和藏 (已結業)

平時甚少黎葵涌工廠區今次千里迢迢黎到係為左呢個蠔門宴真係一試難忘估唔到工廈入面有呢類小型buffet店入到門口見有得order生蠔返去食店內座位都好多，燈光暗暗地幾浪漫啱哂情侶黎慶祝老闆好親民，會親力親為遞餸又鐘意講笑呢度有ABC 3個餐揀，3個餐都可以任食出面既buffet我地揀左B餐Buffet區都已經好多選擇再加埋餐入面既私房菜，真係越食越驚喜因為食極都食唔完，好滿足Buffet區有得任拎刺身同長腳蟹有專人即開新鮮生蠔有湯，熟食同甜品另外仲有個雪櫃放滿韓國飲料因為係小店，拎生蠔唔洗排長龍食得好舒適，直頭係高級享受先出去拎生蠔生蠔好大隻肥美，有海水味，好新鮮有提供醬汁比客人點個醬汁帶少少胡椒味既茄汁食落都好開胃，好清新講下個套餐有咩食意大利海鮮冰山有長腳蟹，三文魚，帶子，青口，蝦三文魚係腩位，油脂分佈平均件件厚切，好新鮮好好食長腳蟹好多肉，蟹肉同蝦都好鮮甜帶子同甜蝦都好新鮮黑松露醬伴磯燒鮑魚黑松露味香濃鮑魚切開少片爽口，好有咬口唔會好韌，好好味鐵板秘醬蝦碌用鐵板上熱辣辣隻蝦好大隻而且蝦肉彈牙蝦殼亦炒到好脆口甜甜酸酸既秘醬令人好開胃車打芝士培根脆件煙肉加芝士好香，再加蒜蓉味同牛油香個

一個唔起眼既工業大廈，更加估唔到係咁多野食既一餐。和藏位於工業大廈入面，開門入去之後已經感到佢係非一般咁簡單。呢度有set A,B,C，每個set都可以享用出面既自助區，入面既野係任食既。而我地兩個人叫左個B餐。自助區已經好多野食，有生蠔(呢個任食已經值回票價)，刺身，長腳蟹等等，仲有熟食，湯，甜品，雪糕等等數之不盡。野飲又係任你飲，仲要提供而家流行既韓式飲品，忌廉溝鮮奶同cider呢d指定野當然必有！套餐同樣係好多野食意大利海鮮冰山，好多海鮮，三文魚刺身，帶子，長腳蟹等等，淨係呢個已經夠多野食！三文魚都幾爽口又厚切，長腳蟹大大隻，其他刺身都幾好食。黑松露醬伴磯燒鮑魚，雖然燒過，但唔會"un"，好爽口，配上黑松露，十分好食，口感一流！鐵板祕醬蝦碌，甜帶少辣，但係呢個袐醬真係未試過，蝦係啖啖肉。鐵板蟹肉燴意粉，幾香同埋個汁幾好味。金華火腿上湯浸娃娃菜，絕對唔係得幾條娃娃菜，浸左上湯既菜軟淋淋，好好食。炭燒三文魚鮨，d魚肉好嫩滑，皮就燒得幾香。車打芝士培根脆件，蒜蓉包加上芝士同煙肉，最重要焗得夠脆，蒜蓉又夠，好味！安格斯牛肉Shabu Shabu，有一個粥底既火鍋加上牛肉，其他烏冬，菜同丸

這是一間於工廈6樓的西日式餐廳，是日跟隨覓食敢死隊同事來午飯，我們12:30便到了，於門外眼看餐廳又寬敞座位又多，一行6人不用等位便可馬上入座，果然吃飯是要這樣的啦。48元起的當自助式午餐包括了，沙律、炒小菜、湯、蘋果汁/橙汁/綠茶任飲任食，主菜一個，還有限量的前菜和甜品贈送。服務員也很殷勤的，落單後即送上每人一份的前菜香煎三文魚，三文魚是香辣調味，雖然味道不是很出眾，但誠意搭夠。沙律Bar的選擇也多，小妹最愛是薯仔沙津~~~炒小菜都是一些炒雜菜之類的，難得是餐廳會無限供應，而且是迅速的添上。Oh，一行6人都是日食怪，每人點了魚生飯呀、日式定食呀、日式炒烏冬之類的。小妹點的是什錦魚生飯，魚生大大件又新鮮，有三文魚、吞拿魚、帶子、螺肉，很足料啊 已經很飽了，還要送上自家製的芝麻雪糕，又香又多芝麻，不過這不是走滑的路線，反而有點雪葩似的感覺 題外話，服務員不是年輕的小伙子就是大媽，我相信請人的都應該是女人。然後看到了時至下午1點左右，已全店滿座了。稍稍看了看自助沙律、小菜bar，人龍絡繹不絕，小菜換完一盤又一盤，但每5分鐘便又要清盤，又換上又清盤，不斷重覆…心想聘請年輕的小伙子可能是策

