和牛燒肉一郎 (百誠大廈)

营业中

休息中

今晚朋友生日約埋去食和牛燒肉放題，weekday由＄298 - $888，4個Grading，我哋選擇$448（120分鐘）有102款食物之外+舟•盛盒+桶•盛盒。食材好新鮮，和牛可以選擇嘅部位都好多，海鮮質素高，特別係蝦燒網可以經常換，而且以智能化送餐模式，上菜速度快，服務亦好好！個人心水食品～炙燒拌生牛肉 不是間間放題有得食，經炙燒令牛肉油花更加香同生蛋拌一拌之後更香滑；～薄炙蔥花牛舌（鹽味）燒到少少香脆，入口軟滑，油脂感十足而且牛味香濃；～極上厚切牛舌網燒後，依然非常腍滑，一啖咬落去好滿足。

第一次嚟呢度食嘢，原來四人同行，如果有一個人當月生日，咁嗰個人就會免費，所以生日月好扺食。今日我哋點咗份C放題套餐，佢哋上嘅第一份係皇牌，係個寶盒攞出嚟嘅A 4雪花和牛，好正！入口即溶！第二份出場就係一份和牛燒肉嘅拼盤。我們有七款唔同嘅牛肉，話時話我都唔係好記得自己全部食咗啲乜嘢😂😂，我知有sirloin，有ribeye。另外佢哋有個order 係用shabu shabu肉做燒肉，嗰食法係配埋一個生蛋嘅醬燒汁，勁。同場你仲可以點生蠔同魷魚，我都建議你食燒魷魚，燒出嚟好正！仲有雪條任食。

之前食過佐敦覺得好唔錯今次再encore今次食c set ,佢包左嘅嘢都幾多-舟盛合(牛＆豚＆雞＆海鮮＆野菜)- 桶盛 (牛肋肉&牛里脊肉&豚肉&雞)- 極上花盛合(和牛牛肋肉&和牛里脊肉&里脊肉&牛外橫隔膜&豚肋肉&牛舌&蔬菜)- 是日寶箱(當日新鮮即切)最吸引嘅依然係是日寶箱，因為佢係保證當天即日新鮮切，睇落去肉質都比較靚，油花均勻，而食落去都係味道最好味😋除咗去附送嘅肉類之外，仲可以用QR code點其他嘢食同自助區。自助區有沙律，飲品，甜品。見佢qr code有期間限定當然要叫DIY章魚燒(放題選項)開頭好疑惑點樣DIY，係咪自己整？原來佢係整好咗嘅章魚燒，然後有幾款醬汁比你自己添加，而我最鍾意嘅一定係明太子沙律醬估佢唔到佢嘅章魚燒幾好食，啱啱去完日本返嚟嘅朋友表示，仲好食過日本🤣🤣和牛他他手卷(放題選項)超級大件，細食人士唔建議自己食一件特上牛舌棒到時我本身鍾意食啲有厚度，所以比起薄切我更加愛生牛肉刺身記得之前食過幾唔錯所以叫，因為香港冇咩生牛肉可以食特選拌生牛肉捧生牛肉比起刺身更加出色，可能因為撈左蛋嘅關係香蔥生牛腹肉碎壽司(2件)& 生牛肉壽司(2件)賣相好靚，又係生牛肉

不錯不錯，空間好大，係一開始比左指定食物我地，太飽，開始食唔落佢本身既野，下次可能都係叫番佢正價既餐會好啲，700$頭個set 已經足夠！good good good good

呢排都食左幾餐燒牛，而"和牛燒一郎"可算是燒肉放題其中一間抵吃又高質的燒肉店, 所以間唔中都會幫襯吓。餐廳以木為主調，座位寬敞舒適，令人感覺舒服。120分鐘 精選牛肉放題$448~包特選牛肉25款， 另有牛舌， 牛肉刺身，日本豚肉，豚肉，雞肉， 海鮮和野菜等102款燒物，飲品和甜品也是任飲任食。客人自助區排列得井井有條，整齊乾淨，分為Salad bar, 自家製水果茶,各式罐裝汽水,甜品和多款日本雪糕和雪條。店員首先會送上一隻舟 。盛合和桶。盛合，其他食物均由客人自己以手機落單。舟。盛合~有牛里脊肉，牛肋肉，牛肋條 ，蝦，扇貝，日本豚肉，冬菇和翠肉瓜。桶。盛合~有牛肋肉，牛里脊肉，雞肉，日本豚肉，南瓜和冬菇。牛里脊肉和牛肋肉口感軟腍，牛味香濃，肉汁豐富。扇貝和蝦肉質爽彈，鮮甜美味。南瓜，翠肉瓜，茄子和冬茹鮮甜美味。牛舌其實都有5款選擇，我揀了厚切牛舌，兩色葱花牛舌和薄切上等牛舌芯。厚切牛舌~口感爽脆，十分juicy, 好正！兩色葱花牛舌~配上洋葱和葱絲十分惹味。薄切上等牛舌芯~牛舌芯肉質嫩滑，不宜燒得過熟。大判壽喜燒牛里脊肉~薄薄的一大片，以壽喜燒汁蘸過，每邊輕炙數秒即可，有咬口和嚼勁

