和牛燒肉一郎 (百誠大廈)

营业中

休息中

今日同朋友黎試左呢間日式燒肉，真係好高質❤️❤️環境乾淨闊落，最特別就係佢地個自動送餐系統❤️我玩左好耐😀😀佢地主打鹿兒島小田A4和牛，雖然冇得續盤，但一個小木桶都有成八片，2個人食都好夠。我嘅心水係和牛牛肋肉，入口即溶伴隨少少肉汁，好好食🥲成個course仲有好多野食可以任食，五花腩片燒到焦香就最正❤️日本嘅生牛肉同我食開嘅韓式生牛肉好唔同，味道較甜，隻生蛋靚，成碟生牛好滑好好味😋海鮮有超大隻扇貝，好鮮甜，仲有大大隻虎蝦，連蠔都係任食咖❤️另外仲有雪糕、甜品、海鮮、澳洲+美國牛、養生/特色飲品⋯⋯食到勁飽🥰如果你想搵一間高質日式燒肉放題，呢間絕對唔會令你失望❤️

book了20:00，20:20才安排坐位，之後20:30分才有QR code落order , 21:30分已說last order 22:00交台，最差20:30落order 21:00才出第一碟食物，全程食得勁趕，22:00話交台，投訴，話120分鐘以訂台時間20:00計，所以22:00交台，正式order到都20:30都費時嘈没下次，4人埋單2700元，不值甘既價，$700食得甘趕，實得90分鐘，出食物超慢，第一碟要等30分鐘，之後要不停吹都唔出，投訴所謂經理態度超西

久不久就有一鋪燒肉癮，聽朋友講話呢間幾高質，今晚就嚟試一試😆我哋兩個人五點幾就黎到，佢係五點半開始既，咁我哋等一等就有得入座，入面環境好闊落，同埋有好多卡位，坐得好舒服，我哋兩個人都安排到坐四人枱，正☺️一坐底，我哋揀左Set C，佢就先上一碟有肉，有海鮮同蔬菜既拼盤以下呢兩款肉係超好食，肉質夠腍，有肉味，肉汁豐富，真係超正呀😋😋😋🥰呢個刺身有驚喜，因為牛肉刺身喺放題有得食都比較罕有，而且睇得出個牛肉都係靚牛肉☺️👍🏻👍🏻加埋個蛋黃一齊食好滑另外，牛舌同牛里脊肉都好食👍🏻👍🏻牛舌好爽口前菜都唔錯，特別係個波菜同酸蘿蔔紫菜溫泉蛋飯，係珍珠米黎👍🏻佢出面仲有好多飲品，沙律🥗同甜品係自助形式既👍🏻果汁都勁多款，橙汁蘋果汁芒果汁菠蘿汁西柚汁等等任君選擇佢個玫瑰花茶超香，飲咗兩杯😂😂同埋可以幫手解下膩P.S.佢個廁所又係超闊落，真係遠離左香港寸金尺土既侷促😂今晚兩個人食左$986

依間佐敦新開的燒肉放題店 佔地7,000呎 環境空間好大好舒服☺️用QRcode點餐 肉會由輸送帶送到你面前 好新奇有趣 我地第一次去食 嗌咗個中價位既set B食 諗住好食下次就食個貴d既Set D😛 Set B包左66款野食任點 選擇好多 而且可以出去自助區拎沙律同野飲同甜品一開始會包咗一隻大船 叫做舟.盛合 入面有齊又唔同種類既肉 仲有海鮮同蔬菜 份量好足😋可以食完哂大船既肉再睇下鐘意食邊幾款然後再叫 做法都幾貼心而且擺盤幾靚 一開始仲會有乾冰係後面做效果 打卡必備牛肉整體都唔錯 幾有肉味 雞肉 豚肉都唔失色 基本上都要encore!!野菜拼盤有露荀 南瓜 茄子 粟米 🌽 燒下野菜會無膩海鮮有大蝦 墨魚仔 都係幾新鮮 質素都唔錯😍自助區比起一般放題吸引好多 有沙律區 飲品區 甜品同雪條區 沙律區係一兜兜新鮮沙律菜🥗 仲搭配唔同醬汁 飲品區都好有驚喜 除左罐裝汽水 仲有一樽樽新鮮果汁比你揀 有蘋果汁 橙汁 蘋果蘆薈 菠蘿汁 士多啤梨汁 西柚汁 熱情果汁 好多選擇🥰雪條係明治雪條 款式都唔少 全部獨立包裝 夠哂衛生同乾淨 絕對要留肚食回本啊😚

