮮，蟹籽脆卜卜，很開胃的沙律。海膽甜蝦刺身杯非常震撼的場面，甜蝦多到呢！海膽都唔少，口口鮮味甘甜，海膽分開食或同吃都一樣咁美味！火炙和牛他他功神在洋蔥，只吃牛肉鬆軟甜甜地，加洋蔥一齊食，酸甜味豐富，既爽口又有層次。海膽拖羅千層塔每一層都是厚厚的！首先是三文魚子鋪在頂層的海膽上，中間是吞拿魚蓉，底層是醋米飯，巨型壽司！用小匙取適量放在紫菜上吃，自己製造不同的紫菜壽司卷，食得真開心！火炙和牛海膽卷這次是和牛刺身包着壽司飯，海膽及魚子醬鋪面，集鹹香、甘甜、豐腴、軟嫩於一身！海膽x黃金蟹膏烏冬烏冬顏色黃金亮麗，混合了蟹膏，質感黏稠甘香，再配合海膽，美味至極！芝麻、綠茶雪糕最後一杯冰涼雪糕，完美的結束。食材優質，再加上烹調技巧，冇得輸！位於一樓的和道樂，環境佈置充滿日本風，樓上樓下不乏打卡位。服務殷勤，吃得開心滿足！如果有興趣睇片，歡迎 click 以下：

這間餐廳除了食物是必影相打卡多，連餐廳環境都好多打卡位。一入地下門口的走廊已好有日本居酒屋的感覺，而且中間還有個無面男可以影相打卡。上到樓上餐廳一入門就見到個部扭蛋機，服務員即刻給一個幣我扭個蛋，她說每個蛋都有禮品的。我扭到的是送2串串燒。店家很有心思。食物方面也很質素，我叫一個小食燒雞皮，很香很酥脆。另外叫了個海膽生蠔刺身杯，那片海膽都不小，又鮮甜，生蠔的鮮味十足，側邊還有些酸酸的梅汁啫喱。再加一個石燒A4和牛3款。有3個不同的部位，吃下去的肉質都不同。最後加個太卷和鱔肉串燒。

位於尖沙咀，地點方便，更有榻榻米卡位可以坐，環境超有feel🥰lunch set性價比高，定食搭配豐富，推薦三文魚熔岩井同燒串燒！🔥🍚炙燒三文魚熔岩丼 $108三文魚燒過之後帶上余香，油脂甘香味更出。🐮安格斯肉眼壽喜燒定食 $188牛肉勁大片，而且好厚，配上蛋漿，半熟牛肉質感香滑可口。🍢白燒鰻魚串 $68燒鰻魚外層香脆，厚肉多汁。職員好nice，更會同食客傾計，非常有人情味。@和道屋 Wado Izakaya 📍尖沙咀

食完晚飯想食下串燒傾下計就黎左依間居酒屋和道屋d串燒燒得好惹味而且環境好有特色好啱飯後黎食下輕食飲下酒relax下☺️Food list🍽️鹽燒油甘魚鮫 $168魚皮香脆魚油味香濃蟹肉味噌甲羅燒 $98甲羅燒係我至愛！蟹肉蟹膏mix埋好正和道屋魚生太卷 $98魚生好新鮮海膽手卷 $98海膽大大份好滑又鮮味入口即溶咁白燒鰻魚串 $68爽口又美味既鰻魚好回味鹽燒大蝦 $58蝦肉好爽好彈牙啊豚腩片白虎蝦卷 $42依個好特別又好好味，豚肉包住爽口蝦肉兩種味道好夾明太子雞腿肉串 $38惹味雞肉上面舖上滿滿明太子好正䐁肉香蔥卷 $36