以前去得yakiniku多，「集高科技於一身」嘅yakiniku你又有無試過呢？呢間和牛燒肉一郎座落於佐敦區嘅鬧市中，距離地鐵站路程只有1分鐘，係十分方便嘅！講到呢間餐廳嘅優點，就係餐廳設計不但乾淨企理、環境舒服，當時我同友人兩個一齊被安排坐大卡位，由店員安排我哋入座。而餐廳破格地採用充滿未來感嘅裝潢，用QR code落單後，旁邊有高速列車送餐🚝，送餐列車講嗰幾句日文令我覺得好似彷彿置身喺日本入面。🔸「B餐」-102款舟 •盛合＋桶 •盛合🔸(星期一至四每位$448 星期五至日及公眾假期每位$498)當時我哋就叫左個Course B，包括左102款任點任食，再額外送上 「舟• 盛合 」及 「桶 • 盛合 」。食物嘅選擇十分豐富，包括特選牛脊肉、牛裏脊肉、牛肋條、扇貝、蝦、五花腩、雞肉、特選牛肋肉等等，另外都有d海鮮、野菜。我個人比較鐘意額外再叫嘅食牛肉眼同牛西冷, 肉同脂肪比例都好好, 充滿油脂香, 肉質軟腍。另外，餐廳亦都有唔同「自助餐櫃」任食任拿。例如餐廳入面一整個凍櫃放滿曬唔同口味嘅雪糕同埋自家製甜品。前者以日本雪條為主🍧，部份口味幾特別，仲有唧唧軟雪糕，加啲爆谷仲邪惡。後者方面

呢一間「和牛燒肉一郎」，主打高質日式燒肉放題，係我口袋內的和牛放題店, 今晚終於同朋友黎食飯慶祝. 見到餐廳有供各和牛識別番號，質素一定有保證, 我地點左呢個D餐: 120分鐘任食日本產黑毛和牛放題+ 海鮮9種類 + 極上花盛合約8百幾蚊，已包括9款高質黑毛和牛，25款精選牛肉，豬肉, 仲有任點一些肉類, 海鮮類, 湯品, 一品料理, 飲品及甜品等等，簡直係包羅萬有, 減肥…留返聽日先算…極上夏多布里昂夏多布里昂原來係拿破崙的外交大臣, 佢最愛的「沙朗」Sirlon 下方的一塊更軟嫩的肉,即腰內肉, 由於珍貴, 整頭牛也不過只有五、六磅, 果然係極品, 呢款係個人最喜愛, 牛肉香濃, 燒至熟度高都依然保持嫩滑, 入口即溶, 印象難忘啊. 是日寶箱係黑毛和牛西冷，只睇肉脂均稱的比例, 靚得出色. 由於呢款靚牛要控制好肉的熟度, 以最好的口感呈於食客, 職員會幫手燒給我們, 燒的技巧非常純熟, 我地見到都流哂口水. 見到兩邊表面開始轉色即可食用。每啖都擁有濃郁的牛肉香氣，肉質嫩而多汁，無得輸!!四種類和牛階段盛包括和牛西冷、和牛肉眼、和牛里脊肉同和牛牛肋條，呢幾款可以根據自己喜好再en

燒肉有咩好選擇？我一定會揀呢間和牛燒肉一郎呢間店舖體驗感極強迴轉帶逐碟上 用QR code點餐大概等5分鍾就會為你送上呢個餐中上價錢 有多款矜貴牛肉同海鮮用個首飾箱入住牛肉更顯珍貴薄炙蔥花牛舌係我鍾意食嘅 我食完又叫食完又叫🤣🤣 每款牛都可以用極上來形容 呢個盛盒擺放得好靚 牛肉豬肉都捲成玫瑰花 非常高貴 上面仲有金箔添 加埋冬菇同埋粟米條 成件事比較balance擺盤精美 猶如喺草原上放牧牛肋肉雪花均勻 加埋燒汁更吸引食完牛有啲悶仲可以透過QR code點熱食有昆布湯同埋烏冬 食完個人暖笠笠 另外再有自助沙律吧 可以任食沙律 🥗加埋柚子酸汁 更加有和風口味我連續食咗幾兜 感覺營養更加均衡最後泡多個熱茶茶包 揀咗玄米茶清除口腔油膩感覺 甜品方面應有盡有有我鍾意食嘅雪糕雪條 多達數十款 花多眼亂