疫情緩和好多了，準備出去勁食一餐，搵到一間和牛燒肉一郎，位置在佐敦站附近交通十分方便，踏入門口前已經感覺好像身在日本，即時點燃日本燒肉熱潮。我哋叫咗set C， 包括一客小田和牛拼盤，款式較其他套餐更加多，多達七十八款(kinds)的小食丶主食丶炸物等等都可以任叫。一坐底已經有店員過嚟打招呼，做好基本greeting and meeting，服務貼心佢跟住拎咗一盤盛盒，然後我哋就準備出去攞前菜，醬料，同埋飲品。柚子明太子凱撒沙律，明太子顆粒細小，口感綿滑，新鮮健康。沙律都有好幾款，醬汁可自選。有得任斟任飲，清清地飲番杯梳打水(Soda Water)，零糖分，零脂肪。或者可以係果汁區攞一杯果汁，自製一杯鮮果梳打，DIY自己鍾意嘅口味，更可以幫助一下消化。出面都有得攞三款醬汁，分別係檸檬汁，柚子醋，日本醬油。小田牛，有牛肋肉丶里脊肉，都是牛隻較佳的位置。和牛的一大賣點是油花滲滿每一部分，油香肉香並重。顏色為中粉紅色，紋理似大理石，油花佈滿周圍而且廣泛。大判壽喜燒牛里脊肉，由自動輸送帶直送到客人面前，按下不鏽鋼鈕門，已經確切的感受到日本餐廳那份細心感覺。里脊肉刀工薄切，不足半厘米，口感似打邊

如果到這裏吃的話，建議先吃點東西打底。原因係來了第一，二碟的食物後，每款食物的等候時間約15至20分鐘不等。 食物質素方面，由第三碟牛肉開始一半是肥肉(指的是肉的75%是肥膏)，一半的是還沒解凍的肉。如果不解凍燒的話就會變肉乾! 另外，或許昨天是星期一的關係吧！ 熟食有一半是售罄(我們是下午6點半入座…)。飲品及雪糕種類也較少。 總括而言，失望! 昨晚埋單要一千多! 坦白說 這樣的食物質素,種類...五百也不值。

想食呢間燒肉好耐餐廳模式都係係玩高速線餐廳地方好大裝修簡潔明亮飲品、沙律、雪條都係自助任飲飲食飲品除有呢啲detox water 仲有樽裝果汁飲品都係自家製既夠哂健康同解膩呢沙律仲有幾款整齊乾淨咁放係雪櫃仲有哂蓋同盒裝好，感覺好衛生而且一盒份量都幾多我地叫既燒肉海鮮船有牛里脊肉、牛肋肉、牛肋條肉、雞肉、蝦、扇貝等等都係兩人份量前菜有泡菜不過唔知點解個網好易黑燒到啲食物都黑黑地🤔唔通係我地既問題？和牛😍油花好靚，入口即溶和牛壽司🍣高質既和牛係可以生食嫁燒和牛壽司店員用火槍燒一燒個啲油脂逼哂出黎味道好香呢我哋仲叫咗和牛丼飯一於填包個肚相比之下都係燒肉比較出色啲不過呢個丼飯份量好足夠

這並不是試食我地三個人食咗$2468*****聽到和牛放題已經失控冇諗過真係咁高質放題有好多種套餐D或以上可選日本🇯🇵牛我地今次揀咗E因為可以揀埋壽喜燒壽司同牛舌條自問牛舌控既我點可以放過由於E餐$7XX一個人所以員工都好貼心問我地使唔使skip左個豬雞野菜船可以留多啲位食牛我地梗係skip啦一嚟先嚟個寶箱嚟既時候乾冰既煙不停帽出絕對係打卡位由於嚟得太快 影唔切之後樣樣點左啲 都唔知叫左乜但和牛油花分佈均勻全部都好好食😋值得highlight既係壽喜燒壽司工作人員現場燒 之後再點蛋汁好好好好味😋牛舌控就對牛舌條失望好un 咬都咬唔開其他既牛一概好正不過好快就飽牛肉刺身都好正 全部材料都好新鮮呢個牛舌片反而好好味絕對好過萬眾期待嘅牛舌條和牛壽司入口即溶仲有好多好多掛住食冇影🤣