好耐冇出尖沙咀行街，行到差唔多食晏嘅時候，見到呢間新開日式餐廳，佢嘅套餐都幾抵食，而且環境設計好日式好啱打卡，所以就試吓佢嘅套餐款式好多，打卡仲可以有八八折，喺尖沙咀區嚟講都幾抵食安格斯牛肉壽喜燒定食，入邊有三大塊安格斯牛肉，肉質好滑，好重牛味，而且帶有少許嘅甜味湯底係日式，帶有少少甜味，配有好多蔬菜，而且仲有索曬湯汁嘅粉絲套餐仲有兩片三文魚刺身，佢嘅小食係辣味牛舌，辣辣地幾開胃，而且仲有沙律茶碗蒸，佢嘅茶碗蒸上面有蟹絲，相當有心思，仲有甜品厚切吉列芝士豬扒，非常厚而且大塊嘅吉列豬扒，剛剛炸起，唔會太油，外皮有薄薄一層嘅炸粉，豬扒唔會太乾，油脂感重，再配上芝士真係不得了

呢晚同男友拍拖，揀咗呢個set食☺️其實最初係因為畀無臉男呢個主題吸引咗入去，haha海膽 X 和牛二人前 $1288芒果蟹籽沙律 海膽甜蝦刺身杯火炙和牛他他海膽拖羅千層塔火炙和牛海膽卷海膽x黃金蟹膏烏冬芝麻、綠茶雪糕大部分食材例如蟹籽、甜蝦、和牛、拖羅等等，基本上都係嚟自日本。由於呢餐係海膽盛宴，所以海膽存在感好強，成餐飯不停食到大大片海膽，好邪惡呀。第一道菜係芒果蟹籽沙律，青瓜切成薄絲，仲有芒果同蟹柳，清爽到不得了。成個Set最鍾意係火炙和牛卷 ！！冇諗過個燒汁同醋飯咁夾，和牛燒過好好食，絕對係MVP。主食嘅蟹膏烏冬味道都幾濃郁，食返啲熱食即刻暖笠笠，值得一讚係佢係用好味嘅煙韌扁烏冬，加分。男朋友話多一碗都食得落～我自己覺得甜品嘅抹茶雪糕好香滑，估唔到雪糕咁出色，一啲都唔係行貨，好想食多球。🥰除咗地下嘅無臉男打卡位，行到入餐廳，座位設計都好有日本feel，好啱2-4個朋友聚一聚。座位隔離有一啲迷你無臉男公仔，好可愛呀，睇得出老闆真係好鍾意。🤣 餐廳服務好好，係會想再嚟嘅居酒屋。下次會想試吓佢嘅招牌自家厚切吉列千歲米豚，睇落好吸引。而家只要like / follow 餐廳嘅社交平台，就

今日去了尖沙咀新開不久的【和道屋】，由門口開始，到餐廳每一個角落，無處不是打卡位，入門口後，不要忘記第一時間和「無臉男」打個卡😁😁午市商務定食，價錢由八十幾至二百幾都有，豐儉由人，除主菜之外，仲有湯、沙律、迷你關東煮、茶碗蒸蛋和甜品，非常豐富😋😋銀鱈魚西京燒定食$188，非常有水準，皮有點焦脆，肉質超滑，完全沒有油膩感👍👍特雜錦壽司定食12件$138，飛機新鮮運到，所以每日都唔同，今日的壽司🍣款式有加州卷、吞拿魚小卷、腐皮壽司、螢光魷魚軍艦、燒吞拿魚腩、燒和牛、真鯛、三文魚、油甘魚、八爪魚，非常豐富，而且每款都很鮮甜，完全超出預期咁好食😋😋雞皮餃子$58，外皮酥脆，餡料爽滑多汁，好惹味。餐廳環境，食物質素和服務都很好，而且定價合理，會推薦給朋友💯