和藏有三樣主打，一係生蠔，二係私房菜，三係海鮮自助餐咁既價錢就可以體驗有質素既三樣主打，真係好抵。首先上枱既係滿2人則送既海鮮拼盤，入面唔係樣樣都係刺身，有熟長腳蟹，蝦同青口。長腳蟹同蝦味道鮮甜，帶子略嫌太細。之後黎左黑松露醬配磯燒鮑魚，鮑魚切片再重鋪殼上，有好香黑松露同燒烤香氣，質感剛好，彈牙又有啲咬口YUMMY!鐵板秘醬蝦碌好惹味係蕃茄醬，lum殼lum到lum lum脷內裡大蝦都唔輸洩彈彈地有口感車打芝士培根脆件雖然我地人就得兩個講拆得我地一啲都唔差大大個包都比我地食哂落肚外脆內軟，配上芝士煙肉叫人收唔到口錦上添花既係雪糕pancake要向店員落order 過陣就會送過黎外層充滿蛋香微熱外層配上冰凍雪糕正呀!雪糕雖然只有糯米滋，但比維紀好食好多外皮煙UN,朱古力味更有朱古力醬心 主食同甜食都好令人滿足

最近朋友講開荃灣區有間半任食自助餐，等我心思思去book個位試下為左食可以去到幾盡? 就係越過山越過海都要食好野，工廠大廈唔算難搵，好在有google map入到去，staff會好細心同你講有咩食，野飲邊到攞等，個日我同朋友食有環球海鮮任食同私房料理，可以出面攞魚生同生蠔，亦都有熟食，熱湯等選擇首先係意大利海鮮冰山，有長蟹腳，帶子，三文魚，青口，等等，2個人一大個冰山真係好誇張之後仲有私房料理，食到成枱送黑松露醬燒鮑魚鐵板蝦碌燒羊架芝士釀法式面包最後甜品北海道3.6燉鮮奶落埋肚🐷正

講到食自助餐，大家可能會諗起去酒店食。但作為普通市民邊有錢成日去酒店，近年興起食樓上舖，今日就去咗一間係工廠大廈既。但一上到去，第一眼揾唔到間餐廳，原來佢個樣係似生蠔批發多啲。因為係半自助餐，自助食品選擇唔多，不過都夠食，因為食返跟餐食物已經足夠飽肚！同埋勝在有生蠔、長腳蟹、青口等任拎。海鮮拼盤賣相唔錯。雖然佢會送上拼盤，但芥末同鉸剪要自己出去拎，未夠方便，有待改善。三文魚食落無雪味，魚肉亦結實。食長腳蟹識食一定係原隻腳開。蟹肉鮮甜多汁，正！其他食物普通，惟帶子太細，而且望落暗淡無光，入口亦毫無鮮味，較失色。所謂生蠔批發供應商，我當然要試下佢啲生蠔。不過佢啲蠔未夠肥美，入口略帶腥味。京燒豬仔骨，燒得恰度好處，皮脆肉滑，多汁唔會dry。重頭戲安格斯牛火鍋。個鍋係粥底，啲粥煮得好綿，落牛肉前可以先食啲粥，唔只填肚，簡單享受黎。温罄提示，大家可以早啲叫上。啲安格斯牛肉好香，但需要打耐啲先熟。(可能因為係粥底)出面仲有打邊爐既配料任拎，不過我就已經食到飽一飽，所以無再加到。大家黎食自助餐都要盡力而為呀，唔好哂野。呢度仲有樣隱世美食，豆腐花。無錯，係西餐廳食中式甜品!佢滑不留口，而且充滿豆香。豆