放題分Course A-F，今次我地食咗中間價位嘅Course C～揀完餐首先會送上桶•盛合牛肋肉帶光澤，鮮嫩油脂平均，牛里脊肉富有肉味，從質素同賣相方面嚟講都唔錯😋舟•盛合⛵️依款同上面嘅桶盛合都係只可以order一次，海鮮、牛肉、雞肉、豬肉、蔬菜樣樣都有，好啱打卡，最貼心係牛肉都會有張卡紙寫明部位，唔需要估估下 👍大判壽喜燒牛里脊肉🥚牛里脊肉嘅油脂雖然唔多，但係連埋溫泉蛋、醬油一齊食，口感同味道非常豐富，好rich！特選拌生牛肉🥢蛋汁包裹住生牛肉，口感滑溜，由Course C開始就有得食牛肉刺身，不過款式得3款，如果想食埋生牛肉壽司就要揀course D 沙律、飲品、甜品都係自助式，款式同數量都頗多！當中嘅沙律幾有誠意，有煙三文魚、明太子等不同口味，而且一盒盒裝好夠衞生👍

呢間燒肉店有別於一般燒肉店佔地超大 裝修簡潔 仲好先進用新幹線送餐 絕對係全新體驗除咗單點亦有多款唔同價錢既放題套餐一坐低侍應就送上打卡一流嘅 舟 盛合隻船有齊唔同種類嘅肉類 仲有海鮮同蔬菜試完一round之後就再encore鍾意嘅款式 我地鍾意牛肋肉 油脂分怖比較平均所以就叫咗牛肋肉角同薄灸牛肋肉肉質好嫩 而且油脂夠香 食得非常滿足我特別欣賞佢地嘅沙律 飲品 同甜品bar唔單止款式多 又擺得靚 仲要質素幾高飲品有多款果汁同健康果荼 平衡返肉嘅油膩甜品係一大亮點 除咗有多款日本雪條之外仲有自家製焦糖布丁 芝士慕絲 朱古力慕絲 全部都小巧精緻 岩哂心多多樣樣都想試嘅我

一知道佐敦新開咗呢間和牛燒肉專門店 即刻約埋朋友嚟試下🐂店入面好寬敞 裝修比較簡約時尚 座位主要都係大卡位 所以坐得好舒服呢度係放題形式 有A-F六個選項 我哋就揀咗set B 已經有澳洲和牛同海鮮可以任食🤤除此之外九州料理/壽司同韓式前菜而我最滿意嘅有😌👇🏻◽薄炙牛肋肉◾薄炙牛里脊肉（最好食）◽兩色蔥花牛舌◾豚里脊肉◽日本產雞腿肉◾香蔥海苔溫泉蛋拌飯佢哋嘅和牛固然係出色 而我最鐘意係薄燒系列 幾款都充滿油脂香 入囗好juicy😍豚里脊肉脂肪分佈平均 肉質幼嫩🐷而日本產雞腿肉 識食一定連皮燒嚟食 皮燒到脆脆地 而雞肉就好嫩滑 口感不得了🐔而海苔飯向來都係我至愛 呢度仲有隻温泉蛋撈埋一齊食💯唔好唔記得食到飽飽之後 都要喺自助吧揀埋甜品同雪糕雪條(meji嚟架❤️) 仲有飲品同沙律tim

最近佐敦嘅「和牛燒肉一郎」好hit啊，因為嗰到獨家引入咗鹿兒島嘅小田和牛🤤 餐廳係放題形式，有A-F餐，今次我就食咗中價位嘅C餐，有76個items可點，星期一至四每位$448。放題仲會跟果汁、沙律、甜品、雪條任食😌舟 · 盛合 每個餐都會上一次呢個盛合，上面有齊美國、澳洲牛、豚、雞、海鮮、蔬菜，牛係比較基礎質素，一路食住一路落單就啱啱好。桶 · 盛合 又係只上一次，上面係嚟自日本嘅牛肋肉、牛里脊肉，由C餐起先有，油脂比舟 · 盛合嘅牛豐富同分明，入口有化開嘅感覺，可惜只可食一次🥲大判壽喜燒牛里脊肉 一客有2大薄片輕輕燒完再沾上蛋液，甜蛋香同肉香超正🥰 encore咗好幾次 (其中頭幾次未適應到運輸上菜帶嘅速度，送車尾咗幾次😅)炙燒牛外橫隔膜、特選拌生牛肉 兩款肉刺し都好出色，炙燒牛外橫隔膜點上山葵，更帶出肉味。拌生牛肉香口滑溜，品嘗到肉嘅鮮味😋薄切上等牛舌芯、2色蔥花牛舌 燒肉必食牛舌😌 前者口感超爽口，簡單黑椒調味已好正。後者香口之選🤤 鹽味牛舌，加上蔥花中和咗油膩感。2小時任食，加上好多唔同種類嘅items，食到超飽🤰🏻如果你鍾意睇我嘅食評，不妨關注我，支持吓我，謝謝你☺️💕