【油尖旺區】【和道屋】好耐冇做 1am紅館 系列嘅 post，最近多返演唱會，我都想寫吓尖東可以食完就去睇 show 嘅餐廳。不過由於我唔得閒，所以我同同事費特哥係喺中午嗰陣去試嘅。入去覺得裝修好靚，充滿日本風情，仲有唔同座位選擇喎。我哋一人叫咗一個「午市商務定食」，兩份餐都有「蘿蔔豚肉」、「三文魚刺身」配刺身豉油、「蕨餅」、「茶碗蒸」、「沙律」同「味噌湯」，好豐富，前菜、甜品都包括喺裡面，而且味道都相當唔錯，一啲都冇欺場嘅。我試嘅係 $138 嘅「特雜錦壽司定食12件」，有油甘魚、三文魚、深海池魚、甜蝦、八爪魚、腐皮、燒拖羅、黃金魷魚壽司，仲有呑拿魚腩小卷同加州卷，店員非常細心講解，而且啲壽司係用醋飯做嘅，相當具有江户風格，正。費特哥就試 $118 嘅「自家製厚切吉列千歲米豚稻庭烏冬定食」，我都偷咗舊嚟食，好好味，夠香脆！跟住試埋 $32 嘅「汁燒雞腿肉大蔥串」同 $58 嘅「雞皮餃子4隻」做小食，都相當具質素，加埋一 $381 落樓，性價比唔錯。。。（地址：尖沙咀加連威老道46-48號恆隆銀行大廈地舖及閣樓）@wado_izakaya#1amfoodie #foodie #that

❀ 和道屋 #尖沙咀 ❀❗有無面男迎接你嘅居酒屋 海膽杯好澎湃❗——————————————————超級特別超級靚嘅日本居酒屋🤩一入到門口會見到隻無面男坐喺長長嘅走廊中，四周放置咗櫻花，好似置身於宮崎駿嘅世界☺️行上樓就會到達餐廳嘅位置，既有吧枱位又有榻榻米位，充滿日式風情。售賣各式各樣嘅日本食品，包括壽喜燒、串燒、刺身、壽司等應有盡有😆.✷𝑀𝑒𝓃𝓊✷☞ 海膽生蠔杯 $88 (3.9/5)☞ 拖羅海膽刺身杯 $88 (4/5)非常澎湃嘅海膽刺身杯✨海膽夠晒新鮮甜味。兩款當中更推薦拖羅，份量較多，口感軟綿，同埋海膽一齊食夠晒鮮味😋生蠔杯就只有一粒大生蠔同埋柚子啫喱，感覺單調少少，不過味道同樣新鮮，仲有柚子嘅酸甜。.☞ 明太子玉子燒 $68 (4/5)幾鍾意呢款玉子燒嘅口感，唔會太嚡又唔會欠缺口感👌🏻裏面包住少少明太子醬，更能提升玉子燒嘅鹹香味。.☞ 日本A4和牛壽喜燒 $298 (3.8/5)仲可以$300內食到和牛壽喜燒😆有成四五塊大片和牛，近乎入口即溶，又唔會太肥膩，仲可以點蛋黃或者芝麻醬。仲有唔少粉絲、蔬菜、菇類等等。壽喜燒味道就正正常常，唔算好濃郁，唔會太甜，私心想再濃郁啲，可以令

朋友搞日本清酒局，話有間尖沙咀嘅新餐廳推薦，有人訂唔駛煩，即刻跟。$1288二人海膽x和牛餐，朋友話好好打卡好啱影相，兩樣咁貴嘅食材放埋一齊，價錢又唔係好離地。有強烈日本居酒屋風味，裝修得唔錯。每個食客會有一個coin ，可以即刻做一個扭蛋抽獎，抽到嘅獎都可以即晚用，例如當晚即刻有折，又或者有飲品食品送，都幾有心思。又係基本上刺身、壽司、天婦羅、串燒、煮物，乜都有，你想食乜都得，就算你唔食生冷嘢都可以嚟食嘅日本餐廳。先睇吓呢個餐有啲咩食:芒果蟹籽沙律海膽甜蝦刺身杯火灸和牛他他海膽拖羅千層塔火灸和牛海膽卷海膽黃金蟹膏烏冬芝麻綠茶雪糕前菜嘅芒果蟹籽沙律作熱身，呢個相對簡單，大份嘅程度令我諗起從前元朗嘅長長壽司店。先打卡嘅係海膽甜蝦刺身杯，甜蝦勁多隻，海膽有兩種，有魚子醬同紫蘇葉嘅點綴底下，整體嘅形象幾靚，不過食落由於質素好，雖然唔係超級夾，但係都睇得打得。火灸和牛他他雖然唔算靚，但係食落去個口味係幾好，個醬汁、洋蔥同埋和牛夾得幾好。海膽自己一個主打嘅海膽拖羅千層塔，加上紫菜可以自己做個卷物，好食好玩又係愛好打卡嘅好選擇。呢個係全晚最好味又打卡最佳嘅火灸和牛海膽卷，燒過嘅和牛再加北海道嘅海膽

