和越式牛肉粉餐廳 (已結業)

自從試過呢間越式食肆同時亦發覺雜誌都有推介.就NO DOUBT約朋友再來試多次;今餐點左魚露雞飯,軟鷇蟹,招牌炒飯和豬頸肉炒芥蘭.飲品選了甜度調教得宜的椰汁紅豆冰和友人之凍咖啡講真唔HARD SELL但咖啡真係沖得好好..講番食品;魚露雞飯:.必食推介因為係油飯但唔係真係好油,係啱啱好..勁掂拍得住榮華豬油撈飯喎! FRANCHISE真係有品質保證噃!雞件一樣咁得--滑軟鷇蟹較為油膩但味道唔錯...招牌炒飯可以..入面GE紮肉今次唔算吸引噃..豬頸肉炒芥蘭質素好高,尤其豬頸肉一上枱就俾我掃清光..唔使點醬汁都咁好食,好難得!員工服務都可以..上菜都算快.晚餐可以慢慢嘆.....In a nutshell..越南菜來講,好得..同一條街看見唔少食肆且有數間越南菜館但講食品質素呢到可以話係NO.1噃;下氺試士拉醬粉皮..好似好吸引咁..

原本打算和友人食譚仔之後再SHOPPING,但呢排成日落雨,.攪到大家出到黎都無癮行街,於是過左去左對面可以坐得舒服D GE 和越式食飯,,點左生熟牛肉河粉:GOOD...連湯都飲晒咁滯蒸粉包: 真係幾清淡..都唔錯或者可以配食酸甜醬 家鄉魚露雞:雞勁滑..一定要試....本人和朋友均認為超值..2 個椰青今次無試咖啡.下次一定要再試...OVERALL,餐廳環境唔錯.但無TOILET要行過隔離商場先有..麻煩少少..但員工都快手兼Polite..而且價錢大眾化..抵食.

放工去文化中心前，我地黎食飯，趕得及六點前既下午茶時間。酸辣鳳爪 - 三小件，酸辣適中，鳳爪已去骨。迷你春卷 - 兩小條，香脆，唔會太油，算有肉汁。生牛肉粉 - 下午茶份量較少，生牛肉唔肥算滑，"和"既河粉似金邊粉，湯鹹左少少。鮮蔬烤肉撈檬 - 香茅烤肉少肥香口，撈檬加入魚露，酸甜開胃。跟餐仲有夠香椰子味既珍多冰和三色冰，抵。環球都有分店。

估唔到行到接近尖東都有間咁好GE野食..雖然麻煩少少要行樓梯..老人家去可能差少少.怛真係值得試喎...二人同行點左全雞餐咁滯-燒雞.雞肉檬粉,牛油雞翼和通菜飲品椰汁紅豆冰和凍咖啡先講飲品.甜度適中,難得真係唔會好似出面嗰D餐廳咁.沖到甜到漏咯....值得一讚..再講咖啡.嘩.無諗過會超高質素喎..第一次係呢D餐廳飲到好過翠華GE咖啡.咖啡味濃郁.如果返工係附近一定會買杯TAKE AWAY係公司精神下...價錢冇STARSBUCK咁貴但質素有保證....燒雞-上面個層燒汁好MATCH 隻滑雞....雞肉檬粉-估唔到有咁熱GE湯浸住,雞肉都可以咁滑..記住試...牛油雞翼油左少少..但用TISSUE印一印都可OK..通菜好嫩..今次食到好飽..仲有好多款想試...我見MENU上的蒸粉飽,,絲網春卷..仲有其他食家講緊GE牛肉...今晚都好多人.好彩好快有位...員工好快手兼有笑容...勁抵讚....下次再試...

禽日同愛人路經此店，愛人話好耐無食過越南野，於是上左去一試。筆者記得此店前身係酒吧，地下上一層，地方都算夠大。坐低叫左：$33 一碗生牛肉湯河$39 一碗生牛肉湯河+牛百葉$20一杯越南滴滴咖啡生牛肉湯河份量適中，湯底幾鮮味，但係牛肉份量偏少，形狀似碎牛多過似原片薄切牛肉，味道不算突出，但係合格。越南粉口感唔爽，食落有朕好似擺左好耐咁o既塵封味。配菜有金不換、銀芽同辣椒粒，份量好少，愛人話響美國食生牛肉湯河Ｄ配菜無咁少。銀芽開始有Ｄ發黃，證明唔算新鮮，入口都仲幾爽。牛百葉似乎用化學野醃得太勁，腍哂冇味。愛人飲越南咖啡，覺得咖啡粉份量太少，造成杯底煉奶的奶水味及甜味過重，似飲煉奶開水多過似飲咖啡。總括而言此店的湯粉水準僅僅合格，下次有機會試下其它菜式再同大家分享。