最印象深刻係餐廳環境好闊落，張枱夠大😂好怕啲燒肉餐廳好逼🫠明明要放好多肉都冇位～不過食物質素我覺得還好影相好靚、但味道普通～不過佢真係有超多選擇帶子同蝦都唔錯！睇相真係好吸引😂😂😂😂😂但味道正常吧唔係話好好食～ 少少失望佢個牛油🧈金菇係冇牛油燒到勁乾問佢有冇油提供都係話冇🫠🫠🫠🫠其實佢仲有啲貴啲既肉可以揀～可能質素會更好🤔有機會可以再去試既今次就覺得普普通通🤔🤔🤔🤔

好掛住日本嘅和牛😍決定今日同朋友放肆一晚，去食燒肉放題！呢間餐廳係香港都開左好一段時間，位置好闊落，而點餐後亦都係由輸送帶送黎😆好有gimmick今日嗌左C餐日本產黑毛和牛一黎就送產一個寶盒，係和牛肉眼😍雪花紋一睇就知好正，仲要一啲都唔薄切！另外仲會送上其他和牛同埋海鮮，可以先食一輪再慢慢落單😋和牛肉眼真係無得輸！入口即溶，油脂味好重好好食其他任食嘅和牛雖然油脂感無咁重，但肉味更濃郁，都一樣好食而且唔會咁快覺得膩海鮮最impressive係魷魚😌成隻上😆厚肉，燒完都唔會好乾扇貝都好好食，有鮮味，推介和牛壽喜燒薄里脊肉呢款配埋知壽喜燒蛋汁真係無得彈🤤薄切嘅肉輕輕燒一分鐘就食得壽喜燒汁嘅甜、燒肉嘅香，加埋蛋汁嘅濃郁真係好好食牛舌都有好多款，厚切牛舌最有口感特上牛舌棒都唔錯但我反而最中意係蔥嘅薄切牛舌😝牛舌包住滿滿嘅蔥😍燒完好juicy👍🏻蔥味好濃牛舌都好爽口其他熟食飲品沙律甜品係出面拎飲品選擇正常，但甜品就好多款揀除左自家製甜品，仲有成個雪櫃嘅日本雪條雪糕👍🏻最抵食都係每個月最後一個星期日黎食！$498蚊一位可以食到6款和牛😋😋

朋友搵我食飯話想食燒肉，正當我搵緊邊間好食嘅時候，就見到依間好吸睛嘅日式燒肉店和牛燒肉一郎。佢哋主打日本黑毛和牛，店舖門口陳列晒佢哋嘅進口證書，食物質素就有保證啦。我就揀咗Course C 日本產黑毛和牛放題及極上花盛盒$598 120分鐘。食之前可以去出邊自助區拎咗嘢飲先，自助區有多款沙律、果茶、雪糕、雪條可以選擇，種類都幾多。首先店員會送上一次性嘅食物：是日寶箱、舟盛合、極上花盛合、桶盛合。令我最印象深刻嘅一定係是日寶箱，抱住探險嘅精神我打開咗是日寶箱，乾冰整成嘅煙霧由寶箱裏面滲出，真係好有神秘感。裏面放咗一大片嘅大理石油花和牛，微微炙燒一下就可以食，油花真係非常吸引，入口即溶。另一個打卡位就係舟盛合，用咗木船造型去盛載和牛、雞肉、豚肉、海鮮、蔬菜。大大隻嘅帆立貝我都忍唔住即刻要燒一燒。食完一次性嘅，就可以scan QR code任食多款肉類、海鮮、壽司都有。最後一定要食埋雪糕雪條，多款日本牌子嘅雪條其他地方都好少見，點食都回到本。和牛燒肉一郎 (百誠大廈) (佐敦)佐敦佐敦道31-37號百誠大廈3樓