呢間野一開嗰時已經想食！但難𝚋𝚘𝚘𝚔位一直擱置咗，心血來潮諗起諗住碰碰運氣，咦又𝚋𝚘𝚘𝚔到喎！⁡❀⁡門口隻牛牛好𝚀🤣朋友話佢睇落好似好乖𝚇𝙳，入去之後發現間隔都幾闊，有啲似一排排和室仔咁。⁡𓃽•••••••••••••••☽⁡難得一場黎到當然要試出名嘅日本小田和牛啦！！所以我地揀咗個中價位𝚂𝚎𝚝 𝙲，都有𝟽𝟼種燒肉+名物可任食。($𝟺𝟺𝟾)⁡🥘𝟏 𝐭𝐢𝐦𝐞 𝐨𝐧𝐥𝐲🥘⁡▪舟盛リ▪嗌𝚂𝚎𝚝就有得送啦💓😍載滿美國澳洲和牛、豬雞同海鮮嘅豪華木船！一上枱個個都𝚜𝚎𝚝定𝚌𝚊𝚖𝚎𝚛𝚊 𝚑𝚊𝚑𝚊，當中肉同海鮮都係可以再另外點。⁡特別對帶子印象好深刻🥰燒熟咬落好香，帶子汁鮮味十足，裙邊同肉質都完全不鞋，直頭冇纖維絲。⁡▪桶盛リ▪含牛肋肉同牛里脊兩種和牛，必須說，我地個𝚜𝚎𝚝係有限呢兩個部位，變相要慳住食🤣，俾貴多少少就可以無限。⁡食咗呢個先發現牛肋肉真係好味到無法用言語形容😭，脂肪平均而入口呈半溶狀態，牛味係口慢慢散開！𝚙𝚎𝚛𝚏𝚎𝚌𝚝！⁡而牛里脊相對會味比較重奶油同牛脂香🥰燒完牛肋燒牛里脊就剛好了。⁡❀⁡之後到任叫菜單上嗌嘅肉同熟食: ⁡🥩𝐚𝐥𝐥 𝐲𝐨𝐮 𝐜𝐚𝐧 𝐞𝐚𝐭🥩⁡▪大判壽喜燒牛里脊▪呢個都大

上次食完燒牛， 心郁郁又想再試， 今次就去左位於佐敦道的和牛燒肉一郎。 餐廳提供好多款唔同價錢的放題套餐。 今日我地就食C餐: 小田牛-桶-盛合， 放題就叫左多款牛肉，生蠔， 海老， 牛舌芯等等， 總之就係牛魔王勁食比賽咁。呢款盛合成隻船上， 吸睛指數爆燈， 船上有4款牛肉， 包括: 牛里脊肉， 牛肋肉， 牛肋條肉，牛外橫隔膜。牛里脊肉， 肉味香濃， 肉汁香甜，油花滿口， 精彩。牛肋肉， 牛肋條肉，厚切薄切分別，2款不同口感， 肉質有咬口。 牛外橫隔膜，呢款我覺得最好味，燒完有種QQ 彈牙感覺，又爽爽咁， 好似牛腎feel。其他放題主食生蠔大大隻， 夠肥美， 好似食緊日本海的生蠔。今餐牛宴大滿足， 可以再來一轉。

好耐無食燒和牛喇🥺🥺🥺揀咗course D好啦，又係嗌到自己都唔記得有咩部位基本上啲和牛都係入口即溶🤤不過食得多真係會滯，食唔到太多 (或者係我老喇...)最尾我又嗌咗個熱辣辣嘅辛辣拉麵嚟食，消滯嘛 (好似係)牛肉刺身好好食明太子沙律 (薯仔料)都意料之外嘅好味P.S. 因為坐位問題，我哋去拎嘢飲要兜好遠🤷🏻‍♂️佢有海量咁多種飲品揀，另外仲有唔同味嘅雪條所以都值得再嚟~