原本都唔知檬曉是甚麼來的，係有個朋友食過，話好好食，叫我來試。原來係一個有番茄加肉碎煮成的湯濛，入口酸酸甜甜的，肉碎有d咸香味，好開胃，很合夏天吃！另外，仲叫叫咗半隻魚露雞，侍應推介o既，估唔到好ok噃！味道有d似海南雞，無骨的，肉好滑，又有雞味，比好多附近的海南雞好吃！算是另一驚喜！

老公一直想試呢間d生牛肉河,咁就即管同佢試下啦.....有下午茶,老公叫左個生牛肉河($26),椰汁紅豆冰(+$6)俾我飲^.^我唔肚餓,下午茶無野啱食,就叫左個特價的沙爹串燒半打($34)要了雞.牛生牛肉河~老公話d湯同河都ok,但d牛唔得,好un椰汁紅豆冰~不好甜的我覺得太甜串燒~雞都算滑,牛就真是un,不過個沙爹汁就唔錯價錢就唔係貴,不過試過就算

噚晚與友人巧合地去到呢間餐廳食飯, 覺得水準唔錯, 值得推介.食左個招牌火車頭河粉, 材料有生熟牛肉,牛腩,牛筋,牛百葉. 個湯底, 牛味濃郁, 清甜又透出淡淡香草味, 並非一般坊間既味精湯.料方面就跟其他食店既都差不多. 但附上一碟芽菜同金不換, 呢度都可以加返分.另外叫左越式春卷. 呢度既春卷比其他既大條,餡料加入馬蹄令春卷變得爽脆, 外皮炸得香脆, 用生菜包住食, 一咬落去, 三個字, 脆-脆-脆.要了個蒸粉飽. 餡料跟春卷的差不多. 但勝在皮薄滑溜. 最後要了個魚露雞配雞油飯, 雞夠滑但魚露味唔濃, 雞油飯夠乾身,唔肥膩仲有淡淡香茅味, 如果同家陣勁hit 既泰式海南雞相比, 呢個比起"泰國人海南雞"仲好食.

雖然對面譚仔係我平時既飯堂,不過今晚同男朋友黎到呢頭,佢唔鍾意食米線,話想試下呢間.我地叫左海鮮波羅炒飯:飯炒得好香口,有d肉鬆,平時少食肉鬆既我都覺得唔錯,不過波羅就一d味都冇什菜煲:雖然d菜啖左d,不過有蝦乾,好野味半打沙嗲(豬/雞):雞比豬好食,豬肉有點un蒜蓉飽:比較乾身,蒜蓉味唔夠重另外兩杯飲品下次同同事可以黎試下,因為下午有set lunch,而且有coupon埋單$178

無意中睇到雜誌既介紹, 決定一試~生牛肉粉- 好味, 湯夠熱肉唔韌魚露雞飯- 雞無味只係d汁好味牛油雞翼- 差, 雞翼無味又無乜牛油味食到成口油飛天通菜- 即豆板醬炒通菜, 少少辣唔太咸, 幾好蒸粉包- 一般, 蒸完少少硬d皮厚左少少咸檸七

同同事食午飯, 諗住走上去試新野, 走到上去人頭湧湧, 找到位坐下後, 叫了一碗生牛肉檬粉, 這裡既食法係香葉同芽菜分開一碟上, 由客人自己加到檬粉上邊, 問題就在這裡, 碗檬粉上時d湯都唔夠熱, 放左d香葉同芽菜落去跟本就浸唔熟, 食起來D粉完全無香葉既味道, 芽菜重係生既, 生芽菜既味道完全破壞食物既味道, 廚房睇黎要留意這方面. ~ ~!

烤肉撈檬K沙嗲牛腩飯:不過不失絲網春卷:還可坐得舒服,服務OK,價錢算合理。

我都幾鍾意食越式牛肉粉,所以一到此店試試^^湯粉到了,個湯幾香,牛肉是生的,但一浸入個湯很快便熟了,證明個湯溫度幾夠!除左牛肉之外,仲有牛筋,味道很好,再加埋香葉同檸檬,味道再昇華到另一個層次,唔錯,唔錯!牛油雞弈尚算不俗,可能因為牛油落得多,所以有點漏,但其實個雞弈幾香口,幾好食!再加杯青檸梳打,這一餐確係幾好享受!

生熟牛肉不是分開上,只有疊有最面的兩片牛肉有生的感覺!個清底,好特別,顏色好似肉骨茶色,味道都相似.不過當然不是啦.牛肉都唔算少,有5-6片大大片的.粉絲亦不是街邊一般的,而是粗粗的,好有口感!

生牛肉粉既湯底幾好，濃得來恰到好處。另外叫左個炸春巻，加生菜包住就唔要咁「留」。