影片
更多
2015-09-16
1615 浏览
早一排係網上見到呢間舖頭嘅宣傳，於是今日就膽粗粗同個朋友諗住去試下。一去到就見到有塊板係度宣傳有咩食法。我地幾個人跟住就係度諗左陣食咩好，之後我地簡左B餐，因為除左有特色野食外，仲有野飲任飲外，仲會有一個自助Bar提供生果，同埋熱嘅野食，所以絕對會食得飽我地。之後我地一坐低無幾耐，餐廳就送左一盤海鮮冰山,認真識做 長腳蟹食落口都幾新鮮，但味道淡左啲,點小小鼓油食，味道好似更好了，其他海鮮都唔錯，夠鮮甜，同埋夠晒凍，係炎熱嘅天氣食番啲咁凍嘅冷盤，認真唔錯。食左凍盤之後，大家聚舊傾左無幾耐，好多野食就出現喇，首先就係呢個煎帶子伴黑魚籽,帶子就真係食得唔小,但就真係第一次夾埋一塊餅乾咁食,原來口感都幾特別，我都幾中意呢個配搭,至於帶子唔會過熟，識食嘅人一定唔會食全熟帶子喇，因為咁樣先食得出帶子果種口感同鮮味。黑松露醬伴磯燒鮑魚, 餐廳將鮑魚切細黎整，所以更加入味，入口啖啖爽口嘅飽魚之外，真係令人食到停唔到口，而且我個人好鐘意黑松露醬，因此絕對要為呢個野食加分鐵板蝦, 呢碟野未上枱已經聞到陣香味，令人流曬口。跟住啲蝦肉大大隻仲要爽口彈牙，真係令人好滿足車打芝士培根焗包，雖然個包睇落好似同普通包
一去到就見到有塊板係度宣傳有咩食法。我地幾個人跟住就係度諗左陣食咩好，之後我地簡左B餐，因為除左有特色野食外，仲有野飲任飲外，仲會有一個自助Bar提供生果，同埋熱嘅野食，所以絕對會食得飽我地。
之後我地一坐低無幾耐，餐廳就送左一盤海鮮冰山,認真識做 長腳蟹食落口都幾新鮮，但味道淡左啲,點小小鼓油食，味道好似更好了，其他海鮮都唔錯，夠鮮甜，同埋夠晒凍，係炎熱嘅天氣食番啲咁凍嘅冷盤，認真唔錯。食左凍盤之後，大家聚舊傾左無幾耐，好多野食就出現喇，
首先就係呢個煎帶子伴黑魚籽,帶子就真係食得唔小,但就真係第一次夾埋一塊餅乾咁食,原來口感都幾特別，我都幾中意呢個配搭,至於帶子唔會過熟，識食嘅人一定唔會食全熟帶子喇，因為咁樣先食得出帶子果種口感同鮮味。
黑松露醬伴磯燒鮑魚, 餐廳將鮑魚切細黎整，所以更加入味，入口啖啖爽口嘅飽魚之外，真係令人食到停唔到口，而且我個人好鐘意黑松露醬，因此絕對要為呢個野食加分
鐵板蝦, 呢碟野未上枱已經聞到陣香味，令人流曬口。跟住啲蝦肉大大隻仲要爽口彈牙，真係令人好滿足
車打芝士培根焗包，雖然個包睇落好似同普通包無咩分別，點知食落口，個包真係好鬆化，有好濃嘅牛油同芝士味，完全係我地呢啲芝士迷嘅至愛。
食完呢幾樣主食已經覺得好正，跟住我地就開始食餐廳提供嘅自助bar喇，有肉，有生果，有各式甜品咁。大家黎到呢度食野，包你食飽晒先走，大家都不妨黎試下喇。。。
张贴