試過荃灣新開嘅 #和牛燒肉一郎，一直念念不忘！想食日式燒肉放題時腦中總係諗起餐廳嘅自助式送餐同滿桌和牛！今次同朋友嚟到藏身於佐敦近廟街的另一分店，本來以為地點可能較鮮為人知。怎料來到餐廳門前，幾近滿座！建議想play safe 的朋友最好先訂座。作為全港全港首間以「燒肉新幹線」為主題嘅AI智能化 #燒肉放題店當然非浪得虛名。除了上菜速度快外，亦十分方便。其他飲品、甜品及配菜等就全自助，整個體驗都相當唔錯！餐廳嘅放題menu有5 個Level，小資之選有Lv B有晒25款精選牛肉刺身，連牛「舟·盛合」同「桶·盛合」，其實經已足夠你捧腹而歸！還有餐牌上牛、豬、雞肉同海鮮肉類等其他選擇，十分抵deal！

🌟餐廳：和牛燒肉一郎📍地址：佐敦佐敦道31-37號百誠大廈3樓💰價位：～$200 - $400⏰營業時間：星期一至日 12:00 - 16:00 / 17:30 - 23:30📱電話：27368218 / 66136688天氣凍凍地，除咗打邊爐之外，最岩就係食日式燒肉～今日收工就約埋朋友仔去佐敦呢一間「和牛燒肉一郎」，主打高質日式燒肉放題，餐廳提供既和牛更有和牛識別番號，質素一定有保證，就等我地即刻試吓先～呢度提供嘅放題套餐除咗有和牛及肉類任點任食之外，仲有自助區，有大量飲品及甜品供應~除此之外，仲有各款海鮮、湯品、前菜、小食、一品料理等等，性價比極高～———————————————————🔹特選牛及嚴選牛-呢度嘅牛肉種類選擇非常之多，我介紹幾個必食嘅牛肉先～*極上厚切牛舌-呢款極上厚切牛舌呈長條形，入口爽彈有口感～*大判壽喜燒牛里脊肉-牛里脊肉牛肉味最為濃郁，薄切入口口感夠鬆軟，好正～*特選牛肋肉-我就最鍾意特選牛肋肉，脂肪分布平均，食落又有咬口，必試～*薄灸蔥花牛舌-鍾意食蔥嘅朋友仔一定要叫，薄薄嘅牛舌上層鋪滿蔥花及特調醬汁，燒兩燒就食得，味道濃郁～*牛外橫膈膜-肉質最鬆軟，啖啖肉

位於佐敦嘅百誠大廈，今晚約左閨密去食呢間和牛燒肉一郎，由於太耐冇食燒肉，決定豪番次，食套餐C! 首先一坐低，店員就會遞上是日寶箱、極上花盛盒、海鮮船！是日寶箱今日嘅寶箱係好大塊嘅和牛肉眼，上面嘅雪花油脂分布好平均，肉眼有返咁上下厚度，燒到五成熟入口即溶，超好食！極上花盛盒店員將日本黑毛和牛捲成花型，一朵花有成4塊和牛，和牛燒得好香口，油脂同肉嘅比例岩岩好，再用生菜包黎食一d都唔覺得油膩！海鮮船有成大隻魷魚桶，自製燒烤魷魚都係第一次，店員好貼心提供埋剪刀，一邊燒一邊剪比大家share食！另外好值得一讚嘅係個帶子，隔住貝殼燒，再加少少燒肉醬，好鮮甜又有口感，別有一番風味！和牛薄灸壽喜燒里肌肉呢個壽喜燒嘅和牛切到薄薄的一片，基本上輕輕燒一燒就已經食得，值得一讚嘅係佢提供埋日本溫泉蛋，配上壽喜燒汁，好正！令人食完一塊接一塊！薄灸蔥花牛舌（鹽味）牛舌切到超級薄，燒一宵就食得，配上鹽味同埋蔥花，越燒越香，簡直一絕！厚切牛舌同薄切牛舌唔一樣，厚切牛舌要食個口感，燒到外面脆卜卜，咬落去好juicy又爽口！而家和牛燒肉一郎每個月嘅最後一個星期日都係肉之日! $498/位 可以享用6款和牛同超過70款美食

今晚去的餐廳位於佐敦，交通十分方便。餐廳以白色和木色為主調，用食物輸送帶運送食物，快捷又方便。拼盤拼盤除了有不同款式的牛肉，例如牛肋肉和牛里脊肉，可以享受不同口感的牛肉。亦有海鮮，包括帶子和大蝦🍤，爽口彈牙。另外亦有菇菌和瓜類，可以中和一下。牛肉作為牛肉專門店，當然有許多不同的牛肉選擇。所以又試了其他部位和選擇不同厚度的牛肉，特選牛里脊肉油脂分布平均，肉味香；牛肋肉角就厚切，肉質軟嫩，牛味香。自助選擇有不同的自助選擇，例如各款清新開胃的沙律、不同的罐裝飲品和自家制飲品、多款冰涼的日本雪條等。