今日行完山累都爆，為左讚美下自己努力，所以同朋友訂左葵興的和藏食放題，現在原來沒有A,B,C餐，一律都係$338/位有任食生蠔同長腳蟹。今日準時8:30到達，大約10分鐘左右入去，入面大約可以坐到60人左右，有3部電視機同一間半開放式的房。有2個放野食既長桌位，而我同朋友都坐一坐就去拿食物先！～出面冷盤，熱盤野食：有長腳蟹，螺，2款湯，打邊鍋菜同丸，熱食有3款（食完會再轉菜式），炸物….生蠔，長腳蟹，螺：生蠔新鮮有海水味同少少咸，味道不錯。但本人同朋友最鐘意食螺，鮮甜得黎又厚肉，當然吃了不少！～甜品，沙律，飲品位：有不同選擇，雪糕，豆腐花，jelly，班㦸，沙律，生果（菠蘿同西瓜），飲品以韓式飲品為主仲有啤酒，另外選擇有橙汁，蘋果汁，檸茶檸水，味道都吾錯吾加水！～火鍋：湯底清吾太有味精味，安格斯牛又薄同有牛味，必食！～仲要係可以再叫再叫添。熟食：炸蝦朋友最鐘意食，夠熱又夠脆口，豬扒夠味又吾咸，黑松露帶子味道夠有黑松露味同有口感！～刺身正常吾差，都新鮮，有6款選擇。西蘭花夠熱同新鮮仲有片鮑片添！～熟食2：燉蛋白好味吾甜有蛋白香，三文魚吾太油有少少豉油味不錯。法包又香又脆，有少少牛油同煙肉

在其他地方食自助餐食過好多次，但在工廈餐廳食放題真系第一次！之前朋友介紹呢間唔錯，所以確定黎挑戰！午餐都唔食就系為左夜晚呢餐可以大開殺戒！！！黎到餐廳估唔到同出面工廈既裝修完全唔同，餐廳環境好舒服。黎到餐廳梗系首先自己去攞野食喇！好多人已經排隊等緊切waitor切烤豬肉比我地終於排到我！呢個烤豬肉加埋醬汁，又幾特別喎！鍾意佢個豬肉好有水份，但系醬汁有少少甜，建議下次可以整得冇咁濃不過最冇令我失望既系呢個帶子！！！雖然唔知個醬汁系咩，但系夾埋帶子，個味道好甜。之後仲黎左個刺身！！！媽呀！好新鮮！！！不過如果刺身有多啲選擇就真系完美！系呢度食野唯一既煩惱就系唔知要留幾多quota for中式野同埋日式野，因為兩個都咁好食！下個月出左糧下次一定要再黎享受！！

早前在Facebook看到這餐廳在賣廣告，光是圖片足以吸引我心思思。心動不如行動，這個星期訂了位和家人吃頓豐富的晚餐。位置比較偏僻，藏於工廠大廈內，靠著GPS的帶領終於找到。準時8點半便被安排入座，內在面積雖然不大，但環境還是不錯。第一時間當然是繞場一周，看看有什麼好吃的。海鮮，熟食，飲品，甜品，一開始看到以為選擇不太多，原來驚喜還在後頭，差點忘記還有私房菜。四個人送的重量級刺身船，拍照Facebook打卡就一流。大大隻蟹，啖啖肉，味道鮮甜，不過拆蟹就需要些功夫。黑松露醬拌鮑魚極力推介這個一定要試試，切片的鮑魚軟身入味，加上黑松露的幽香，惹味。越式燒春雞看到這隻會飛的全隻燒雞，四個人都吃不完。外皮燒得香脆，很重的南乳味，內裡的雞肉都算滑，雞腿咬下去還有油滴出來，不錯，最重要是沒有雪味。炭燒三文魚鰭一個字滑，醬汁配上剛熟嫩滑的三文魚肉，正斗！忘記了什麼和牛，薄透如紙，牛味極濃，最特別的是鍋底，白粥？好像見不到有米，但又粥味，神奇。醬汁大蝦大大隻蝦，可惜味道太重了，不適合偏向清淡的我。火腿芝士蒜蓉包外面酥脆，咬下去是有聲音的，像剛烘好的多士。內裡的包心異常鬆軟，帶有少許蒜蓉味。蟹肉燴意粉意