最近尖沙咀新進駐了一間日式居酒屋WADO和道屋，除了門口有千與千尋無面男的一比一夠晒打卡able之外，餐廳擁有 25 年日餐經驗的大廚駐場，嚴選一系列日本進口食材製作，例如鹿兒島和牛、北海道新鮮活鰻、北海道稀有米豚等！提供多款地道居酒屋小食，包括刺身壽司、燒物、石燒料理、一品料理等，怎可以錯過！🍲A4和牛鍋 $368天氣稍涼，正適合來個しゃぶしゃぶ。這個鹿兒島A4和牛，淨係望個樣就知好好食🤤 油脂豐富雪花均勻，肉質幼嫩入口即溶，且味道香甜，令人回味！🍢串燒：串燒好食與否，除了食材選擇，最重要是串燒師傅的烹調技巧，而這家的串燒做得非常好，控制火喉恰當，外表香脆，內裡口感豐潤，絕對是必點之選。千歲米豚蘆筍卷 $36選用了北海道千歲米豚肉，肉質比普通豚肉甜美，包著鮮嫩的蘆筍，非常美味！白燒鰻魚串 $68一個非常出色的白燒鰻魚，選用產自鹿兒島或北海道的新鮮活鰻，厚肉而且肉質爽彈，味道鮮甜，外表做到焦脆而内裡鮮嫩多汁，是少數能夠做到這樣出色的鰻魚串，必點推介鹽燒雞翼 $38同樣做得出色的串燒，表面焦香而肉嫩，味道亦調教得剛好，還附上月見，沾上蛋汁更加味美餐廳門口還有得抽扭蛋，入座時會送上一個代幣

好钟意这间和道屋的装修，门口更是打卡点，充满日式居酒屋感觉，更有无脸男坐阵。餐厅提供多款地道居酒屋小食，有刺身寿司、烧物、石烧料理、一品料理等，午市时段，有多款套餐供应，有主食，前菜、沙律、面豉汤，茶碗蒸、甜品、刺身，十分丰富，都只是百多蚊，颇抵食。安格斯肉眼寿喜烧定食 $188蜡笔小新同款的寿喜烧一直都是我的最爱，真的是怎么吃都不腻，新鲜的牛肉再淋上秘制的酱汁，香浓四溢〜再蘸上搅拌好的无菌蛋口感顺滑细腻，配菜有魔芋丝、香菇、豆腐、菇菌⋯⋯吸收酱汁的精华，再来一碗乌冬面，环境也很干净，服务体验一流！有下次！ 一定！浦烧鳗鱼饭定食 $118一盒子的浦烧鳗鱼饭卖相吸引，大半条的鳗鱼，皮薄烟韧而香，鳗鱼已去骨，渗了酱汁的肉好鲜甜。香甜鳗鱼送饭十分满足。和道屋 (尖沙咀)尖沙咀加连威老道46-48号恒隆银行大厦地铺及阁楼

位於尖沙咀嘅《和道屋》，推門入內就係一條長走廊，一排日式紙燈籠作裝飾，無臉男迎接著你，走上閣樓就係用餐區，乾淨企理，除一般座位外，還有塌塌米座位，裝修格局都充滿日本風情🥢日本A4和牛壽喜燒 - 油脂分布均勻，肉質鮮嫩，蘸上日本生蛋汁更嫩滑，其他配料有豆腐、金菇、冬菇、娃娃菜和粉絲等，份量豐富！🥢厚切吉列芝士千歲米豚 - 用上北海道千歲產米豚，產量少而極珍貴，吉列炸漿香脆可口，肉質軟嫩，肥而不膩，豚肉入面有芝士，增添了味道！🥢雞皮餃子 - 以雞皮取代餃子皮，外皮金黃香脆，餡料飽滿多汁，小食之選！🥢燒飯團 - 外層燒得香脆，有點像飯焦，內層米飯軟糯香甜，外脆內軟，口感豐富！