同友人去左食呢間位於葵涌一座工業大廈入面嘅日式餐廳, 一上去望到個門面塊牌匾好靚。入面環境都幾靚, 幾有情調 呢間餐廳有三個set比大家揀, 之後出面再配有半自助餐比大家自由選擇。今次我去到叫左B餐, 菜式有黑松露醬伴磯燒鮑魚, 堂煎帶子伴黑魚籽, 鐵板秘醬蝦碌, 同埋鐵板海膽蟹肉意粉, 而且四位以上仲送北海道刺身船添!呢到嘅半自助餐有蟹腳, 青口, 螺等等, 海水味幾濃而且都好新鮮!! 仲有刺身任食添! 呢個北海道刺身船都整得幾有心思, 不得不提呢隻毛蟹, 雖然唔是太大隻亦唔算太多膏, 不過咬落去啖啖肉, 而且蟹味都幾重, 正! 堂煎帶子伴黑魚籽是將粒帶子放在一塊餅乾上面再用黑魚籽做點綴, 帶子煎得甘香, 味道唔錯。不過記得要襯熱食, 如果唔是啲汁令到塊餅乾淋左就好難頂...至於呢個鐵板秘醬蝦碌就有些少重口味, 生洋蔥在鐵板上唔能夠整到太熟, 有啲辣口, 同埋個醬有啲濃。不過抵讚嘅是蝦碌夠彈牙, 仲好大隻, 一啖食唔晒!

食左好耐啦，但真心想推介，所以點都記住，得閒就返嚟打返文，推介下！今次我去嘅係和藏，果然冇介紹錯，都幾ok！係美華工業大廈六樓，係樓下，可以話係完全冇廣告海報或者招牌介紹有呢間西餐廳！不過好野食往往係冇點賣廣告都大把人爭住食，已經差吾多full house晒，厲害！係嚟，不過都有上碟嘅，先有鐵板秘醬蝦碌，個醬要一讚，酸中帶甜又好香茄味，鐵板上令一上碟好香好惹味！鐵板蟹肉意粉，意粉較乾身，喜歡乾身意粉嘅朋友應該幾喜歡，雖然乾身，但每條意粉都有醬汁沾上，但略厭蟹肉少左d，但味道一流！仲有黑松露醬伴磯燒鮑魚，切成一舊舊，煮得好林身，又入味，都食到黑松露味道，幾好食。最後要讚堂煎帶子伴黑子籽，外貌美觀吸引，帶子好大粒，煮得岩岩好，中間一切，仲係好軟身，下面有塊餅，塊餅好好食，因為吸左帶子汁嘅味道，好味道！好講返個自助餐，都好多野食，長腳蟹，青口，大螺，海蝦等等，仲有刺身有三文魚，大蝦帆立貝等，同各款熟食，轉過幾次，有炒鳥冬炒飯，黑椒腸仔，雞翼等，都好吸引，最後甜品都好多野食，要讚下pancake，因為係即嗌即整，熱辣辣，甜度適中，諗返都好令人回味！絕對係朋友眾會一好地方，食物又好食環境又好，服

隱身於工商大廈的私房菜, 有別於一般位於街道或商場的食店,你不會因為逛街時經過而光顧的, 大多是靠著口碑傳開來,我便是有朋友在附近上班, 看到易拉架覺得吸引便組團來試試囉~和藏雖然在工廈內, 但裝修格局一點也不差, 很舒適整潔,很幸運地我們還可以坐到小房內, 自成一格, 還有電視觀看呢,是半自助晚餐, 而 4 位以上更送北海道刺身船,所以一定要預先訂位呀~北海道刺身船我是很怕等待食物上桌的人, 這個刺身船我們剛坐下便送上了,超讚的說, 意想不到的是竟然有蟹耶, 光看已非常興奮了,刺身全部也色澤油潤而且新鮮嘛~黑松露醬伴磯燒鮑魚切成片狀的鮑魚煙韌有咬口, 每片鮑魚就連配菜露筍也充滿黑松露,嗅覺味覺同時得到滿足丫~鐵板秘醬蝦碌濃濃的秘醬顏色鮮艷, 蝦身大隻, 肉質鮮嫩呀~芝士焗波士頓龍蝦龍蝦肉輕易便能取出, 啖啖肉又爽口啊~堂煎帶子伴黑魚籽很法式的感覺, 上面是黑魚籽, 下面是餅乾的配搭, 煎過的帶子,香口又鮮甜嘛~清酒煮南非六頭鮑魚看到它簡直雙眼發光, 不算細而且厚身的六頭鮑魚, 透著淡淡清酒味道,肉質不會過韌, 看似簡單但已經很美味了~蟹肉意粉彈牙意粉上面帶點蟹肉, 而蕃茄酸味可刺激一

今日去左一間工廈餐廳，一上樓，就見到好靚嘅吊燈，有店員招待我地入去，入到去，環境都幾舒服華麗，平日嘅夜上都好多人，好熱鬧咁。我地嗌左兩份C餐，而自助餐就任何食嘅，係食物未到時我地食左冷盤，有沙律bar同海鮮區，刺身有帶子三文魚鮑片等，校長腳蟹好味道，好鮮甜，響螺都好大隻，青口出奇地好味，好軟身食到咁上下，店員先嚟送上芝士焗波士頓龍蝦，好大隻，開邊焗完有碎碎上面，好香好惹味，肉質乾淨好新鮮！好好食！另外上清酒煮南非六頭鮑魚，好大隻，鮑魚好林身，彈牙，個汁都好好味，吾會太咸，少少酒味，吾錯。鹽燒三文魚旗一入口即溶，因為都好滑同都有d魚油，外皮又燒得好脆，脆卜卜，入面就好嫩滑，好食！堂煎帶子伴黑魚籽，帶子煎得好靚，金黃色，配上特別醬汁同黑魚籽，口感特別，整體感覺很好，令人回味！仲有燕窩燉蛋白，好味，蛋白吾老仲好滑身，加左少少甜，岩岩好，食落感覺好舒服。食完甜品區都有蕉糖燉蛋同啫喱杯等等，仲有雪糕同雪米滋，食飽飽大滿足！！下次encore

早前經常看到有報章雜誌介紹工廈美食，得知離家不遠的工業區也有開設了一間以半自助半私房菜形式的餐廳，就襯著放假時帶家人試試不竟是開設在工業大廈內,地方難免有點難找及殘舊,幸好門前的招牌及大吊燈注目非常，門前還擺放了不少坐椅給客人等候收費大致分為3種，$198、$286及$378，3款也有提供牛肉shabu shabu及環球海鮮自助餐，分別在於所提供的私房菜有所不同，B餐及C餐也有龍蝦、鮑魚、大蝦及帶子等，C餐的甜品還有鮮奶蛋白燉燕窩場內環境不算太大，沒想過雖然位於工廈內，但晚市時段竟全場爆滿，而燈光方面就相對暗淡，營造浪漫氣氛先看看「環球海鮮自助餐」有什麼提供，有海鮮(長腳蟹,翡翠螺,青口及凍蝦)、湯品、煮青口、炒菜、生果、班戟、果汁等由於餐廳有提供牛肉shabu shabu,所以同時亦設有少量火鍋配料給客人打邊爐,不過主要以蔬菜類為主飲品方面,款式也特別,以韓國汽水為主,有忌廉撈鮮奶,檸七,檸茶及啤酒意大利海鮮冰山2-3人惠顧B,C餐特別加送意大利海鮮冰山,冰山內有長腳蟹、榮螺、貝柱、青口、凍蝦、三文魚及蝦刺身等,不過海鮮不算巨型,加上大部份海鮮在自助吧內也有供應,所以驚喜不大翡翠螺若

早一排係網上見到呢間舖頭嘅宣傳，於是今日就膽粗粗同個朋友諗住去試下。一去到就見到有塊板係度宣傳有咩食法。我地幾個人跟住就係度諗左陣食咩好，之後我地簡左B餐，因為除左有特色野食外，仲有野飲任飲外，仲會有一個自助Bar提供生果，同埋熱嘅野食，所以絕對會食得飽我地。之後我地一坐低無幾耐，餐廳就送左一盤海鮮冰山,認真識做 長腳蟹食落口都幾新鮮，但味道淡左啲,點小小鼓油食，味道好似更好了，其他海鮮都唔錯，夠鮮甜，同埋夠晒凍，係炎熱嘅天氣食番啲咁凍嘅冷盤，認真唔錯。食左凍盤之後，大家聚舊傾左無幾耐，好多野食就出現喇，首先就係呢個煎帶子伴黑魚籽,帶子就真係食得唔小,但就真係第一次夾埋一塊餅乾咁食,原來口感都幾特別，我都幾中意呢個配搭,至於帶子唔會過熟，識食嘅人一定唔會食全熟帶子喇，因為咁樣先食得出帶子果種口感同鮮味。黑松露醬伴磯燒鮑魚, 餐廳將鮑魚切細黎整，所以更加入味，入口啖啖爽口嘅飽魚之外，真係令人食到停唔到口，而且我個人好鐘意黑松露醬，因此絕對要為呢個野食加分鐵板蝦, 呢碟野未上枱已經聞到陣香味，令人流曬口。跟住啲蝦肉大大隻仲要爽口彈牙，真係令人好滿足車打芝士培根焗包，雖然個包睇落好似同普通包